¢ Vanlalremruata Tonson
Mau a tam dawn a, tam a hlauhawm tiin Mizoram sorkar a inbuatsaih a, cheng nuai sing chuang fe a hmangral. Mau chu a tam ta ngei a, tam leh tam loh chu titi luahtu ber pakhat a ni a, sorkarin buhfai a chhekkhawl ngah tawk leh ngah tawk loh chu ram rorelna fawng vuantu nih tumte inbeihna ber a ni.
Kudama buhfai awm leh awm loh chu politician-te thil buaipui a la ni rih a, hmun thenkhatah chuan mau rah hmuh tur awm mah se hmanlai mautam ang a nih chuan a vur kum tur a ni tawh. A vur kum a nih leh ni loh chu kum tawpah a chiang ang. Mahse, thingtlang loneih hi a thei apiangin tlansan an tum ber a nih avangin hmanlaia mautam zuitu kum leh tun lai mautam zuitu kum chu a inang kher lo mai thei. A inang emaw inang lo emaw mautam avang hian buh thar hi a tlem a nih chuan tam thei dinhmunah Mizoram chu a la ding tihna a ni. Politician-te hian kudama buhfai a awm leh awm loh an buaipui a nih pawhin thil awm tak a ni.
Mautam avanga tam thei dinhmuna Mizoram a din lai leh buhfai chawkluhna kawnga harsatna a tawh chu a innang a, kudam chuan politics-ah hmun pawimawh a luah lo thei lo a ni.
Phai atanga buhfai chawkluha innghat Mizoramin buhfai a chawkluhna pui ber rel chu Assam hel pawl pakhat vangin a tlan hlei thei lo a, buhfai chauh ni loin tuialhtheiah thlengin Mizoram chuan harsatna a tawk ta a nih hi.
Rel a lo tlan a, Dima Halam Daogah (DHD) - Jewel chuan an lo kap thin a, rela thawk engemaw zatin nunna an chan phah tawh nghe nghe.
Northeastern Frontier Railway chu an tlan ngam ta lo. Rel kawng tihlen hna kal mekte pawh a chawl. Railway thuneitute chuan North Cachar Hills-a rel tlan turte chu silai kah tlang theih loh thawmhnaw (bullet proof jacket) pek tur a ni, an ti. Rel pawh silai kahtlang theih loha siam tur te pawh an ti. Engemaw zat chu an siam tawh ni awmin thuthar lakhawmtute chuan an sawi bawk. Mahse, Mizoram chuan a la tangkaipui rih lo a ni ang, relin buhfai a la phurh theih loh.
Mizoram buhfai tur chu Food Corporation of India (FCI) hian Mizoram thleng a rawn dah tur a ni a, relin a phurh theih loh chuan Mizoram mamawh zat hi an rawn dah zo meuh lo a ni ang. Mipui chu an thlaphang a ni ber. FCI hian a rawn dah thei lo a nih pawhin thil mak a ni hran lo. Tuialhthei pawh Guwahati tanga lirtheia phurh ralah chuan Mizoram chuan a mamawh zat hi a phur lut zo meuh lo kha a ni a, buhfai pawh chutiang deuh tho chu a ni awm e. A lo thleng hmasa an sem darh a, fur ruahtui tlak laia mi atana lei lawkte pawh rel kawng him lo leh harsatna dang avanga phurh mumal theih loh a nih chhungin ei zawh a ni der ta mai.
Suppy buhfai chu awm tho mah se a khaihlak tihna chu a ni deuh ber. Monsoon stock tur ber pawh dahthat theih a ni tlat lo.
Official lam chuan buhfai thiar mumal hleih theih loha a awm chhungin monsoon stock tur hi ei zawh niin an sawi.
Thla khatah buhfai quintal 1,16,400 mamawh a nih laiin kar kal ta kha chuan quintal 70,565 a awm a,
quintal sing li chuangin mamawh zat a awm pha lo a ni. Mahse, May thla chhung khan tam thawm hriat tur a awm lo, tin, Mizoram hian buhfai hi mamawh zat a nei ngai meuh lo, a lei zo tlat thin lo.
