¢ Lian Kunga
Thlan atanga kan Lalpa Isua thawlhleh ni champha (Easter Sunday), vawiina ziak atan chuan a 'bawnra' mang e aw, tiin he article hi chhiartuten in sawisel mai thei. Chutiang chuan lo ngai pawh awm mah se tho leh ta kan Lal Isua pawh khan hmangaihna pawimawhzia a tlangaupui thin a, Tirhkoh Paula phei chuan thil dang zawng zawng aiin a pawimawh ber, tiin a ziak lehnghal! Chuvangin inthiam lohna pawh awm lem lovin he article hi ka’n ziak leh ta a nih hi. He article avang hian inti awihtha zual te leh inti puithu zualten thiam loh chantirin a ziaktu hi meidilah min nawrliam em lo’ng chu maw?
Patna University-a Proffesor senior tak, Mutuk Nath Chaudhury-a’n a nupui pawmlai, Kum 50 zet mi, kum 30 vel a lo pawm tawh a chhangkham tawh avanga a hnualsuat tak hnuah nula tawih tak leh zei si, kum 25 vel mi nena hmangaihna theory leh practical-a an inzirtir tak chungchang kha, he article ziaktu hian “BAWNGTAR PAWHIN LUANGNO A DUH” tih thupuia hmangin kum 2006 khan The Aizawl Post-ah a chhuah a. Luangtar aia luangno a thlan tak avangin a hna atangin suspend a ni a, vawiin thlengin chawlhtir a la ni. Kha pa ngei mai kha a ni, tuna MP tlin tuma in-candidate ve ta chu ni.
Patna(Bihar) khawpui chhungah hian MP pahnih an awm a, tuna Mr. Chaudhury-a'n (Love Guru, tiin an ko bawk thin) independent candidate-a MP nih a tum vena seat chu Patna Saheb a ni. He seat-a a khinte hi milar leh hmingthang, hausa bawk si leh film star, Mr. Satrughan Sinha leh tunhnaia Cinema-a lar em em Bihari bawk, Sekhar Suman te an ni. Heng milarte hi a khinte ni mah sela, kan 'love Guru' leh a luangno, Mrs Julie te chuan zamna chhe te pawh an nei lo. Patna khawpuia mipui tamna leh mirethei te awmna apiangah phur takin an campaign ngat ngat mai a ni.
A thutiam lah a dangdai mai mai asin! “MP-a min thlantlin chuan Patna khawpui chhungah “LOVE PARK” ka siam ang a, chutah chuan pangpar mawi chi tin a vulchuk ang a, theirah itawm tak takte nen (Eden huan kha a mitthlain a hmu ve pawh ni fa hmiang). Tin, chutah vek chuan nula leh tlangval inngaizawng te leh nupa tuak tharten Enden hmangaihna an chendunna turin thutna nuam tak tak leh in te tak te te-te ka sa fir fer bawk ang,” tiin.
Hmun tin hmun tanga a campaign thusawi lah mipuiten ngaihnawm an ti a, a phawk deuhte chuan an zui map map a, a thusawi an lawm hle. A hawizau vak lo leh Hindu kulmukte erawh chuan Eden hmangaihna a’n hrilhfiah tak tak chu an ngaithla ngam meuh lo. A chang leh nu leh pa te kan hmangaihna hi in-KS-na tel lova hmangaihna a nih vangin a famkim lo a, nupa inhmangihna erawh a famkim a, dik taka hmangaihna famkim chendun a nih chuan nupa kara inhriatthiam lohna te, thinrimna te, tualthahna te leh thilsual dang te reng rengin hmun a chang ngai lo, tiin an nupain an au reng mai a ni!
