¢ Lalthlamuana Ralte
Pa maksak Lalu Prasad Yadav-a chanchin hian a khat tawkin India ram a deng chhuak reng a, politician langsar tak a ni chung hian politician-lo deuh deuha chet chak a ngah a, ram hruaitu tihawm loh pui pui tih chang lah a nei hnem.
A miziaah hian pawisak vak nei lo, tumah mitmei veng lo a thil ti mai thin leh duh duh sawi chhuak thin a ang ber awm e. Chu tak chu mi tam takin an nuihsawhna chhan a nih rualin a zuituten an ngaihsan chhan a ni lawi si a ni.
Politician dangdai leh ram hruaitu maksak a nihzia lanna tam tak sawi tur a awm a. Chung zinga pakhat chu hnam hla sak laia a bul vela awm zawng zawng an din vek laia a nupui nena an thu tlat mai kha a ni.
Hei hi kum 2003 a thil thleng kha a ni a. A lalna ram Bihar-ah India Republic Day ropui takin an lawm a, hnam hla sak a lo huna chuta awm ve zawng zawng chu an ding vek a, urhsun takin an sa dual dual a. Chutihlai chuan Lalu-a leh a nupui, Bihar chief minister ni bawk Rabri Devi te erawh chuan ngunthluk em emin an lehkha phek ken lai chu an lo chhiar malh malh thung!
Kum 2005 January ni 5 khan national anthem an sak laia Lalu-a te nupa thu bik lai thlalak hi nitin chanchinbu pakhatin a tarlang a. Chu thlalak chuan mite ngaihven a hlawh nghal hle a.
Tlawmngai pawl pakhat Tiranga Abhiyan chuan he thlalak behchhan hian Indore courth-ah thubuai an thehlut a, an nupa hian hnam hla zah loah an puh a ni.
An thubuai thehluhah chuan, "Mipui chunga leng dinhmun dang tak luahtute hian hnam hla hi zahna an nei lo reng reng" tiin an ziak.
Mi tam tak huat leh lawm hlawh kawp Lalu-a lah chuan, "Hnam hla zah lohna lantir thei kan ni hleinem," a tih san vel mai mai thung.
A hnua press conference-ah pawh he thlalak hi march pass laia an lak niin a sawi a, hun tawpna atana hnam hla sak laia din chu sorkar hotu lawk tan a \ul kher lo a ti bawk.
Mahse, hawtu nei hnem ta na na na chu hnam hla humhalhna dan Prevention of Insult to the National Honour Act, 1971, section 3 hmangin tlawmngai pawl Abhiyan hruaitu pakhat Ravi Atrolia chuan complaint a theh lut a. Chu thubuai chu Judicial Magistrate Narendra Jain-a court-ah ziahluh a ni a.
Lalu-a te nupa zai ve duh loh leh thawh peih loh thubuai remna court tihchhuahah chuan 'Hnam hla sak laia khawng taka ding ve kher lote chu dan bawhchhiaa puh ngawt theih an ni lo' tih a ni. Jana gana mana an sak dual dual laia lo thut bik tlat vang ngawtin inhrem theih lo ni lo tih hi anni nupa hian hrelawk tak maw!
MP election a hnai tial tial a he Lalu-a bawk hia media lam chuan an ngaihven zual leh ta. Seat insem dan chungchangah an thawhpui congress party nen an thu a inhmu thei lo a, an kal hrang titih tawh a. Chutihlaiin, prime minister nih a tum loh thu te, Manmohan Singh-a chu prime minister candidate a nih thu te a sawi bawk si a.
MP inthlan boruak a invawrhsan mek lai hian Muslim ho huatna thu hriam tak sawitu Varun Gandhia'n Lalu-a thu leh hla a luahlan a. Mahse, boruak siam thiam hmingthang Lalu-a bawk chuan Varun Gandhi chungchangah hian thu hriam mangkhen mai a phuh chhuak a. Chu thu avang chuan thubuai a nei maithei leh nghal.
"Home minister chu ni ila chuan varun Gandhi-a hi roller in ka chil pherh vek ang maw le," ti a a sawi avang hian nimin piah mai khan Lalu-a lakah hian FIR thehluh a ni.
