'Ka dai zel dawn' tih hla hit taka satu, MA a zawh hnua Synod Mission Board hnuaia Misionary hna thawk tura inep zui ta, Mission Vengthlang nula Debbie Lalnunhlui chuan a rawngbawlna hmun, Bangalore-ah tul leh buai takin a hun a hmang ve zel e..JPG)
Pathian rawngbawl tura a penchhuak chu a inchhir ngai lo tih sawiin, "Tih tur leh thawh tur a tam khawp mai," a ti.
Tunlai hian Debbie te hian Bangalore-a hostel hrang hrangah rawngbawlin hun an hmang thin a, an indaih lo \hin hle. Hmachhawp tam tak an nei tih sawiin Debbie chuan, "Hostel hrang hranga rawngbawlna kan neih zawh hian, ring lo te pualin Ooty-ah adventure camp neih tumin hma kan la mek a. Chumi hnuah Bangalore khawpui hnaih deuhah ringthar leh Kristian awm ang ang te pualin Gospel camping neih kan tum," a ti.
Krismas pawh Mizoramah a hmang thei dawn lo tih sawiin, "Krismas Outreach Programme kan neih chho chhunzawm dawn a. Demcember ni 20 thleng hian kan programme a khat vek tawh a, hawna hun ka neih theih ka ring rih lo," a ti.
Mizorama rawngbawltu lar tak Rev Vanlalbela chu Velore lamah a damloh avangin inenkawlin a awm mek a. Rev Vanlalbela hi rawngbawlna tam takah a hnung a lo zui tawh avangin Vellore-ah hian tlawh ve ngei a duh thu sawin, "Kan hotute pawh Velllore kal phalna ka dil a, rem an tih chuan Rev Vanlalbela hi tlawh ngei ka duh," a ti.
Monday, August 10, 2009
Debbie-i’n A Dai Zel
Subscribe to:
Post Comments (Atom)
An ti ngei ah missionary dan hi ka ngaisang hot love soi tam lo mai teh ang
ReplyDeleteDebbie hi mizo nula gospel hla sa ah chuan a thiam ber a, a tak ber bawk. Krismas kawrmawi hla te hi krismas alo thlen hian a chul thei lo
ReplyDelete