Kum 16 mi chauh a ni a, Mizoram pumah HSLC exam-ah pakhatna niin subject zawng zawngah letter a hmu bawk.
A pa chu PB Laltanpuia a ni a, a nu chu C Vanlalmawii niin unau pali zinga a pang ber leh mipa awm chhun a ni.
Tlangnuam vengah an khawsa a Tlangnuam veng chuan mi taima chhung hriatin an hria.
A pa chu puanthui a ni a, zing dar 5-ah a dawr neihna Kulikawn panin a chhuak a, zanah dar 10-ah te a haw thin.
A pa hnathawh chu an chawbel ber niin tunhma chuan a nuin la phiarin a pui thin.
A nu leh pa hi lehkhathiam an ni lo, an in pawh Assam type niin chep takin an khawsa. A lehkhazirna hmun chu a nu te khum bulah a ni mai a, mahse, lehkha zir tura tur a ngai ngai lo.
An exam dawn chuan a nuin a menpui thin a, a bak chu a zir zirin a zir ve tawp. Tuition a la lo a, a nu leh pa te chuan a zirlai an hrilh thei lo, a u te pawh a zawt ngai lem lo.
Tlai lamah erawh vawkchaw pek leh in vel tifaiin a chhungte a pui thin. A lengchhuak tam lo a, a nu chuan, “A chang chuan leng ve deuh tur te hian ka tur mah zawk thin,” a ti.
A pa chuan, “Pakhatna te a ni ve a, kan tan chuan a lawmawm khawp mai. Kan zirtir ve thei lo a, zirna hun siamsak bak tih theih kan nei si lo. A lawmawm khawp mai,” a ti ban chat mai.
Mizoram puma HSLC-a pakhatna P.B. Lalnunsanga chuan Zozam Weekly zawhna tiang hian a chhang:
I lehkhazir dan?
Nitin lehkha ka zir thin a, a tlangpuiin zing lamah dar 5 atanga dar 7 thleng vel ka zir a. Tlai lamah dar 4:30 atanga 5:30 vel thleng. Zan chaw eikham hnuah 6:30 atanga dar 10 vel thleng ka zir leh thin.
Chu chu i tih dan kum tluan em ni?
Aw ni mai. Mahse, test kan neih dawn emaw kan exam laite chuan ka zir uar deuh thin. A pangngaiah chuan a ngai ang patin ka zir thin.
I school luhna te?
Mary Mount leh St Paul-ah ka zir chhuak tawp. Nursery - VII thleng Mary Mount-ah ka kal a, Class VIII-X chu St Pauls-ah ka zir leh bawk.
Pawl hniam lamah i ti tha thin tho em?
Aw ti tha a ni mai ang chu, top ten-ah ka awm ziah thin. Class VII-ah khan kan center-ah pangana ka ni bawk.
High School-ah?
Class IX atang khan exam apiangin pakhatna ka ni ziah, tum khat erawh revision neihnaah ka ni lo, chumi tih loh chu pakhatna kan class-ah ka ni tluan zak.
I zirlaiah eng subject nge nuam i tih ber?
Mathematics hi nuam ka ti ber.
Tuition i la ngai em?
Tuition ka la ngai lo, keimahin ka zir tawp.
Maths chungchang chu?
Buai fe fe chang pawh ka ngah tho. Mahse mahnia hriatfiah tluk hi a awm lo a, ka thiam loh chu tum 10 chuang te ka hriatthiam hma chu ka chawk char char mai thin. Mahnia inzirchhuah hnu chuan hriat a fiah bik a, a nghet bikin ka hria.
I puitlin hunah eng nge nih i tum? Career-ah eng nge i thlan ang?
Engineer lam hi ka tui a, chu lam hawi chuan ka kal ka ring. Doctor nih hi chu ka tum lem lo, ka tui vak lo.
Subject zawng zawngah letter i hmu vek a, a bu chhung thu i thiam nal viau ang a...
Text book hi ka en hnem. Note hi chu guide ang lekah ka ngai zawk. Text book hi ka en nasa a, keimah hian zir dan hrang bik ka nei.
Engtin?
Vawiin anga kan zir ang hi ka ennawn tho rualin text book hi ka en leh bik a. A bu chhung thu hi keiman a hrangin ka zir leh bik thin.
I zirlaipuite i chah duh?
Tumruhna, beidawng lova beih, theihtawp chhuah, huaisenna chu chu a pawimawh ber. Keima irawm chhuak pawh a ni lo a, ka sawite hi Class X Mizo zirlai buah a awm vek. Kei chuan tuna tarlan te hi a pawimawh ka ti.
Ngaihsan i nei em?