Campaign-naa a thusawi ngaithlatute zinga pakhat chuan, “Pu Chaudhury, hmangaihna famkim i sawi chamchi a, a nih leh engati nge i nupui hmasa kha hnawla Pi Julie hi i neih tak mai? Ani nen khan Eden hmangaihna in hmang mumal lo, han ti dawn ila fa in nei tho si? In inhmangaihna kha a famkim lo i tihna nge ni a, kum 50 chuang hmeichhia aiin nula naupang, malmar leh itawm zawk i thlang ta mai em ni?” tiin zawhna chi hrang hrang an zawt thin.
Ani - 'love Guru' lah chuan chhanna a hamhaih ngai lo! Ama sawi dan chuan, “Ka nupui hmasa nen khan kan in-KS thin tak meuh mai. Amaherawhchu, nu leh pa te sawirem hnua innei kan nih avangin hmangaihna theory zirchiang hmasa lova hnawhsaruma kan 'pratise' nghal rup avang khan, hmangaihna famkim ni lovin tisa chakna hrikthlakna mai a ni zawk. Science subject pawh theory chiang taka zira hriat chian hmasak loh chuan practical-ah duh angin kan ti tha thei lo a, chu chuan examna-ah min pawthniam a, nakinah kan nih tur ang kan ni thei thrin lo a ni,” tiin a hrilhfiah duah thin nia!
A thusawi ngaithlatute hnena a campaign hla leh a uar ber chu Kama Sutra hi a ni a, chu chu a thiam ang tawkin a hrilhfiah vel!
Kama Sutra chu eng nge ni? Sei teh duaha hrilhfiah ai chuan, lungchim leh hlawhtling taka in-KS dan leh posi hrang hrang hman, tiin i hrilhfiah mai teh ang. Pu Chaudhury chuan, “Hmanlai atang khan kan thlahtuten Kama Sutra hi engmah lo leh thil ho mai mai tura theory leh practical hi ziakchhuak an ni lo a, kimchang tak leh awmze nei vek a nih avangin a kawi a ngila zawm hram hram tur a ni. He theory-a ziak angin posi hrang hrang te pawh hi zirchiana 'practice' ngei tur a ni,” te a la ti ta deuh deuh!
“He thuthlung zawmtute chuan nupa nunah hrasatna an nei ngai lo a, an dinhmun hniamin rethei deuh mah se he theory uluk taka zawmtute chuan an damchhungin hmangaihna par an tlandun thin a, lungawi lohna a awm ngai lo,” tiin uar takin a sawi reng mai a ni!
Chuvangin practical hmaa theory-a belhchian hmasak hi a pawimawh reng a ni. Chutiang bawkin ngaihtuah lawk lo leh pawisa hmanralna tur zawng zawng chhutlawk kilh kelha inkhawl hmasa lova hnawhsaruma in sa ve ringawt kan nih chuan kan pamtul chawk thin reng a ni.
Patna khawpui aiawha MP nih tuma in-candidate ni mah sela hetiang nitin mamawh- Kawng siam, tui in tur thianghlim, mirethei te chawikanna tur, hna hmu lo te tan hna siamsak tih vel mai mai te chu eng teh ualah a ngai lo a, sawi tur a hre lo nge a tui loh lam tsubject a ni hrim hrim! Hetiang lamhawi mi te'n an ngaih pawimawh chungchang te sawipuia a ngaihdan hriat tum ngial thin mah se, hmangaihna lamah bawk a herluhpui vat thin! A thusawi ngaithlatu thenkhatte tan chuan a beidawn thlak hle ta ve ang. Mahse hmangaihna famkim hi a 'specialize subject' a nih miau avangin rem leh rem lovin sawichhuak talh thin mah se thiamawm ve deuh asin.
Hetiang khawpa hmangaihna famkim buaipuitu, MP candidate hian a khingpuite hi hneh lo mah se a thiamawm tho ang. Sum leh paiah pawh an inkhan lo em em a, kutdawh leh Tata neitu ang velin pawisa an inneih hleih. Pu Love Guru-a phei hi chu luangno a buaipui lutuk avangin kum 2006-a an suspend kha tun thleng an la lalut leh lo a, 'suspend allowances' kan tih mai, hlawh chanve chauh a la a, harsa takin a luangno nen an khawsa ve nawlh nawlh a. Hmangaihna famkim erawh lungchim takin an chendun ni awm tak a ni!
