January ni 29, 2008-a Aizawl temperature chu 7.7ºC lek a ni a, chu'ng lai vel chuan office hnathawkte paw'n pawnah ni lum an ai fur thin a nih kha. Thla thum em pawh a liam hma, April ni 23, 2008-ah erawh 34ºC a ni leh dawrh mai!
29.1.2008-a Aizawl temperature chu 7.7ºC lek a ni a, office hnathawkte paw'n ni lum an ai fur mai...
"Khua a vawhin a vawt lutuk a, a lumin a lum lutuk bawk. Chu chu tunlaia kan sik leh sa dinhmun chu a ni," C Rokhuma chuan a ti.
Sik leh sa-in hunbi a nei ta meuh lo; nikum leh kuminah Mizoram sorkar chuan March ni 15 hmaa lo hal hman turin loneitute a hriattir a, nikumah chuan March thla tirah ruah a tlak fo avangin lo a kang tha duh lo hle. Chutih laiin kuminah erawh khua a ro em avangin ram a kang duh em em thung! Ram kang thawm hriat tur a awm fo a, kangmei vangin mi 4-in nunna an chan nghe nghe.
Khua a lum tial tial bawk. Mizoram sorkar hnuaia sik leh sa chungchang zirtu awm chhun - planning deptt. hnuaia science & technology wing te'n an chhinchhiah dan chuan April ni 23, 2008-ah khan Aizawl chu 34ºC-a lum a ni a, 1996 hnua Aizawl lum zawngin 34ºC a thlen vawi thumna a ni. Khawvel lum zawng hi kum 50 chhungin 0.6ºC atangin 2.5ºC-ah a kaichho ang tih chu scientist-te rin dan a ni a, Mizoramah erawh kum 15 chhung lekin temperature hi 2.7ºC-ah a kai der tawh!
Kan tunlai khawvelah hian sik leh sa leh khawchin te hi beisei thiam hleih theih a ni ta lo; beisei anga a awm loh chang leh beisei loh anga a awm chang a inchhawk ta zut zawng a nih hi.
"Tunlaiah chuan sik leh sa hian hunbi a nei tak tak tawh lo a, ruahsur hun han tih ngawt theih pawh a ni tawh lo. Hetiang zela a kal chuan furah khua a tha ang a, thalah ruah a sur lo ang tih pawh a sawi theih loh," tiin Dr Vanlalzara, science & technology wing-a principal scientific officer chuan fiamthu titakin a sawi.
Kum khat chhunga thal, ruah leh to mumal taka a thlen thin dan chu thil to leh mihring, a bikin Mizote thlawhhma lak dan pangngai nena inrem taka kal dun zel an ni thin. Mahse, to, thlipui leh ruahpui thimpui angte chu a awm hlei thei tawh lo niin C Rokhuma chuan May ni 22, 2007-a International Biological Diversity Day-a seminar-ah khan a tarlang a nih kha.
"Daitla, thlasik laia hmun dam zualah phei chuan ruah pate ang hrima leia luang zeihzuih, ngaw kara far ri tluar tluar, kal vel pawh min tihuh deuhthaw thei khawpa tam leh luipui dunga tiauchhum hleuh atana itawm khawpa sang rawn chim mar petput te pawh kha hmuh tur a awm ta lo. Daitla hian thlasik ruahtui kang tawh hnuah thing leh hnim a chawmtu tha ber a ni tawh a; kumtir lamah February thlaa huangruah kan tih leh March thlaa ruah kan neih tlem tak em avang hian March thlaa para rah tur chi zawng zawng tan phei chuan, a bikin serthlum te phei chu an par a lo parh puitling zo lova, a rovin a til mai thin a; chuvangin ser tam kan tih rah tha thei ta lo pawh hi a siam ta a ni," tiin 1991 atanga khawchin leh sik leh sa lo zirchiang tawh C Rokhuma, Padma Shri chawimawina lo dawng tawh chuan a sawi..
C Rokhuma hian a paper-ah Mizoin ruah hming hrang hrang kan lo vuahte a sawifiah a; January thlaah Pawldelh ruah sur ngei tura ngaih a ni, a ti a, February thlaah Kawihthuang par laiin lei tihnawng khawpin ruah a sur tur a ni a, chu chu "huangruah" tia sawi thin a ni, a ti a, "Ba chawh hmaih a lo chawr a, bato zawn a nuam a, chawhmeh tur zik thar a lang tan," a ti.
