¢ K Lalrochana
Inneihna a ni a, hlim ni a ni a. Veng khat tlangval fel leh nula fel an nih avangin lawmpuitu pawh an ngah a, mo lawmtute pawh an hlim. Tlai lamah hlim takin ruai an theh a, hetiang hian sorkar buaipui ngai khawpin an buai zui ang tih an ngaihtuah lo.
April ni 7, 2009 khan Lunglei Electric Veng tlangval P Lalhmachhuana leh C Laldinpuii, Electric Veng mi ve bawk te chu BCM Gosen biak in-ah Kohhran dan thianghlimin an innei a, mo lawmnan hian vawk an talh a, tlai lamah ruai an theh a ni.
Mahse, vanduaithlak takin mo lawmna ruai thehtute chu kawthalo hriin a man ta hlawm a, mi tam tak chu damdawi inah dahluh a ni. Moneitu ngei pawh damdawi in-ah hian dahluh nghal a ni.
Mo lawmnaa ruai thehte hi an kua a tha lo deuh vek a, police report-a a lan dan chuan damlo hi mi 35 an ni. Mahse, in lama enkawl an tam em avangin mi 100 an chuang daih niin thudawnna pakhat chuan a sawi.
Heng damlote hi an vawksa ei vang ni ngeia hriat a nih avangin Good Friday khan Lunglei District bawrhsap M Zohmingthangi hovin police, medical leh vety deptt. hotute chuan meeting an nei a, meeting hian member 4 awmna investigation team an din nghal a, an report hi ni 7 chhunga thehlut turin an ti.
Zozam Weekly-in thu a dawn dan chuan he vawk hi electric Veng-a mi tho Lalringa vawk a ni a, an talh lai hian a hrisel lohna sawi tur a awm lem lo. Hetih lai hian Lalringa vawk vulh dang chu tun hmain a damlo a, vety deptt. lamah enkawl a ni thin a, mahse, he vawk damlo hi chu a thi daih tawh niin thu dawn a ni a, inneihnaa an talh tak hi chu a hrisel lohna sawi tur a awm lem lo.
He vawk neitu ngei pawh hian: "Mahni vawk vulh ei loh chu..." tiin, a sa hi Kg 3 an la niin a sawi a, an ei zo ngei a, engmah harsatna an tawk lo niin a sawi. Amaherawhchu, inneih ruai theh ve an fanu chu a damlo lawi si niin a sawi.
He inneihnaa ruai theh ve ngei pakhat pawhin vawksa hi a ei loh thu a sawi a, mahse kawthalo hri hian a man ve tho niin a sawi.
He thil thleng hian titi a titam a, sawi dan pawh a inang lo nuai a, Lunglei mipui tam zawk chuan Bazar-a Vawksa zawrh pawh an thinhrik phah hial.
Tin, mo leh mo neitute hian khawngaih an hlawh hle a, an pahnih hian an phak ang tawka Kohhran leh khawtlanga inhmang tak an ni ve ve a, moneitu zawk Lalhmachhuana phei hi chu Mizoram Thalai Kristian Pawl-ah pawh executive Committee member ni lai a ni a, tin, MTKP Chanchinbu 'Thalai Entu' editor a ni bawk.
Investigation Report
Dist bawrhsap hova meeting-in investigation team a din te chuan April ni 13, 2009 tlai dar 5 khan preliminary report an tichhuak a, report-a a lan dan chuan police lam leh doctor (Civil Hospital leh Vety Dept) te'n he investigation hi an ti a, Vawksa thing tlem azawng paih tawh leh tui hman lai tanky-a mi leh tomato sauce bur ruak te lain laboratory-ah an enfiah mek a ni.
Tuna hriat theih chinah chuan he damlohna thlen chhan hi Chemical Poison (Tur) vang niin a lang lo a, eitur siam engemaw ber atang khan kawthalo natna hri chi khat lo darh ta nia ngaih a ni. A natna hrik tak hrechiang tur hian investigation tih mek zel a ni bawk.
Investigation team chuan he natna darh hi natna serious lutuk leh hlauhawm lutuk niin a lang lo tiin, mipuite chu chi-ai lo tur leh damlote chu doctor te rawn vat turin an ngen bawk.
