June ni 1, 2005-ah khan khatih laia eptu pawl, Mizoram Pradesh Congress Committee chuan thuchhuah siamin MNF sorkar chu sum renchem tum lovah a puh a nih kha.
"Sum renchem tum lo MNF sorkar" an ti a, parliament-in minister tur zat chu MLA 15% tur a tih anga minister pathum an paih hnuah minister paih tak aia tam, minister tlukpui adviser panga lai chief minister-in a ruat leh si hi \ul lo taka sorkar sum hman ralnaah MPCC chuan a ngai a ni, an ti.
"Mizoram hian cheng vaibelchhe 2,198.53 chuang leiba kan nei a, nausen a\anga pitar, putar thlengin Rs 24,700.00 chuang \heuh ba kan neih mek laia mi tlem te induhsak bing nana Mizoram sum MNF sorkarin an hmang \hin hi MPCC chuan a dem tak zet zet a ni," an ti bawk.
Hun a liam a, 2008-ah Zoram chuan inthlanpui a nei a, Congress-in sorkarna an siam ve ta. Chief minister-in adviser 5 a neih sawiseltute chu an han sorkar a, parliamentary secretary 6 an ruat ta a!
Mahni \huthmun a zirin mihringte ngaihdan hi a dang thei viau a ni mai thei a, politics-ah a dang thei zual te pawh a ni mai thei. Mi ramah chutiang a nih leh nih loh chu thuran ni se, Mizoram-ah chuan \huthmun a zirin political party-te ngaihdan hi a inthlak \hin chiang mai. Hmanah chuan MNF-in adviser to chief minister hi thil \ulah an ngai a, Congress-in \ul an ti lo thung. Tunah erawh MNF-in parliamentary secretary hi \ul an ti lo a, Congress-in \ul an ti thung! Chu chu sorkar thar din hnu-a 'change' hmasa pawl a ni awm e.
MNF an sorkar lai chuan, police te'n silai leh ralthuam an mang changin Congress chuan 'state ralmuangah silai leh ralthuam man tur a awm' tiin sorkar an dem \hin. An sorkar hnu-ah erawh 'police te'n an thawk \ha, phuartu an awm tak loh vang' ti tein sorkar an fak \hin thung.
2009-ah hian Mizoramah CHANGE tam tak a awm; langsar tak pakhat chu Mobile Medical Unit van chungchang hi a ni awm e.
Sorkar hmasa hun laia National Rural Health Mission hnuaia health deptt.-in Mobile Medical Unit van (MMU) 27 an leite chu a hlui ni-a sawi a ni a, politics-a inbeihna tling khawpin a thu a lian a nih kha. Nikum May thla chawhnu lamah khan khatih laia eptu party Congress chuan an aupui nasa hle. Mahse, Congress chuan tunah sorkarna an han chang a, kha'ng motor-te kha a hlui a nih leh nih loh finfiah a la nih loh thu anmahni ka ngei a\angin a richhuak ta mai si!
October ni 16, 2009-ah khan Budget Session-ah zawhna leh chhanna hunah Lunglei West bialtu MLA Dr R Lalthangliana zawhna - "Health Deptt.-in Mobile Unit Motor hlui a lei tih \hin kha, a hlui a lo ni reng em?" tih chu health minister Lalrinliana Sailo chuan, "Health Deptt.-in Mobile Unit Motor hlui a lei tih kha official-in prove a ni lo a, enfiah mek a ni," tiin a chhang. Nikum kum chawhma lamah khan a hlui a ni tih an hrechiang viau emaw tih tur kha a ni bawk sia, tunah a chiang leh ta si lo!
May ni 23, 2008-ah khan Mizoram Pradesh Youth Congress Committee chuan thuchhuah an siam a, "Mizoram hmun hrang hranga pekchhuah tur Mobile Unit Motor te chu Congress Party Driver Cell te'n mipui hmakhawngai tak chunga enthlithlaiin a hlui a nihzia Zoram mipui hriatah tunhnai lawk khan an puangzar a, he thu hi health minister leh MNF |halaite chuan chhangletin, a hlui a nih loh thu leh mipui bum tumna mai a nih thu an sawi a. He an thusawi thangkhawk pawh a reh fel hmain May ni 22 2008 khan Congress Thalai te chuan MMU Van te hi a hlui a nihzia leh thudik pholan a nih theih nan repair tura an dahna hmun TATA Engeneering Works, Zemabawkah kalin kan enfiah a, heng kan thil hmuh a\ang hian Mizo mipuite hian a thar a nih an pawm theiin kan ring thei lo a ni," tiin MMU te chu a hlui niin an sawi.
