Vanram leh Hremhmun

Vawi khat chu, pa pakhat hi Pathian nen an inkawm a, Pathian chu vanram leh hremhmun hmuhtir turin chu pa chuan a dil mauh mai.

Pathian chuan a lo remti a, "Tirawh khai, hremhmun ka hmuhtir hmasa ang che," tiin pindan pakhatah a hruai ta a ni.

Chu pindan chu a lian ngang mai. A laiah chuan eitur tuihnai zet mai hi a inhung ruau a, mi engemaw zat hian an lo thut hual laih mai.

Chu pindana thute chu an hmel han en pawhin an chauvin an beidawng tih a hriat ngawih ngawih mai. Thirfian an keng a, bel chhunga eitur tuihnai tak mai chu ei an tum hlawm.

An thirfian chu a sei em em mai a, an ban ai pawhin a sei hial. Chutiang khawpa thirfian sei chu hman ngaihna a awm lo a, eitur chu an ei thei hlawm lo. Eitur chu ei an han tum thin teh na a, mahni kut ai pawha sei thirfian chu hman ngaihna a awm lo. Beidawng takin eitur en chung chuan an thu ngawih ngawih mai.

"Lo kal rawh, vanramah ka hruai ang che," tiin Pathian chuan chu pa chu pindan dangah a hruai ta a, chu pindanah pawh chuan thil dang tem chiam a lo awm lo.

A laiah hian bel lian pui mai a inhung a, chu belah chuan eitur tuihnai zet mai a awm. Mi hian an lo kil bial laih a, thirfian sei tak an lo keng fur bawk.

Amaherawhchu, a hmaa mite ang lo takin chu pindana mite chu an puarin an tlai em em a, an hlim hle bawk. An lo titi laih laih a, an inkawm ngei hlawm hle.

Mahse, chu pa chuan a hrethiam tlat lo.

"Thil ho te mai mawle," tiin Pathian chuan thil awmzia chu a hrilhfiah ta a: "Eitur saw mahnia inbarh an tum hlei nem, midang an barh hlawm a, i hmu reng lo'm ni, saw an thiante an barh malh malh saw."

('Heaven and Hell' tih lehlin a ni. A ziaktu hriat a ni lo.)

Related Posts :