¢ F Lalramliana
High school a zawh hmain a pa a thi a, a pa hna kalsan thawk turin sikul a chhuahsan a; sorkara hna hniam ber pawl chu lungawi taka thawkin engemaw lai khan kan khaw bangla choka a luah thin, kei pawhin ka riahpui ve thin.
Vanduaina chuan a tum bik emaw tih turin he khawvela a zah leh ngaih pawimawh em em a nuin a thihsan leh a; hmeithai fa pawh ni pha tawh lova a hova a nu leh pa inpui an luah laiin a fapa neihchhun, naupang duhawm tak, in danga a nu leh a pi leh pute kianga khawsa chuan thih dan runthlak takin nikum mai khan a thihsan leh ta zel a; a zin hlana thi a ni nghe nghe a, a zinna hmun - Mizoram chhimlam khawpui pakhat atanga a fapa a chan thu leh an khaw pana haw tura a inbuatsaih mek thu min rawn hrilh tum chuan 'eee!' ka ti a, a kiangah hun ka hmang thei chuang lo...
Chu thil thlen hma kum engemaw zat kal taa Mizoram khawpui ber damdawi inpui atanga beidawnga a nu damlo an phurh haw ni pawh khan ka zui haw thei tawh lo bawk a, kawng laka a nu an phurhhlum thu min rawn hrilh zui ta mai reng a; a pa thih laiin kan la inkawm chiah lo a, a nu a chan tumah tal chuan ka hnathawhna hmun atanga ral tur tala haw ka duh a, a tukah kan khaw panin ka chhuak a, chawhnu herah in ka thleng a, rei chawl loin ka thianpate khua chu auto rickshaw veivak remchang hmangin ka pan a, kan khua atangin an khua chu km 18 vel a nih ka ring.
Kan khua atanga chhimlam pana kilometer 10 vel national highway 54 kan zawh hnuah ka thianpate khaw panna chu kawngpui pangngai atangin veilamah a peng a, ka chuanna lirthei chu Lunglei road pangngai zawha kal zel tur a nih avangin 'Tuipui Peng' kan tihah chuan ka chhuk a, ka kalna tur khua chu Chhimtuipui kama inzarpharh a nih avangin chhuk hlira kal a ngai tawh.
Chu khua chu Mizoram chhimlama balu lakna hmunpui pakhat a nih avang leh a chhak khuate kaltlangna a nih avangin motor veivak a awm ve reng a, national highway pensana an khaw panna kawngpui ka zawh tan lai pawh chuan motor hmuh mai ka la inbeisei reng a, mahse, phardin tur motor ka hmu mai hauh lo.
Ka kalna tur kawngah chuan accident rapthlak tak thlen tawhna hmun paltlang tur a awm a, kea ka kal zel chuan pumpelh thui fe ka kaltlang a ngai tih ka hre bawk. A nu ruang ka nang hman tawh dawn lo tih inhre mah ila lungngaihna vawrtawp a hmachhawn laia ka thianpa kianga hun hman ngei ka duh ve tlat avangin ti deuh dui chungin ka kal tan a, ramhuai leh thlahrang te, ramhnuai leh thimhmul te, thlaai leh khawm<>
High school a zawh hmain a pa a thi a, a pa hna kalsan thawk turin sikul a chhuahsan a; sorkara hna hniam ber pawl chu lungawi taka thawkin engemaw lai khan kan khaw bangla choka a luah thin, kei pawhin ka riahpui ve thin.
Vanduaina chuan a tum bik emaw tih turin he khawvela a zah leh ngaih pawimawh em em a nuin a thihsan leh a; hmeithai fa pawh ni pha tawh lova a hova a nu leh pa inpui an luah laiin a fapa neihchhun, naupang duhawm tak, in danga a nu leh a pi leh pute kianga khawsa chuan thih dan runthlak takin nikum mai khan a thihsan leh ta zel a; a zin hlana thi a ni nghe nghe a, a zinna hmun - Mizoram chhimlam khawpui pakhat atanga a fapa a chan thu leh an khaw pana haw tura a inbuatsaih mek thu min rawn hrilh tum chuan 'eee!' ka ti a, a kiangah hun ka hmang thei chuang lo...
Chu thil thlen hma kum engemaw zat kal taa Mizoram khawpui ber damdawi inpui atanga beidawnga a nu damlo an phurh haw ni pawh khan ka zui haw thei tawh lo bawk a, kawng laka a nu an phurhhlum thu min rawn hrilh zui ta mai reng a; a pa thih laiin kan la inkawm chiah lo a, a nu a chan tumah tal chuan ka hnathawhna hmun atanga ral tur tala haw ka duh a, a tukah kan khaw panin ka chhuak a, chawhnu herah in ka thleng a, rei chawl loin ka thianpate khua chu auto rickshaw veivak remchang hmangin ka pan a, kan khua atangin an khua chu km 18 vel a nih ka ring.
Kan khua atanga chhimlam pana kilometer 10 vel national highway 54 kan zawh hnuah ka thianpate khaw panna chu kawngpui pangngai atangin veilamah a peng a, ka chuanna lirthei chu Lunglei road pangngai zawha kal zel tur a nih avangin 'Tuipui Peng' kan tihah chuan ka chhuk a, ka kalna tur khua chu Chhimtuipui kama inzarpharh a nih avangin chhuk hlira kal a ngai tawh.
Chu khua chu Mizoram chhimlama balu lakna hmunpui pakhat a nih avang leh a chhak khuate kaltlangna a nih avangin motor veivak a awm ve reng a, national highway pensana an khaw panna kawngpui ka zawh tan lai pawh chuan motor hmuh mai ka la inbeisei reng a, mahse, phardin tur motor ka hmu mai hauh lo.
Ka kalna tur kawngah chuan accident rapthlak tak thlen tawhna hmun paltlang tur a awm a, kea ka kal zel chuan pumpelh thui fe ka kaltlang a ngai tih ka hre bawk. A nu ruang ka nang hman tawh dawn lo tih inhre mah ila lungngaihna vawrtawp a hmachhawn laia ka thianpa kianga hun hman ngei ka duh ve tlat avangin ti deuh dui chungin ka kal tan a, ramhuai leh thlahrang te, ramhnuai leh thimhmul te, thlaai leh khawm<>
No comments:
Post a Comment