April ni 16-ah Mizoram chuan Lok Sabha MP a thlang dawn a, Mizoram MP nih tum pa palite chuan bu lu an chuh mek.
Dr H Lallungmuana, CL Ruala, Rualpawla leh Lalawmpuia Chhangte te'n MP nih tumin an bei mek a, MNF, MPC leh MDF te thlawp, independent-a ding Dr H Lallungmuana leh Indian National Congress candidate CL Ruala te chu inbuk bera ngaih an ni.
Tualto party pathumte thlawp Dr H Lallungmuana hian Mizo Nationalism chu auhlaah a hmang a, Congress-in assembly inthlan leh VC inthlanah te hnehna an chan hnuah MP thlannaah hnehna an chan leh zel chuan, Mizoramah national party an lian hle tihna a ni dawn a, chu chu Mizo Nationalism tan thil tha lo a ni, tiin Mizo Nationalism duhtute chu amah vote turin a sawm a ni.
"Nghawng thlengin kan inchiah tawh," tiin hnam dang identity-in Mizo identity a chim mek niin a sawi a, "Kan lu hi chu chiahpil ve kher lo ang u," tiin mipui a sawm a ni.
"Mizo hnam rilru tihparvula phochhuah hi tul ka ti a, kan identity hi India parliament-a pholan tul ka ti a ni. Kan hnam tih dan, kan identity, kan nature hi eng hnam identity mahin a chimpil hi ka remti lo a, chutiang rilru pute chu thawhpui atan ka duh a ni," Dr H Lallungmuana chuan a ti.
Chutih laiin Congress candidate CL Ruala chuan Mizote tan national party chu tha berin a hria a, tualto party atangin hna a thawh theih tak tak loh tih chu a ngaihdan a ni.
"Hetah inti regional viau mah ila khulam kan dawr hunah meuh chuan kan regional hlei thei thin lo," tiin Zozam Weekly a hrilh. CL Ruala chuan tiang hian a sawi:
I campaign boruakah i lawm em?
A tha e, a tha khawp mai. Ka campaign zing ve tawh viau a, hetiang boruak anga tha hi ka tawng khat khawp mai. Chhim lamah phei chuan tlingsa hmuakin min lo hmuak a, pangpar thi nen ka thlen tlai deuh pawhin min lo hmuak thup zel a, a danglam khawp mai.
MP nih hi i rilruk reng reng em?
Rilruk hranpa lo e. Kum 1977-ah khan kan hotute khan candidate-ah min dah thut a, khatih hunlai khan MDC-ah pawh candidate ka la ni chhin lo a, MP nih hi ka ngaihtuah khat khawp mai.
MP nih i duh chhan eng nge?
Experience engemaw zat ka nei tawh a. Kum 40 dawn Congress-ah ka awm a, thenrual tha leh hmelhriat Mizoramah leh phai lamah ka nei ve teuh tawh a.
Hengte hi kan ram leh hnam tana thil tha leh pawimawh kan tih theihnan kan chhawr thei ngeiin ka ring. Tlema kan lo senior na te pawh hi a chhawr tangkai theih ka beisei hle bawk.
Kum 1971-a EM ka nih lai ngaihtuah chuan tunah chuan self confidence pawh ka nei hle tawh a. Mizoram tana thil tha kan chawkluh theihnan hian ka service hi a la pawimawh niin ka hria.
Regional Party leh National Party in inkhing a, hei hi tha i ti em?
Nia, regional leh national takin kan kaltir pawh a ni thei a. Mahse, ZNP pawhin an zawm lem lo a, an hai a nia. Helaia intih regional viau hian awmzia a nei lo. Khutah keini national party aiin an tlawn nasa zawk a, hetah inti regional viau mah ila khulam kan dawr hunah meuh chuan kan regional hlei thei thin lo. A nihna takah chuan heti laia regional party-te hian central sorkar kan tlawn nasa zawk daih a ni. Chuvangin, hetilaia regional party lo lak run viau hi a sawt lem lo.
A nih leh Mizoram tan national party hi eng nge a thatna?
National party zawm lo ila MNF leh sorkar laipui kha kan inbiak tir thei hauh lo mai thei a, inbe tura nawr kha a buaithlak ang.