Champhaiah kar kal ta Zirtawpni khan mipui thinrimin supply minister awm laiin kudam an hual niin chanchinthar lamah thu a darh chiam a nih kha. Kudama buhfai awm zawng zawng pawh semchhuah vek nia sawi a ni bawk. Mahse, Zirtawpni khan Champhaiah buhfai quintal 850 a awm a, kudam hualtu nia sawite chu Kg 5 diat diata pek an ni a, a vaiin quintal 42 vel sem chhuah niin official lam atanga thudawn chuan a sawi. Buhfai pek an nih hnuah hian mipui pawh boruak tha tak neiin an haw ve leh ta mai nia sawi a ni.
Mipuiin kudam an hual nia sawi hun laia International Biodiversity Day hmanpuia Champhaia cham supply minister H Rohluna chuan a hma kar hnih chhung vel khan buhfai renchem avangin quota puitling lovin an lo sem tawh a, home minister leh sorkar mi pawimawh dangte nena Champhai an han kal khan remchang lo chuh an awm nia a rin thu a sawi.
"Instigate-tu an awm deuh emaw ni, ka ti deuh a," tiin Rohluna chuan a sawi.
Insawmkhawm nia sawi, tam mangang nia insawite Kg 5 diat diata sem a nih hnuah pawh a awm zawng zawng hmun 10-a then hmun khat pawh sem a ni lo. A hmun thleng lo tan pawh Champhai chu tam tura han rin ngaihna vak a awm lo a ni. Mahse, tam anga lantir tum a la ni tho. Mautam avang khan kudama buhfai awm lo hi eptu lamin an auchhuahpui thin a ni a, eptu pawl thar pawhin an auchhuahpui ve leh ta a ni.
Chanchinthar lama thu thehdarhtute chuan Champhai-ho hian Burma lam atangin buhfai an chawlut niin an sawi. An buhfai chawkluhah hian customs lam chuan sum an lo la niin an sawi nghe nghe. Mahse, Champhai lam atanga thudawn chuan Burma atangin buhfai a lo lut lo niin a sawi a; customs lam pawhin buhfai hi a lo lut a nih pawhin a lo lut a nih pawhin chhiah an lak theihna thil a nih loh thu an sawi.
Mautam lai khan Mizoram sorkar chuan Burma lam atangin buhfai chawkluh a tum deuh a, mahse, Cyclone Nargis avang khan bawhzui hleih theih lohin a awm ta a ni.
Champhai an tam lo tih avangin Mizoram dinhmun hi a tha e tihna erawh chu a ni miah lo. Buhfai awm tur zat a awm lo. Chawlhkar hnih chhung chu mipui hian sorkar atanga buhfai supply atanga an dawn tur zat buhfai an dawng lo a ni. Renchem a ngai. Minister chuan Champhai chu leilet awmna a nih avangin a harsat deuh pawha lo inpeizawn thei turah an ngai a, quota puitling lo pawhin an pe reng niin a sawi.
Supply lam chuan buhfai lo thleng tha lo chu an tih theih piah lam niin an sawi thin. Assam hel pawl chuan Mizoram sorkar chu a mamawh viau lo ang. Chumi avang chuan Mizoramah hian sorkar chu buhfai semchhuah tur a neih loh pawhin a thiamawm tihna a ni chuang lo.
Harsatna a awm pawhin buhfai supply chu ni dang nen hian danglamna awm miah loin a kal ngei ngei tho tur nge ni a, danglamna chu engemaw chenah chuan a awm ve thei ang? Mau a tam khan thil a nih dan tur pangngai a ni lo chiang a, mahse, eptu pawl lam kha chuan buhfaiah hian harsatna a awm hlek hi an remti lo a ni ber. Rel tlan mumal loh avangin buhfaia harsatna tawk thei dinhmunah Mizoram a ding a, tuna eptu pawla awm mekte chuan hei hi an phal bik lo. Political party-te hian sawi tur an nei ve ve ang, mahse, an inbeihna chu mautam hnua politics-a tun hma zawng aia hmun pawimawh rawn chang ta buhfai hi a ni.
Rel hmanga Mizorama buhfai tawlhluh theih a nih loh takah chuan supply department lam chuan a phur turin carrying contractor-te pawh an han ruai a, Guwahati atangin motor hmanga phurh chhoh an tum a ni. Guwahati atanga truck hmang buhfai thiar tur hi supply department-in an sawina chu a rei ve deuh tawh. Buhfai politics chu a kal zel a, May thla chawhnuah chuan supply department official-te pawhin Guwahati an thleng thla ta rawk rawk a nih hi.
