Vanlalremruata Tonson
Mizorama natna tam ber chu Malaria niin, thihna thlen tam bertu a ni. Malaria vanga damdawi in pan hi 2007 chhung khan mi 18,878 an awm a, an zinga mi 5144 chu damdawi ina awm ngai an ni.
Mizo Research Scholars Association leh Government Zawlnuam College te'n "Human Securities in North East India: Problems, Reponses and Strategies" tih thupui hmanga March ni 30-31 chhunga seminar an buatsaiha paper pakhatah pawh malaria chu Mizorama natna huaisar ber a nih thu tarlan a ni.
Natna buaipui ngai zual 10 tarlan zingah a sang ber a nih bakah thihna thlen nasa zual 10 tarlan zingah pawh a thlen tam ber a ni bawk. Mi eng zat chiahin nge 2007 chhung khan malaria thihpui tih erawh paper-ah hian tarlan a ni lo thung.
Natna hi a veitu an tam avang ngawtin thihpui an tam ber chuang lo a, malaria erawh chu a vei an tam ber rualin a thihpui pawh an tam ber a ni.
Pum lam natna (stomach & duodenum) chu natna veitu tam ber dawttu a nih laiin thihna thlen nasat dan indawtah chuan a pangana a ni daih. Cancer chu natna buaipui nasat zual 10 zingah a lang pha lo a, hetih lai hian thihna thlen tam ber dawtah chuan pahnihna a ni.
Hritlang (influenza) chu natna buaipui nasat ngai zingah a palina a nih laiin thihna thlen tam zual 10 zingah a lang lo a, Asthma leh Bronchitis te chu natna thlen tam zual 10 zingah a pathumna a nih laiin natna buaipui ngaih nasa 10 zingah hian Asthma & Chronic disease chu a hnuhnung berah a awm a, Acute Bronchitis chu panga a ni. Accident chu thihna thlen tamtu pasarihna a ni.
Kum upa lamte hi a thi nasa ber an ni ang tih chu rinhlelh rual a ni lo a, an thi tam ber reng bawk. Nausente hi upate dawta thi tam an ni.
2007 chhung khan kum 70 chuang mi 1171 an thih laiin kum khat hnuai lam thi 679 an awm a ni.
Kum zawnga chhut chuan vanglai huna thi hi an tam hle niin a ngaih theih a, kum 35-54 inkara thi mi 911 an awm laiin kum 15-34 inkara thi 728 an awm a ni. Kum 55-69 inkara thi 827 an awm bawk a, hetah hian a tam ber chu kum 55-64 inkara thi niin mi 551 an ni a, kum 65-69 inkara thi mi 276 an awm. Kum 15-34 inkara thi mi 722 an awm a, naupan laia (kum 1-14) thi hrim hrim 581 awmin chung zinga 348 chu kum 1-4 an nih laia thi an ni.
Bible chuan mihring "dam kumte chu kum sawmsarih a ni a, chakna avangin kum sawmriat pawh a ni thei a…" tiin a sawi nain data atanga a lan dan chuan Mizoram mipui tam zawk tan chuan kum 70 thleng dam chu thil beisei awm a ni hmel loh hle a ni. 2007-a mi 4891 thi zingah hian kum 70 dam thleng chu mi 1171 chauh an ni a, a hmun lia thena hmun thum aia tam mah chu kum 70 dam thleng zo lo an ni.
Naupang pawh la ni hman meuh lova thi (1027), vanglai huna (kum 15-44) thi (1057) leh kum 70 dam thleng an inzat deuh thuak a, economic thila an thawh hlawk vanglaia taka (kum 25-64) thi phei chu an tam lawr tak tiin a sawi theih ang, 1881 an ni.
Hriselna lam buaipuituten an sawi fo chu naupang kum khat pawh tlin hmaa thi (infant mortality) hi a ni a, hemi chungchangah phei chuan Mizoram hian hmasawn aiin chhiat lam a pan telh telh emaw tih mai tur a ni. 2001- 2007 inkar khan infant mortality rate hian san lam a pan telh telh tia sawi mai theih âwm a ni.
2001 khan infant mortality rate chu 17.31 a nih laiin 2003-ah chuan 21.47-ah a chhoh dawrh a, 2003-ah 14.04-ah a tlahniam nain a kumleh 2004-ah chuan 22.6-ah a chho leh tho a ni. 2005 khan 22.6 atangin .2-a tlahniam hretin 2006-ah 21.45-ah a tlahniam leh naa 2007 erawh chuan 28 a thleng chho leh daih a ni.
