¢ Vanlalremruata Tonson
Zirtirtute chuan Teachers' Day-ah duhsakna leh chawimawina an dawng thin a, chutiang chu a then chuan an beisei thin. Teachers' Day a lo thlen dawn hian 'provincialise' emaw 'regularise' emaw beiseitute chuan sorkar-in Teachers' Day thilpekah hlan se an duh thu an sawi thin bawk.
Chutih laiin Mizorama zirna lama an vanglai hun lo hmang tawhte chuan zirna in provincialise chu a thawktute tan a tha a, zirna erawhin a thatpui lem lo nia an hriat thu an sawi thung.
Mizoram School Education department director hlui, Mizoram Board of School Education president hlui ni bawk Dr LN Tluanga chuan school provincialise chu zirtirtu tan, service-ah te security an neih phah avangin tha a tih thu a sawi a, hetih lai hian zirna atan erawh tha tawk lo deuha a hriat thung thu a sawi.
"Sorkar-in school a lak hian a enkawl a buaithlak duh," a ti.
Thingtlangah khawtlangin thahnem ngai taka sikul an dinin an hahpui em em a, chutiangah chuan a thawktute pawh an intitatu duh a, sorkarin a lak pawh hian thlauhthlak a rem lo thin niin a sawi a, hun kal tawh atang chuan sorkarin sikul a provincialise hian zirna chu a tlahniam hret thin nia a hriat thu a sawi bawk.
Mizoram Board of School Education president hlui bawk R Laltawnga pawhin school provincialise hian zirtirtute chuan service-ah leh facility dangah an thatpui a, zirna erawh chuan a thatpui lem lo nia a hriat thu a sawi ve bawk.
Sorkar hnuaia an luha security tha zawk an neih hian zirtirtute chu an inthlahdah deuh nia a hriat thu sawiin, private an nih lai aiin zirtirtute chu a tan pawh an tang lo deuh nia a ngaih thu a sawi a ni.
A thawktute tana security leh facility hrang hrang ngaihtuaha, private kuta dah chu zirna atana tha zawk tura a rin thu a sawi.
"Zirtirtute hi private an nih pawhin pawngpaw ban mai thei ni lo sela, damloh nikhuaah pawh tanpuina awm theiin, engemaw changin leave te pawh neih dan awm tho se," a ti.
Mizoram sorkar hnuaia official pawimawh pakhat chuan Mizoram zirna hrim hrimah hian tunhmaa sorkarin sikul a lak hmaa mission hnuaia sikul a awm lai chu tuna sorkarin a enkawl hnu hian a tluk lo nia a hriat thu sawiin, sorkarin a lak tak hnuah chuan a thawktute an lo inthlahdahin a thawktu tur lak pawh a fel tawk thei lo tih a sawi.
Chu official chuan ama mimal duh danah chuan sorkar hian school provincialise vak vak lovin private school thaah naupang rethei zawkte pawh luhtir dan zawng se zirnain a thatpui zawk a rin thu a sawi.
State thenkhat chuan coupon system an hmang tih sawiin, "BPL chhungkuate hnenah hian coupon pek ni se, chu coupon hmang chuan naupang nu leh pate hian admission va zawng se a senso chu sorkarin tumsak thung se," a ti a, chutiang kalphungah chuan private school te zingah nu leh pate thlan nih tuma inelna a san a rin thu a sawi a ni.
Private an nih lai pawha duhthu sam lo chu sorkarin a lak hnua han beisei zui vak tur awma a hriat loh thu official chuan a sawi bawk.
Zirtirtute chuan Teachers' Day-ah duhsakna leh chawimawina an dawng thin a, chutiang chu a then chuan an beisei thin. Teachers' Day a lo thlen dawn hian 'provincialise' emaw 'regularise' emaw beiseitute chuan sorkar-in Teachers' Day thilpekah hlan se an duh thu an sawi thin bawk.
Chutih laiin Mizorama zirna lama an vanglai hun lo hmang tawhte chuan zirna in provincialise chu a thawktute tan a tha a, zirna erawhin a thatpui lem lo nia an hriat thu an sawi thung.
Mizoram School Education department director hlui, Mizoram Board of School Education president hlui ni bawk Dr LN Tluanga chuan school provincialise chu zirtirtu tan, service-ah te security an neih phah avangin tha a tih thu a sawi a, hetih lai hian zirna atan erawh tha tawk lo deuha a hriat thung thu a sawi.
"Sorkar-in school a lak hian a enkawl a buaithlak duh," a ti.
Thingtlangah khawtlangin thahnem ngai taka sikul an dinin an hahpui em em a, chutiangah chuan a thawktute pawh an intitatu duh a, sorkarin a lak pawh hian thlauhthlak a rem lo thin niin a sawi a, hun kal tawh atang chuan sorkarin sikul a provincialise hian zirna chu a tlahniam hret thin nia a hriat thu a sawi bawk.
Mizoram Board of School Education president hlui bawk R Laltawnga pawhin school provincialise hian zirtirtute chuan service-ah leh facility dangah an thatpui a, zirna erawh chuan a thatpui lem lo nia a hriat thu a sawi ve bawk.
Sorkar hnuaia an luha security tha zawk an neih hian zirtirtute chu an inthlahdah deuh nia a hriat thu sawiin, private an nih lai aiin zirtirtute chu a tan pawh an tang lo deuh nia a ngaih thu a sawi a ni.
A thawktute tana security leh facility hrang hrang ngaihtuaha, private kuta dah chu zirna atana tha zawk tura a rin thu a sawi.
"Zirtirtute hi private an nih pawhin pawngpaw ban mai thei ni lo sela, damloh nikhuaah pawh tanpuina awm theiin, engemaw changin leave te pawh neih dan awm tho se," a ti.
Mizoram sorkar hnuaia official pawimawh pakhat chuan Mizoram zirna hrim hrimah hian tunhmaa sorkarin sikul a lak hmaa mission hnuaia sikul a awm lai chu tuna sorkarin a enkawl hnu hian a tluk lo nia a hriat thu sawiin, sorkarin a lak tak hnuah chuan a thawktute an lo inthlahdahin a thawktu tur lak pawh a fel tawk thei lo tih a sawi.
Chu official chuan ama mimal duh danah chuan sorkar hian school provincialise vak vak lovin private school thaah naupang rethei zawkte pawh luhtir dan zawng se zirnain a thatpui zawk a rin thu a sawi.
State thenkhat chuan coupon system an hmang tih sawiin, "BPL chhungkuate hnenah hian coupon pek ni se, chu coupon hmang chuan naupang nu leh pate hian admission va zawng se a senso chu sorkarin tumsak thung se," a ti a, chutiang kalphungah chuan private school te zingah nu leh pate thlan nih tuma inelna a san a rin thu a sawi a ni.
Private an nih lai pawha duhthu sam lo chu sorkarin a lak hnua han beisei zui vak tur awma a hriat loh thu official chuan a sawi bawk.
No comments:
Post a Comment