Nu Leh Pate, Fate Tana Sex Video Laka Fimkhurna Tur

¢ adviser@misual.com
Tunlaiin Information technology-ah kan sâng ta em em mai a. A tlangpuiin mi tinin computer (PC etc.) neih kan intihhmuh a, tangkai taka hmang lem lote pawhin Games khelh nan leh naupang lengchhuak venna chhuanlamin kan nei ta sup sup mai. Internet pawh kan hmelhriat chho tanin tlawm zawk leh man man zawkin kan hmang tan thei ta a. Porn sites leh website tha lo te a hluarin awlsam takin, leh tum loh deuh pawha luh mai theihin a awm ta hel hûl mai le. Hengah hian mi tin, a bik takin nu leh pa te kan fate tan kan fimkhur a pawimawh ta hle a ni.


A bikin naupang kum tlinglo te’n hetiang lam thlalak (still image) leh movie ang chi an en nasat hian an rilru-ah rah tha lo a tuh nasa thei hle tih chu kan hriat vek kha. Chuvangin an en theih loh tawp tura kan venpui leh kan fimkhur hi nu leh pa te, rual û zawkte mawhphurhna a ni. Kan computer te kan check fo tur a ni. Dawr thenkhat atang phei chuan thlalak (still image) tha lo pui pui i harddisk-ah khan an rawn thun tel sak fo a nia. Heng hi hrilh ngai lovin an hai chhuak zung zung thiam a ni. Computer i lei sak hnu khan enpui fo rawh, duhtawk mai suh. Kan thil hmuh leh kan hriatte hian SUAL lamah min hruai avangin hmuh tam lohtir hi thil sâwt tak a ni tih kan hriat a tha.

Naupang tê tê mah nise engkim an hre vek tih hriat tur a ni a. Heng video te hi nu leh pa ten an duh lo a ni tih hriain an thukru thiamin puitling nazawng hian an hmuh chhuah sak mai mai thei lova. A awm ang tih ngaihna pawh an rinhlelh loh turin an dah thukru thin tih hriat tur a ni. Hetiang video ang chi i computer-a awm i zawn chhuah duh chuan a hnuaia mite hi i ti mai dawn nia, hun pawh i sên ve deuh a ngâi ngei ang. Chung chu i hmuchhuak a nih chuan i DELETE zawh fel hnuah Recycle Bin hi i EMPTY hmaih miah tur a ni lo bawk, emaw SHIFT Key hmet chunga delete mai a tha bawk.

A hmasa berah chuan Programe pakhat lâr tak, folder lock, folder hide, folder access etc. an thun (installed) anih chuan hetiang lam video hi an dah tih a rinhlelhawm phawt mai. Chutiang an thun nge thun lo tih i hriat duh chuan Start >> Programs hnuaia program in-thun te en kim thlip thlap la, paih vek ang che (Control panel >> Add & Remove atangin). Mahse hemi paih nan hian password an hmang ngêi thin a, a thuntu hnen atangin zawt mai la.

A bul berah chuan tunlai video lâr ho hi eng file nge (eng extension/format) an hman lâr tih hriat a tul phawt mai. A hnuaia mite hi video file lar zual, heng laiah pawha kan hmuh tam ber te an ni. An extension hian an format/ video nihna a tilang.

Extension Video nihna/format
*.dat video compact disc (VCD) files
*.mpg mpeg/mpg files
*.mpeg mpeg/mpg files
*.avi Audio Video Interleave File
*.vob DVD Video Object File
*.mp4 MPEG-4 Video File
*.3gp 3GPP Multimedia File
*.flv Flash Video File
*.swf Flash Movie
*.wmv windows media video
*.mkv Matroska Video File
*.mov Apple QuickTime Movie
*.3g2 3GPP2 Multimedia File
*.qt quick time file
*.rm real media file
(1-na atanga 10-na thleng hi a lâr zual hle…. a bikin Mizoramah)

A hmasa pali te hi Windows Media Player 9 in a en theih a, *.vob file erawh Windows Media Player 11 (WMP 11) a ngai a. Mahse VLC Player emaw K.Lite Media Player Classic emaw, WMP 11 a awm chuan heng file zawng zawng hi a en theih (support) vek a ni.