Hriselna atana sorkar sum hman dan tur kaihhruaina awm mekah chuan loh theih loh thil (primary healthcare) atan hian healthcare budget 55% hman tur a ni a, secondary-ah 35% hman tur niin tertiary-ah chuan 10% hman tur a ni. Sorkar kumthar (2009-2010) atana annual plan-ah hian healthcare atan cheng vaibelchhe 167.52 ruahman a ni a, hetah hian vaibelchhe 50 chu mi harsa zawkten tana health insurance-a hman tur a ni. Annual plan tharah hian mi pakhat tana healthcare atana sum hman tur ruahman chu Rs 1523 ang a ni a, kum hlui (2008-2009) khan annual plan-a healthcare atana sum ruahman chu cheng vaibelchhe 105 a ni a, mi rethei zawkte tana health insurance atana hman turin cheng vaibelchhe 50 dah a ni bawk. Heti hian mi pakhat tan healthcare atana hman tura chhut chu Rs 464 a ni.
Tun dinhmunah hian vantlang hriselna (public health) lam buaipui turin sorkar chuan hmanrua (infrastructure) a nei pangngai thawkhat niin a ngaih theih ang.
Public health atana infrastructure pawimawh zual Community Health Centre (CHC), Primary Health Centre (PHC) leh Sub-Centre (SC)-ah te hian India ramin a neih dan chawhrual aia tha Mizoram chuan a nei a ni. India ramah hian mi 1,89,895-in CHC pakhat intawm ang a nih laiin Mizoramah chuan mi 98,730 zelin CHC pakhat intawm ang a ni a, PHC pawh India ram puma 32,754-in PHC pakhat intawm ang a nih laiin Mizoramah chuan mi 15,589-in PHC pakhat intawm ang a ni. SC-ah India ram pumah mi 5,121-in pakhat intawm ang a nih laiin Mizoramah chuan mi 2,427-in intawm ang a ni.
Hetih lai hian heng public health infrastructure te chu India ram pum ngaihtuah chuan an bial a zau hle thung. CHC pakhatin square kilometre 2000 chuang a bial laiin India ram puma CHC pakhat bial chawhrual chu square kilometre 1000 a tling lo thung.
Public health atana thawktu (man power)-ah pawh duhthusam tia sawi tur ni lo mah se thiamna ni lovin a mihring hrim hrimah chuan Mizoram dinhmun chu a chhe lo. Doctor pakhat hi mi 3500-in an intawm chuan tha thawkhatah ngaih a ni a, Mizoramah chuan mi 3406-in doctor pakhat intawm a ni. Nurse-ah phei chuan Mizoram dinhmun chu tha viauah a ngaih theih awm e, nurse pakhat hi mi 5000-in intawm tura ngaih a nih laiin Mizoramah chuan mi 1503-in intawm a ni. Health worker pawh mi 3000-in mipa leh hmeichhia pakhat ve ve intawm tura ngaih a nih laiin Mizoram-ah chuan mi 1052-in intawm niin pharmacist-ah mi 10,000-in pakhat intawm tura ngaih a nih laiin Mizoramah chuan mi 9,873-in pakhat intawm a ni bawk.
Hetih lai hian laboratory technician-ah erawh chuan tlemin Mizoram dinhmun chuan duhthu a sam lo deuh niin a ngaih theih. Mi 10,000-in pakhat intawm tura ngaih a nih laiin mi 13463-in pakhat intawm ang a ni. Tihian Mizoram pumah primary heaklthcare buaipui turin SC 366 awmin PHC 57 leh CHC 9 a awm a, secondary healthcare hi CHC leh district hospital pasarihten an buaipui a, tertiary healthcare chu damdawi in lian pakhat leh state pawnlama refer-te hmangin buaipui a ni. Mi 10000 zelin damdawi inkhum 29 intawm ang a ni.
Mahse, mihring lama public health thawk tur indaih viau anga a lan lai hian public health infrastructure-te hian an mamawh lei neih tur ang mihring chu an nei lem lo. CHC-ahte hian specialist an awm lo a, damdawi inah pawh specialist angin an thawk lem lo a, public health programme hrang hrangah pawh specialist hi state leh district level-ah an indaih lo a ni. Specialist nih tawh chuan hospital china awm tura ngaihna Mizoramah chuan a awm tlat a, CHC awmna chin lah chu khaw lian leh khawpui an ni ngai bawk si lo. Doctor ngah deuh, mahse, mamawh ang specialist nei lo leh neihchhun pawh an specialist nihna chhawr lovin Mizoram mipuite kan awm a, sorkar pawhin public healthcare atana a mamawh ang specialist chu a nei thei lo a ni.
Ni hnih awh seminar-ah hian Mizoram chhung leh pawn atangin mithiam 26-in paper an present a, William Carey University-a dean Prof C Nunthara'n keynote address a pe a ni.