Nei e! Pathian tih mi, mite tana thilphal te hi ka ngaisang lutuk.
A pa chu PB Laltanpuia a ni a, a nu chu C Vanlalmawii niin unau pali zinga a pang ber leh mipa awm chhun a ni.
Tlangnuam vengah an khawsa a Tlangnuam veng chuan mi taima chhung hriatin an hria.
A pa chu puanthui a ni a, zing dar 5-ah a dawr neihna Kulikawn panin a chhuak a, zanah dar 10-ah te a haw thin.
A pa hnathawh chu an chawbel ber niin tunhma chuan a nuin la phiarin a pui thin.
A nu leh pa hi lehkhathiam an ni lo, an in pawh Assam type niin chep takin an khawsa. A lehkhazirna hmun chu a nu te khum bulah a ni mai a, mahse, lehkha zir tura tur a ngai ngai lo.
An exam dawn chuan a nuin a menpui thin a, a bak chu a zir zirin a zir ve tawp. Tuition a la lo a, a nu leh pa te chuan a zirlai an hrilh thei lo, a u te pawh a zawt ngai lem lo.
Tlai lamah erawh vawkchaw pek leh in vel tifaiin a chhungte a pui thin. A lengchhuak tam lo a, a nu chuan, “A chang chuan leng ve deuh tur te hian ka tur mah zawk thin,” a ti.
A pa chuan, “Pakhatna te a ni ve a, kan tan chuan a lawmawm khawp mai. Kan zirtir ve thei lo a, zirna hun siamsak bak tih theih kan nei si lo. A lawmawm khawp mai,” a ti ban chat mai.
Mizoram puma HSLC-a pakhatna P.B. Lalnunsanga chuan Zozam Weekly zawhna tiang hian a chhang:
I lehkhazir dan?
Nitin lehkha ka zir thin a, a tlangpuiin zing lamah dar 5 atanga dar 7 thleng vel ka zir a. Tlai lamah dar 4:30 atanga 5:30 vel thleng. Zan chaw eikham hnuah 6:30 atanga dar 10 vel thleng ka zir leh thin.
Chu chu i tih dan kum tluan em ni?
Aw ni mai. Mahse, test kan neih dawn emaw kan exam laite chuan ka zir uar deuh thin. A pangngaiah chuan a ngai ang patin ka zir thin.
I school luhna te?
Mary Mount leh St Paul-ah ka zir chhuak tawp. Nursery - VII thleng Mary Mount-ah ka kal a, Class VIII-X chu St Pauls-ah ka zir leh bawk.
Pawl hniam lamah i ti tha thin tho em?
Aw ti tha a ni mai ang chu, top ten-ah ka awm ziah thin. Class VII-ah khan kan center-ah pangana ka ni bawk.
High School-ah?
Class IX atang khan exam apiangin pakhatna ka ni ziah, tum khat erawh revision neihnaah ka ni lo, chumi tih loh chu pakhatna kan class-ah ka ni tluan zak.
I zirlaiah eng subject nge nuam i tih ber?
Mathematics hi nuam ka ti ber.
Tuition i la ngai em?
Tuition ka la ngai lo, keimahin ka zir tawp.
Maths chungchang chu?
Buai fe fe chang pawh ka ngah tho. Mahse mahnia hriatfiah tluk hi a awm lo a, ka thiam loh chu tum 10 chuang te ka hriatthiam hma chu ka chawk char char mai thin. Mahnia inzirchhuah hnu chuan hriat a fiah bik a, a nghet bikin ka hria.
I puitlin hunah eng nge nih i tum? Career-ah eng nge i thlan ang?
Engineer lam hi ka tui a, chu lam hawi chuan ka kal ka ring. Doctor nih hi chu ka tum lem lo, ka tui vak lo.
Subject zawng zawngah letter i hmu vek a, a bu chhung thu i thiam nal viau ang a...
Text book hi ka en hnem. Note hi chu guide ang lekah ka ngai zawk. Text book hi ka en nasa a, keimah hian zir dan hrang bik ka nei.
Engtin?
Vawiin anga kan zir ang hi ka ennawn tho rualin text book hi ka en leh bik a. A bu chhung thu hi keiman a hrangin ka zir leh bik thin.
I zirlaipuite i chah duh?
Tumruhna, beidawng lova beih, theihtawp chhuah, huaisenna chu chu a pawimawh ber. Keima irawm chhuak pawh a ni lo a, ka sawite hi Class X Mizo zirlai buah a awm vek. Kei chuan tuna tarlan te hi a pawimawh ka ti.
Ngaihsan i nei em?
Nei e! Pathian tih mi, mite tana thilphal te hi ka ngaisang lutuk.
No comments:
Post a Comment