Hmangaihna lam rawngkai Magazine thla tin chhuak an buaipui atangin tlem a zawng pawisa lalut lo phei se chuan an berh leh zual ngei ang. Mahse hmangaihna famkim nena inpawm leh nupaa khawsa dun an nih avangin kawng lehlamah chuan an awhawm, i ti mai teh ang.
Pu Chaudhury hi MP-a thlantlin han ni vaih se zawng Patna khawchhungah Love Park nuam leh changkang tak a siam ang a, mi tam zawkte'n duh lovin nawr hut hut mah se ani chuan tihpuitlin a tumruh viau ang. India ramah hetiang hi a la awm lo lehnghal. America leh Europe ramah te chuan Eden hmangaihna hi an phalraiin hmun thenkhatah te phei chuan a hringhrana`` show hmuh tur a thahnem hle. Amaherawhchu. kan pu love park siam tum anga open a awm lo a, India ram hmun hrang hrang bakah foreign atang te pawhin chu park-ah chuan hmangaihna chen turin sang tam ni tin zan tin an rawn kal ngei ang. State sorkar tan lah sum hmuhna hnar tha tak a ni dawn bawk si. Chutiang chu lo ni tak tak ta se, Zoram atang pawhin Zofa tam takte'n an tlawh ve mup mup mai lo’ng maw, tiin ka dawn kual vel mai mai a. Amaherawhchu, Mr Chaudhury hian hnawhsaruma in-KS a remti dawn lo, theory bel taka zirchian hmasak a phut tlat ang a, zirchiang hman lova 'practice' nghal tum tlat, mahse phal a nih si loh avanga beidawnga kir leh an tam viau mai thei.
Aw le, a chunga ka’n ziahlan te hi phuahchawp leh ho mai mai tiin chhiartuten in lo ngai a ni mai thei e. Amaherawhchu, The Aizawl Post-ah he mi mak tak chungchang ka ziah kha chhiartu thenkhatte chuan in la hre reng chawk ang a. Kha tah pawh khan kan pu hian hnawhsaruma in-KS thawt thawt ai chuan a a theory bel taka hriat a pawimawh hmasakzia a sermon uar hle tih kan sawi tawh kha.
Campaign-naa a thusawite hi ni tin local chanchinbuah a chhuak chuai chuai a. Chuti khawpa hmangaihna famkim, namen lova buaipuia sawi lova awm thei ta lo chu, a thusawi ngaithla turin he article ziaktu hian remchang a melh ve ran a. April ni 8, 2009 tlai dar 6 khan a official car hmang lovin a staff pakhat nen Bike-a chuangin kan pu thusawina hmun chu an va pan ve ta rawiha. A hmun an va thlen chuan nula tlangval leh pa valai 100 deuhthaw hian ngaihnawm ti takin a thusawi an lo ngaithla a. Chuta a thusawi chu a ni, he article ziaktu hian a ziak ni.
A tawp berah chuan he lei anchhe dawnga kan vahvaihna hmunah hian hmangaihna awm lovin emaw, hmangaihna hi lo chuai ta sela chuan, he hringnun hi nasa takin a hrehawm lehzual ngei ang le. Hetiang hi a lo hriatlawk kiau avangin Tirhkoh Paul-a pawh khan thil dang zawng aia hmangaihna a pawimawh zia Korinth thawn I, bung 13, 1-13-ah uar takin a ziak ta a ni mai thei asin? Chuvangin Kristian ni lo mah se kan pu, Proff Chaudhury hian he bung leh chang hi, keini Kristian inti te aiin a Sahuai-thingvawn tlat ni awm tak a ni!?