Mizoram hian FCI atangin buhfai lak tur quintal sing sarih vel a nei niin supply official pakhat chuan a sawi. Hetah hian quintal sing li chu engkim tih fel tawh niin a dang chu release order (RO) siam fel ngai leh RO thi tawh tihnun leh mai theihte a ni.
FCI atanga buhfai lakchhuah hi hun bithliah fel takin a awm a, chu chu lifting period tih a ni. Hemi hun chhung hian buhfai hi phurhchhuah a nih loh chuan backlog-in a awm thin a, RO-te tihnun leh te te a ngai thin. Lifting period chhung hian kawng that lo vang emaw, sorkarin a leina tur sum a neih loh vang emaw FCI lamin buhfai phurhchhuah mai tur an neih loh lai emaw a nih hian buhfai chu phurh chhuah lohin a awm thin a ni.
Heng buhfai tangte hi FCI chuan ni khatah truck trip 40 (quintal 7200) rawn phurh ziah an tum a, anni rawn phurh bakah hian supply department pawhin carrying contractor ruaia phurh a tum bawk. Mahse, an tum ang chiahin an rawn phur thei bik lo. Minister leh department official-te chuan ni khatah truck trip 40 tal a rawn thlen theih chuan Mizoram hian ziaawm phah viau turah an ngai a, May ni 20 hnu lamah chuan trip 40 chu a rawn thleng ziah niin an sawi bawk.
Pathianni kal ta erawh kha chuan trip 27 chauh an rawn phur thung. Official lam chuan Mizoram dinhmun ngaihtuahin Pathianni pawh chawl lovin an rawn phur
tiin an sawi tho.
Guwahati atanga truck-a buhfai thiar hi thil awlsam a ni lo a, truck hire mai tur pawh an hmu zo lo fo nia sawi a ni. Supply minister chuan tluang zawka buhfai thiar a nih theih nan buhfai thiartu truck-te hi escort dan an ngaihtuah mek niin a sawi a, hei hi kawng laka suamhmang leh sum khawn chingten an lo tihbuai lohna tur a ni, a ti.
Rel hmangin buhfai hi eng tikah nge thiar theih a nih dawn sawi theih a ni lo. Northeast Frontier Railways (NFR) lam chuan rel chu an rawn tlantir chhin thin a, mahse, hel pawl hian kah lohin an lo chhuah
ngai lo. Buhfai thiar chungchanga harsatna thleng sutkian dan tur ngaihtuaha Assam sorkar dawrtu supply secretary K Riachho chuan a lan dan maiah chuan rel hmanga buhfai thiar leh vat chu a beisei ngam lo hle nghe nghe a ni.
Hetih rual hian venhimna tha zawk peka rel tlantir chungchangte pawh Assam sorkar nena an inbiaknaah chuan an sawi. NFR pawhin venhimna pek an nih chuan tlan chu an hreh lo tih thlengin supply secretary chu an lo hrilh. Central sorkar pawhin ngai pawimawhin an awm lai ngeiin cabinet secretary KM Chandrasekhar chuan Assam chief secretary PC Sharma chu video conferencing hmangin a bia niin a sawi.
Community leader kaltlanga remna kawng dapte thlengin an ngaihtuahnaa a awm thu Assam sorkar hotute chuan an sawi niin a sawi bawk. "Peace initiative te thlengin kan han sawi chhuak ve a, community leader atanga mobilise thlengin, chungte pawh chu kan tum a ni an ti," Riachho chuan a ti.
Buhfai thiar hi harsatna a awm reng dawn a nih chuan lawng hmanga thiar thlengin ruahmanna an nei niin Riachho chuan a sawi. Mahse, hei hi chu hun duh rei tur chi a ni, a ti thung.
Kolkata atanga lo chhuak a, Bangladesh kaltlanga Badarpur, Assam-a lo chhuaka chuta tanga truck-a thiar leh tur a nih avangin Bangladesh sorkar phalnate lak a la ngai dawn a, a lo berah thla hnih tal hun a la duh dawn a ni.
Hun la duh rei tur a ni tih a sawi rualin Riachho chuan: "Proposal chu a awm," a ti. Mizoram sorkar leh FCI hian rawtna an siam ve ve niin a sawi bawk.
Mizoramah hian sorkarin buhfai a ngah vak loh chuan Aizawl bazar-ah hian a langchhuak tlangpui. Tun tumah pawh Aizawl bazar-a buhfai awm lo leh to nia sawi chu mipui zinga buhfai vanga manganna boruak tialhtu pakhat a ni.
