ALL ABOUT HAIR-1

¢ Debbie Chawngthu

Sam tha nei tur chuan miin a sam engang nge a nih a hriat a tul a, a enkawl dan a thiam bawk tur a ni. Ngun tak leh duat taka enkawl sam hi a nungin a nalh duh em em a, enkawl ngun loh chuan sam tha sa pawh a chhe thuai thin. Sam awmdan hi hmun riatah a then theih a, chungte chu sam ro, sam mawm, sam kir, sam sin, sam hmawr kak, sam tla chi, sam tuak leh sam tlemte a ni a. Heng sam hrang hrang enkawl dan te hi a theih chen chen i han tarlang teh ang.

Sam ro hi chu a thap a, sam tihkir zin lutuk leh dye zin lutuk van te, hair sparay hman nasat lutuk vang te leh nisaa aw tam avangtein a ro thei a. Sam ro nei i nih chuan coconut oil emaw olive oil emaw chhuang lum la, chu chu i lulei zawng zawngah i kutzungtangin tat chhuak vek ang che. I hnawih chhuah vek hnuah i kutzungtang hmawr bawkin massage leh la, minute 5 i massage hnu chuan su mai lovin darkar hnih nghak phawt la, chumi hnuah shikakai sahbawnin sufai ang che.

Lulei ro vang hian sam a ro bawk a, chumi enkawl nan chuan artui pakhat chawk phuan la, chutah chuan sertui leh coconut oil chawhpawlh la, i lu ah hnawih ang che. Hnawih hnu hian darkar chanve chiah tur a ni. Luphut tihreh nan artui hi a tha hle bawk a. Artui var lai chauh hi ser thur tui nen chawhpawlh la, i luleiah tat chhuak vek ang che. Darkar chanve i chiah hnuah sufai ang che. I sam suk nan chuan shikakai bawk hmang la, a tleuhfai nan tuilum hmang la, tuilumah hian vinegar emaw ser tui emaw fiante khat telh la, a rimtui nan cologne i rim duhzawng far tel bawk ang che. Hetianga enkawl hian luphut a tirehin a phut tur a veng a ni. Artui var laiin i lulei massage thin la, i sam a thang chak ang. Artui var lai hian sam a chawm a, sam leh lulei te a tifai bawk a ni. Sam ro nei i nih chuan i sam tikir lo la, bleach leh colour te ti reng reng suh. Sam i khuihin dimtein khuih la, nisaah rei tak tak awm suh ang che. Awm a tul anih chuan scarf hmangin i lu i tuam loh pawhin lukhum khum thin ang che.

Sam mawm thung hi chu suk zawh reiloteah pawh a mawm thuai thin a, duh ang style pawhin a khuih ve theih loh thin a ni. sam mawm nei i nih chuan a suk nan tui vawt chauh hmang ang che. Tuisa i hman chuan a hma aiin a mawm zual ang. Sam mawm enkawl nan chuan curd (bawnghnute thur khal) hi a tha hle mai a. Curd no khat la la, a tak a ral vek thlengin chawk ang che. A tui vek ta tihah i luleiah i kutzungtang hmawrin tat chhuak vek la, minute 15 chiah ang che. Chumi hnuah i kutzungtang hmawr bawkin massage leh la, shikakai in sufai ang che. Curd hian lu a tihfai mai bakah sam a ti dum a, sam a ti thang chak bawk a ni.

Sam kir hi duh anga khuih a theih loh a, enkawl a buaithlakhle a ni. Mahs khuih zin chuan a kir lultuk tur a ziaawm ve thei a ni. Sam kir tih mam duh chuan coconut oil chhuanlum a tha viau a,i lulei massage nan hmang thin ang che. Chumi hnuah i lulei chu tui tlemin ti huh leh la, samkhuihin khuih ang che. Hei hi tha tur chuan tih zin hle a ngai thung.

Sam s in h a khawm tep duh a, hmai sin tan chuan tih danglam ngai lovin a inhmeh theih mai a, hmai lian leh khabe ruh kual lian deuh tan erawh chuan inhmeh a har a ni. Sam sin lang tam tyura i duh chuan coconut tui hian i lulei nuai thin la, darkar chanve i chiah hnuah shikakai leh tuiin sufai ang che. Shikakai ah hian chemical a tel ve loh mai bakah mawm a tel nghal a, hei vang hian India rama beauty experts tam tak te chuan an la hmang a, leitur i hmu mai lo anih pawhin i ngeih zawng i hmang zawk thei ang.

Sam tla hi a tlangpui chuan ei chhiat vang a ni daih thei a, ei leh in kan uluk loh chuan sam a lo tla nasa fo thei thin. A chhan dang awm thei te chu inthlah chhawn vanga tla te, nantna neih vang te, nisa hnuaia awm tam lutuk vang te leh lulei fai tawk loh vang te a ni thei bawk. Sam tla thin tan chuan eitur tha te, a bikin iron, iodine leh vitamin b te ei tam a tha a. Sam tla tawh to leh thei lo mahse eitur kan sawi tak te kha ei chuan a tla zel tur a veng a, sam a chawm bawk a ni. Taksaa iodine a tlem chuan thisen kal a tha thei lova, chu chuan sam a ti thang chak lvin a tlak phah thei a ni. Sam tha tur chuan kan ei leh in in a zir tur a ni a, sam tana mamawh kan sawi tak te kha kan nitin ei leh in ah telh ngei tum zel a tha.

Related Posts :