World Cup 2010 Urlawkna

¢ Hmingsanga

'The Greatest Show On Earth' tih hming khawpa khawvelin a chawimawi leh a ngaihhlut, World Cup football chu kan hnaih ta hle mai.

Kumin hi World Cup vawi 19-na tur a ni. 2007 August thla atang khan World Cup 2010 qualifying round chu khelh a ni a, tun atanga rei lo teah final round chu June ni 11- July ni 11 chhung hian Africa khawmualpuia World Cup khelh a nih vawi khatna atan South Africa-ah khelh a ni dawn ta.

Ram leh ram inelna football tournament lian leh hlut hlawh berah hian khawvel ram hrang 204 te'n an khel a, hetiang zat ramin an 'ring' an rawlh duhna football tournament hi a la awm ngai lo. Final round khel tur in ram 32-te chuan chungnung ber nih tumin South Africa ram khawpui hrang hrangah an thiamna leh an theihna lantir tumin an inbuatsaih ta luih luih mai.

Sum leh pai an hmuhna club football chawlhsanin ram leh hnam tan an theihna an hlan ve thung tawh ang. Chutih hunah chuan club khata khelho pawhin club khata khel an ni tih pawh hre chang lovin ram tan an tih theih theih tih an tum dawn a ni.

Sawi tak ang khan South Africa hi World Cup thleng tur hian vote hmanga thlan a ni a, South Africa hian vote 14 a hmuh laiin Africa khawmualpuia ram pakhat Morocco chuan vote 10 an hmu a, World Cup thlen dil ve tho Egypt erawhin vote an hmu lo.

Mizo mipui nawlpuiin mumala World Cup kan en tan kum chu 86 World Cup, Mexico-a khelh kha a ni awm e. A bengvar deuh leh chinchang hre phak chin chuan World Cup hi kum li dana khelh a nih thin thu te pawh hre bawk mah se mipui nawlpui chuan chuti teh luain an hre thuk lo niin a lang. Engpawhnise, Mizo mipuite World Cup kan hmelhriat kum atanga World Cup khelh a nih hnuhnun ber 2006 thlengin i'n chhui dawn teh ang.

1986 WORLD CUP, MEXICO
Winner: Argentina
Runners-Up: Germany FR
Third: France
Fourth: Belgium
Adidas Golden Ball: Diego MARADONA (ARG)
Adidas Golden Shoe: Gary LINEKER (ENG)
Best Young Player Award: Enzo SCIFO (BEL)
FIFA Fair Play award: Brazil
Team tel zat: 24
Qualifier-a tel zat: 121
Tel lo langsar: Netherlands
Match khelh zat - 52

HRIATRENG TLAK: Goal 132 a lut a, match tinah goal 2.54 lut zel ang a ni a; Argentina-in (14) goal an khung hnem ber. Group rukah thenin a titha pahnih theuhin round of 16 an lut a, anni bakah hian group tina pathumna zinga titha zual paliin an zawm ve bawk. Round of 16 atangin knockout-a khelh a ni.

THIL THAR
• Second round-a group-a inthen tihtawp a ni a, round of 16 tiha knockout-a khelh niin hei hi tun thlenga an hman chhunzawm dan a ni.

SAWI HLAWH
• World Cup thlengtu tur dik tak chu Colombia a ni a, nimahsela sum lama an tlakchhiat avangin FIFA president João Havelange remruatna angin Mexico-in an thleng ta a ni.
• Diego Maradona handball avanga England lama goal lut ta chu tun thlenga goal sawi hlawh a ni a, amahin 'Hand of God' a ti a, sawi zui a hlawh rei hle.