Thingtlang kal tur buhfai a tlem hian Aizawl bazarah buhfai supply a tlem thin tlat a, supply department-in buhfai an neih loh avanga tam hlauhawm ber chu thingtlanga a dawngtu turte ni lovin Aizawl bazar-a leitute an ni zawk. Hman atangin chu chu a nih dan a ni.
Tun tumah hian suuply department buhfai ngah loh lai leh phai atanga buhfai lo lut khaihlak lai a innang ve hrim hrim a, chu chuan buhfai harsatna chu a tizualkai a ni.
"Arham hi kum tin vawi hnih vawi thum awm loh hi a awm ve hrim hrim a, chu chu kumtin dan a ni," tiin buhfai zuar pakhat chuan a sawi a, chu 'arham' buhfai van lai leh supply buhfai tlem lai chu a innang a, buhfai chu a vang a, mipuiin an ngaihven ni bera a hriat thu a sawi.
Dik tak chuan buhfai mamawh zat tak tak hi Mizoram sorkar hian a lei zo ngai vak lo zawk. Hman kum phei kha chuan central lamin Mizoram quota an rawn tihhniam phah vak nghe nghe a nih kha. Mautam lai pawhin quota hi chu a lei zo thak thak lem lo. Mizoram chu tamin a buai lem chuang lo. Buhfai stock a tam leh tam loh ai mahin buhfaiin mipui hnen a thlen that hi a pawimawh ber zawk. Chuvangin buhfai awm hian mamawh zat hi pha lo mah se tam a hlauhawm tihna a ni ngawt lo. Chutiang bawkin tunah hian supply department chuan June thla chhung hian buhfai quintal 1,23,644.4 lei Mizoram sorkarah an dil mek. Hetianga an dil zat chanve emaw lek phal a nih chang pawhin Mizoram chu tamin a buai lem lo a, a dil aia tam hi lo phalin phurh luh vek pawh ni se tam hi a hlauhawm miah lo tihna a ni chuang lo bawk.
Supply lam chu monsoon stock awm loh vang hian an thla a phang lua pawhin a lang lo a, a rawn thlen that phawt chuan buaina awm lo turah an ngai reng a ni.
Mau a tam dawn a, tam a hlauhawm tiin Mizoram sorkar a inbuatsaih a, cheng nuai sing chuang fe a hmangral. Mau chu a tam ta ngei a, tam leh tam loh chu titi luahtu ber pakhat a ni a, sorkarin buhfai a chhekkhawl ngah tawk leh ngah tawk loh chu ram rorelna fawng vuantu nih tumte inbeihna ber a ni.
Kudama buhfai awm leh awm loh chu politician-te thil buaipui a la ni rih a, hmun thenkhatah chuan mau rah hmuh tur awm mah se hmanlai mautam ang a nih chuan a vur kum tur a ni tawh. A vur kum a nih leh ni loh chu kum tawpah a chiang ang. Mahse, thingtlang loneih hi a thei apiangin tlansan an tum ber a nih avangin hmanlaia mautam zuitu kum leh tun lai mautam zuitu kum chu a inang kher lo mai thei. A inang emaw inang lo emaw mautam avang hian buh thar hi a tlem a nih chuan tam thei dinhmunah Mizoram chu a la ding tihna a ni. Politician-te hian kudama buhfai a awm leh awm loh an buaipui a nih pawhin thil awm tak a ni.
Mautam avanga tam thei dinhmuna Mizoram a din lai leh buhfai chawkluhna kawnga harsatna a tawh chu a innang a, kudam chuan politics-ah hmun pawimawh a luah lo thei lo a ni.
Phai atanga buhfai chawkluha innghat Mizoramin buhfai a chawkluhna pui ber rel chu Assam hel pawl pakhat vangin a tlan hlei thei lo a, buhfai chauh ni loin tuialhtheiah thlengin Mizoram chuan harsatna a tawk ta a nih hi.
Rel a lo tlan a, Dima Halam Daogah (DHD) - Jewel chuan an lo kap thin a, rela thawk engemaw zatin nunna an chan phah tawh nghe nghe.
