Chanchin Maksak 71

Khawvela dam rei ber
Mathematician hmingthang Paul Erdos-a kha pa fiamthu duh deuh mai a ni a, a fiamthu thawh dan ber pakhat chu insawi upat a ni. Kum maktaduai 20 leh a chanve niin a insawi thin.

A awmzia chu- a tleirawl laiin khawvel hi kum maktaduai 20-a upa niin an sawi thin a, a lo puitlin hnu-ah khawvel chu kum maktaduai 40 leh a chanve niin an sawi leh a, chuta tanga a chhut chuan kum maktaduai 20 leh a chanve tiin a insawi ta thin a ni.

Vawi khat pawh, a thusawi laiin mipui chu an tawng ta mur mur mai; a upat thu a sawi ta a, "Mite khan Erdos-a, pa upa tawh tak kha ka hre ve asin, a thusawi hnuhnung ber pawh ka ngaithla ve," an tih theih dawn avangin, chu thu chu inhrilhin an phun ri ta mur mur mai niin a sawi a, mipui chu an nui ta dur dur a!

http://www.blogger.com/img/blank.gif
Tawng sual hi a awr
US president hlui George Bush-a khan thil hriat pelh phing pheng te pawh a ching ve a ni awm e. 2000-a president inthlan dawn, campaign boruakin a vawrtawp a thlen lai vel khan Canadian TV host pakhat hian a kawm (interview) a, chumi tum chuan Bush-a chuan Canada prime minister hming lamriin, thlan tlin a nih chuan ani nen hian tha taka an thawh dun theih a rin thu a sawi a ni.

A sawi tha viau, mahse, prime minister hming chu 'Jean Poutine' tiin a lam tlat; Jean Chretien a ni reng sia! Poutine te chu French-Canadian (French-ho, Canada rama inbengbel) ho chaw duh ber a ni lehnghal!

Related Posts :