Column hmasaa mi 1-na example atan: Avseq01.dat

An extension anga i computer chu i search chhuah vek a ngai dawn a, a file awm ang ang chu a rawn lang (list) tuar mai dawn a ni. Hun sên ve deuh a ngai ang kan tih kha.

A: Kan zawng tan tawh ang, zawn hma-ina hmasa berah hidden files/folder kan show hmasa vek ang.

1. Open My computer

2. Click Tools

3. Click Folder options (dialog box a rawn inhawng ang)

4. View tab-ah kal la, a hnuai lamah khan (show hidden files and folders) a inthlang
em tih finfiah la, select rawh le.

5. APPLY, OK, OK.

(A lem atang hian en la, hidden files i show theih lohva, a ngaia a lêt leh zel anih chuan i computer-ah virus a awm a ni mai thei tih hriat bawk tur)

B: video file hrang hrang kan zawng ang:

1. Search Program-ah kan lut ang, Start >> Search >> For Files and Folder, (emaw Shortcut Key: Windows Key leh F hmehin a luh mai theih bawk)

2. A lem ami ang khuan vei lam hnuai deuhva All files and folders ah click rawh

3. Chuan Box hmasa berah hei hi dah rawh: (*.dat) emaw (*.mpg) - bracket tel lovin, chutiang zelin, file extension pakhat i zawn chhuah hnuah a dang zawn chhuah leh vek a ngai dawn a nih chu. Kan tarlan zawng zawng te, zawng chhuak vek ang che.)

4. ENTER hmet rawh

Chuan a file zawn chhuah chu double click mai tur, a zawn chhuah file te chu video/movie an ni em tih finfiahin i duh loh chu paih (DELETE with pressing SHIFT Key) mai ang che. A awmna ‘In Folder’ column hi ngun takin en la, hetiang sex video te hi ‘C: drive’ chhungah ni lo an dah tlangpui ang. A rih zawng (len zawng – size column) atang pawhin video files chu i hre mai thei ang, a KB a tam tlangpui thin. Mahse tunlaiin *.3gp / *.mp4 / *.swf file te hi an te tham a, en chhuah vek (play chhin vek) a tha ber mai. Chuan sex video ho chu paih la, video tha (zai etc.) chu paih a ngai kher lo ang.

Sawi tawh ang khan file type chi khat i zawn zawhah a dang hi B: atang ang khian i lêt ang a, extension dang khi i zawng leh mai dawn nia. Tin, thiam loh i neih chuan computer hmelhriat deuh ten awlsam takin an pui thei bawk ang che, râwn hreh suh.

Hetiang hian thla tin emaw i computer check thei la, nasa takin i venghim thei ang. Sex Video lâr kan thutak khûkpui viau pawh hi a reh duakin ka ring. Engnge in ngaihdan ve le?

Hriattur: * hi heta tan hian asterisk a ni lova, ‘wildcards’ an ti thin. A thawh/tum ber awmzia chu *.mpg i tih chuan eng mpeg/mpg video pawh, i computer chhunga awm zawng zawng a rawn tarlan sak dawn che tihna a ni e. A bikin *.dat file hi system file dang nen a extension an hmanpawlh avangin Video ni lêm lo a zawng hmu teuh mai thei a, buai lem lo la, sawi tawh angin a size atang leh a awmna (In folder column) atangin Video a nih leh nih loh chu a hriat theih mai, a KB a lian zel ang a, Drive C: ah a awm lo tlângpui ang a, file name (file hming) pawh mumal lo tak tak te a ni fo ang. File dang i zawn chhuahah erawh chuan buaina a awm êm lovang chu maw.

Related Posts :