Northeastern Frontier Railway chu an tlan ngam ta lo. Rel kawng tihlen hna kal mekte pawh a chawl. Railway thuneitute chuan North Cachar Hills-a rel tlan turte chu silai kah tlang theih loh thawmhnaw (bullet proof jacket) pek tur a ni, an ti. Rel pawh silai kahtlang theih loha siam tur te pawh an ti. Engemaw zat chu an siam tawh ni awmin thuthar lakhawmtute chuan an sawi bawk. Mahse, Mizoram chuan a la tangkaipui rih lo a ni ang, relin buhfai a la phurh theih loh.
Mizoram buhfai tur chu Food Corporation of India (FCI) hian Mizoram thleng a rawn dah tur a ni a, relin a phurh theih loh chuan Mizoram mamawh zat hi an rawn dah zo meuh lo a ni ang. Mipui chu an thlaphang a ni ber. FCI hian a rawn dah thei lo a nih pawhin thil mak a ni hran lo. Tuialhthei pawh Guwahati tanga lirtheia phurh ralah chuan Mizoram chuan a mamawh zat hi a phur lut zo meuh lo kha a ni a, buhfai pawh chutiang deuh tho chu a ni awm e. A lo thleng hmasa an sem darh a, fur ruahtui tlak laia mi atana lei lawkte pawh rel kawng him lo leh harsatna dang avanga phurh mumal theih loh a nih chhungin ei zawh a ni der ta mai.
Suppy buhfai chu awm tho mah se a khaihlak tihna chu a ni deuh ber. Monsoon stock tur ber pawh dahthat theih a ni tlat lo.
Official lam chuan buhfai thiar mumal hleih theih loha a awm chhungin monsoon stock tur hi ei zawh niin an sawi.
Thla khatah buhfai quintal 1,16,400 mamawh a nih laiin kar kal ta kha chuan quintal 70,565 a awm a,
quintal sing li chuangin mamawh zat a awm pha lo a ni. Mahse, May thla chhung khan tam thawm hriat tur a awm lo, tin, Mizoram hian buhfai hi mamawh zat a nei ngai meuh lo, a lei zo tlat thin lo.
Champhaiah kar kal ta Zirtawpni khan mipui thinrimin supply minister awm laiin kudam an hual niin chanchinthar lamah thu a darh chiam a nih kha. Kudama buhfai awm zawng zawng pawh semchhuah vek nia sawi a ni bawk. Mahse, Zirtawpni khan Champhaiah buhfai quintal 850 a awm a, kudam hualtu nia sawite chu Kg 5 diat diata pek an ni a, a vaiin quintal 42 vel sem chhuah niin official lam atanga thudawn chuan a sawi. Buhfai pek an nih hnuah hian mipui pawh boruak tha tak neiin an haw ve leh ta mai nia sawi a ni.
Mipuiin kudam an hual nia sawi hun laia International Biodiversity Day hmanpuia Champhaia cham supply minister H Rohluna chuan a hma kar hnih chhung vel khan buhfai renchem avangin quota puitling lovin an lo sem tawh a, home minister leh sorkar mi pawimawh dangte nena Champhai an han kal khan remchang lo chuh an awm nia a rin thu a sawi.
"Instigate-tu an awm deuh emaw ni, ka ti deuh a," tiin Rohluna chuan a sawi.
Insawmkhawm nia sawi, tam mangang nia insawite Kg 5 diat diata sem a nih hnuah pawh a awm zawng zawng hmun 10-a then hmun khat pawh sem a ni lo. A hmun thleng lo tan pawh Champhai chu tam tura han rin ngaihna vak a awm lo a ni. Mahse, tam anga lantir tum a la ni tho. Mautam avang khan kudama buhfai awm lo hi eptu lamin an auchhuahpui thin a ni a, eptu pawl thar pawhin an auchhuahpui ve leh ta a ni.
Chanchinthar lama thu thehdarhtute chuan Champhai-ho hian Burma lam atangin buhfai an chawlut niin an sawi. An buhfai chawkluhah hian customs lam chuan sum an lo la niin an sawi nghe nghe. Mahse, Champhai lam atanga thudawn chuan Burma atangin buhfai a lo lut lo niin a sawi a; customs lam pawhin buhfai hi a lo lut a nih pawhin a lo lut a nih pawhin chhiah an lak theihna thil a nih loh thu an sawi.
Mautam lai khan Mizoram sorkar chuan Burma lam atangin buhfai chawkluh a tum deuh a, mahse, Cyclone Nargis avang khan bawhzui hleih theih lohin a awm ta a ni.
