Nikum kum chawhma lama Zoram nuihtirtu Comedian Search kha a rawn lang leh dawn alawm hei!
Mi tam takte nghahhlelh, he TV show hi a huaihawttute chuan puitlin leh ngei an tum a, hma an la leh ta e. Amaherawhchu, 'a hma thei ang berin' ti bakin a hun tur a la sawi theih loh thung.
"A hun tur kan la tifel lo a, chu chu kan harsatna chu a ni deuh mai. Hmun hrang hrang atangin ti leh tura ngenna kan dawng chamchi a, Pathian-in rem a tih chuan tih leh ngei kan tum e. Amaherawhchu, a hun tur hi chu fapa pawhin ka la hre lo. A hma thei ang bera tih kan tum," tiin a huaihawttu Mapuia chuan Zozam Weekly a hrilh.
Comedian Search huaihawttute hian Zoram hmun hrang hrang mai ni lo, khawvel hmun hrang hrang atangin huaihawt leh tura ngenna an dawng nasa hle a, Zofate thlen chin apiang kha show khan a lo thleng ni hialin a lang. Israel atang te, US atang te, Europe atang tein Comedian Search huaihawt leh tura ngenna an dawng nasa hle.
"Ka chhungte'n CD-in min rawn thawn a, Mizo zawng zawngin hetah pawh kan nei vek. Kan en a, kan hlimpui, kan nui nasa lutuk. A dawt leh kan nghakhlel lutuk," tiin sap ram nu pakhat chuan a sawi.
"Mizo te hian hlim kan lo duh hle; eirukna avanga hmingchhia leh eiru mekte, Pathian thu sawitu leh Pathian duh loh zawng ti mekte pawh kan nuiho vek," tiin tlangval pakhat chuan Comedian Search a nghahhlelh thu a sawi. "Comedian Search an tih zanah chuan kan naute a mu thei ngai lo; thenawm zawng zawngah an nui hluah hluah mai a... tih leh ngei a ngai, kan hnamin khatiang kha kan mamawh," tiin chanchinbumi Zoa Tlau chuan a sawi ve bawk.
Nikumah khan Comedian Search final kha Vanapa Hall-ah neih a ni a, TV-ah live-a tihchhuah a nih dawn avangin thenkhat chuan Vanapa Hall-ah mipui an kal tam an ring lo a nih kha. Chuta chhapah ruah a'n sur leh ta nghal. Mahse, chuti chung chuan Vanapa Hall chu a khat tlat tho!
Rev. Malsawmzoliana, Christian Communication-a M Th zir zo, Serampore College lecturer chuan Comedian Search chu hmuhnawm a tih thu sawiin, nikumah khan zan khat, chu pawh tlem te, inleng pawimawh a neih vanga a en loh tih loh chu a en vek thu a sawi a, “Ka en deuh vek a, Mafaa leh Hruaitluanga an coment a fing a, ngaihthlak a nuam a, an chhiar zau tih a hriat a, a tha ka ti thlawt. Pu Vela pawh fiamthu thiam tak a la ni reng. Mapuia hian thil interesting tak tak a ti thiam," tiin Zozam Weekly a lo hrilh tawh a ni.
"Kan rin phak bakin Comedian Search kha a hlawhtling a, kan lawm khawp mai. Fiamthu hi hnam tinin kan mamawh a, kan hnam hian Pu Laltuvela te leh Thangkura te hnuah mumalin fiamthu hi kan kalpui ta lo niin a ngaih theih. Zephyr an lo chhuak a, an hlawhtling em em a, amaherawhchu, anni hi a drama zawngin an kal a, a variety dang pawh kan lo mamawh hle a ni tih chu Comedian Search atang khan a langah ka ngai. Tih leh ngei kan tum a, Pathian zarah kan ti leh ngei ang," tiin chief judge Mafaa Hauhnar chuan he show hi huaihawt leh ngei an tum thu a sawi.
"A mak khawp mai; khawilo han kalnaah te hian ti leh tura ngenna hi kan dawng kan dawng mai a, tin, kum a'n tharah hian a hun a hnai nia hriatna a awm ni pawhin a lang. Keini pawhin tih leh ngei kan tum a, a theih ang angin inbuatsaihna lam pawh kan tan tawh. A hun tur ber hi kan la 'final' thei lo a, amaherawhchu, a hma thei ang bera tih kan tum," a ti bawk.