Inneihna a ni a, hlim ni a ni a. Veng khat tlangval fel leh nula fel an nih avangin lawmpuitu pawh an ngah a, mo lawmtute pawh an hlim. Tlai lamah hlim takin ruai an theh a, hetiang hian sorkar buaipui ngai khawpin an buai zui ang tih an ngaihtuah lo.
April ni 7, 2009 khan Lunglei Electric Veng tlangval P Lalhmachhuana leh C Laldinpuii, Electric Veng mi ve bawk te chu BCM Gosen biak in-ah Kohhran dan thianghlimin an innei a, mo lawmnan hian vawk an talh a, tlai lamah ruai an theh a ni.
Mahse, vanduaithlak takin mo lawmna ruai thehtute chu kawthalo hriin a man ta hlawm a, mi tam tak chu damdawi inah dahluh a ni. Moneitu ngei pawh damdawi in-ah hian dahluh nghal a ni.
Mo lawmnaa ruai thehte hi an kua a tha lo deuh vek a, police report-a a lan dan chuan damlo hi mi 35 an ni. Mahse, in lama enkawl an tam em avangin mi 100 an chuang daih niin thudawnna pakhat chuan a sawi.
Heng damlote hi an vawksa ei vang ni ngeia hriat a nih avangin Good Friday khan Lunglei District bawrhsap M Zohmingthangi hovin police, medical leh vety deptt. hotute chuan meeting an nei a, meeting hian member 4 awmna investigation team an din nghal a, an report hi ni 7 chhunga thehlut turin an ti.
Zozam Weekly-in thu a dawn dan chuan he vawk hi electric Veng-a mi tho Lalringa vawk a ni a, an talh lai hian a hrisel lohna sawi tur a awm lem lo. Hetih lai hian Lalringa vawk vulh dang chu tun hmain a damlo a, vety deptt. lamah enkawl a ni thin a, mahse, he vawk damlo hi chu a thi daih tawh niin thu dawn a ni a, inneihnaa an talh tak hi chu a hrisel lohna sawi tur a awm lem lo.
He vawk neitu ngei pawh hian: "Mahni vawk vulh ei loh chu..." tiin, a sa hi Kg 3 an la niin a sawi a, an ei zo ngei a, engmah harsatna an tawk lo niin a sawi. Amaherawhchu, inneih ruai theh ve an fanu chu a damlo lawi si niin a sawi.
He inneihnaa ruai theh ve ngei pakhat pawhin vawksa hi a ei loh thu a sawi a, mahse kawthalo hri hian a man ve tho niin a sawi.
He thil thleng hian titi a titam a, sawi dan pawh a inang lo nuai a, Lunglei mipui tam zawk chuan Bazar-a Vawksa zawrh pawh an thinhrik phah hial.
Tin, mo leh mo neitute hian khawngaih an hlawh hle a, an pahnih hian an phak ang tawka Kohhran leh khawtlanga inhmang tak an ni ve ve a, moneitu zawk Lalhmachhuana phei hi chu Mizoram Thalai Kristian Pawl-ah pawh executive Committee member ni lai a ni a, tin, MTKP Chanchinbu 'Thalai Entu' editor a ni bawk.
Investigation Report
Dist bawrhsap hova meeting-in investigation team a din te chuan April ni 13, 2009 tlai dar 5 khan preliminary report an tichhuak a, report-a a lan dan chuan police lam leh doctor (Civil Hospital leh Vety Dept) te'n he investigation hi an ti a, Vawksa thing tlem azawng paih tawh leh tui hman lai tanky-a mi leh tomato sauce bur ruak te lain laboratory-ah an enfiah mek a ni.
Tuna hriat theih chinah chuan he damlohna thlen chhan hi Chemical Poison (Tur) vang niin a lang lo a, eitur siam engemaw ber atang khan kawthalo natna hri chi khat lo darh ta nia ngaih a ni. A natna hrik tak hrechiang tur hian investigation tih mek zel a ni bawk.
Investigation team chuan he natna darh hi natna serious lutuk leh hlauhawm lutuk niin a lang lo tiin, mipuite chu chi-ai lo tur leh damlote chu doctor te rawn vat turin an ngen bawk.
No comments:
Post a Comment