Thlan atanga kan Lalpa Isua thawlhleh ni champha (Easter Sunday), vawiina ziak atan chuan a 'bawnra' mang e aw, tiin he article hi chhiartuten in sawisel mai thei. Chutiang chuan lo ngai pawh awm mah se tho leh ta kan Lal Isua pawh khan hmangaihna pawimawhzia a tlangaupui thin a, Tirhkoh Paula phei chuan thil dang zawng zawng aiin a pawimawh ber, tiin a ziak lehnghal! Chuvangin inthiam lohna pawh awm lem lovin he article hi ka’n ziak leh ta a nih hi. He article avang hian inti awihtha zual te leh inti puithu zualten thiam loh chantirin a ziaktu hi meidilah min nawrliam em lo’ng chu maw?
Patna University-a Proffesor senior tak, Mutuk Nath Chaudhury-a’n a nupui pawmlai, Kum 50 zet mi, kum 30 vel a lo pawm tawh a chhangkham tawh avanga a hnualsuat tak hnuah nula tawih tak leh zei si, kum 25 vel mi nena hmangaihna theory leh practical-a an inzirtir tak chungchang kha, he article ziaktu hian “BAWNGTAR PAWHIN LUANGNO A DUH” tih thupuia hmangin kum 2006 khan The Aizawl Post-ah a chhuah a. Luangtar aia luangno a thlan tak avangin a hna atangin suspend a ni a, vawiin thlengin chawlhtir a la ni. Kha pa ngei mai kha a ni, tuna MP tlin tuma in-candidate ve ta chu ni.
Patna(Bihar) khawpui chhungah hian MP pahnih an awm a, tuna Mr. Chaudhury-a'n (Love Guru, tiin an ko bawk thin) independent candidate-a MP nih a tum vena seat chu Patna Saheb a ni. He seat-a a khinte hi milar leh hmingthang, hausa bawk si leh film star, Mr. Satrughan Sinha leh tunhnaia Cinema-a lar em em Bihari bawk, Sekhar Suman te an ni. Heng milarte hi a khinte ni mah sela, kan 'love Guru' leh a luangno, Mrs Julie te chuan zamna chhe te pawh an nei lo. Patna khawpuia mipui tamna leh mirethei te awmna apiangah phur takin an campaign ngat ngat mai a ni.
A thutiam lah a dangdai mai mai asin! “MP-a min thlantlin chuan Patna khawpui chhungah “LOVE PARK” ka siam ang a, chutah chuan pangpar mawi chi tin a vulchuk ang a, theirah itawm tak takte nen (Eden huan kha a mitthlain a hmu ve pawh ni fa hmiang). Tin, chutah vek chuan nula leh tlangval inngaizawng te leh nupa tuak tharten Enden hmangaihna an chendunna turin thutna nuam tak tak leh in te tak te te-te ka sa fir fer bawk ang,” tiin.
Hmun tin hmun tanga a campaign thusawi lah mipuiten ngaihnawm an ti a, a phawk deuhte chuan an zui map map a, a thusawi an lawm hle. A hawizau vak lo leh Hindu kulmukte erawh chuan Eden hmangaihna a’n hrilhfiah tak tak chu an ngaithla ngam meuh lo. A chang leh nu leh pa te kan hmangaihna hi in-KS-na tel lova hmangaihna a nih vangin a famkim lo a, nupa inhmangihna erawh a famkim a, dik taka hmangaihna famkim chendun a nih chuan nupa kara inhriatthiam lohna te, thinrimna te, tualthahna te leh thilsual dang te reng rengin hmun a chang ngai lo, tiin an nupain an au reng mai a ni!