"LPS nena tangho kan ni a, keimahni'n thutawp kan siam ngawt thei lo a, an remchan hun kha ngaihchan ve a ngai. Zan tina TV programme nei an ni a, duh hun hunah 'chumi hunah chuan' a va tih ngawt theih lo. Programme leh schedule te an nei a, thil kal laklawh te a awm a, chu'ng chu ngaihchan a ngai a ni. LPS lam hian min duhsak em em a, Comedian Search atan hian hun tha tak min ngaihtuahsak an tum a, chu chu kan ngaihtuah mek," tia sawiin Mafaa Hauhnar chuan, "April kan lo chuangkai dawn ta a, nikumah khan April thla tir lamah kan tan a ni a. Nikum ai chuan kan tlai deuh ang a, mahse, tlai lutuk chu a ni lo ang. Nikum aia tlai hretah kan nei ang ti ila dawt kan sawiin ka ring lo," a ti.
Zephyr Mapuia (H Rotluanga) chuan tiang hian a sawi:
Comedian Search kha in beisei aiin a hlawhtling?
Kan beisei ang ngeiin kei chuan a hlawhtling ka ti. A nih na takah chuan kan beisei piahlam a ni te pawh a tih theih ang.
Kha show kha eng rilrua pua buatsaih nge in nih?
He thu sawi dawn hian thui tak sawi a ngai a, a tawi thei ang berin han sawi mai ila; fiamthu thiamte hei aia an lo hlut lehzel theih nan leh fiamthu hi eizawnna tlak a ni tih lantir tumna te pawh a ni ve bawk e. Tin, TV lamah midang sawiselna thu dengkhawng pui pui ka hmuh atangin Mizote hian hlim hi kan mamawh a ni tih ngaihtuahna min neihtir nasa khawp mai. Chu chu Comedian Search piantirtu rilru pakhat a ni.
Tih leh in tum em?
Pathianin rem a tih chuan kan ti leh turah kan ngai a, a hun chiah tur hi fapa pawn tunah hi chuan ka hre lo a ni. Amaherawhchu, a theih ang angin kan inbuatsaih a, a hma thei ang bera tih leh turin kan inruahman mek. Tunlai pawh hian kan inruahman reng a, rei lo teah Comedian Search hi a lo let leh ang.
Kha show-a telte khan nuam an ti em?
Kha show-a lo tel contestant-te kha chuan an dinhmun thlen san leh san loh lam ai mahin nuam an ti tlang hle niin kei chuan ka hria Chutiang chuan ka hnenah chuan an sawi.
Mipui lamin ti leh turin an ngen che u em?
Mipui lam hian min ngen nasa khawp mai. 'In ti leh dawn em?' tih leh 'Ti leh thuai thuai rawh u' tih thu kan dawng hnem khawp mai. Mak tak a ni!
Mipuiin an lawm chhan ber eng nge nia i hriat?
Mipuiin an lawm chhan ber tia han sawi fak tur chu ka hre lo, Mizo hnam hian fiamthu hi kan lo lawm tlang a, chu chu miin an hlutna chhan nia ka hriat chu a ni deuh mai. Kei hi chu ka mawl khawp a, hetia han uan vak hi ka tih theih tawk a ni mai a, mipuiin engvanga lawm nge an nih tih lam kha chu thlirtute leh ngaihtuah chikmite chhan tur ni awm tak a ni.
Mizote hian fiamthu nuihzatthlak kan mamawh hrim hrim?
Mizo te hian fiamthu hi kan lo mamawh a ni tih hi kan Comedian Search atangin hian a lang chiang hlein ka hria.
Kha show-a telte khan an hlawkpui em?
Ka zu hrethiam chiah lo, kei chu ka mawl ka tih kha. An hlawkna zat... a sum leh pai ang chuan pakhatna atanga pathumna bak kha chuan lawmman pawh an dawng lem lo a, mahse, kha show zawh hnu atang kha chuan veng hrang hrang chuan an sawm zui nasa tih ka hria a, sum leh pai zawng paw'n an hlawkpui zui ta niin ka hria.