Rahul Gandhi a lo kal pawh khan 'sorkar nghet tak in siam tawh a, helai sorkar leh Delhi hi lungrual taka kan thawhho a ngai a, chu chuan rah tha a chhuah ang' a ti a nih kha.
National party hi a thatna hmu tawlh tawlhin ka inhria. A tirah phei chuan Congress pawh hi kawrah hman tum kan ni a. Rambuai laiin Pu Dengthuama'n min rawn sawm a, Congress chu kawra hmana remna leh muanna a awm theihnana hmalak tum kan ni hial zawk.
Mizoram hian MP fel deuh pawh nei ila khulamah thawhpui nei lova mahni tal tala tal tur chuan mi fel tak pawh ni rawh se, awmzia a nei lo.
MP candidate i nih chungchangah central atanga thutawp siam a ni a, hei hi i khingpuite chuan an sawisel a...
Khulam thutlukna tihah helam atangin panel of list an siam a, chutah chuan ka hming telh ve a ni a, chu chu screening committee-in an lo en leh a, chumi hnuah thlan a ni chauh thin. Khulam tih ringawt a ni lo a, helam tih tel lovin engmah a thleng thei lo.
Helama kan hotuten uluk taka an thlitfim hnuah MP candidate tur an thawn thla a, chuta zinga mi chu thlan an ni mai. Helam thu leh hla tel lovin a thlan theih loh.
A nih leh minister i nih lai khan thawk tha tawk i inti em?
Thawk tha inti ila, mi chuan thawk tha tawk lo pawh min ti mai thei a. Mahse, ka theih chinah chuan ka thawk tha tawk chuan ka inhria.
Minister ka nih lai khan ka portfolio chan thin kha mipui nghawng lam chi vek a ni a, mipui hnuk khawih a tam a ni. Chutah chuan theihtawp chhuahin ka thawkin ka hria.
Tuirial Hydel project chungchangah te khan Govt. of India-in pawisa a awm lo min tihsak hnuah OECF te nen remna kan siam thei a, khang te khan min tilawm khawp mai.
Kolodyne Stage-I leh II te pawh ka hunlaia kan bultan a ni a, ka hunlaia kan tihtir a ni. A nihna takah chuan Kolodyne phase I&II phei hi chu Mizoram budget atanga kan ruahman a ni a, Tuivawl leh Tuirial angte chu NEC kaltlanga kan tih a ni zawk.
Supply minister ka nih lai khan wheat leh chhangphut her tur chungchangah te pawh mipui khawih a ni tih ka hriat avangin theihtawp ka chhuah a. Ka hunlaia wheat leh chhangphut kan dawn zatve chauh tunah hian kan dawng a ni. Ka department chante reng reng kha mipui nena inlaichin zual a nih vangin theihtawp ka chhuah a, ka lawm khawp mai.
Mizorama Minister nih nge i duh MP nih?
Thlan tur ni ta se MP ka thlang ang. Tlemin kan kum te a lo upa ve tawh deuh a. Mizoram-ah kum 12 chhung vel zet cabinet minister ka lo ni ve tawh a, MP niha kan experience neih ang angte Mizoram leh hnam tana hman tangkai theih ka inbeisei a ni.
I campaign naah eng nge i auhla ber?
Mizoramin mamawh tam tak kan nei a. Hengte hi Delhi nena inngheng renga kala tihhlawhtlin a ngai a ni.
Mamawh kan neih tam tak zingah mamawh zual kan neiin ka hria a, kan mamawhte kan ngai pawimawh lo a, kan mamawhte a thing thuap tawh mai a ni.
Kan sorkar lai khan Govt. of India-in pawisa kan nei lo min tihsak chungin OECF biain Tuirial hydel project te kha bultan theih turin kan ti a, kum 6 chhunga zawhfel theih tura kan ti a, mahse, vawiin thlengin kan la nei thei lo a ni.
Mizoram hnuai hi carbon-in a inphahchhuak vek an ti a, mithiam te'n. Hei hi ngaih pawimawh a ngai a ni. Tunah ringawt hian kan leilung hausakna hmuhchhuah tumin company lian 6 laiin Mizoram chhungah ngei hna an thawk mup mup reng a, a chhun zan zawmin an thawk a ni.