Ngaihnawm
• Iran-Iraq indo avangin Iraq-in an ramah qualifier an khel miah lo a, World Cup khel turin an tling tho.
• Group-a hneh nei miah lovin Bulgaria leh Uruguay te'n second round an lut.
• Portugal player-te'n lungawi lohna eng emaw an neih avangin an 'strike' a, an game hnihna an khelh dawnin an practice duh ta miah lo a, group stage paltlang lovin an tla ta nge nge a ni.
• Iraq defender Samir Shaker Mahmoud chuan Belgium an hneh loh tumin referee chil a chhakkhum a, FIFA-in kum khat inkhel thei lovin a hrem.
• Paraguay coach Cayetano Ré chu World Cup-a coach hnawhchhuah hmasak ber a ni.
• World Cup pakhata mimal lansarh ber tuma ngaih a ni a, Diego Maradona chuan a mimal thiam vangin Argentina a champion-pui tiin an sawi thin.

1990 WORLD CUP, ITALY
Winner: Germany FR
Runners-Up: Argentina
Third: Italy
Fourth: England
Adidas Golden Ball: Salvatore SCHILLACI (ITA)
Adidas Golden Shoe: Salvatore SCHILLACI (ITA)
Best Young Player Award: Robert PROSINECKI (CRO)
FIFA Fair Play Award: England
Team tel zat: 24
Qualifier-a tel zat: 116
Tel lo langsar: Denmark, France, Portugal
Match khelh zat - 52

HRIATRENG TLAK: Goal 115 lutin game khata goal 2.21 zel lut ang a ni a, World Cup history-a match khat zela teha goal luh tlem ber kum a ni. West Germany-in (15) goal an thun hnem ber. Group rukah thenin a titha pahnih theuhin round of 16 an lut a, anni bakah hian group tina pathumna zing a titha zual paliin an zawm ve bawk. Round of 16 atangin knockout-a khelh a ni.

THIL THAR
• Goup stage-a dinhmun inang chiah an awma a tlang tur zawnna'n thumvawr tura tih a ni.

NGAIHNAWM
• Italy leh Argentina-in semi final an khelh tumin referee-in first-half injury time minute riat ngawt a pe a, a sana a en theihnghilh vang a ni.
• Argentina player Pedro Monzón chu World Cup final-a hnawhchhuah hmasak ber a ni.
• FIFA Under-20 football-ah Mexico-in player kum upa tak tak an khelh luihtir avangin FIFA-in World Cup khelh a phalsak lo.
• Cameroon chu African team zinga quarter final lut hmasa ber a ni.
• Republic of Ireland chuan inkhelh hun pangngaia hneh nei miah loin quarter final an lut (penalty shoot out-ah an chak chho zel).
• Argentina chu World Cup final-a goal thun lo hmasa ber an ni.
• West Germany coach Franz Beckenbauer chu captain (1974) leh coach ni chunga World Cup-a champion hmasa ber a ni.

1994 WORLD CUP, USA
Winner: Brazil
Runners-Up: Italy
Third: Sweden
Fourth: Bulgaria
Adidas Golden Ball: ROMÁRIO (Romário de Souza Faria) (BRA)
Adidas Golden Shoe: Oleg SALENKO (RUS),Hristo STOICHKOV (BUL)
Yashin Award for the Best Goalkeeper: Michel PREUDHOMME (BEL)
Best Young Player Award: Marc OVERMARS (NED)
FIFA Fair Play award: Brazil
FIFA Award for the Most Entertaining Team: Brazil
Team tel zat: 24
Qualifier-a tel zat: 147
Tel lo langsar: England, France
Match khelh zat - 52

HRIATRENG TLAK: Goal 141 a lut a, match khata goal 2.71 lut ang a ni; Sweden-in (15) goal an thun hnem ber. Group rukah thenin a titha pahnih theuhin round of 16 an lut a, anni bakah hian group tina pathumna zing a titha zual paliin an zawm ve bawk. Round of 16 atangin knockout-a khelh a ni.