Mi tam takte nghahhlelh, he TV show hi a huaihawttute chuan puitlin leh ngei an tum a, hma an la leh ta e. Amaherawhchu, 'a hma thei ang berin' ti bakin a hun tur a la sawi theih loh thung.
"A hun tur kan la tifel lo a, chu chu kan harsatna chu a ni deuh mai. Hmun hrang hrang atangin ti leh tura ngenna kan dawng chamchi a, Pathian-in rem a tih chuan tih leh ngei kan tum e. Amaherawhchu, a hun tur hi chu fapa pawhin ka la hre lo. A hma thei ang bera tih kan tum," tiin a huaihawttu Mapuia chuan Zozam Weekly a hrilh.
Comedian Search huaihawttute hian Zoram hmun hrang hrang mai ni lo, khawvel hmun hrang hrang atangin huaihawt leh tura ngenna an dawng nasa hle a, Zofate thlen chin apiang kha show khan a lo thleng ni hialin a lang. Israel atang te, US atang te, Europe atang tein Comedian Search huaihawt leh tura ngenna an dawng nasa hle.
"Ka chhungte'n CD-in min rawn thawn a, Mizo zawng zawngin hetah pawh kan nei vek. Kan en a, kan hlimpui, kan nui nasa lutuk. A dawt leh kan nghakhlel lutuk," tiin sap ram nu pakhat chuan a sawi.
"Mizo te hian hlim kan lo duh hle; eirukna avanga hmingchhia leh eiru mekte, Pathian thu sawitu leh Pathian duh loh zawng ti mekte pawh kan nuiho vek," tiin tlangval pakhat chuan Comedian Search a nghahhlelh thu a sawi. "Comedian Search an tih zanah chuan kan naute a mu thei ngai lo; thenawm zawng zawngah an nui hluah hluah mai a... tih leh ngei a ngai, kan hnamin khatiang kha kan mamawh," tiin chanchinbumi Zoa Tlau chuan a sawi ve bawk.
Nikumah khan Comedian Search final kha Vanapa Hall-ah neih a ni a, TV-ah live-a tihchhuah a nih dawn avangin thenkhat chuan Vanapa Hall-ah mipui an kal tam an ring lo a nih kha. Chuta chhapah ruah a'n sur leh ta nghal. Mahse, chuti chung chuan Vanapa Hall chu a khat tlat tho!
Rev. Malsawmzoliana, Christian Communication-a M Th zir zo, Serampore College lecturer chuan Comedian Search chu hmuhnawm a tih thu sawiin, nikumah khan zan khat, chu pawh tlem te, inleng pawimawh a neih vanga a en loh tih loh chu a en vek thu a sawi a, “Ka en deuh vek a, Mafaa leh Hruaitluanga an coment a fing a, ngaihthlak a nuam a, an chhiar zau tih a hriat a, a tha ka ti thlawt. Pu Vela pawh fiamthu thiam tak a la ni reng. Mapuia hian thil interesting tak tak a ti thiam," tiin Zozam Weekly a lo hrilh tawh a ni.
"Kan rin phak bakin Comedian Search kha a hlawhtling a, kan lawm khawp mai. Fiamthu hi hnam tinin kan mamawh a, kan hnam hian Pu Laltuvela te leh Thangkura te hnuah mumalin fiamthu hi kan kalpui ta lo niin a ngaih theih. Zephyr an lo chhuak a, an hlawhtling em em a, amaherawhchu, anni hi a drama zawngin an kal a, a variety dang pawh kan lo mamawh hle a ni tih chu Comedian Search atang khan a langah ka ngai. Tih leh ngei kan tum a, Pathian zarah kan ti leh ngei ang," tiin chief judge Mafaa Hauhnar chuan he show hi huaihawt leh ngei an tum thu a sawi.
"A mak khawp mai; khawilo han kalnaah te hian ti leh tura ngenna hi kan dawng kan dawng mai a, tin, kum a'n tharah hian a hun a hnai nia hriatna a awm ni pawhin a lang. Keini pawhin tih leh ngei kan tum a, a theih ang angin inbuatsaihna lam pawh kan tan tawh. A hun tur ber hi kan la 'final' thei lo a, amaherawhchu, a hma thei ang bera tih kan tum," a ti bawk.