Kan leihnuaiah carbon a awm tih kan chiang a chuti a nih chuan oil emaw gas emaw a awm tih a chiang a. Leihnuai hausakna haichhuah kawngah hma kan lak a ngai a, chumi atan chuan kan thalaite pawh training tha tak kan pek a ngai.
Ka campaign-naah Akyab lawngchawlhna pawh theihna tur kawngte ka va en a, nakinah chuan Mizoram mai ni lo India tan chhim lam saw kan chhuahka a la ni dawn a ni. chumi atana inbuatsaih tur chuan mipuite kan zirtir a ngai dawn a ni.
Thlantlin ka nih chuan Mizoram leh sorkar laipui inkara thawk palai tur ka ni dawn a, Mizoram hmasawnna atana thil pawimawhte tihlawhtling tura awm ka ni dawn a ni.
Kan kalkawng tur, kan hna hi rinawm taka kan thawh chuan a eng niin ka hria.
Politics-a i luh chhan hi tihlawhtlingin i inhria em?
Tihlawhtling thawkhata inhriatna ka nei. Buai hma khan training turin Guwahati-ah min tir thla a, rambuaiin min nang zui a, convoy-in Mizoram lam panin kan rawn chho a, Lungdai-ah khuan zanah kan riak a.
Lungdaia kan riah zan hian naupang tap ka hria a, 'Ka nu, chaw nen a ni ka duh'a ti a. Ka la-na em em a, vawiin thlengin ka la hre reng mai. Naupang kha tam vangin hnahnem nem nena chawm a ni a, chu chuan nasa takin keimahah nghawng a nei a ni.
Republic High School zirtirtu ka ni thin a, chutih hunlai chuan Pu Dengthuama'n min rawn sawm a, remna leh muanna a awm theihnan Congress chu a kawra hmangin Mizo mipui tana thawh chhuah kan tum a ni.
Mipuite nun pangngaia an nun theihna tur leh Mizorama a remna leh muanna atan hna thawk ang kan ti a, mi mangang tlan ngaihna hre lo te kha theihtawpa puih kan tum a ni.
Supply department te kha ka chang rei a, ka inchhir lo. Rambuai lai ka ngaihtuah chhuak thin a, mipuite hnena chaw pek tur kan nei thei thin kha a nuam ka ti thin.
Ka nu khan politics-a ka lut hi a duh lo em em thin a. Ka u Rev Dr CL Rema hi Aizawl-ah a rawn tir a, politics-a lut lo tura min thlem turin a rawn ti a, thil awmzia ka sawifiah hnu chuan tihngaihna tak a hre bik lo.
Politics i khelhna kawngah harsatna tam tak i tawng ang a?
A chang chuan kawr hak tur pawh ka nei ngai lo. |um khat chu kan nuin 'kawr hak tur pawh i nei tawh lo' a ti a, chumi zan chuan ka thianpain kawr thar mi rawn hawn hlauh mai a, kawr tha tak chu ka nei leh ta mai.
District Council-a EM ka nih lai pawh khan kan rethei hle mai a. Buhfai thlak tur pawh kan nei thin lo a, kan nu hian 'buhfai thlak tur pawh kan nei lo' tiin 'ka nu te ta ka va la ang e' a ti thin a, a zahthlakin a nuam lo deuh khawp mai.
Ram leilung hausakna haichhuah leh Kawlphetha lam hi i tui hle a, i ngai pawimawh viau nia sawi a ni a...
Helam hi ka tuina a ni a, Mizoram hian leilung hausakna kan nei a, kawlphetha pawh tharchhuak thei turin lui pawh kan nei tha a ni. Power minister ka nih lai pawhin Tuirial, Tuivai, Tuivawl te pawh investigation kan zo hman vek a, Tuirial te phei chu NEEPCO nen MoU te pawh kan ziak hman a ni.
Bairabi te pawh kan han tintuah a, mahse, conpensation nena a senso tam turzia kha a turu hle a. Kan lui neih lian lem lo te pawh khuap teuh ila thil tha tak niah kan ngai a ni.
Kum 1971 te khan bairabi bul hnai lawkah khuan ka thian mithiamte, leilung hausakna haichhuah a nih theihnan te leh kawlphetha siam chungchangah tlaivarin ram hnuaiah ka kalpui tawh a. Chhim lamah te pawh sawn leilung hausakna haichhuah tur a awm a, chu'ng te kann theihtawp chhuaha kan haichhuah ngei a ngai dawn a ni.
