1957 November-ah khan India ram nitin chanchinbu pakhat - The Modern Times-ah hian article ngaihnawm deuh mai a chhuak a, 'The Rashtrapati' tih a ni.
Chu article ziaktu chuan a zawna prime minister ni thei Jawaharlal Nehru kha a ning khawp mai a, a term thumna a chelh leh a nih chuan India ram a tihchhiat hle a rin thu te a ziak a ni.
Nehru-a hmalakna leh thil tih thenkhat chu a fak tho a, amaherawhchu, a hnuaia miliante chu an lian tawh lutuk tiin chu article-ah chuan a ziak a, Nehru-a hi prime minister ni leh ta se, amah insiamtha hle a nih loh chuan a lo chapo hle tawh ang a, chu chu India ram hian a chhiatpui ngawt ang tiin Nehru-a chu a bei a ni. India ram mipuite chu Nehru-a thlang tawh lo tura a duh thu chu tlang takin a ziak.
Chu article ziaktu chu tunge? Tu dang an ni lo, amah Jawarharlal Nehru-a kha mawle. Prime minister nih a peih tawh loh vangin tiang khan hming lem hmangin a ziak ta chiam mai pek a nih kha!
Mahse, chu article chuan mi rilru a hneh lo a ni ang, a vawi thumna atan Nehru-a chu prime minister a ni leh a, 1964 thlengin chu hna chu a thawk ta a nih kha.
Thursday, April 2, 2009
PM nih peih tawh lo
Subscribe to:
Post Comments (Atom)
No comments:
Post a Comment