US president ni tur chuan an ram chhunga piang nih a ngai a, tuna an president Barrack Obama hi Kenya rama piang nia sawi a ni.
America mipuite hnenah 'Change' thlentir a tiam a, hna a ngah hle. Chutih laiin America ram pawna piang tia puhna hi lakzam ngawt chi a ni lo bik lo.
US president hlui Nixon-a zuitu rinawm pakhat George Gordon Liddy chu hetiang ngaihdan nei nghet burtu a ni a, vantlang hriat tur pawhin a ngaihdan hi a sawi fo.
Liddy-a sawi dan chuan, Obama hi a pa te ram Kenya-ah a piang a, a pianna khua pawh Mombasa a ni. "Mr Obama hi US president a ni thei lo," a ti bur.
CNN commentator lar zet mai, Lou Dobbs pawhin radio show-ah hemi chungchang sawihona hun hi a huaihawt a, he programme hian hlut a hlawh hle.
CNN chuan hetia an commentator-in hetiang a lo buaipui hi pawi an ti hle nia sawi a ni a, Obama birth certificate te pawh TV-ah an tarlang zui nghe nghe.
CNN president Jon Klein chuan Obama pianna chungchang sawina hun an lo huaihawt chu pawi a ti a, kha thil kha thil kal tawh, theihnghilh daih tur thil a nih thu sawiin, CNN pawhin an theihnghilh tawh tiin a sawi.
Hetianga Obama pianna hmun chungchang sawi neuh neuh a awm avang hian White House chuan July thla tawp lamah khan Obama birth certificate xerox copy chu mipui hmuh theih turin an tlangzarh ve ngat a, chu birth certificate chu CNN hian an lo tarlang ve a ni.
White House thehdarh, he birth certificate-ah hian Obama pian leh murna chu chipchiar taka tarlan a ni a, Hawaii-a Honolulu medical centre-ah a piang tia tarlan a ni. Mahse, a awih lo lamte chuan he birth certificate-ah hian original birth record xerox copy a awm lo tiin an hnial thung. Original birth record hi US-ah chuan 'long form' tiin an sawi thin a, birth certificate-ah a tel thin a ni awm e.
President thlannaa in-candidate a tum tirh atangin Obama hi Kenya rama piang a ni tih thu hi a darh tawh a, amah pawh a insawifiah fo. A nausen lai thlalak, a nuin a pawm lai thlalak te pawh Obama hian campaign lai khan a lo thehdarh tawh thin.
Tun hnaiah hemi chungchangah hian inhnialna a chhuak leh a, White House chuan Obama birth certificate te an thehdarh tawh bakah, White House thupuangtu Robert Gibbs chuan Thawhtanni khan thuthar lakhawmtute kawmin, Obama chu US-a piang ngei a ni tiin a sawi.
Monday, August 10, 2009
Obama Kenya-ah a piang, US President a ni thei lo?
Subscribe to:
Post Comments (Atom)
No comments:
Post a Comment