Dr H Lallungmuana, CL Ruala, Rualpawla leh Lalawmpuia Chhangte te'n MP nih tumin an bei mek a, MNF, MPC leh MDF te thlawp, independent-a ding Dr H Lallungmuana leh Indian National Congress candidate CL Ruala te chu inbuk bera ngaih an ni.
Tualto party pathumte thlawp Dr H Lallungmuana hian Mizo Nationalism chu auhlaah a hmang a, Congress-in assembly inthlan leh VC inthlanah te hnehna an chan hnuah MP thlannaah hnehna an chan leh zel chuan, Mizoramah national party an lian hle tihna a ni dawn a, chu chu Mizo Nationalism tan thil tha lo a ni, tiin Mizo Nationalism duhtute chu amah vote turin a sawm a ni.
"Nghawng thlengin kan inchiah tawh," tiin hnam dang identity-in Mizo identity a chim mek niin a sawi a, "Kan lu hi chu chiahpil ve kher lo ang u," tiin mipui a sawm a ni.
"Mizo hnam rilru tihparvula phochhuah hi tul ka ti a, kan identity hi India parliament-a pholan tul ka ti a ni. Kan hnam tih dan, kan identity, kan nature hi eng hnam identity mahin a chimpil hi ka remti lo a, chutiang rilru pute chu thawhpui atan ka duh a ni," Dr H Lallungmuana chuan a ti.
Chutih laiin Congress candidate CL Ruala chuan Mizote tan national party chu tha berin a hria a, tualto party atangin hna a thawh theih tak tak loh tih chu a ngaihdan a ni.
"Hetah inti regional viau mah ila khulam kan dawr hunah meuh chuan kan regional hlei thei thin lo," tiin Zozam Weekly a hrilh. CL Ruala chuan tiang hian a sawi:
I campaign boruakah i lawm em?
A tha e, a tha khawp mai. Ka campaign zing ve tawh viau a, hetiang boruak anga tha hi ka tawng khat khawp mai. Chhim lamah phei chuan tlingsa hmuakin min lo hmuak a, pangpar thi nen ka thlen tlai deuh pawhin min lo hmuak thup zel a, a danglam khawp mai.
MP nih hi i rilruk reng reng em?
Rilruk hranpa lo e. Kum 1977-ah khan kan hotute khan candidate-ah min dah thut a, khatih hunlai khan MDC-ah pawh candidate ka la ni chhin lo a, MP nih hi ka ngaihtuah khat khawp mai.
MP nih i duh chhan eng nge?
Experience engemaw zat ka nei tawh a. Kum 40 dawn Congress-ah ka awm a, thenrual tha leh hmelhriat Mizoramah leh phai lamah ka nei ve teuh tawh a.
Hengte hi kan ram leh hnam tana thil tha leh pawimawh kan tih theihnan kan chhawr thei ngeiin ka ring. Tlema kan lo senior na te pawh hi a chhawr tangkai theih ka beisei hle bawk.
Kum 1971-a EM ka nih lai ngaihtuah chuan tunah chuan self confidence pawh ka nei hle tawh a. Mizoram tana thil tha kan chawkluh theihnan hian ka service hi a la pawimawh niin ka hria.
Regional Party leh National Party in inkhing a, hei hi tha i ti em?
Nia, regional leh national takin kan kaltir pawh a ni thei a. Mahse, ZNP pawhin an zawm lem lo a, an hai a nia. Helaia intih regional viau hian awmzia a nei lo. Khutah keini national party aiin an tlawn nasa zawk a, hetah inti regional viau mah ila khulam kan dawr hunah meuh chuan kan regional hlei thei thin lo. A nihna takah chuan heti laia regional party-te hian central sorkar kan tlawn nasa zawk daih a ni. Chuvangin, hetilaia regional party lo lak run viau hi a sawt lem lo.
A nih leh Mizoram tan national party hi eng nge a thatna?
National party zawm lo ila MNF leh sorkar laipui kha kan inbiak tir thei hauh lo mai thei a, inbe tura nawr kha a buaithlak ang.
Rahul Gandhi a lo kal pawh khan 'sorkar nghet tak in siam tawh a, helai sorkar leh Delhi hi lungrual taka kan thawhho a ngai a, chu chuan rah tha a chhuah ang' a ti a nih kha.