February thlaah hian lo neimite chuan ring thar (lo thar) vat zoin nipui lo thawin a rawn ti ro thin a, hei hi chapchar awllen hun lai a ni, tiin C Rokhuma chuan March thla chhunga khawtha ni 20 a zawn a awm chuan "Ni hlui an ti a, lo hal nana hun tha ber a ni. A chhan chu lei thlengin a ro tha a, hnim chi lamin a kang ral a, hlo a awl dawn a, a kan that avangin buh leh thlai pawh a tha ngei ngei dawn tih hriat sa tluk a ni," a ti.
"He hun tha hi a pawimawh em em a, plant zawng zawng thlasik lai than chawl (muhil) lo harh hun tan hun a ni a, an zung leh zik chawr turin a insiam tan a; ruahtui an mamawh hliah hliah mai a ni," tiin thlai chi thlakte ti to turin thlipui hmasa ber o tê a lo thawk ngei ngei tur a ni, a ti. Thing hnah hlui til tha duh mang lote pawh zik thar an chhuah theih nana ti til turin a nawr hmanhmawh thin a ni, tiin a sawi a, mahse, "Kum eng emaw zah chhung heti ang hi a thleng ngai ta mang hauh lo," a ti thung.
Kuminah chutiang chu a thleng em? January-ah Pawldelh ruah a sur lo a, February-ah huangruah a tla hek lo. Nikum November ni 5-a ruah tla kha March ni 26-a tlain a chhunzawm chauh a nih kha! Chu chuan loneitute a nghawng ang tih a rin theih.
Nikumah khan sik leh sa mumal lo hian loneitute a lo timangang tawh bawk. March ni 15 hmain loneitute'n lo halin, lo hal zawhah thlai an ching a, mahse, thlai chin hnuah ruah a sur mumal ta si lo. Thlaite chu niin a la a, loneitute an mangang a nih kha. April thla chu ruah tlak thla a ni a, chu chu Mizote beisei dan a ni. Mahse, nikum April-ah khan ruah chu 44.9mm chauh a tla! A kum hmasaah chuan 255.3mm zet a tla si!
Economic Survey Mizoram 2008-2009 chuan Mizoram chu agriculture and allied sector-ah tun hnaiah a tlahniam tih a tarlang a, hei hi chuan Mautam vangah a puh. Thlai chin hunah ruah a sur mumal loh vang a ni tel thei ang em?
Ruahtui tlak danah hian, C Rokhuma chhinchhiah dan chuan 1992-1999 khan January thlaah vawi 4 a sur a, February thlaah vawi vawi 6 a sur. 2000-2007 chhungin January-ah vawi 2, February-ah vawi 4 a sur. "He hun pawimawh ber laia ruahsur loh kum a tam hle a ni," a ti.
"Sik leh sa, ruahtui tlak danin mumal a nei tawh meuh lo a, tun hmalama thlasik van khawthiangah van lam thlir a nuam em em a, kan nu leh pa te'n arsi chanchin, a arsi ngei min kawhhmuhin a thawnthu min zirtir thin a… tunah chuan siruk la pawh kan hmu ngai ta lo," a ti a, "Khawiah nge khiangte-zawng-zim te, sikawi kap te, sirawkuai te in la hmu ngaiin in tu leh fate in la zirtir thei em?" a ti bawk.
"Ramngaw leh nungcha humhalh lama tan kan lak a ngai a, heti lama kan harhthar hi a hun tak zet a ni. Thing te hi kih mai mai loh tur a ni, boruak thianghlim min petu, sik leh sa vawngtu a ni a, nungchate pawh thah mai mai tur a ni lo, kan inmamawh tawn vek," tiin environment humhalh lama tanlak tul a tih thu a sawi.
Sik leh sa hunbi danglam zel chungchangah hian Dr Vanlalzara chuan: "Kan eco-balance a chhe sawt hle a, kan environment a chhe telh telh a, chu bakah, Aizawl bikah chuan, rapid urbanisation vang hian khua a lum telh telhah kan ngai," tiin a ngaihdan a sawi.
'Rapid urbanisation' chungchang hi sawi zawmin, "Aizawl hi planned city a ni lo a, chu chu kan bawh rawk rawk a. Thingkung kan kit mai mai a, mi ramah chuan khaw chhungah ramngaw te an neih laiin kei chuan chutiang kan nei thei lo. Tun hma deuh te chuan Raj Bhavan bul velah te hian vur a tla thin a, tunah chuan chutiang a nih tawh lohzia chu..." a ti bawk.