"LPS nena tangho kan ni a, keimahni'n thutawp kan siam ngawt thei lo a, an remchan hun kha ngaihchan ve a ngai. Zan tina TV programme nei an ni a, duh hun hunah 'chumi hunah chuan' a va tih ngawt theih lo. Programme leh schedule te an nei a, thil kal laklawh te a awm a, chu'ng chu ngaihchan a ngai a ni. LPS lam hian min duhsak em em a, Comedian Search atan hian hun tha tak min ngaihtuahsak an tum a, chu chu kan ngaihtuah mek," tia sawiin Mafaa Hauhnar chuan, "April kan lo chuangkai dawn ta a, nikumah khan April thla tir lamah kan tan a ni a. Nikum ai chuan kan tlai deuh ang a, mahse, tlai lutuk chu a ni lo ang. Nikum aia tlai hretah kan nei ang ti ila dawt kan sawiin ka ring lo," a ti.
Zephyr Mapuia (H Rotluanga) chuan tiang hian a sawi:
Comedian Search kha in beisei aiin a hlawhtling?
Kan beisei ang ngeiin kei chuan a hlawhtling ka ti. A nih na takah chuan kan beisei piahlam a ni te pawh a tih theih ang.
Kha show kha eng rilrua pua buatsaih nge in nih?
He thu sawi dawn hian thui tak sawi a ngai a, a tawi thei ang berin han sawi mai ila; fiamthu thiamte hei aia an lo hlut lehzel theih nan leh fiamthu hi eizawnna tlak a ni tih lantir tumna te pawh a ni ve bawk e. Tin, TV lamah midang sawiselna thu dengkhawng pui pui ka hmuh atangin Mizote hian hlim hi kan mamawh a ni tih ngaihtuahna min neihtir nasa khawp mai. Chu chu Comedian Search piantirtu rilru pakhat a ni.
Tih leh in tum em?
Pathianin rem a tih chuan kan ti leh turah kan ngai a, a hun chiah tur hi fapa pawn tunah hi chuan ka hre lo a ni. Amaherawhchu, a theih ang angin kan inbuatsaih a, a hma thei ang bera tih leh turin kan inruahman mek. Tunlai pawh hian kan inruahman reng a, rei lo teah Comedian Search hi a lo let leh ang.
Kha show-a telte khan nuam an ti em?
Kha show-a lo tel contestant-te kha chuan an dinhmun thlen san leh san loh lam ai mahin nuam an ti tlang hle niin kei chuan ka hria Chutiang chuan ka hnenah chuan an sawi.
Mipui lamin ti leh turin an ngen che u em?
Mipui lam hian min ngen nasa khawp mai. 'In ti leh dawn em?' tih leh 'Ti leh thuai thuai rawh u' tih thu kan dawng hnem khawp mai. Mak tak a ni!
Mipuiin an lawm chhan ber eng nge nia i hriat?
Mipuiin an lawm chhan ber tia han sawi fak tur chu ka hre lo, Mizo hnam hian fiamthu hi kan lo lawm tlang a, chu chu miin an hlutna chhan nia ka hriat chu a ni deuh mai. Kei hi chu ka mawl khawp a, hetia han uan vak hi ka tih theih tawk a ni mai a, mipuiin engvanga lawm nge an nih tih lam kha chu thlirtute leh ngaihtuah chikmite chhan tur ni awm tak a ni.
Mizote hian fiamthu nuihzatthlak kan mamawh hrim hrim?
Mizo te hian fiamthu hi kan lo mamawh a ni tih hi kan Comedian Search atangin hian a lang chiang hlein ka hria.
Kha show-a telte khan an hlawkpui em?
Ka zu hrethiam chiah lo, kei chu ka mawl ka tih kha. An hlawkna zat... a sum leh pai ang chuan pakhatna atanga pathumna bak kha chuan lawmman pawh an dawng lem lo a, mahse, kha show zawh hnu atang kha chuan veng hrang hrang chuan an sawm zui nasa tih ka hria a, sum leh pai zawng paw'n an hlawkpui zui ta niin ka hria.
No comments:
Post a Comment