"Lo lut rawh le," Pathian chuan a ti a, "Min interview duh a ni maw?"
"I remchan chuan le," tiin ka chhang a nih kha.
Nui deuh var var chung hian: "Ka tan chuan hun hi chatuan a ni a, eng ti tur pawhin hun te chu ka nei alawm. Eng nge min zawh duh reng reng?" a ti a, ka lawm ngang mai.
"I tan chuan a enga mah hi thil thar a ni hauh lo ang tih ka hria, mahse, ka zawt chak che si a- mihringte miziaah hian a eng hi nge mak i tih ber?"
Pathian chuan min chhang ta a.
"An naupan laiin naupang nih an ning a, puitlin thuai thuai mawlh an chak thin. Chutah an han puitling a, naupan lai an ngai leh si."
A sawi zawm zel a: "An hriselna tichhe thak khawpin sum an um a, chutah an hrisel leh theih nan an neih zawng zawng an hmang leh thin. Ngahkhlel takin hma lam hun an thlir a, tun hun an theihnghilh thung. Hma lam hunah an cheng lo a, tun hunah an cheng hek lo tihna a nih chu. Chatuana dam tur emaw tih turin an khawsa a, nunna reng nei loin an thi leh si..." tiin.
Min rawn kuah a, kan han ngawi dun vang vang bawk a, chumi hnuah chuan zawhna dang ka'n zawt leh ta a ni.
"Pa i nihnaah i fate hi kumtluana ti tura duh i nei em?
"Midang an inhmangaihtir ngawt thei lo a, an theih chhun chu hmangaih turin an awm thei a ni tih hi zir se ka duh. Mi rin hlawh thei turin a kuma kumpui linglet te beih a ngai a, mi rin hlawh lo tur erawh chuan second khat lek a tawk tih pawh zir se. An bungraw neihte hi thil hlu ber a ni lo a, an mihring puite hi an tana thil hlu ber zawk an ni tih pawh zir se ka duh. Midang nen inkhaikhin chhen lo se ka duh, an aia tha zawk an awm a, chhe zawk pawh an awm, A inkhaikhin dik theih loh. Hausakna hi neih hnemah a innghat lo a, mamawh neih tlemah a innghat zawk tih pawh zir teh se. An ngaihtuahna hi thunun tlat rawh se, chuti a nih loh chuan an ngaihtuahnain a thunun daih mai ang. Hmangaihna hi tihhliam palh a awl em em a, tihdam a har em em thung tih te pawh zir se ka duh. Ngaihdamna hi zir hram hram bawk se," tiin zawhna chu a chhang ta a ni.
A sawi zawm leh a:
"Pawisa hian thil zawng zawng deuh thaw a lei thei, hlimna chauh lo chu tih thu hi zir thar se ka duh," a ti.
"Rilru hnual chang an nei ang, chu chu an chanvo pakhat a ni," a ti a, "Mahse, midang tihhnual kher erawh an chanvo a ni lo. Hei hi an zir thar a ngai khawp mai," tiin a sawi zawm bawk.
"Thian tha chu tlem te an ni a, pahnih/khat lek neite chu mi vannei an ni tih te pawh an zir thar a ngai. Ngaihdamna hi midang hnen atanga beisei reng tur a ni ngawt lo, a ngaidamtu nih tum zawk tur. A thusawi reng reng hian bawih-ah a neih ang a, an sawichhuah loh erawh chuan pu-ah a neih thung ang tih te pawh zir rawh se. An tuhrah zel an seng dawn; chutah chuan hei hi hre tel se ka duh - mahni hlimna hi mahni tumram thlen leh thlen lohah a inghat lo a, mahni thlen china lawm thiamah a inghat zawk tih hi," a ti bawk.
A sawi zawm zel a: "Hlimna hi thutluknaah a ni a innghah ni. An dinhmun leh an neihah lungawi se, awhna leh thikna paih se an hlim ang. A thlirtu a zirin thil a danglam thin tih pawh zir se ka duh. Mirinawmte hi an hlim thin; a nghawng tur ngaihtuah lova rinawm tlatte hi an hlim thin tih hi zir se ka duh bawk. Thiante mangan lai te hian pek tur an nei lo a nih pawhin chakna an pe thei tih te hi zir se. 'Hmangaihna' tih thumal hian awmze hrang hrang a nei tih pawh zir teh se. Ka tan thil ropui tak an ti thei tih pawh hria se ka duh; min hmangaih se a tawk mai. Min hnaih theih dan ber chu tawngtai a ni tih pawh zir se ka duh,"tiin.
('Interview With God' tih lehlin a ni. A ziaktu hriat a ni lo.)
