Nui Lawks 13

Veng pakhat information centre atanga hriattirna: "Tukin zingah engmah puan tur a awm loh avangin engmah kan rawn puang lo ang," an rawn ti vel deuh zuah zuah a, a mike hmanna hriat lohthlak ngawt mai!
- 9436159317

A hang lutuk a, tattoo a chhu ve a, a taksa-ah tattoo a lang thei lo, a pawng ringawt!
- 9862375770

Dangawk pahnih hi an inhnial a, an inhnial rei telh telh a, an thin a rim telh telh a, a tawp lamah phei chuan an tawng chhuak thei tawh ngang lo; mittui tla zawih zawih chung hian an inkawk ngawng ngawng ringawt.
- 9612589095

A polite khawp a, a bialnu a kiss zawh te hian a chibai a, “Min fawp duh a, a lawmawm hle mai. Kei tehlul hi kohhran leh khawtlangah pawh ka thathnem loh vei nen; mi te hi ka lêm lo si a” a ti thlap zel.
- 9862859973

Vawikhat chu naupang pakhat hian In chung atangin pangpar pot a titla keh chuai mai a, a pa chu a thinrim hle. Naupang chu a kova, a’n dawp vel ta a ni.

Naupang te chu a tang tlat mai. An indawp fe hnu-ah pawh inpuang duh hek lo, a pa chuan tih dan thar a hmang ta a ni. “Mate, George Washington-a chuan a pa thingphun, duat em em mai hi a awm loh laiin a lo kit a, a pa’n a’n zawh chuan a tang hauh lo. ‘Pa, dawt ka sawi thei lo tih i hria e. Keima tih ngei a ni’ a ti a, a pa pawh chuan ‘bawihte, i dawt sawi duh lohna thinlung hi rangkachak kung, a hnah pawisa ai paw’n ka duh zawk’ tiin a ngaidam asin,” a’n ti bauh bauh a. Tichuan naupang te pawh chuan, “Pa, keima rawn tihtlak a nih kha,” a ti ve ta a, a pa chuan a vaw ta zek a.

Naupang te chuan tap vawn vawn chung hian, “Pa, Washington-a chu a pa’n a ngaihdam kha,” a’n tih te chuan a pa chuan, “Ngaidam ang chu. Ani te chuan a pa lu-ah tak a ti tla chuai lo alawm,” a la ti ta tun tun a!
- 9862343408

Related Posts :