Campaign-naa a thusawi ngaithlatute zinga pakhat chuan, “Pu Chaudhury, hmangaihna famkim i sawi chamchi a, a nih leh engati nge i nupui hmasa kha hnawla Pi Julie hi i neih tak mai? Ani nen khan Eden hmangaihna in hmang mumal lo, han ti dawn ila fa in nei tho si? In inhmangaihna kha a famkim lo i tihna nge ni a, kum 50 chuang hmeichhia aiin nula naupang, malmar leh itawm zawk i thlang ta mai em ni?” tiin zawhna chi hrang hrang an zawt thin.
Ani - 'love Guru' lah chuan chhanna a hamhaih ngai lo! Ama sawi dan chuan, “Ka nupui hmasa nen khan kan in-KS thin tak meuh mai. Amaherawhchu, nu leh pa te sawirem hnua innei kan nih avangin hmangaihna theory zirchiang hmasa lova hnawhsaruma kan 'pratise' nghal rup avang khan, hmangaihna famkim ni lovin tisa chakna hrikthlakna mai a ni zawk. Science subject pawh theory chiang taka zira hriat chian hmasak loh chuan practical-ah duh angin kan ti tha thei lo a, chu chuan examna-ah min pawthniam a, nakinah kan nih tur ang kan ni thei thrin lo a ni,” tiin a hrilhfiah duah thin nia!
A thusawi ngaithlatute hnena a campaign hla leh a uar ber chu Kama Sutra hi a ni a, chu chu a thiam ang tawkin a hrilhfiah vel!
Kama Sutra chu eng nge ni? Sei teh duaha hrilhfiah ai chuan, lungchim leh hlawhtling taka in-KS dan leh posi hrang hrang hman, tiin i hrilhfiah mai teh ang. Pu Chaudhury chuan, “Hmanlai atang khan kan thlahtuten Kama Sutra hi engmah lo leh thil ho mai mai tura theory leh practical hi ziakchhuak an ni lo a, kimchang tak leh awmze nei vek a nih avangin a kawi a ngila zawm hram hram tur a ni. He theory-a ziak angin posi hrang hrang te pawh hi zirchiana 'practice' ngei tur a ni,” te a la ti ta deuh deuh!
“He thuthlung zawmtute chuan nupa nunah hrasatna an nei ngai lo a, an dinhmun hniamin rethei deuh mah se he theory uluk taka zawmtute chuan an damchhungin hmangaihna par an tlandun thin a, lungawi lohna a awm ngai lo,” tiin uar takin a sawi reng mai a ni!
Chuvangin practical hmaa theory-a belhchian hmasak hi a pawimawh reng a ni. Chutiang bawkin ngaihtuah lawk lo leh pawisa hmanralna tur zawng zawng chhutlawk kilh kelha inkhawl hmasa lova hnawhsaruma in sa ve ringawt kan nih chuan kan pamtul chawk thin reng a ni.
Patna khawpui aiawha MP nih tuma in-candidate ni mah sela hetiang nitin mamawh- Kawng siam, tui in tur thianghlim, mirethei te chawikanna tur, hna hmu lo te tan hna siamsak tih vel mai mai te chu eng teh ualah a ngai lo a, sawi tur a hre lo nge a tui loh lam tsubject a ni hrim hrim! Hetiang lamhawi mi te'n an ngaih pawimawh chungchang te sawipuia a ngaihdan hriat tum ngial thin mah se, hmangaihna lamah bawk a herluhpui vat thin! A thusawi ngaithlatu thenkhatte tan chuan a beidawn thlak hle ta ve ang. Mahse hmangaihna famkim hi a 'specialize subject' a nih miau avangin rem leh rem lovin sawichhuak talh thin mah se thiamawm ve deuh asin.
Hetiang khawpa hmangaihna famkim buaipuitu, MP candidate hian a khingpuite hi hneh lo mah se a thiamawm tho ang. Sum leh paiah pawh an inkhan lo em em a, kutdawh leh Tata neitu ang velin pawisa an inneih hleih. Pu Love Guru-a phei hi chu luangno a buaipui lutuk avangin kum 2006-a an suspend kha tun thleng an la lalut leh lo a, 'suspend allowances' kan tih mai, hlawh chanve chauh a la a, harsa takin a luangno nen an khawsa ve nawlh nawlh a. Hmangaihna famkim erawh lungchim takin an chendun ni awm tak a ni!
