Human rights tlangaupuitu Ruatfela Nu (Vanramchhuangi) chuan Builum khua hi May ni 10-ah khan a kal a, an pawl Human Rights and Law Network, Mizoram chuan he khuaa mi mangangte tan hian hma an la nghal nghe nghe. Ruatfela Nu chuan tiang hian Zozam Weekly a hrilh:
Builum kha eng vang tlawh nge i nih?
Media report atangin an harsatna ka lo hria a, chu bakah mi tam tak,a bikin mithiam lamin kan hmalakna tur nia hriain min rawn phone nasa a. India ram leh khawvel hmun dangah pawh tuikhuah leh sorkar ruahmanna vanga mipuite harsatna hi human rights activist te'n an buaipui thin a, 'in va ngawi rei ve' tiin min tur nasa a, mipuiin min tur chhuak a ni zawk mah.
I tlawh hnu-ah eng nge i ngaihdan?
Kan tlawh hma kha chuan mi ngiaungerh an ni thei tih rilru ka pu a. Case kan han tih reng rengah hian a lehlam thu hre hmasa lova complaint-tute lam thu chauh pawm hi ka hlauh thin vangin a hmuna enfiah phawt tulin ka hria a. An thu leh hla kan ngaihthlak hnu leh compensation list kan enin thil dik lo a awm ngei tih a chiang mai a. An pi leh pute atanga luipui phai hausakna uma khawlum leh sikserh natna pawh pawisa thei lova an lo thawhrimna zawng zawng hi sorkarin a chhuhsak ni maiah ka ngai.
In 24 te'n mahni in an chhuahsan duh lo hi awm i ti em?
Awm ti thlawt.
An hmelah an ti tak tak em?
An ti tak tak.
He buaina hi eng vanga lo thleng nge ni bera i hriat?
Sorkar ruahmanna fel lo leh chak loh lutuk vang a ni ber a. He thil hi Congress sorkar hmasak laia ruahman tawh pamtul leh MNF sorkarin a tharthawh leh a ni a. Chinfelna hun a tam lutuk. Tin, khawimaw laiah sorkarin hmasawnna thil hrang hrang a ruahman tih hriaa compensation duh vanga VC leh reveneu deptt. lama ram lo patta chingte vang a ni ber.
Mahni in chhuahsan duh lotute tanchhan hi a dik tihna em ni?
Dik ka ti. An pi leh pute atang tawha an lo inbelbelna chhuahsan tur chuan zangnadawmna tha tawk hmuh loh chuan thih huam mai chu thil awl tak tur a ni.
Chhuahsan duh lo ta se eng nge an tawh ang?
Ka hre lo, sorkar emaw, khaw thenawma miten emaw, tihluihna hmanga an sawnchhuah loh chuan an thihchilh duh tak tak mai ka ring.
Compensation pawh dawng se, an ram leh huan, an in leh lo an hloh tur hi a uihawm em?
Uihawm teh reng mai. Maupum hmangin kan fang nasa a, teak, kuhva, hatkora leh sum chang thlai chi hrang hrang puitling tawh a tam lutuk a. An tana uihawm ber chu leilet a ni a. Phur 200/00/90 thar theihna te hi a uihawm lutuk a ni.
A nih leh mahni in chhuahsan duh lotute hian tunah eng nge an mamawh ber nia i hriat?
Sorkar hian an thil neih phu tawk a pek a ngai. Tunah a pe thei mai lo a nih pawhin intiamkamna siam pui thuai a ngaiin ka hria.
Engtia hmalak zel nge in tum?
Chief minister kan hmu tawh a, chief secretary kan hmu bawk a. Kan report an ngaichang mek a. Tin, anmahni, Builum-a mite pawhin demand an nei ve a, chungte nen chuan sorkarin engtinnge a chhan dawn tih kan en phawt ang a, a rang lama hmalakna tulna piah lamah compensation sem chungchanga thil dik lo awm thin hi a ti dik lotute chunga hremna a lekkawh lo a nih chuan PIL te pawh kan file ang.
Naupangte'n engti anga nasain nge an tawrh?
Hei ber hi ka thinlung khawihtu a ni a. Human rights activist tih aia chilh rights activist tih duh zawk ka ni a, chu chu keimah rau rauah a phu pawh ka phu zawkin ka hria. Media report atang chauha ka lo hria hi ka zak ngawih ngawih a ni. 'Child Care and Protection' tih thupui, Child Welfare thupui chu an tan chuan vana rah anga hla a ni a. Tuna hamthatna leh nihlawhna, an hma lam hun thim lutuk hian thaw a ti pik zawk.
Naupangte chu engtia chhanchhuah tur nge ni ang?
Child Welfare Committee-ah kan thlen ang a, Builum naupangte hi JJ Amendment Act,2006-in "in need care and protection" a tihin a huam a. CWC hi chhanchhuak tura an che nghal lo a nih chuan kan kal thui viau ang.
A hmunah in tlawh a, tuikhuahin a chim tur zau zawng leh a hlut dan te in hmu a, tuikhuah siam chu a hlawk i ring em?
Tuihkhuah hi kan sawi vul chuk a, political party thenkhat phei chuan auhlaah an nasa a, hydel project, tui tam lai bera MW 12 pechhuak theiin ramngaw leh luipui phaikuam tha a chim chhiat leh mihringte tuarna a thlen hi a inman em tih hi ngaihtuah tham tak a ni.