Pa maksak Lalu Prasad Yadav-a chanchin hian a khat tawkin India ram a deng chhuak reng a, politician langsar tak a ni chung hian politician-lo deuh deuha chet chak a ngah a, ram hruaitu tihawm loh pui pui tih chang lah a nei hnem.
A miziaah hian pawisak vak nei lo, tumah mitmei veng lo a thil ti mai thin leh duh duh sawi chhuak thin a ang ber awm e. Chu tak chu mi tam takin an nuihsawhna chhan a nih rualin a zuituten an ngaihsan chhan a ni lawi si a ni.
Politician dangdai leh ram hruaitu maksak a nihzia lanna tam tak sawi tur a awm a. Chung zinga pakhat chu hnam hla sak laia a bul vela awm zawng zawng an din vek laia a nupui nena an thu tlat mai kha a ni.
Hei hi kum 2003 a thil thleng kha a ni a. A lalna ram Bihar-ah India Republic Day ropui takin an lawm a, hnam hla sak a lo huna chuta awm ve zawng zawng chu an ding vek a, urhsun takin an sa dual dual a. Chutihlai chuan Lalu-a leh a nupui, Bihar chief minister ni bawk Rabri Devi te erawh chuan ngunthluk em emin an lehkha phek ken lai chu an lo chhiar malh malh thung!
Kum 2005 January ni 5 khan national anthem an sak laia Lalu-a te nupa thu bik lai thlalak hi nitin chanchinbu pakhatin a tarlang a. Chu thlalak chuan mite ngaihven a hlawh nghal hle a.
Tlawmngai pawl pakhat Tiranga Abhiyan chuan he thlalak behchhan hian Indore courth-ah thubuai an thehlut a, an nupa hian hnam hla zah loah an puh a ni.
An thubuai thehluhah chuan, "Mipui chunga leng dinhmun dang tak luahtute hian hnam hla hi zahna an nei lo reng reng" tiin an ziak.
Mi tam tak huat leh lawm hlawh kawp Lalu-a lah chuan, "Hnam hla zah lohna lantir thei kan ni hleinem," a tih san vel mai mai thung.
A hnua press conference-ah pawh he thlalak hi march pass laia an lak niin a sawi a, hun tawpna atana hnam hla sak laia din chu sorkar hotu lawk tan a \ul kher lo a ti bawk.
Mahse, hawtu nei hnem ta na na na chu hnam hla humhalhna dan Prevention of Insult to the National Honour Act, 1971, section 3 hmangin tlawmngai pawl Abhiyan hruaitu pakhat Ravi Atrolia chuan complaint a theh lut a. Chu thubuai chu Judicial Magistrate Narendra Jain-a court-ah ziahluh a ni a.
Lalu-a te nupa zai ve duh loh leh thawh peih loh thubuai remna court tihchhuahah chuan 'Hnam hla sak laia khawng taka ding ve kher lote chu dan bawhchhiaa puh ngawt theih an ni lo' tih a ni. Jana gana mana an sak dual dual laia lo thut bik tlat vang ngawtin inhrem theih lo ni lo tih hi anni nupa hian hrelawk tak maw!
MP election a hnai tial tial a he Lalu-a bawk hia media lam chuan an ngaihven zual leh ta. Seat insem dan chungchangah an thawhpui congress party nen an thu a inhmu thei lo a, an kal hrang titih tawh a. Chutihlaiin, prime minister nih a tum loh thu te, Manmohan Singh-a chu prime minister candidate a nih thu te a sawi bawk si a.
MP inthlan boruak a invawrhsan mek lai hian Muslim ho huatna thu hriam tak sawitu Varun Gandhia'n Lalu-a thu leh hla a luahlan a. Mahse, boruak siam thiam hmingthang Lalu-a bawk chuan Varun Gandhi chungchangah hian thu hriam mangkhen mai a phuh chhuak a. Chu thu avang chuan thubuai a nei maithei leh nghal.
"Home minister chu ni ila chuan varun Gandhi-a hi roller in ka chil pherh vek ang maw le," ti a a sawi avang hian nimin piah mai khan Lalu-a lakah hian FIR thehluh a ni.
No comments:
Post a Comment