Hmangaihna lam rawngkai Magazine thla tin chhuak an buaipui atangin tlem a zawng pawisa lalut lo phei se chuan an berh leh zual ngei ang. Mahse hmangaihna famkim nena inpawm leh nupaa khawsa dun an nih avangin kawng lehlamah chuan an awhawm, i ti mai teh ang.
Pu Chaudhury hi MP-a thlantlin han ni vaih se zawng Patna khawchhungah Love Park nuam leh changkang tak a siam ang a, mi tam zawkte'n duh lovin nawr hut hut mah se ani chuan tihpuitlin a tumruh viau ang. India ramah hetiang hi a la awm lo lehnghal. America leh Europe ramah te chuan Eden hmangaihna hi an phalraiin hmun thenkhatah te phei chuan a hringhrana`` show hmuh tur a thahnem hle. Amaherawhchu. kan pu love park siam tum anga open a awm lo a, India ram hmun hrang hrang bakah foreign atang te pawhin chu park-ah chuan hmangaihna chen turin sang tam ni tin zan tin an rawn kal ngei ang. State sorkar tan lah sum hmuhna hnar tha tak a ni dawn bawk si. Chutiang chu lo ni tak tak ta se, Zoram atang pawhin Zofa tam takte'n an tlawh ve mup mup mai lo’ng maw, tiin ka dawn kual vel mai mai a. Amaherawhchu, Mr Chaudhury hian hnawhsaruma in-KS a remti dawn lo, theory bel taka zirchian hmasak a phut tlat ang a, zirchiang hman lova 'practice' nghal tum tlat, mahse phal a nih si loh avanga beidawnga kir leh an tam viau mai thei.
Aw le, a chunga ka’n ziahlan te hi phuahchawp leh ho mai mai tiin chhiartuten in lo ngai a ni mai thei e. Amaherawhchu, The Aizawl Post-ah he mi mak tak chungchang ka ziah kha chhiartu thenkhatte chuan in la hre reng chawk ang a. Kha tah pawh khan kan pu hian hnawhsaruma in-KS thawt thawt ai chuan a a theory bel taka hriat a pawimawh hmasakzia a sermon uar hle tih kan sawi tawh kha.
Campaign-naa a thusawite hi ni tin local chanchinbuah a chhuak chuai chuai a. Chuti khawpa hmangaihna famkim, namen lova buaipuia sawi lova awm thei ta lo chu, a thusawi ngaithla turin he article ziaktu hian remchang a melh ve ran a. April ni 8, 2009 tlai dar 6 khan a official car hmang lovin a staff pakhat nen Bike-a chuangin kan pu thusawina hmun chu an va pan ve ta rawiha. A hmun an va thlen chuan nula tlangval leh pa valai 100 deuhthaw hian ngaihnawm ti takin a thusawi an lo ngaithla a. Chuta a thusawi chu a ni, he article ziaktu hian a ziak ni.
A tawp berah chuan he lei anchhe dawnga kan vahvaihna hmunah hian hmangaihna awm lovin emaw, hmangaihna hi lo chuai ta sela chuan, he hringnun hi nasa takin a hrehawm lehzual ngei ang le. Hetiang hi a lo hriatlawk kiau avangin Tirhkoh Paul-a pawh khan thil dang zawng aia hmangaihna a pawimawh zia Korinth thawn I, bung 13, 1-13-ah uar takin a ziak ta a ni mai thei asin? Chuvangin Kristian ni lo mah se kan pu, Proff Chaudhury hian he bung leh chang hi, keini Kristian inti te aiin a Sahuai-thingvawn tlat ni awm tak a ni!?
No comments:
Post a Comment