THIL THAR
• Tun hmaa a chakin point hnih an hmu thin chu tidanglamin a chakin point thum an hmu tawh.
• Group stage-a yellow card hmuhte chu group stage pelhah thai bo a ni.
• Referee-te chu kawr dum (black) ni lo hak phalsak an ni.
• Player-te jersey hnungah an hming ziah tan a ni.
• USA v Switzerlandchu Pontiac Silverdome-ah khelin hei hi indoor-a World Cup khelh hmasak ber a ni.

SAWI HLAWH
• Chile goalkeeper Roberto Rojas-a'n 1989 qualifier-a Brazil an hmachhawn tuma Brazil hrem an nih theihna tura lem a chan chiam avangin FIFA chuan Chile team pum pui a hrem a, World Cup qualifier an khel thei lo.
• Diego Maradona chu damdawi hman phal loh ephedrine a hmang tih hmuhchhuah a ni a, Argentina FA chuan a rang a rangin a hming an thaichhe chawpchilh a, amah an thawn haw a, a team erawh an hrem zui lo.
Ngaihnawm
• Colombian defender Andrés Escobar chu anmahni lama a tihluh palh hnuah an ram lama a haw chu misualin an kap hlum a, hei hi World Cup chanchina thil lungchhiatthlak ber pawla ngaih a ni.
• Germany player Stefan Effenberg chu South Korea nen an inkhelhin an coach Berti Vogts-a'n a lak chhuah hnuah mipui lakah mawi lo takin a che a, an ramah an thawn haw.
• Russia player Oleg Salenko chuan Cameroon lakah goal nga a thun.
• Inkhel entu zawng zawng chu mi 3,587,538 niin match tinah mipui 68,991-in en ziah anga chhût a ni a, World Cup record a ni.

1998 WORLD CUP, FRANCE
Winner: France
Runners-Up: Brazil
Third: Croatia
Fourth: Netherlands
adidas Golden Ball: RONALDO (BRA)
adidas Golden Shoe: Davor SUKER (CRO)
Yashin Award for the Best Goalkeeper: Fabien BARTHEZ (FRA)
Best Young Player Award: Michael OWEN (ENG)
FIFA Fair Play award: England, France
FIFA Award for the Most Entertaining Team: France
Team tel zat: 32
Qualifier-a tel zat: 174
Tel lo langsar: Russia
Match khelh zat - 64

HRIATRENG TLAK: Goal 171 a lut a, game tina goal 2.67 lut ang a ni a; France-in (15) goal an thun hnem ber. Group pariatah then an ni a, group tina a titha pahnihin round of 16 an lut a, knockout-a khelh a ni.

Thil thar
• Team 24 ni thin chu 32-ah tihpun a ni.
• South American qualifier chu a vawi khatna atan group khatah dahkhawm vek an ni a, an inkhel kual chhuak vek a ni.
• Extra time-a chak zawk zawnna'n golden goal dan hman a ni.

SAWI HLAWH
• Brazil player Ronaldo chu final khel tur team list-ah a hming an tarlang tel lo a, a hnuah an luhtir leh lawi si a, a khel tha lo hle bawk a, a chhan an la inrinsiak mek!

Ngaihnawm
• France player Laurent Blanc chu World Cup history-ah golden goal khung hmasa ber a ni a, Paraguay lakah a thun a ni.
• FIFA history-a a vawi khatna atan intum tur pawh (draw) chu football stadium - Stade Vélodrome - ah neih a ni.
• World Cup game hmasa lama hrem tawk Zinedine Zidane chuan final-ah vawi hnih a tauh goal.

2002 WORLD CUP, SOUTH KOREA & JAPAN
Winner: Brazil
Runners-Up: Germany
Third: Turkey
Fourth: Korea Republic
Adidas Golden Ball: Oliver KAHN (GER)
Adidas Golden Shoe: RONALDO (BRA)
Yashin Award for the Best Goalkeeper: Oliver KAHN (GER)
Best Young Player Award: Landon DONOVAN (USA)
FIFA Fair Play award: Belgium
FIFA Award for the Most Entertaining Team: Korea Republic
Team tel zat: 32
Qualifier-a tel zat: 199
Tel lo langsar: Netherlands

HRIATRENG TLAK: Goal 161 lutin match tinah goal 2.52 lut ang a ni a, Brazil-in (18) goal an thun hnem ber. Group riatah then an ni a, group tina a titha pahnihin round of 16 an lut a, knockout-a khelh a ni.