29.1.2008-a Aizawl temperature chu 7.7ºC lek a ni a, office hnathawkte paw'n ni lum an ai fur mai...
"Khua a vawhin a vawt lutuk a, a lumin a lum lutuk bawk. Chu chu tunlaia kan sik leh sa dinhmun chu a ni," C Rokhuma chuan a ti.
Sik leh sa-in hunbi a nei ta meuh lo; nikum leh kuminah Mizoram sorkar chuan March ni 15 hmaa lo hal hman turin loneitute a hriattir a, nikumah chuan March thla tirah ruah a tlak fo avangin lo a kang tha duh lo hle. Chutih laiin kuminah erawh khua a ro em avangin ram a kang duh em em thung! Ram kang thawm hriat tur a awm fo a, kangmei vangin mi 4-in nunna an chan nghe nghe.
Khua a lum tial tial bawk. Mizoram sorkar hnuaia sik leh sa chungchang zirtu awm chhun - planning deptt. hnuaia science & technology wing te'n an chhinchhiah dan chuan April ni 23, 2008-ah khan Aizawl chu 34ºC-a lum a ni a, 1996 hnua Aizawl lum zawngin 34ºC a thlen vawi thumna a ni. Khawvel lum zawng hi kum 50 chhungin 0.6ºC atangin 2.5ºC-ah a kaichho ang tih chu scientist-te rin dan a ni a, Mizoramah erawh kum 15 chhung lekin temperature hi 2.7ºC-ah a kai der tawh!
Kan tunlai khawvelah hian sik leh sa leh khawchin te hi beisei thiam hleih theih a ni ta lo; beisei anga a awm loh chang leh beisei loh anga a awm chang a inchhawk ta zut zawng a nih hi.
"Tunlaiah chuan sik leh sa hian hunbi a nei tak tak tawh lo a, ruahsur hun han tih ngawt theih pawh a ni tawh lo. Hetiang zela a kal chuan furah khua a tha ang a, thalah ruah a sur lo ang tih pawh a sawi theih loh," tiin Dr Vanlalzara, science & technology wing-a principal scientific officer chuan fiamthu titakin a sawi.
Kum khat chhunga thal, ruah leh to mumal taka a thlen thin dan chu thil to leh mihring, a bikin Mizote thlawhhma lak dan pangngai nena inrem taka kal dun zel an ni thin. Mahse, to, thlipui leh ruahpui thimpui angte chu a awm hlei thei tawh lo niin C Rokhuma chuan May ni 22, 2007-a International Biological Diversity Day-a seminar-ah khan a tarlang a nih kha.
"Daitla, thlasik laia hmun dam zualah phei chuan ruah pate ang hrima leia luang zeihzuih, ngaw kara far ri tluar tluar, kal vel pawh min tihuh deuhthaw thei khawpa tam leh luipui dunga tiauchhum hleuh atana itawm khawpa sang rawn chim mar petput te pawh kha hmuh tur a awm ta lo. Daitla hian thlasik ruahtui kang tawh hnuah thing leh hnim a chawmtu tha ber a ni tawh a; kumtir lamah February thlaa huangruah kan tih leh March thlaa ruah kan neih tlem tak em avang hian March thlaa para rah tur chi zawng zawng tan phei chuan, a bikin serthlum te phei chu an par a lo parh puitling zo lova, a rovin a til mai thin a; chuvangin ser tam kan tih rah tha thei ta lo pawh hi a siam ta a ni," tiin 1991 atanga khawchin leh sik leh sa lo zirchiang tawh C Rokhuma, Padma Shri chawimawina lo dawng tawh chuan a sawi..
C Rokhuma hian a paper-ah Mizoin ruah hming hrang hrang kan lo vuahte a sawifiah a; January thlaah Pawldelh ruah sur ngei tura ngaih a ni, a ti a, February thlaah Kawihthuang par laiin lei tihnawng khawpin ruah a sur tur a ni a, chu chu "huangruah" tia sawi thin a ni, a ti a, "Ba chawh hmaih a lo chawr a, bato zawn a nuam a, chawhmeh tur zik thar a lang tan," a ti.
