¢ K Lalrochana
Economics & Statistics Deptt. buatsaih 'The Propect of Rural Village' tih, HPC vice chairman Joseph Lalhimpuia, MLA-in tun hnaia a tlangzarh taka a lan dan chuan Lunglei District chhunga RD Block 4, Lunglei, Hnahthial, Bunghmun leh Lungsen hnuaiah zirna in awm miah lohna khua 12 a awm.
Zirna in awm miah lohna khuate hi Thangpui, Kutkawk, Khawhlum, Songrasury, Plantation, Siminisora, Sagarbasora, Champasury, Muriskata, Letisury, Khangrasury leh Mualmu te a ni.
Heng zirna in awm miah lohna khaw thenkhat hi khaw te reuh te te a nih laiin khaw thenkhat erawh hi chu khaw lian tak tak a ni hlawm a, Sagarbasora-ah phei hi chuan mihring cheng zat pawh 477 lai an tling. Tin, Songrasury-ah hian mihring 362 an cheng bawk.
Nikum chhunga mitthi awm miah lohna khaw engemaw zat a awm; |huampui, Phaileng 'S', Saichho, Runtung, Hlumte, Vaisam, Thangpui, Thehlep, Sairep, Kanghmun 'S', Sekhum, Chengpui, Bungtlang 'W', Old & New Khawlek, Dampui 'S', Kawnpui 'W', Mauzam, Lungdai, Tleu, Bunghmun, Sesawm, Phainuam, Sumasumi, Puankhai, Hmundo, Salmar, Sarsen, Kutkawk, Muallianpui, Khawhlum, Aithur, Maudarh, Khawmawi, Plantation, Thanzamasora, Sedailui, Sagarbasora, Putlungasih, Diblibagh,Pangtlang, New & Old Vuakmual. Talabagh, Balukiasury I & II, Tiperaghat I & II,. Hmundo, Chhuahthum, Borsegojasora Sihphirtlang, Sazukchhuah, Chanpansury, Thekaduar, Balungsury, Silkur, Bornarsury, Belthei, Tuisenchhuah, Bolia veng, Velba, Ngiautlang leh Mualmu-ah te chuan nikum chhung khan mitthi pakhat mah an awm lo.
Vaisam, Thangpui, Thehlep, Belthei, Tuisenchhuah, Pangtlang, Chhuahthum, Sihphirtlang leh Bolia Veng-ah te chuan mitthi an awm loh bakah nikum chhung khan nau piang pawh pakhat mah an awm lo.
Kanghmun 'S' leh Sairep-ah te nikum chhung khan mitthi pakhat mah an loh laiin Kanghmun 'S'-ah hian nau piang 7 an awm a, Sairep-ah pawh mitthi an awm miah loh laiin naupiang hi 11 lai an awm. Pachang khuaah chuan nikum chhung khan mitthi 2 an awm a, naupiang 2 bawk a awm. Rolui-ah pawh mitthi 7 an awm laiin naupiang 7 tho an awm ve bawk. Hetihlai hian Mar 'S'-ah chuan nikum chhung khan mitthi 17 an awm laiin naupiang 88 zet an awm.
Lunglei RD block hnuaia khaw hrang hrang zingah Khawhlum chu khaw te ber niin, in 1 chiah a awm a, he khuaah hian mipa 2 leh hmeichhia 3 an cheng a ni.
No comments:
Post a Comment