Motor \henkhat deskboard te chu a hlui rawng hnawih \hat tih hriat tak niin an sawi a, motor herh nunna chahbi vuahna (self) bawrte chu mimawl ber tan pawh a hlui a nihzia hai rual a ni lo niin an sawi bawk.
"Motor exhaust pipe (cylinder) khaina chu thirzai leh tyre zai sin nia sawiin wind shield tuamna rubber channel chu keu kauin a lo tuiek a, popular shaft pawh a thawl avangin a ri ruk ruk," an ti.
May ni 22, 2008-ah khan Kolasib District-a hman tura thawn Mobile Medical Unit khat (motor 3) chu TATA Service Center, Zemabawka dah tura sorkar hotute'n an hriattir angin Aizawl thlenpui a ni a, MPYCC te chuan he'ng MMU motor te hi Selesihah lo dangin a hlui chei\hat a nih leh nih loh an enfiah a ni. MMU motor chahbi te lain an danna hmunah hian heng motor enfiah ve tur hian chutih laia health minister R Tlanghmingthanga koh an tum a, minister hi an biakpawh theih loh avangin driver te hnenah chahbi hi an pe let leh a, motor dah an tumna TATA Service Center Zemabawkah an zui thla ve nghal a ni.
TATA Service Center-ah vek hian Serchhip District tana pek MMU Unit khat dahluh a lo ni tawh a, heng motor-te hi uluk taka en-a a hlui chei\hat a ni em tih an ennawn hnuah MPYCC hotute chuan Congress Party Driver Cell te'n a hlui a nih thu a lo puan tawh chu "a lo dik ngei a ni," an ti.
Hetianga sawi a hlawh tak em avang hian health department leh MPCC Drivers Welfare Cell leh thuthar lakhawmtuten MMU van-te hi an enfiah ta a; health department, MVI leh lirtheite supply-tu P&Sons aiawhte'n thuthar lakhawmtute an kawm zui bawk. Anni chuan a hlui a ni lo niin an sawi a ni.
MPCC Drivers Welfare Cell aiawhte chuan lirthei a hmuna enfiah a nih danah an duhkhawp lo tih confrence hall-ah hian an sawichhuak a, an zawhna \henkhat chu chhan mumal a ni lo bawk.
Mahse, hun a liam a, Congress chuan sorkarna an chang ta. Sorkarna an chan hnu-ah erawh MMU te hi a hlui a ni tih finfiah a lo ni leh lo!
"Official-a a hlui tih prove-na a la awm rih loh avangin tu chungah mah action lak a la ni lo," tiin health minister chuan House a hrilh. Chu chu 'change' a ni, thinlung lama change chu.
Rev Chanchinmawia thih dan chungchanga an ngaihdanah pawh 'change' a thleng tiin a sawi theih ang.
December ni 11, 2008-a Mizoram sorkar lakluh a nih khan, lakluh inkhawm banah chief minister thar Lal Thanhawla leh minister atana lakluh hlim pahnih, R Lalzirliana leh H Liansailova te chuan Raj Bhavan tualah thuthar lakhawmtute an kawm a, chutah chuan chief minister thar chuan an ngaihdan chiang takin a sawi a ni.
"SIT-in (special investigation team) mahnia inthat anga an puang mai te kha keini party chuan kan awih theih lo a, en \hat a ngai ang. Kan party chuan inquiry commission kan din ve a, chutah chuan Pu Lalsawta chairman niin Lalrinliana Sailo secretary a ni a, Pu F Lalremsiama, Pu Hmingdailova Khiangte leh kan ukil Pu R.Lalrinawma te member an ni a. Finfiahna \ha tak kan nei a, sorkar lama kan la awm loh vangin chu'ng te chu phawrh a la rem lo mai zawk a ni," tiin hemi chungchanga thudik haichhuah an inrin thu a sawi. Kum 1 a liam ta, eng nge an tih?
