Chanchin maksak 37

20/20 Vision
Vawi khat chu, Charles de Gaulle (1890-1970) khan, French president a nih laiin zanriah a buatsaih a, US ambassador to France Sargent Shriver nen khan an thu dun a.

Pi Sargent Shriver-i hian Charles de Gaulle hi a ngaisang hle a, tunlai tawng takin, a 'star' hle nia sawi a ni. Chutia an han thu dun pawh chu nuam a ti hle a, fiamthu ti takin, "Mr President, kum sawmhnihin lo la naupang ve ve ila tha tur," a ti a ni awm e.

Pi Shriver-i hian heti zawng hian fiamthu a thawh ta zauh zauh a, Charles de Gaulle-a nupui - Mme de Gaulle-i bulah thlengin chuti zawng chuan a uang ta pek.

Mme de Gaulle-i lah a lo duai lo; "A ni khawp mai Pi Shriver, mahse, chutiang a nih chuan kei pawh kum sawmhnihin ka la naupang ve tho dawn tih erawh hre tel teh," a ti ta khauh a!



Haihawt over
New York Post enkawltu lar tak thin J David Stern-a kha a haihawt ve khawp mai.

Tum khat chu, kawtthlera a kal lai hian a thian pakhat hian a rawn au a, "Titeh, chawchhun i fak dun teh ang," tiin. Stern-a chuan, "Ni e, hmun dang pan hman pawh ka ni tawh chuang hlei nem," tiin a lo chhang a, thingpui dawr remchang pakhatah an inzui lut ta a ni.

Thuthmun an han rem a, ei tur lam tuma an thut vang vang lai chuan Stern-a chuan, "Ngawi teh thianpa, ka ril a va han tam lo ve mawle," a ti ta mai.

Chutih lai chuan thingpui sem pakhat hi a lo kal a, Stern-a a hmuh chuan, "Ka pu, tun lawkah khan i rawn ei zo chauh a ni si a!" a rawn ti a!

Related Posts :