February thlaah hian lo neimite chuan ring thar (lo thar) vat zoin nipui lo thawin a rawn ti ro thin a, hei hi chapchar awllen hun lai a ni, tiin C Rokhuma chuan March thla chhunga khawtha ni 20 a zawn a awm chuan "Ni hlui an ti a, lo hal nana hun tha ber a ni. A chhan chu lei thlengin a ro tha a, hnim chi lamin a kang ral a, hlo a awl dawn a, a kan that avangin buh leh thlai pawh a tha ngei ngei dawn tih hriat sa tluk a ni," a ti.
"He hun tha hi a pawimawh em em a, plant zawng zawng thlasik lai than chawl (muhil) lo harh hun tan hun a ni a, an zung leh zik chawr turin a insiam tan a; ruahtui an mamawh hliah hliah mai a ni," tiin thlai chi thlakte ti to turin thlipui hmasa ber o tê a lo thawk ngei ngei tur a ni, a ti. Thing hnah hlui til tha duh mang lote pawh zik thar an chhuah theih nana ti til turin a nawr hmanhmawh thin a ni, tiin a sawi a, mahse, "Kum eng emaw zah chhung heti ang hi a thleng ngai ta mang hauh lo," a ti thung.
Kuminah chutiang chu a thleng em? January-ah Pawldelh ruah a sur lo a, February-ah huangruah a tla hek lo. Nikum November ni 5-a ruah tla kha March ni 26-a tlain a chhunzawm chauh a nih kha! Chu chuan loneitute a nghawng ang tih a rin theih.
Nikumah khan sik leh sa mumal lo hian loneitute a lo timangang tawh bawk. March ni 15 hmain loneitute'n lo halin, lo hal zawhah thlai an ching a, mahse, thlai chin hnuah ruah a sur mumal ta si lo. Thlaite chu niin a la a, loneitute an mangang a nih kha. April thla chu ruah tlak thla a ni a, chu chu Mizote beisei dan a ni. Mahse, nikum April-ah khan ruah chu 44.9mm chauh a tla! A kum hmasaah chuan 255.3mm zet a tla si!
Economic Survey Mizoram 2008-2009 chuan Mizoram chu agriculture and allied sector-ah tun hnaiah a tlahniam tih a tarlang a, hei hi chuan Mautam vangah a puh. Thlai chin hunah ruah a sur mumal loh vang a ni tel thei ang em?
Ruahtui tlak danah hian, C Rokhuma chhinchhiah dan chuan 1992-1999 khan January thlaah vawi 4 a sur a, February thlaah vawi vawi 6 a sur. 2000-2007 chhungin January-ah vawi 2, February-ah vawi 4 a sur. "He hun pawimawh ber laia ruahsur loh kum a tam hle a ni," a ti.
"Sik leh sa, ruahtui tlak danin mumal a nei tawh meuh lo a, tun hmalama thlasik van khawthiangah van lam thlir a nuam em em a, kan nu leh pa te'n arsi chanchin, a arsi ngei min kawhhmuhin a thawnthu min zirtir thin a… tunah chuan siruk la pawh kan hmu ngai ta lo," a ti a, "Khawiah nge khiangte-zawng-zim te, sikawi kap te, sirawkuai te in la hmu ngaiin in tu leh fate in la zirtir thei em?" a ti bawk.
"Ramngaw leh nungcha humhalh lama tan kan lak a ngai a, heti lama kan harhthar hi a hun tak zet a ni. Thing te hi kih mai mai loh tur a ni, boruak thianghlim min petu, sik leh sa vawngtu a ni a, nungchate pawh thah mai mai tur a ni lo, kan inmamawh tawn vek," tiin environment humhalh lama tanlak tul a tih thu a sawi.
Sik leh sa hunbi danglam zel chungchangah hian Dr Vanlalzara chuan: "Kan eco-balance a chhe sawt hle a, kan environment a chhe telh telh a, chu bakah, Aizawl bikah chuan, rapid urbanisation vang hian khua a lum telh telhah kan ngai," tiin a ngaihdan a sawi.
'Rapid urbanisation' chungchang hi sawi zawmin, "Aizawl hi planned city a ni lo a, chu chu kan bawh rawk rawk a. Thingkung kan kit mai mai a, mi ramah chuan khaw chhungah ramngaw te an neih laiin kei chuan chutiang kan nei thei lo. Tun hma deuh te chuan Raj Bhavan bul velah te hian vur a tla thin a, tunah chuan chutiang a nih tawh lohzia chu..." a ti bawk.
No comments:
Post a Comment