Champhai an tam lo tih avangin Mizoram dinhmun hi a tha e tihna erawh chu a ni miah lo. Buhfai awm tur zat a awm lo. Chawlhkar hnih chhung chu mipui hian sorkar atanga buhfai supply atanga an dawn tur zat buhfai an dawng lo a ni. Renchem a ngai. Minister chuan Champhai chu leilet awmna a nih avangin a harsat deuh pawha lo inpeizawn thei turah an ngai a, quota puitling lo pawhin an pe reng niin a sawi.
Supply lam chuan buhfai lo thleng tha lo chu an tih theih piah lam niin an sawi thin. Assam hel pawl chuan Mizoram sorkar chu a mamawh viau lo ang. Chumi avang chuan Mizoramah hian sorkar chu buhfai semchhuah tur a neih loh pawhin a thiamawm tihna a ni chuang lo.
Harsatna a awm pawhin buhfai supply chu ni dang nen hian danglamna awm miah loin a kal ngei ngei tho tur nge ni a, danglamna chu engemaw chenah chuan a awm ve thei ang? Mau a tam khan thil a nih dan tur pangngai a ni lo chiang a, mahse, eptu pawl lam kha chuan buhfaiah hian harsatna a awm hlek hi an remti lo a ni ber. Rel tlan mumal loh avangin buhfaia harsatna tawk thei dinhmunah Mizoram a ding a, tuna eptu pawla awm mekte chuan hei hi an phal bik lo. Political party-te hian sawi tur an nei ve ve ang, mahse, an inbeihna chu mautam hnua politics-a tun hma zawng aia hmun pawimawh rawn chang ta buhfai hi a ni.
Rel hmanga Mizorama buhfai tawlhluh theih a nih loh takah chuan supply department lam chuan a phur turin carrying contractor-te pawh an han ruai a, Guwahati atangin motor hmanga phurh chhoh an tum a ni. Guwahati atanga truck hmang buhfai thiar tur hi supply department-in an sawina chu a rei ve deuh tawh. Buhfai politics chu a kal zel a, May thla chawhnuah chuan supply department official-te pawhin Guwahati an thleng thla ta rawk rawk a nih hi.
Mizoram hian FCI atangin buhfai lak tur quintal sing sarih vel a nei niin supply official pakhat chuan a sawi. Hetah hian quintal sing li chu engkim tih fel tawh niin a dang chu release order (RO) siam fel ngai leh RO thi tawh tihnun leh mai theihte a ni.
FCI atanga buhfai lakchhuah hi hun bithliah fel takin a awm a, chu chu lifting period tih a ni. Hemi hun chhung hian buhfai hi phurhchhuah a nih loh chuan backlog-in a awm thin a, RO-te tihnun leh te te a ngai thin. Lifting period chhung hian kawng that lo vang emaw, sorkarin a leina tur sum a neih loh vang emaw FCI lamin buhfai phurhchhuah mai tur an neih loh lai emaw a nih hian buhfai chu phurh chhuah lohin a awm thin a ni.
Heng buhfai tangte hi FCI chuan ni khatah truck trip 40 (quintal 7200) rawn phurh ziah an tum a, anni rawn phurh bakah hian supply department pawhin carrying contractor ruaia phurh a tum bawk. Mahse, an tum ang chiahin an rawn phur thei bik lo. Minister leh department official-te chuan ni khatah truck trip 40 tal a rawn thlen theih chuan Mizoram hian ziaawm phah viau turah an ngai a, May ni 20 hnu lamah chuan trip 40 chu a rawn thleng ziah niin an sawi bawk.
Pathianni kal ta erawh kha chuan trip 27 chauh an rawn phur thung. Official lam chuan Mizoram dinhmun ngaihtuahin Pathianni pawh chawl lovin an rawn phur
tiin an sawi tho.
Guwahati atanga truck-a buhfai thiar hi thil awlsam a ni lo a, truck hire mai tur pawh an hmu zo lo fo nia sawi a ni. Supply minister chuan tluang zawka buhfai thiar a nih theih nan buhfai thiartu truck-te hi escort dan an ngaihtuah mek niin a sawi a, hei hi kawng laka suamhmang leh sum khawn chingten an lo tihbuai lohna tur a ni, a ti.