National party hi a thatna hmu tawlh tawlhin ka inhria. A tirah phei chuan Congress pawh hi kawrah hman tum kan ni a. Rambuai laiin Pu Dengthuama'n min rawn sawm a, Congress chu kawra hmana remna leh muanna a awm theihnana hmalak tum kan ni hial zawk.
Mizoram hian MP fel deuh pawh nei ila khulamah thawhpui nei lova mahni tal tala tal tur chuan mi fel tak pawh ni rawh se, awmzia a nei lo.
MP candidate i nih chungchangah central atanga thutawp siam a ni a, hei hi i khingpuite chuan an sawisel a...
Khulam thutlukna tihah helam atangin panel of list an siam a, chutah chuan ka hming telh ve a ni a, chu chu screening committee-in an lo en leh a, chumi hnuah thlan a ni chauh thin. Khulam tih ringawt a ni lo a, helam tih tel lovin engmah a thleng thei lo.
Helama kan hotuten uluk taka an thlitfim hnuah MP candidate tur an thawn thla a, chuta zinga mi chu thlan an ni mai. Helam thu leh hla tel lovin a thlan theih loh.
A nih leh minister i nih lai khan thawk tha tawk i inti em?
Thawk tha inti ila, mi chuan thawk tha tawk lo pawh min ti mai thei a. Mahse, ka theih chinah chuan ka thawk tha tawk chuan ka inhria.
Minister ka nih lai khan ka portfolio chan thin kha mipui nghawng lam chi vek a ni a, mipui hnuk khawih a tam a ni. Chutah chuan theihtawp chhuahin ka thawkin ka hria.
Tuirial Hydel project chungchangah te khan Govt. of India-in pawisa a awm lo min tihsak hnuah OECF te nen remna kan siam thei a, khang te khan min tilawm khawp mai.
Kolodyne Stage-I leh II te pawh ka hunlaia kan bultan a ni a, ka hunlaia kan tihtir a ni. A nihna takah chuan Kolodyne phase I&II phei hi chu Mizoram budget atanga kan ruahman a ni a, Tuivawl leh Tuirial angte chu NEC kaltlanga kan tih a ni zawk.
Supply minister ka nih lai khan wheat leh chhangphut her tur chungchangah te pawh mipui khawih a ni tih ka hriat avangin theihtawp ka chhuah a. Ka hunlaia wheat leh chhangphut kan dawn zatve chauh tunah hian kan dawng a ni. Ka department chante reng reng kha mipui nena inlaichin zual a nih vangin theihtawp ka chhuah a, ka lawm khawp mai.
Mizorama Minister nih nge i duh MP nih?
Thlan tur ni ta se MP ka thlang ang. Tlemin kan kum te a lo upa ve tawh deuh a. Mizoram-ah kum 12 chhung vel zet cabinet minister ka lo ni ve tawh a, MP niha kan experience neih ang angte Mizoram leh hnam tana hman tangkai theih ka inbeisei a ni.
I campaign naah eng nge i auhla ber?
Mizoramin mamawh tam tak kan nei a. Hengte hi Delhi nena inngheng renga kala tihhlawhtlin a ngai a ni.
Mamawh kan neih tam tak zingah mamawh zual kan neiin ka hria a, kan mamawhte kan ngai pawimawh lo a, kan mamawhte a thing thuap tawh mai a ni.
Kan sorkar lai khan Govt. of India-in pawisa kan nei lo min tihsak chungin OECF biain Tuirial hydel project te kha bultan theih turin kan ti a, kum 6 chhunga zawhfel theih tura kan ti a, mahse, vawiin thlengin kan la nei thei lo a ni.
Mizoram hnuai hi carbon-in a inphahchhuak vek an ti a, mithiam te'n. Hei hi ngaih pawimawh a ngai a ni. Tunah ringawt hian kan leilung hausakna hmuhchhuah tumin company lian 6 laiin Mizoram chhungah ngei hna an thawk mup mup reng a, a chhun zan zawmin an thawk a ni.
Kan leihnuaiah carbon a awm tih kan chiang a chuti a nih chuan oil emaw gas emaw a awm tih a chiang a. Leihnuai hausakna haichhuah kawngah hma kan lak a ngai a, chumi atan chuan kan thalaite pawh training tha tak kan pek a ngai.
