Utawk intlansiak

Vawi khat chu utawk rual khat hian intlansiak an rawt mauh pek a!

Inchhawng sang zet mai hi a awm a, a chhawng chungnung ber inthlen hmasiak an rawt a ni.

Chutia utawkho intihsiak tum chu an lo hriatin mi reng reng mai chuan mak an ti a, tin, an nghakhlel bawk. A en turin an pungkhawm ta luih luih mai.

An tan ta a...

Tumah chuan utawkho chu inchhawng chungnung ber thleng turin an ring lo. An te hlawm si, an thlen hmain an chau hman ang tih chu an rin dan a ni.

"A ngaihna a awm lo," an ti a, a beisei nei pawl pawhin, "An thleng har tiah tiah ngawt ang," an ti chauh.

"Inchhawng hi a sang lulai em mai, utawk tan chuan han thlen ngaihna a awm lul lo ang," te pawh an ti.

An ngaihdan chu an sawi sup sup a, a then phei chu an nuih a za hial.

An sawi ang tak tak chu a nia - utawkte chu an chau ta hle a, beidawng ta der pawh an awm ta nual mai.

A la beidawng ve lote erawh an kal zel a, an lawn sang ve hret hret bawk. Mahse, hmabak a la thui hle.

Mite chu an lo nui a, an lo bengchheng hle bawk. "A ngaihna a awm lo!!! Tumah hian an lawnchhuak lul lo ang," an lo ti sup sup mai.

A beidawng an pung zel a, nakin deuhah phei chuan an tlu ta phung mai.

Pakhat erawh chuan a la bei tauh tauh mai!

Chu utawk chuan a bei zel a, a hah tawh hle. Mite chuan a lawnchhuah an ring chuang lo a, an rin lohzia chu an sawi nasa ngang mai bawk. Mahse, chu utawk chuan a bei tauh tauh a, a tawpah chuan a chhip a thleng ta hlawl mai!

Mite chuan mak an ti a, utawk dangte hlei hlei chuan a ni mak ti ni!

Engtinnge chutianga sang chu ani tehlulin a lawnchhuah theih tih chu hriat an chak a, thlirtute'n hre chak bawk, a thiante'n hre chak bawk.

Chu utawk chu an pankhawm a, a hlawhtlinna thuruk chu an zawt ta a ni.

A chhan a sawi ta a...

Eng dang a lo ni lo, chu utawk chu a beng a lo ngawng reng alawm mawle!

Utawk tana a beidawnthlakzia leh an lawnchhuah theih loh turzia an sawi lai khan engmah a lo hre pek lo a!

('The frogs and the tower' tih lehlin a ni.)

Related Posts :