May ni 13-ah West Bengal chuan Lok Sabha MP tur an thlang dawn a, political party te'n buh lu an chuh mek. He state-a an politician thawm na pakhat Mamata Banerjee erawh tan a nat vawrtawp laiin a tawng sual hlauh.
Kar hmasaah khan, literature-a a thuk avanga Nobel Prize pawh dawng tawh, Bengali-pa Rabindranath Tagore-a piancham chu India ram hmun hrang hrangah lawm a ni a, Bengali-ho phei chuan an ngai urhsun hle.
Mamata Banerjee pawhin TV interview-ah Tagore-a hming hi a lam ri a, mipui rilru hneh nan hman a tum a ni ngei ang.
A sawi dan chuan - India leh Pakistan inthenhran hnuah, 1947-ah khan Kolkata-a chi leh chi intihbuaina a reh theih nan Mahatma Gandhi khan chaw a nghei a, Tagore-a'n Gandhi-a hi theitui a lo tulh a ni.
Mahse, Tagore-a chu 1941-ah a thi a, 1947-ah tumah theitui a tulh thei lo ang!
Communist Party of India-Marxist (CPI-M) hruaitute chuan Mamata Banerjee tawngsual thu hi an lo hre var a, 'Tagore-a pawh hrechiang lo hian engtinnge mipui a hruai theih ang?' tiin an bei nghal a ni.
Monday, May 18, 2009
Hre lo ve chiang!
Subscribe to:
Post Comments (Atom)
No comments:
Post a Comment