Hemi \uma 'change' lo lang pakhat chu 'Upa Rual' chungchang kha a ni awm e. Inthlan dawn hnaiah sorkarna an chan chuan corruption laka sorkar vengtu tur 'Upa Rual' an din tur thu a sawi \hin a, mahse, chief minister atana lakluh a nih ni-ah erawh chu thil chu a 'change' ta thung. Thuthar lakhawmtute'n 'Upa Rual' chungchang an zawt a, "Corruption-ah ven kan ngai lovang," tiin a chhang ta daih! "MNF unauten kum 10 min lepse tawh a, engmah an hmu lo," a ti bawk.
'Change' lian ber chu NLUP chungchang hi a ni ngei ang; inthlan hmaa an aupui dan leh an sorkar hnu-a an sawi dan chu chhim leh hmar ang maia inang lo a nih hi!
NLUP chu Congress policy a ni a, eng tik lai mahin an ngawihpui ngai lo ti hial pawhin a sawi theih ang. 2007 kum laihawl a\ang khan uar lehzualin an aupui a, mipuite hnenah 'NLUP \hami' an zuar ta a nih kha.
November ni 6-ah khan Mamit Chhim Veng YMA Hall-ah Mamit District Block Congress Conference neih a ni a, chumi \um chuan thu sawiin, MPCC president, tuna chief minister ni ta chuan: "Kum 2008 MLA Election-ah sorkar kan siam chuan NLUP bul kan \an leh ang a, chhung tin hnenah \anpuina cheng nuai khat kan pe ang," a ti.
"Congress-in 'kan ti ang' kan tih chu kan ti \hin; remna leh muanna a lo thlen theih nan 'kan lal\hutthleng kan kian ang' kan ti a, kan intiam kan tihlawhtling a, chumi hnuah 'NLUP leh rangva kan sem ang' kan ti a, miin min rinpui lo. Mahse, miretheite \anpui nan kan thutiam kan tihlawhtling," a ti nghe nghe.
Mizoram Pradesh Youth Congress Committee (MPYCC) chuan August ni 30, 2007-ah khan thuchhuah siamin, August ni 30, 2007-ah Diakkawn Community Hall-ah Special District Conference-cum-Political Training, Kolasib Block Congress Committee huaihawtin neih a ni a, chutah chuan MPCC president Lal Thanhawla chuan tiang hian a sawi tiin an tarlang:
"Pathian leh mipuite khawngaihna zara kan kuta sorkarna a awm tuk a\angin NLUP changtlung zawk hi \an nghal a ni ang a, mirethei leh pachhia te'n lei rem kan lo rah leh theihna turin chhungkaw tinah an trade thlan ang zelin cheng nuai khat chuang kan pe tawh dawn a ni," tiin.
"A hlawhtlin ngei theihna turin thingtlang khawtinah survey committee din a ni ang a, theihtawpin a enzuina (monitoring) hna thawh a ni bawk ang," a ti niin an tarlang bawk.
"Hetianga huaisen tak leh rin ngama Pu Hawla'n Congress party-in sorkarna a chan veleha a tih tur a tarlang hi Congress Thalai chuan kan chhuang em em a ni," tiin MPYCC chuan thuchhuahah hian an ziaklang nghe nghe.
December ni 14, 2007-ah khan MPCC senior vice president R Lalzirliana, hetih hun laia opposition MLA chuan a bial Tawizo khuaa Congress zawm tharte a lawmluhnaah thu a sawi a, Congress-in sorkarna an chan chuan NLUP changtlung zawka semin miretheite an khaichhuak dawn tia an sawi chuan Mizoram hmun hrang hranga kuthnathawktute beng a verh \an a, an tan dinchhuahna hun remchang nia hriain an sorkar ngei theih nan Congress zawmtu an pung zel, tiin MPCC sr vice president chuan a sawi, tiin MPCC chuan thuchhuah an siam. NLUP hi budget a\anga 5% chauh pawhin an sem thei dawn tih a sawi, tiin thuchhuah chuan a sawi.
Congres an sorkar laia NLUP sem a nih khan budget cheng vaibelchhia 120 a\anga 10% sem nia sawiin tuna budget cheng vaibelchhia 850 a\ang chuan 5% pawhin NLUP hi a sem theih dawn a ti, thuchhuah chuan a ti.