"I remchan chuan le," tiin ka chhang a nih kha.
Nui deuh var var chung hian: "Ka tan chuan hun hi chatuan a ni a, eng ti tur pawhin hun te chu ka nei alawm. Eng nge min zawh duh reng reng?" a ti a, ka lawm ngang mai.
"I tan chuan a enga mah hi thil thar a ni hauh lo ang tih ka hria, mahse, ka zawt chak che si a- mihringte miziaah hian a eng hi nge mak i tih ber?"
Pathian chuan min chhang ta a.
"An naupan laiin naupang nih an ning a, puitlin thuai thuai mawlh an chak thin. Chutah an han puitling a, naupan lai an ngai leh si."
A sawi zawm zel a: "An hriselna tichhe thak khawpin sum an um a, chutah an hrisel leh theih nan an neih zawng zawng an hmang leh thin. Ngahkhlel takin hma lam hun an thlir a, tun hun an theihnghilh thung. Hma lam hunah an cheng lo a, tun hunah an cheng hek lo tihna a nih chu. Chatuana dam tur emaw tih turin an khawsa a, nunna reng nei loin an thi leh si..." tiin.
Min rawn kuah a, kan han ngawi dun vang vang bawk a, chumi hnuah chuan zawhna dang ka'n zawt leh ta a ni.
"Pa i nihnaah i fate hi kumtluana ti tura duh i nei em?
"Midang an inhmangaihtir ngawt thei lo a, an theih chhun chu hmangaih turin an awm thei a ni tih hi zir se ka duh. Mi rin hlawh thei turin a kuma kumpui linglet te beih a ngai a, mi rin hlawh lo tur erawh chuan second khat lek a tawk tih pawh zir se. An bungraw neihte hi thil hlu ber a ni lo a, an mihring puite hi an tana thil hlu ber zawk an ni tih pawh zir se ka duh. Midang nen inkhaikhin chhen lo se ka duh, an aia tha zawk an awm a, chhe zawk pawh an awm, A inkhaikhin dik theih loh. Hausakna hi neih hnemah a innghat lo a, mamawh neih tlemah a innghat zawk tih pawh zir teh se. An ngaihtuahna hi thunun tlat rawh se, chuti a nih loh chuan an ngaihtuahnain a thunun daih mai ang. Hmangaihna hi tihhliam palh a awl em em a, tihdam a har em em thung tih te pawh zir se ka duh. Ngaihdamna hi zir hram hram bawk se," tiin zawhna chu a chhang ta a ni.
A sawi zawm leh a:
"Pawisa hian thil zawng zawng deuh thaw a lei thei, hlimna chauh lo chu tih thu hi zir thar se ka duh," a ti.
"Rilru hnual chang an nei ang, chu chu an chanvo pakhat a ni," a ti a, "Mahse, midang tihhnual kher erawh an chanvo a ni lo. Hei hi an zir thar a ngai khawp mai," tiin a sawi zawm bawk.
"Thian tha chu tlem te an ni a, pahnih/khat lek neite chu mi vannei an ni tih te pawh an zir thar a ngai. Ngaihdamna hi midang hnen atanga beisei reng tur a ni ngawt lo, a ngaidamtu nih tum zawk tur. A thusawi reng reng hian bawih-ah a neih ang a, an sawichhuah loh erawh chuan pu-ah a neih thung ang tih te pawh zir rawh se. An tuhrah zel an seng dawn; chutah chuan hei hi hre tel se ka duh - mahni hlimna hi mahni tumram thlen leh thlen lohah a inghat lo a, mahni thlen china lawm thiamah a inghat zawk tih hi," a ti bawk.
A sawi zawm zel a: "Hlimna hi thutluknaah a ni a innghah ni. An dinhmun leh an neihah lungawi se, awhna leh thikna paih se an hlim ang. A thlirtu a zirin thil a danglam thin tih pawh zir se ka duh. Mirinawmte hi an hlim thin; a nghawng tur ngaihtuah lova rinawm tlatte hi an hlim thin tih hi zir se ka duh bawk. Thiante mangan lai te hian pek tur an nei lo a nih pawhin chakna an pe thei tih te hi zir se. 'Hmangaihna' tih thumal hian awmze hrang hrang a nei tih pawh zir teh se. Ka tan thil ropui tak an ti thei tih pawh hria se ka duh; min hmangaih se a tawk mai. Min hnaih theih dan ber chu tawngtai a ni tih pawh zir se ka duh,"tiin.
('Interview With God' tih lehlin a ni. A ziaktu hriat a ni lo.)
No comments:
Post a Comment