Ka campaign-naah Akyab lawngchawlhna pawh theihna tur kawngte ka va en a, nakinah chuan Mizoram mai ni lo India tan chhim lam saw kan chhuahka a la ni dawn a ni. chumi atana inbuatsaih tur chuan mipuite kan zirtir a ngai dawn a ni.
Thlantlin ka nih chuan Mizoram leh sorkar laipui inkara thawk palai tur ka ni dawn a, Mizoram hmasawnna atana thil pawimawhte tihlawhtling tura awm ka ni dawn a ni.
Kan kalkawng tur, kan hna hi rinawm taka kan thawh chuan a eng niin ka hria.
Politics-a i luh chhan hi tihlawhtlingin i inhria em?
Tihlawhtling thawkhata inhriatna ka nei. Buai hma khan training turin Guwahati-ah min tir thla a, rambuaiin min nang zui a, convoy-in Mizoram lam panin kan rawn chho a, Lungdai-ah khuan zanah kan riak a.
Lungdaia kan riah zan hian naupang tap ka hria a, 'Ka nu, chaw nen a ni ka duh'a ti a. Ka la-na em em a, vawiin thlengin ka la hre reng mai. Naupang kha tam vangin hnahnem nem nena chawm a ni a, chu chuan nasa takin keimahah nghawng a nei a ni.
Republic High School zirtirtu ka ni thin a, chutih hunlai chuan Pu Dengthuama'n min rawn sawm a, remna leh muanna a awm theihnan Congress chu a kawra hmangin Mizo mipui tana thawh chhuah kan tum a ni.
Mipuite nun pangngaia an nun theihna tur leh Mizorama a remna leh muanna atan hna thawk ang kan ti a, mi mangang tlan ngaihna hre lo te kha theihtawpa puih kan tum a ni.
Supply department te kha ka chang rei a, ka inchhir lo. Rambuai lai ka ngaihtuah chhuak thin a, mipuite hnena chaw pek tur kan nei thei thin kha a nuam ka ti thin.
Ka nu khan politics-a ka lut hi a duh lo em em thin a. Ka u Rev Dr CL Rema hi Aizawl-ah a rawn tir a, politics-a lut lo tura min thlem turin a rawn ti a, thil awmzia ka sawifiah hnu chuan tihngaihna tak a hre bik lo.
Politics i khelhna kawngah harsatna tam tak i tawng ang a?
A chang chuan kawr hak tur pawh ka nei ngai lo. |um khat chu kan nuin 'kawr hak tur pawh i nei tawh lo' a ti a, chumi zan chuan ka thianpain kawr thar mi rawn hawn hlauh mai a, kawr tha tak chu ka nei leh ta mai.
District Council-a EM ka nih lai pawh khan kan rethei hle mai a. Buhfai thlak tur pawh kan nei thin lo a, kan nu hian 'buhfai thlak tur pawh kan nei lo' tiin 'ka nu te ta ka va la ang e' a ti thin a, a zahthlakin a nuam lo deuh khawp mai.
Ram leilung hausakna haichhuah leh Kawlphetha lam hi i tui hle a, i ngai pawimawh viau nia sawi a ni a...
Helam hi ka tuina a ni a, Mizoram hian leilung hausakna kan nei a, kawlphetha pawh tharchhuak thei turin lui pawh kan nei tha a ni. Power minister ka nih lai pawhin Tuirial, Tuivai, Tuivawl te pawh investigation kan zo hman vek a, Tuirial te phei chu NEEPCO nen MoU te pawh kan ziak hman a ni.
Bairabi te pawh kan han tintuah a, mahse, conpensation nena a senso tam turzia kha a turu hle a. Kan lui neih lian lem lo te pawh khuap teuh ila thil tha tak niah kan ngai a ni.
Kum 1971 te khan bairabi bul hnai lawkah khuan ka thian mithiamte, leilung hausakna haichhuah a nih theihnan te leh kawlphetha siam chungchangah tlaivarin ram hnuaiah ka kalpui tawh a. Chhim lamah te pawh sawn leilung hausakna haichhuah tur a awm a, chu'ng te kann theihtawp chhuaha kan haichhuah ngei a ngai dawn a ni.
No comments:
Post a Comment