¢ Lalhruaitluanga Chawngte
Vawi khat chu, thian dun hi khawlaiah an intawk hlawl mai. Hun engemaw chen inhmu tawh lo an ni bawk a, an hlim hle.
An inchibai a, chanchin te inzawtin, kawngsirah chuan an titi zui ta a ni.
Chutia an titi mawlh mawlh lai chuan pakhat zawk chuan, "Ngawi teh, chu... eng ri emawni ka hria..." a ti a, a'n ngaithla vang vang a.
A thianpa pawh chuan a'n ngaithla ve a, thereng a lo hram cherh cherh mai.
"Engtia thereng hram ri han hre fuh chat nge maw i nih le?" tiin pakhat zawk chuan a zawt a, mak a ti hle.
"Helaiah hian mi tam tak an vei tlang thin a, tumah rengin thereng hram ri hi an hre ngai hlei nem. Lirthei a tlan ri vut vut reng a, engtinnge hetiang thawm karah thereng hram ri ber kher i hriat chat theih? I beng a va tha awm ve?"
A thianpa chuan a hmui a'n tuai hlap a, chutah thereng hram ri a hriat fuh chat theih dan chu a sawi ta a ni.
"Ni e, a mak chu a ni mai ang chu. Amaherawhchu, kei-a tan erawh thilmak a ni hran lo," a ti a, a thianpa chuan nghakhlel takin a lo ngaithla kar mai.
Thereng hram ri hre theia chuan a sawi zawm zel a: "Hman deuhah khan thil pakhat ka zirchhuak a, chu chu - mi reng reng hian an hriat duh zawng tak zel an hre thin tih hi a ni."
A thianpa chuan hriat belh thuai thuai a chak ngang mai. "Tichuan, nang chuan thereng hram ri kha i hre duh a, i hre ta tihna em ni?" a lo ti a, a chhan hma chuan a zawt nawn mawlh mawlh hman nghe nghe.
"A ni mai ang chu," tiin a lo chhang a, a ngawi leh vang vang mai. A aw a'n thian khar khar a, chutah a sawi zawm leh ta a ni.
"Lirthei thawm hi han ngaithla vang vang teh... a ring sawt lo a, a zawi sawt hek lo tiraw... a ngai reng em? A rin zawng a ngai reng tiraw?"
A thianpa chuan lirthei thawm chu a'n ngaithla vang vang a, chutih lai chuan thereng hram ri hre theipa chuan a rangkachak zungbun a thlauh ta chhak mai.
Kawngpui char laiah chuan rangkachak zungbun chu a tla ri chhak a, a ri erawh a ring lo. Chu veleh mite chu an rawn pungkhawm ta luai luai mai. 'Traffic a bengchheng lutuk' tia phun phun thinte chuan rangkachak zungbun chu an zawng ta sup sup mai a ni.
('Hearing' tih lehlin, tihdanglam deuh chiam a ni. A ziaktu hriat a ni lo.)
Vawi khat chu, thian dun hi khawlaiah an intawk hlawl mai. Hun engemaw chen inhmu tawh lo an ni bawk a, an hlim hle.
An inchibai a, chanchin te inzawtin, kawngsirah chuan an titi zui ta a ni.
Chutia an titi mawlh mawlh lai chuan pakhat zawk chuan, "Ngawi teh, chu... eng ri emawni ka hria..." a ti a, a'n ngaithla vang vang a.
A thianpa pawh chuan a'n ngaithla ve a, thereng a lo hram cherh cherh mai.
"Engtia thereng hram ri han hre fuh chat nge maw i nih le?" tiin pakhat zawk chuan a zawt a, mak a ti hle.
"Helaiah hian mi tam tak an vei tlang thin a, tumah rengin thereng hram ri hi an hre ngai hlei nem. Lirthei a tlan ri vut vut reng a, engtinnge hetiang thawm karah thereng hram ri ber kher i hriat chat theih? I beng a va tha awm ve?"
A thianpa chuan a hmui a'n tuai hlap a, chutah thereng hram ri a hriat fuh chat theih dan chu a sawi ta a ni.
"Ni e, a mak chu a ni mai ang chu. Amaherawhchu, kei-a tan erawh thilmak a ni hran lo," a ti a, a thianpa chuan nghakhlel takin a lo ngaithla kar mai.
Thereng hram ri hre theia chuan a sawi zawm zel a: "Hman deuhah khan thil pakhat ka zirchhuak a, chu chu - mi reng reng hian an hriat duh zawng tak zel an hre thin tih hi a ni."
A thianpa chuan hriat belh thuai thuai a chak ngang mai. "Tichuan, nang chuan thereng hram ri kha i hre duh a, i hre ta tihna em ni?" a lo ti a, a chhan hma chuan a zawt nawn mawlh mawlh hman nghe nghe.
"A ni mai ang chu," tiin a lo chhang a, a ngawi leh vang vang mai. A aw a'n thian khar khar a, chutah a sawi zawm leh ta a ni.
"Lirthei thawm hi han ngaithla vang vang teh... a ring sawt lo a, a zawi sawt hek lo tiraw... a ngai reng em? A rin zawng a ngai reng tiraw?"
A thianpa chuan lirthei thawm chu a'n ngaithla vang vang a, chutih lai chuan thereng hram ri hre theipa chuan a rangkachak zungbun a thlauh ta chhak mai.
Kawngpui char laiah chuan rangkachak zungbun chu a tla ri chhak a, a ri erawh a ring lo. Chu veleh mite chu an rawn pungkhawm ta luai luai mai. 'Traffic a bengchheng lutuk' tia phun phun thinte chuan rangkachak zungbun chu an zawng ta sup sup mai a ni.
('Hearing' tih lehlin, tihdanglam deuh chiam a ni. A ziaktu hriat a ni lo.)
No comments:
Post a Comment