"New Land Use Policy Changtlung zawk" tih bu, MPCC tihchhuahah chuan NLUP dawngtute chu chaw an funsak dawn niin an tarlang. "NLUP tluang leh hlawhtling taka a thawh nan 'A chaw funsak' a ni tawh dawn!" an ti a, "An thla tin ei tur buhfai leina tur thlengin pek an ni tawh ang," an ti bawk.
Chutianga mipui hnena an zawrh \hin chu tunah chuan an 'change' ta!
'Mo thar tha' an tia, mo thar hi an felin an tha pawh a \ha \hin a ni awm e. Chanvo han chelh hlim te, hna thar thawh lai te-a phur taka mihring kan chet \hin thu sawi nan kan hmang \hin. Ram hruaitute pawh hi sorkarna an chelh hlim hian an phurin an thusawi pawh a ngaihnawm duh khawp mai. Tun hnaia Mizoramin sorkar a hrawn pahnihte chungchangah pawh hian an sorkar tirha an aw-ka-te hi a 'ring' hle a, amaherawhchu, vanduaithlak takin an khingpuite'n hmanruaah an hmang zui duh viau thung!
MNF sorkarin beihna a tawh zinga tam tak kha an sorkar tirha pu ber thusawi a ni hlawm. Kum thum chhunga intodelh thu te, Switzerland of the East te, a tam mai, an sorkar tirh lama pu ber \awngkam deuh vek a ni. Kum 1 chauhva upa Mizoram sorkar pawh hi an din tirha pu ber thusawiin a la umzui zel zawng a nih hi.
December ni 15, 2008-ah Mizoram Pradesh Youth Congress Committee (MPYCC) te'n Congress Bhavan-ah an party MLA tling tharte chawimawina hun an hmang a, chumi \uma chief minister Lal Thanhawla thusawi chu vawiin thlengin a la ri reng. Eirawngbawlna gas (LPG)-ah hian VIP quota tihtawp a ni ang a, emergency quota erawh a awm dawn nia sawiin, "Rethei, hmeithai, pachhia leh chhuanchhamte hi kan VIP-te an ni," a ti a nih kha. An VIP te an 'change' leh 'change' loh hretu chu mipuite an ni ang, kum 4 lo awm leh tur chhung zawngin.
NLUP, Thalaite Khawvel Thar leh Hlemhletna do chungchang
April ni 11, 2008-a Vanapa Hall-a MPCC general assembly-a MPCC president Lal Thanhawla thusawi kha mi tam tak bengah a la cham awm e. "Naktuk naktipah zangkhua a bungbu dawn a, Jubilee dar kan vaw dawn," a ti a nih kha.
"Zan hi a ral lek lek tawh a, khua a var dawn ta e," a ti a nih bawk kha.
"Kan sorkar huna kan ngaih pawimawh hmasak ber tur chu retheite chhanchhuahna beihpui thlak a ni," tia sawiin, "Zoram ei leh bar thawkchhuaktu berte chu loneitu, huan neitute leh kuthnathawktute an ni ber a. Heng bakah hian eizawnna ngelnghet nei lote tan NLUP hmangin scheme thar kan siam dawn a ni," a ti.
December ni 8, 2009-ah Vanapa Hall-ah bawk general assembly an nei leh a, chutah chuan MPCC president Lal Thanhawla chuan thu a sawi leh. Tunah chuan MPCC president mai ni lovin chief minister a ni ta.
NLUP a sawi tui leh hle a, "Kan hlawhtlinpui ngei ngei a ngai dawn..." a ti a, "Kan hlawhchhampui tawh lohna turin, a hmang dik lote chawitirna tur te, hremna tur te, danin a hung vek," a ti. "Mi zawmthawho tan chuan dawn nawn chi pawh a ni lo," a ti bawk.
"A hmahruai chu kan ti thei deuh thaw tawh," tia sawiin, an uluk avangin a inbuatsaih chhung a rei ta niin a sawi.
"Hmana mi aia \ha leh changtlung zawkin tih kan tum," tiin an buatsaih dan a sawi a, miretheite khaihchhuah chu an tum a nih thu a sawi a ni.
Thalaite Khawvel Thar din an tum ni-a sawiin chief minister chuan, "Kan mamawh hmasa chu sports stadium a ni a, thla 6 chhungin bul kan \an ang, kan ti a, thla 6 chhungin bul kan \an thei," a ti.