Rel hmangin buhfai hi eng tikah nge thiar theih a nih dawn sawi theih a ni lo. Northeast Frontier Railways (NFR) lam chuan rel chu an rawn tlantir chhin thin a, mahse, hel pawl hian kah lohin an lo chhuah
ngai lo. Buhfai thiar chungchanga harsatna thleng sutkian dan tur ngaihtuaha Assam sorkar dawrtu supply secretary K Riachho chuan a lan dan maiah chuan rel hmanga buhfai thiar leh vat chu a beisei ngam lo hle nghe nghe a ni.
Hetih rual hian venhimna tha zawk peka rel tlantir chungchangte pawh Assam sorkar nena an inbiaknaah chuan an sawi. NFR pawhin venhimna pek an nih chuan tlan chu an hreh lo tih thlengin supply secretary chu an lo hrilh. Central sorkar pawhin ngai pawimawhin an awm lai ngeiin cabinet secretary KM Chandrasekhar chuan Assam chief secretary PC Sharma chu video conferencing hmangin a bia niin a sawi.
Community leader kaltlanga remna kawng dapte thlengin an ngaihtuahnaa a awm thu Assam sorkar hotute chuan an sawi niin a sawi bawk. "Peace initiative te thlengin kan han sawi chhuak ve a, community leader atanga mobilise thlengin, chungte pawh chu kan tum a ni an ti," Riachho chuan a ti.
Buhfai thiar hi harsatna a awm reng dawn a nih chuan lawng hmanga thiar thlengin ruahmanna an nei niin Riachho chuan a sawi. Mahse, hei hi chu hun duh rei tur chi a ni, a ti thung.
Kolkata atanga lo chhuak a, Bangladesh kaltlanga Badarpur, Assam-a lo chhuaka chuta tanga truck-a thiar leh tur a nih avangin Bangladesh sorkar phalnate lak a la ngai dawn a, a lo berah thla hnih tal hun a la duh dawn a ni.
Hun la duh rei tur a ni tih a sawi rualin Riachho chuan: "Proposal chu a awm," a ti. Mizoram sorkar leh FCI hian rawtna an siam ve ve niin a sawi bawk.
Mizoramah hian sorkarin buhfai a ngah vak loh chuan Aizawl bazar-ah hian a langchhuak tlangpui. Tun tumah pawh Aizawl bazar-a buhfai awm lo leh to nia sawi chu mipui zinga buhfai vanga manganna boruak tialhtu pakhat a ni.
Thingtlang kal tur buhfai a tlem hian Aizawl bazarah buhfai supply a tlem thin tlat a, supply department-in buhfai an neih loh avanga tam hlauhawm ber chu thingtlanga a dawngtu turte ni lovin Aizawl bazar-a leitute an ni zawk. Hman atangin chu chu a nih dan a ni.
Tun tumah hian suuply department buhfai ngah loh lai leh phai atanga buhfai lo lut khaihlak lai a innang ve hrim hrim a, chu chuan buhfai harsatna chu a tizualkai a ni.
"Arham hi kum tin vawi hnih vawi thum awm loh hi a awm ve hrim hrim a, chu chu kumtin dan a ni," tiin buhfai zuar pakhat chuan a sawi a, chu 'arham' buhfai van lai leh supply buhfai tlem lai chu a innang a, buhfai chu a vang a, mipuiin an ngaihven ni bera a hriat thu a sawi.
Dik tak chuan buhfai mamawh zat tak tak hi Mizoram sorkar hian a lei zo ngai vak lo zawk. Hman kum phei kha chuan central lamin Mizoram quota an rawn tihhniam phah vak nghe nghe a nih kha. Mautam lai pawhin quota hi chu a lei zo thak thak lem lo. Mizoram chu tamin a buai lem chuang lo. Buhfai stock a tam leh tam loh ai mahin buhfaiin mipui hnen a thlen that hi a pawimawh ber zawk. Chuvangin buhfai awm hian mamawh zat hi pha lo mah se tam a hlauhawm tihna a ni ngawt lo. Chutiang bawkin tunah hian supply department chuan June thla chhung hian buhfai quintal 1,23,644.4 lei Mizoram sorkarah an dil mek. Hetianga an dil zat chanve emaw lek phal a nih chang pawhin Mizoram chu tamin a buai lem lo a, a dil aia tam hi lo phalin phurh luh vek pawh ni se tam hi a hlauhawm miah lo tihna a ni chuang lo bawk.
Supply lam chu monsoon stock awm loh vang hian an thla a phang lua pawhin a lang lo a, a rawn thlen that phawt chuan buaina awm lo turah an ngai reng a ni.
No comments:
Post a Comment