Monday, March 29, 2010

MFA League Khelh Chhunzawm A Ni

¢ Hmingsanga

Mizoram Football Association hnuaia division sang ber I Div League thawh hnihna chu March ni 23 atang khan khelh chhunzawm leh a ni ta. I Div league hi season tan tirh lam khan season hawnna atana khelh a ni tawh a. Tunah hian a thawh hnihna khelh chhunzawm a ni leh ta a ni. Season kal mekah MFA chuan I Div club te tan tournament a siamtha viau a, hunawl nei mang lo khawpin tournament an buatsaih sak a, hei hian tualchhung football ah nasa takin hma a sawn tir kan ti lo thei lo ang. Chumi rual chuan Inter Village football tournament khelh a ni a, District FA lam pawh an che tha a, II Div club te pawh an inkhel deuh reng bawk. He'ng avang hian Mizoram football pawhin a hma a sawn nasa hle.

Vodofone MFA League thawh hnihna khelh chhunzawmah hian, a thawh khatnaa che tha tak tak te pawh an che tha chhunzawm zel thei ang em tih sawi lawk theih a ni lo. MFA chuan league thawh hnihna khelh chhunzawmah hian club-te hmakhua an ngaih vang nia sawiin, 'free man' player pasarih leh 'on loan'-in player pahnih tun league khelh chhung hian lak belh an phalsak a ni. Hei hian club thenkhat player phai lam club an zawm avanga harsatna an neih a phuhruk sak mai thei. Hei vang hian league thawh khatnaa che tha lem lote pawh a league hmawr bawkna tournament-ah hian an dinhmun an rawn siamtha thei mai thei bawk.

Luangmual FC, league thawh khatnaa hmahruaitu chu league khelh hmasak lamah an chet mawi loh deuh avangin MFA chuan league atangin a suspend a, Luangmual FC chuan an hremna hi hlihsak turin MFA hnenah an ngen a. He ngenna hi MFA chuan ngun taka ngaihtuahin Lungmualo FC an hremna hi hlipin, point 10 hmua hmahruaitu Lungmual FC te hi point 4 paihsakin ngaihdam an ni. Tichuan league-ah hian I Div league-ah hian club pangate chuan league hi an khel ta a ni.

Club hrang hrangte dinhmun, an point hmuh san dan indawtin i'n thlir thuak thuak teh ang.

SSA FOOTBALL CLUB: SSA Football Club te hi club ding thar an ni a, 1 div club-ah an season khatnaah a che tha pawl an ni thei zel.

League thawh khatnaah hmahruaitu Lungmual FC point 4 paihsak an nih tak avangin tunah hian hmahruaitu an ni ta. Vawi nga khelhah an khingpuite vawi hnih hnehin, vawi hnih an draw a, vawi khat an tlawm a, an khingpuite lamah goal 7 khungin, an lamah goal 4 a lut thung. Tichuan point 8 hmuin hma an hruai mek a ni.

Tunhnaia MFA Cup, Kolasib-a khelh zawh takah khan quater final an thleng a, tun season-ah Independence Cup-ah finalist an ni bawk.

DINTHAR FC: I Division club zingah a daih rei ber pawl leh a tha ber pawl an ni reng thei. Mizoram pawn lamah pawh record tha tak lo nei tawh thin an ni.

League thawh khatnaah khan vawi nga khelhah vawi hnih chakin draw vawi khat an nei a, vawi hnih erawh a tlawm zawkah an tang. An khingpuite lamah goal 7 thunin, an lamah goal 6 lai a lut. Tichuan Dinthar FC te hian point 7 hmuin table-ah pahnihna dinhmun an hauh mek a ni.

Season hmasa an chet that tehreng nen, season kal mekah beisei an pha lo deuh. League-ah hian champion thei turin chance tha tak an nei mek.

RC FC: RC Football club hi an ropui khawp mai. Mizoram football chanchinah mellung pawimawh tak tak 'phun' an nei nual.

I Div-a an season awm vawi khatnaah Independence Cup-ah an champion nghal a, MFA Cup-ah champion an ni zui leh nghal zat bawk.

League thawh khatnaah pawh an che tha ang reng hle. Vawi nga khelhah vawi khat chakin vawi thum draw an nei a, vawi khat an chak lo thung. An khingpuite lamah goal 8 an thun laiin an lamah goal 8 bawk a lut. Tichuan RC FC te hian point 6 hmuin pathumna dinhmunah an ding mek a ni. Beiseina sang tak nena thlir tur RC FC te hian MFA League title hi an chawi leh lo ang tih sawi theih a ni lo.

