A debut album a tihchhuah hnuah, zai tura sawmtu a ngah vanglai takin Lunglei nula zaithiam Lalropuii Pachuau chu a dam tha thei meuh lo.
Programme tam takah zai tur a sawmnaah duh angin a kal chhuak thei lo chu hrehawm a tih thu Zozam Weekly a hrilh.
RP-i hian tunhnai lawk khan album thar '2009' tih chu a tichhuak a, an hralh tha viau a ni awm e. Album a tihchhuah hnuah RP-i chuan phone call pawh a dawng tam ve thei ang reng hle tih a sawi.
Amah rawn be thintute zingah mipa nge tam hmeichhia zawhna chu RP-i chuan "mipa an tam fe zawk" tiin a chhang.
"An fel ve hlawm lutuk, a then chuan zai zel turin min rawn fuih a, 'i zai thiam kan ti lutuk' ti tein min hrilh a, heng hi ka tan chuan hlu khawp mai," RP-i chuan a ti.
Lunglei nula zaithiam chuan mite'n a zai an ngaihhlu ve chu lawmawm a tih thu a sawi rualin chass lamah chuan, "Ka ro ve lutuk" a ti!
"Chass lam ngaihtuah hman pawhin ka khawsa rih lo pawh a ni mahna, mahse ka nei lo tlat," tiin a sawi bawk.
A dam loh laia sawm tu a neih ve neuh neuh te a tihlawhtling thei lo chu pawi a tih thu a sawi.
Monday, August 10, 2009
RP-i Damsam Lo
Subscribe to:
Post Comments (Atom)
No comments:
Post a Comment