Thil thar
• Asia rama World Cup nghah hmasa ber a ni.
• Ram pahnihin World Cup an inthlen tawm vawi khatna a ni.
Sawi hlawh
• Cameroon team kawr ban nei lo, 2002 African Nations Cup-a an hâk chu FIFA chuan World Cup-ah hâk an phalsak lo.
NGAIHNAWM
• World Cup hmain tling sa pathum an awm - champion lai France leh a thlengtu South Korea leh Japan.
• World Cup final khelh ni takah hian FIFA ranking-a a hniam ber pahnih - Montserrat (203rd) leh Bhutan (202nd) te chu Bhutan-ah an inkhel a, Bhutan hi 2-0 in an chak a, mipui 15,000 in an en.
• Quarter-final zawhah Ronaldo chuan a 'hairstyle' a thlak daih mai a, sawi a hlawh. A hnua an sawi leh danin a chhan ber chu Ronaldo fapain a pa a hai a, Roberto Carlos-a inkhel a hmuhin, "A pa," tiin an TV hmai a fawp a, a fapain a hriat hran theih nan a lu meh dan a tidanglam ta a ni!
• Bora Milutinovic chuan World Cup-ah ram hrang panga a enkawl ta.

2006 WORLD CUP, GERMANY
Winner: Italy
Runners-Up: France
Third: Germany
Fourth: Portugal
Adidas Golden Ball: Zinedine ZIDANE (FRA)
Adidas Golden Shoe: Miroslav KLOSE (GER)
Yashin Award for the Best Goalkeeper: Gianluigi BUFFON (ITA)
Best Young Player Award: Lukas PODOLSKI (GER)
FIFA Fair Play award: Spain, Brazil
FIFA Award for the Most Entertaining Team: Portugal
Team tel zat: 32
Qualifier-a tel zat: 198
Tel lo langsar: Cameroon, Nigeria

HRIATRENG TLAK: Goal 147 lutin match tinah goal 2.30 per match lut ang a ni a; a thlengtu Germany-in (14) an thun hnem ber. Group riatah then an ni a, group tina a titha pahnihin round of 16 an lut a, knockout-a khelh a ni. Match 64 khelh a ni.

THIL THAR
• A vawi khatna atan champion lai (Brazil) chu tling sa an ni tawh lo a, qualifier an khelh a ngai.
• Fan Zone siam a ni a, stadium-a lut ve remchang lo mipui an pungkhawm a; Germany leh Sweden inkhel Brandenburg Gate-a entu chu mi 7,50,000 vel an ni!

SAWI HLAWH
• Qualifier-a Uzbekistan-in Bahrain 1-0 a an hneh tuma chakna penalty chu FIFA-in 'tihsual palh' tiin a inkhelh thattir a, Bahrain an chak ta daih!
• Croatia leh Australia inkhelh tumin English referee Graham Poll chuan Croatian player Josip Simunic chu yellow card vawi thum a pe, a hnawhchhuah theihnghilh vang a ni!

Ngaihnawm
• Final entu mipui chu maktaduai 715.1 anga chhût an ni.
• Yellow card vawi 326 phawrh a ni a, red card pawh 28 a awm. Russian referee Valentin Ivanov chuan Portugal leh Netherlands inkelh tumin yellow card 16 leh red card 4 a phawrh.
• Switzerland chu goal chhuah miah loin second round-ah an tla a, penalty-ah Ukraine an hneh lo a, group stage-ah pawh goal an chhuah lo.

Related Posts :