LUANGMUAL FC: Lungmual FC te hian sawi tak ang khan point paihsak an nih hma chuan point 10 hmuin hmahruaitu an ni a. Vawi 5 khelah khan vawi thum chakin, vawi hnih an draw a, vawi khat an chak lo thung. An khingpuite lamah goal 8 an thun laiin an lamah goal 4 a lut.

Point 4 paihsak an ni chungin point 6 hmuin pathumna dinhmunah an ding thei tho a. Luangmual FC te hian point an hloh zawng zawngte hmu kir leh turin an bei nasa dawn tih a chiang a. An hmabak hi sawi thiam a har rih ang reng viau.

COLLEGE VENG FC: Hman atangin team tha tia sawi hluai tur an ni lem lo, mahse tualchhung player-te khawma team pangngai tak din thei an ni. Season kal mekah Trophy chawi nei lo mah se team pangngai tak an ni chunzawm reng tho.

College Veng FC te hian vawi nga khelah vawi khat chakin, vawi hnih an draw a, vawi khat an chak lo a. An khingpuite lamah goal 4 thunin an lamah goal 7 lai a lut thung.

College Veng FC te hian league table-ah a mawng phah lama a awm hlen an tum lo ang. Point 5 an neih hi tih pun tumin an inbuatsaih ngawrh viau.

FC KULIKAWN: India ram pawn atanga player chahlut thei an ni. Club ding rei tawh leh I div club zingah chanchin tha sawi tur ngah an ni chungin league thawh khatnaah chuan beisei an phak lo deuh. MFA Cup khelh zawh takah finalist an ni a, a vanduai zawkah an tang. League thawh hnihnaah hian beiseina an nei sang a. Thawh khatnaah khan vawi nga khelah vawi khat chakin vawi khat an draw a, vawi thum an chak lo. An khingpuite lamah goal thum an thun laiin an lamah goal 8 lai a lut. Table-ah a mawng phah niin, he dinhmun atanga talchhuak tur hian theihtawp an chhuah a. Beiseina an nei sang hle.

MFA league a champion team hian Trophy, Medal, certificate leh pawisa fai cheng nuai khat an dawng ang a, pahnihnain Trophy, Medal, certificate leh pawisa fai cheng sing 5 an dawng dawn. Heng bakah hian Fair play trophy dawngtu hnenah trophy bakah pawisa fai cheng sing khat, Best player hnenah Rs 5000, Top Scorer hnenah Rs 5000 pek a ni bawk ang.

Inkhelh apiangin Man of the Match thlan thin a ni ang a, MoM hian Rs 500 a dawng zel dawn a, club khel apiangin a chak zawkin Rs 3500 an dawng a, an chak lo zawkin Rs 2500, an in-draw chuan Rs 3000 ve ve an dawng tel zel dawn bawk a ni.

MFA League hi 3rd Bn MAP Ground, Mualpui-ah khelh a ni dawn. League match khelh tawp ni April ni 5-ah erawh chuan a rual vekin khelmual hrang hrangah tlai dar 3-ah khelh a ni ang. Ni khatah match khat zel khelh a ni ang.

Related Posts :


  1. Thіs post will help the internet viewerѕ for creating new blog
    οr even a wеblog from start to end.
    My website: simply click the up coming internet site

  2. Ιts like you read my mind! Үou ѕeem to knoω а
    lot abοut this, like you wrote the book in іt or ѕomething.
    I think that you coulԁ ԁο wіth sоmе рiсs
    to drive the message hοme а little bit, but
    other thаn that, this іѕ wonԁeгful blog.

    An excellent read. I will сertainly be back.

    Fеel fгeе to visit my blog post
    :: V2 Cigs Review

  3. I'll immediately seize your rss feed as I can not to find your email subscription hyperlink or e-newsletter service. Do you have any? Please permit me understand in order that I may just subscribe. Thanks.

    Review my weblog :: click the next website page

  4. ӏf уou ωish for to іmprove your experienсе simply κeep νisiting thіs webѕitе and
    be updated with thе most up-to-ԁate neωѕ update posted here.

    my blog post - visit the up coming website

  5. Fantaѕtiс goodѕ from уou, man.

    I have understand your stuff previous tο and уou're just too fantastic. I actually like what you have acquired here, really like what you are saying and the way in which you say it. You make it entertaining and you still take care of to keep it wise. I can not wait to read far more from you. This is really a wonderful site.

    Here is my web blog

  6. Pretty! This has been an incгediblу wоnderful post.
    Thanks foг proviԁing this info.

    Also visіt my web site -

  7. They have produced this products extremely in different ways.

    Of class, this variety of gadget will have to be tricky
    to use, right?

    Have a look at my homepage; obd code