Mizorama natna tam ber chu Malaria niin, thihna thlen tam bertu a ni. Malaria vanga damdawi in pan hi 2007 chhung khan mi 18,878 an awm a, an zinga mi 5144 chu damdawi ina awm ngai an ni.
Mizo Research Scholars Association leh Government Zawlnuam College te'n "Human Securities in North East India: Problems, Reponses and Strategies" tih thupui hmanga March ni 30-31 chhunga seminar an buatsaiha paper pakhatah pawh malaria chu Mizorama natna huaisar ber a nih thu tarlan a ni.
Natna buaipui ngai zual 10 tarlan zingah a sang ber a nih bakah thihna thlen nasa zual 10 tarlan zingah pawh a thlen tam ber a ni bawk. Mi eng zat chiahin nge 2007 chhung khan malaria thihpui tih erawh paper-ah hian tarlan a ni lo thung.
Natna hi a veitu an tam avang ngawtin thihpui an tam ber chuang lo a, malaria erawh chu a vei an tam ber rualin a thihpui pawh an tam ber a ni.
Pum lam natna (stomach & duodenum) chu natna veitu tam ber dawttu a nih laiin thihna thlen nasat dan indawtah chuan a pangana a ni daih. Cancer chu natna buaipui nasat zual 10 zingah a lang pha lo a, hetih lai hian thihna thlen tam ber dawtah chuan pahnihna a ni.
Hritlang (influenza) chu natna buaipui nasat ngai zingah a palina a nih laiin thihna thlen tam zual 10 zingah a lang lo a, Asthma leh Bronchitis te chu natna thlen tam zual 10 zingah a pathumna a nih laiin natna buaipui ngaih nasa 10 zingah hian Asthma & Chronic disease chu a hnuhnung berah a awm a, Acute Bronchitis chu panga a ni. Accident chu thihna thlen tamtu pasarihna a ni.
Kum upa lamte hi a thi nasa ber an ni ang tih chu rinhlelh rual a ni lo a, an thi tam ber reng bawk. Nausente hi upate dawta thi tam an ni.
2007 chhung khan kum 70 chuang mi 1171 an thih laiin kum khat hnuai lam thi 679 an awm a ni.
Kum zawnga chhut chuan vanglai huna thi hi an tam hle niin a ngaih theih a, kum 35-54 inkara thi mi 911 an awm laiin kum 15-34 inkara thi 728 an awm a ni. Kum 55-69 inkara thi 827 an awm bawk a, hetah hian a tam ber chu kum 55-64 inkara thi niin mi 551 an ni a, kum 65-69 inkara thi mi 276 an awm. Kum 15-34 inkara thi mi 722 an awm a, naupan laia (kum 1-14) thi hrim hrim 581 awmin chung zinga 348 chu kum 1-4 an nih laia thi an ni.
Bible chuan mihring "dam kumte chu kum sawmsarih a ni a, chakna avangin kum sawmriat pawh a ni thei a…" tiin a sawi nain data atanga a lan dan chuan Mizoram mipui tam zawk tan chuan kum 70 thleng dam chu thil beisei awm a ni hmel loh hle a ni. 2007-a mi 4891 thi zingah hian kum 70 dam thleng chu mi 1171 chauh an ni a, a hmun lia thena hmun thum aia tam mah chu kum 70 dam thleng zo lo an ni.
Naupang pawh la ni hman meuh lova thi (1027), vanglai huna (kum 15-44) thi (1057) leh kum 70 dam thleng an inzat deuh thuak a, economic thila an thawh hlawk vanglaia taka (kum 25-64) thi phei chu an tam lawr tak tiin a sawi theih ang, 1881 an ni.
Hriselna lam buaipuituten an sawi fo chu naupang kum khat pawh tlin hmaa thi (infant mortality) hi a ni a, hemi chungchangah phei chuan Mizoram hian hmasawn aiin chhiat lam a pan telh telh emaw tih mai tur a ni. 2001- 2007 inkar khan infant mortality rate hian san lam a pan telh telh tia sawi mai theih âwm a ni.
2001 khan infant mortality rate chu 17.31 a nih laiin 2003-ah chuan 21.47-ah a chhoh dawrh a, 2003-ah 14.04-ah a tlahniam nain a kumleh 2004-ah chuan 22.6-ah a chho leh tho a ni. 2005 khan 22.6 atangin .2-a tlahniam hretin 2006-ah 21.45-ah a tlahniam leh naa 2007 erawh chuan 28 a thleng chho leh daih a ni.