Hmasawnna kan tih, kawngpui tha te, building lianpui pui te, kawlphetha te hi nei rei rui mah ila, miretheite an retheih reng chuan awmzia a awm lo.
Builum kha eng vang tlawh nge i nih?
Media report atangin an harsatna ka lo hria a, chu bakah mi tam tak,a bikin mithiam lamin kan hmalakna tur nia hriain min rawn phone nasa a. India ram leh khawvel hmun dangah pawh tuikhuah leh sorkar ruahmanna vanga mipuite harsatna hi human rights activist te'n an buaipui thin a, 'in va ngawi rei ve' tiin min tur nasa a, mipuiin min tur chhuak a ni zawk mah.
I tlawh hnu-ah eng nge i ngaihdan?
Kan tlawh hma kha chuan mi ngiaungerh an ni thei tih rilru ka pu a. Case kan han tih reng rengah hian a lehlam thu hre hmasa lova complaint-tute lam thu chauh pawm hi ka hlauh thin vangin a hmuna enfiah phawt tulin ka hria a. An thu leh hla kan ngaihthlak hnu leh compensation list kan enin thil dik lo a awm ngei tih a chiang mai a. An pi leh pute atanga luipui phai hausakna uma khawlum leh sikserh natna pawh pawisa thei lova an lo thawhrimna zawng zawng hi sorkarin a chhuhsak ni maiah ka ngai.
In 24 te'n mahni in an chhuahsan duh lo hi awm i ti em?
Awm ti thlawt.
An hmelah an ti tak tak em?
An ti tak tak.
He buaina hi eng vanga lo thleng nge ni bera i hriat?
Sorkar ruahmanna fel lo leh chak loh lutuk vang a ni ber a. He thil hi Congress sorkar hmasak laia ruahman tawh pamtul leh MNF sorkarin a tharthawh leh a ni a. Chinfelna hun a tam lutuk. Tin, khawimaw laiah sorkarin hmasawnna thil hrang hrang a ruahman tih hriaa compensation duh vanga VC leh reveneu deptt. lama ram lo patta chingte vang a ni ber.
Mahni in chhuahsan duh lotute tanchhan hi a dik tihna em ni?
Dik ka ti. An pi leh pute atang tawha an lo inbelbelna chhuahsan tur chuan zangnadawmna tha tawk hmuh loh chuan thih huam mai chu thil awl tak tur a ni.
Chhuahsan duh lo ta se eng nge an tawh ang?
Ka hre lo, sorkar emaw, khaw thenawma miten emaw, tihluihna hmanga an sawnchhuah loh chuan an thihchilh duh tak tak mai ka ring.
Compensation pawh dawng se, an ram leh huan, an in leh lo an hloh tur hi a uihawm em?
Uihawm teh reng mai. Maupum hmangin kan fang nasa a, teak, kuhva, hatkora leh sum chang thlai chi hrang hrang puitling tawh a tam lutuk a. An tana uihawm ber chu leilet a ni a. Phur 200/00/90 thar theihna te hi a uihawm lutuk a ni.
A nih leh mahni in chhuahsan duh lotute hian tunah eng nge an mamawh ber nia i hriat?
Sorkar hian an thil neih phu tawk a pek a ngai. Tunah a pe thei mai lo a nih pawhin intiamkamna siam pui thuai a ngaiin ka hria.
Engtia hmalak zel nge in tum?
Chief minister kan hmu tawh a, chief secretary kan hmu bawk a. Kan report an ngaichang mek a. Tin, anmahni, Builum-a mite pawhin demand an nei ve a, chungte nen chuan sorkarin engtinnge a chhan dawn tih kan en phawt ang a, a rang lama hmalakna tulna piah lamah compensation sem chungchanga thil dik lo awm thin hi a ti dik lotute chunga hremna a lekkawh lo a nih chuan PIL te pawh kan file ang.
Naupangte'n engti anga nasain nge an tawrh?
Hei ber hi ka thinlung khawihtu a ni a. Human rights activist tih aia chilh rights activist tih duh zawk ka ni a, chu chu keimah rau rauah a phu pawh ka phu zawkin ka hria. Media report atang chauha ka lo hria hi ka zak ngawih ngawih a ni. 'Child Care and Protection' tih thupui, Child Welfare thupui chu an tan chuan vana rah anga hla a ni a. Tuna hamthatna leh nihlawhna, an hma lam hun thim lutuk hian thaw a ti pik zawk.
Naupangte chu engtia chhanchhuah tur nge ni ang?
Child Welfare Committee-ah kan thlen ang a, Builum naupangte hi JJ Amendment Act,2006-in "in need care and protection" a tihin a huam a. CWC hi chhanchhuak tura an che nghal lo a nih chuan kan kal thui viau ang.
A hmunah in tlawh a, tuikhuahin a chim tur zau zawng leh a hlut dan te in hmu a, tuikhuah siam chu a hlawk i ring em?
Tuihkhuah hi kan sawi vul chuk a, political party thenkhat phei chuan auhlaah an nasa a, hydel project, tui tam lai bera MW 12 pechhuak theiin ramngaw leh luipui phaikuam tha a chim chhiat leh mihringte tuarna a thlen hi a inman em tih hi ngaihtuah tham tak a ni.
Hmasawnna kan tih, kawngpui tha te, building lianpui pui te, kawlphetha te hi nei rei rui mah ila, miretheite an retheih reng chuan awmzia a awm lo.
No comments:
Post a Comment