Hun pe rawh

¢ Lalthlamuana Ralte

Putar pakhat hi rilru hahna leh lungkham neia buai reng mai a nin avangin mi dang tlawh pawh phak loh ramhnuai pil rilah a cheng a. Ni khat chu tlangval pakhat, lehkhathiam leh vengva tak mai hian thil engemaw zawh tumin chu putar chu a va tlawh a. Mahse, a bul a va thlen chuan zawhna zawh lam pang ngaihtuah ta reng reng lo chuan tlangval chu a titi ta char char a, ama chanchin ringawt mai chu a sawi a, a thil tih tawh zawng zawngte chu a hrilh ta mawlh mawlh mai a.

Chutia a tawng bawrh bawrh lai chuan ngawi rengin putar chuan an bula no ruakah chuan tui a thli lut mial mial a. No chhunga a khah tep tawh pawh chuan a thlit belh zel a, a khat a, a liam ta zawih zawih mai a. Tlangval chuan makti zetin putar hnenah chuan, "Engati nge a? Tui i tihbuak zawng zawng hi i chan vek dawn asin" a ti a.

Putar chuan , "Hei hi nangmah ang chiah a nih hi...ka fapa, nangma tan chauh ni lo thil dang tan i hun pe ve la. I hun zawng zawng i inpe a, mihring nun hrim hrim pawh hi i hun pe la, mi dang hmangaih turin i hun insiam la, Pathian tan i hun pe phal bawk ang che.." a ti ta a.

Related Posts :