Hriselna atana sorkar sum hman dan tur kaihhruaina awm mekah chuan loh theih loh thil (primary healthcare) atan hian healthcare budget 55% hman tur a ni a, secondary-ah 35% hman tur niin tertiary-ah chuan 10% hman tur a ni. Sorkar kumthar (2009-2010) atana annual plan-ah hian healthcare atan cheng vaibelchhe 167.52 ruahman a ni a, hetah hian vaibelchhe 50 chu mi harsa zawkten tana health insurance-a hman tur a ni. Annual plan tharah hian mi pakhat tana healthcare atana sum hman tur ruahman chu Rs 1523 ang a ni a, kum hlui (2008-2009) khan annual plan-a healthcare atana sum ruahman chu cheng vaibelchhe 105 a ni a, mi rethei zawkte tana health insurance atana hman turin cheng vaibelchhe 50 dah a ni bawk. Heti hian mi pakhat tan healthcare atana hman tura chhut chu Rs 464 a ni.
Tun dinhmunah hian vantlang hriselna (public health) lam buaipui turin sorkar chuan hmanrua (infrastructure) a nei pangngai thawkhat niin a ngaih theih ang.
Public health atana infrastructure pawimawh zual Community Health Centre (CHC), Primary Health Centre (PHC) leh Sub-Centre (SC)-ah te hian India ramin a neih dan chawhrual aia tha Mizoram chuan a nei a ni. India ramah hian mi 1,89,895-in CHC pakhat intawm ang a nih laiin Mizoramah chuan mi 98,730 zelin CHC pakhat intawm ang a ni a, PHC pawh India ram puma 32,754-in PHC pakhat intawm ang a nih laiin Mizoramah chuan mi 15,589-in PHC pakhat intawm ang a ni. SC-ah India ram pumah mi 5,121-in pakhat intawm ang a nih laiin Mizoramah chuan mi 2,427-in intawm ang a ni.
Hetih lai hian heng public health infrastructure te chu India ram pum ngaihtuah chuan an bial a zau hle thung. CHC pakhatin square kilometre 2000 chuang a bial laiin India ram puma CHC pakhat bial chawhrual chu square kilometre 1000 a tling lo thung.
Public health atana thawktu (man power)-ah pawh duhthusam tia sawi tur ni lo mah se thiamna ni lovin a mihring hrim hrimah chuan Mizoram dinhmun chu a chhe lo. Doctor pakhat hi mi 3500-in an intawm chuan tha thawkhatah ngaih a ni a, Mizoramah chuan mi 3406-in doctor pakhat intawm a ni. Nurse-ah phei chuan Mizoram dinhmun chu tha viauah a ngaih theih awm e, nurse pakhat hi mi 5000-in intawm tura ngaih a nih laiin Mizoramah chuan mi 1503-in intawm a ni. Health worker pawh mi 3000-in mipa leh hmeichhia pakhat ve ve intawm tura ngaih a nih laiin Mizoram-ah chuan mi 1052-in intawm niin pharmacist-ah mi 10,000-in pakhat intawm tura ngaih a nih laiin Mizoramah chuan mi 9,873-in pakhat intawm a ni bawk.
Hetih lai hian laboratory technician-ah erawh chuan tlemin Mizoram dinhmun chuan duhthu a sam lo deuh niin a ngaih theih. Mi 10,000-in pakhat intawm tura ngaih a nih laiin mi 13463-in pakhat intawm ang a ni. Tihian Mizoram pumah primary heaklthcare buaipui turin SC 366 awmin PHC 57 leh CHC 9 a awm a, secondary healthcare hi CHC leh district hospital pasarihten an buaipui a, tertiary healthcare chu damdawi in lian pakhat leh state pawnlama refer-te hmangin buaipui a ni. Mi 10000 zelin damdawi inkhum 29 intawm ang a ni.
Mahse, mihring lama public health thawk tur indaih viau anga a lan lai hian public health infrastructure-te hian an mamawh lei neih tur ang mihring chu an nei lem lo. CHC-ahte hian specialist an awm lo a, damdawi inah pawh specialist angin an thawk lem lo a, public health programme hrang hrangah pawh specialist hi state leh district level-ah an indaih lo a ni. Specialist nih tawh chuan hospital china awm tura ngaihna Mizoramah chuan a awm tlat a, CHC awmna chin lah chu khaw lian leh khawpui an ni ngai bawk si lo. Doctor ngah deuh, mahse, mamawh ang specialist nei lo leh neihchhun pawh an specialist nihna chhawr lovin Mizoram mipuite kan awm a, sorkar pawhin public healthcare atana a mamawh ang specialist chu a nei thei lo a ni.
Ni hnih awh seminar-ah hian Mizoram chhung leh pawn atangin mithiam 26-in paper an present a, William Carey University-a dean Prof C Nunthara'n keynote address a pe a ni.
No comments:
Post a Comment