Infiamna lam tihmasawn tura an hmalakna hrang hrang sawiin, play field a tam thei ang ber siam an tum thu a sawi a, boxing ring pawh district tinah dah an tum a, hmun \henkhatah chuan a dahna tur a lo awm lo niin a sawi.
Catch Them Young policy chungchang sawiin, hmun hrang hrangah Mizo naupangte chu an naupan lai a\anga inkhelh zirtir an nih mek thu a sawi a, nu leh pate paw'n an tuipui hle niin a sawi.
Infiammite chu department hrang hrangah MR-a lak zel an tum tih sawiin, chumi atan chuan ruahmanna an siam mek tih a sawi a, "Kan \halaite theihna te, an finna te, an chakna te hi a chova chochhuah tham a ni," a ti.
"NIT kan ramah neih kan tum... Tun a\anga rei lo teah hian kan neih theih a beiseiawm," a ti a, zirna lama an hmalakna sawiin, National Institute of Mass Communication pawh Mizoramah din an tum mek niin a sawi a, National Institute of Fashion Technology din tumin hma an la niin a sawi bawk. Tin, agriculture zirna lam pawh din an tum nia sawiin, university an din theih loh pawhin college tal din an tum niin a sawi.
Hlemhletna chungchang sawiin chief minister chuan, "Khawtlangin kan buaipui a, Kohhran pawh a ei mek a," a ti a, "Chumi tireh tur chuan keini hi kan fihlim a ngai," a ti.
"Lepse ngam nih kan tum," tia sawiin, "MNF-in kum 10 chhung min lipse a," a ti a, MNF-in an sorkar chhungin jail-a khung an tum a, an hlawhchham niin a sawi.
"Sum ngaina hnam kan ni a, compensation lawm hnam kan ni," a ti a, "Dik lo, kut tling lova sum lakluh tum deuh vek kan ni," tia sawiin, "Siam\hat a huphurhawm khawp mai," a ti a, mahse, "Sorkar dik, sorkar \ha, sorkar fel siam kan tum dawn a ni," a ti thung.
"Kut tling lova sum lakluh tumna avangin kan ramin hma a sawn chak thei lo," tia sawiin, "Vawiinah hian sum ngainatnain min um a, sum ngainat loh kan tum a ngai," a ti a, Presbyterian Kohhran-in Sunday School-ah 'Kristian nun dan \ha' tih an zir mek tih sawiin, kum 5 vel kal taah khan lo zir tawh se, a ti.
"A dik lo hi i hrem ngam teh ang u kan ti," chief minister chuan a ti.
Monday, December 14, 2009
Hei le CHANGE chu
Subscribe to:
Post Comments (Atom)
Very mediocre change for a grown up to come up with. Yet they are still in a honeymoon mood, I presume. A sleeping Govt. must be condemn and should not be tolerated even if their 5 years term isn't over yet.
ReplyDeleteI'm so ashamed of our leaders with their eternal lip service and no action hence were still begging to Central Govt.
I'm done being a begging state for the past donkey years and counting more. They have disappointed us all n number of times and counting more.
Congress was in power for 12 years lead us to poverty & became a beggar state followed by 10 years of power with MNF that lead us to abject poverty and now back with Congress in power with no clue of development scheme, one only cease to amaze me and makes me wonder, aren't we the people abit too dense electing these leaders, constant failures into power again and again or we really don't have any true visionarian leader/s to lead us to the much needed that we crave for economic growth and prosperity. That we don't need to beg and be proud of who we are so the other mainlanders in our country can respect us and treat us with dignity for a change. But with our failure leader, I doubt it will ever happen. It's like waiting for the ocean to dry.
Read an article on TNT - The Northeast Times site about our state. What troubled me greatly was the rising gap between rich & poor. The growing number of slums & poverty increases which the Govt. conveniently denies. And out of approximately 10 lakhs population we have about 1 lakh unemployment rate. Planning Commission of India also mentioned that our state will have the highest number of poverty growth in 2015 in the entire North East. These are alarming statistics that cannot be just brushed off.
Our future is dark and the poor will suffer more. My heart goes out to the poor, farmers, labour who voted for them & are fooled by the so called NLUP plan. Change is a far cry from reality in our state as long as we keep on electing these lip service, failure leaders into power again and again.