Lenglawng/lengzem hla sa mah se Pathian rawngbawltu a nihna kawngah theihtawp chhuah a tum. Tunlai zaithiam Moody Chawngthu chu zaia rawngbawlna nei turin USA lamah a kal dawn hnai.
Tunlaia Demand Channel lama hit tak, Zorock hla 'Mo fel run timawitu' tih hla satu Moody Chawngthu hian tunhnai lawk khan an awmna Kohhran Seventh Day Adventist Kohhran rawngbawltu camping, Saitual-a neihah zaiin rawng a bawl a, chumi Aizawl a rawn thleng leh tawh.
Moody Chawngthu hi Skylink Zostar thlanna atanga mipui hmelhriat hlawh a ni.
Chhinga Veng tlangval Moody chuan, " Kar tawpah hian hunawl remchang ka neih chuan hmun hrang hrangah rawngbawlin ka feh chhuak thin," tiin a sawi.
Lengzem leh lenglawng a sak avangin Pathian rawngbawlna kawngah a inthlahrung lo tih sawiin, "Mite pawhin eizawn nan sorkar hna an thawk a, dawr kai nghal te pawh an awm bawk a, Lenglawng hla ka sak chhan chu ka eizawnna pakhat a ni ve mai a. Hei hian ka nun a ti chhe chuang lo a, Pathian rawngbawlna kawngah ka indaltir phal lo a, midangte tan hnawksak a nih chuan kei chuan Pathian rawngbawlna hi ka ngai pawimawh fe zawk a ni," a ti.
Moody hian USA kal theihna tura thil pawimawh zawng zawng chu a tifel thawkhat tawh tih a sawi. USA-a Maryland-ah Gospel Camping an neihah zai a rawngbawl turin a kal dawn a ni.
Zorock hla tho 'Sailo' tih chu a track pawh a peih vek tawh tih sawiin Moody chuan, USA-a a kal hmain Kolkata lamah shooting pawh neih a tum tih a sawi.
Zorock ngaisang em emtu Moody 'Mofel run timawitu " tih a sak dawn khan Zorock hi a dil thlap tih sawiin, "Ani pawhin phal takin a hla sak min phal sak a, Zorock hla sak ka zuk dil laia a tawngkam tha leh an inphal zau em avangin tunah pawh hian 'Sailo' tih hla hi ka sa leh ngat a ni," a ti.
Monday, August 10, 2009
US-ah Moody Chawngthu
Subscribe to:
Post Comments (Atom)
No comments:
Post a Comment