Zawhna pawimawh

Nurse nih tumin hmeichhe rual kan inkhungkhawm a, kan zirlai pawh mahni tawkah kan bei ngawrh hle.

Thla hnih emaw lai kan zir tawh a, kan innel tlang tawh viau mai. Tin, kan zirtirtute nen pawh kan inhre \ha tawh viau bawk.

Ni khat chu, kan zirtirtu pakhat hian quiz min tihtir a, zawhna engemaw zat a ziak a, ziakin min chhantir a ni.

Uluk takin kan chhang a, kan reh \hap mai. Kan zirlai leh behbawm thil chauh ni lovin, zau takin zawhna min zawt a, hriatzau pawh a ngai hle.

Nakinah chuan kan inen a, kan phun sep sep ta hlawm. A hnu deuhah phei chuan ka ri ta mur mur mai.

A zawhna tawp ber chu ho kan ti a, tin, kan zirtirtu chu timak pawh kan ti. Chuvanga phun ri ta mur mur chu kan ni. Mahse, kan zirtirtu chuan min hau lem lo. Min en ringawt.

Chu zawhna chu - "Kan sikul tifai \hintu hi tunge?" tih a ni a, inelnan chuan ho kan ti tlang hle. Kan zirtirtu chu a uang a nih kan ring hial!

Kan sikul tifai \hintu chu ka hmu ngun ngang mai; tuktin ka hmu. Nu cher deuh, sang lam, sam dum hlap mai a ni a, kum 50 te chu a tling ve tawh ang. Mahse, kan inbe ngai lo. A hnathawk lai kan hmu a, inbe phak tur khawpin kan inhnaih ngai lo hrim hrim. Ral a\anga hmu mai ka ni a, a hming han hriat ngawt ngaihna a awm lo.

Chu zawhna chu ka chhang ta lo. A dang zawng chu ka chhang a, chu zawhna erawh chu ho ka tih em avangin ka chhang ta lo a ni.

Kan zirtirtu chuan kan chhanna te chu a lakhawm a, chutih lai chuan kan \hian pakhat hian zawhna a lo zawt a:

"Zawhna tawp berah khan mark min pe ve tho ang em? Pe lo ang tiraw..."

"Pe dawn teh reng mai," a ti ta bur mai!

"In la kaldarh ang a, hmun hrang hrangah hna in la thawk ang. Mi chi hrang hrang in la hmu ang a, hmelhriat pawh in la neih belh dawn chauh. Mi zawng zawng hi an hlu vek a, ngaihsak an phu vek a ni tih hre rawh u. In be hman lo a nih pawhin han innuih paha 'i \ha maw?' han intih tal te hi a \ul a ni. In hmuh phaka mi reng reng ngaihsak loh neih ngai suh u," a ti ta daih a!

('An Important Question' tih lehlin a ni. A ziaktu hriat a ni lo.)

Related Posts :