Chanhchin Maksak 2

Cleanliness is next to God
1907 kumthar ni-ah khan, khatih laia US president Theodore Roosevelt-a khan White House leh a chhehvela pungkhawmte zingah chibai a sem zak zak mai a ni awm e. A zat chiah hriat theih ni lo mah se, hemi ni hian mi 8,150 zet a chibai nia sawi a ni. A chibai sem zo chu, a chau ve ngang a ni ang, inchung lamah a chho a, a intleuhfai nghal!

Bo hlen
Thuziakmi Ernest Hemingway khan a hun hnuhnung lamah khan a thawnthu tawi zawng zawng kha lakkhawma a bu-a siam a tum a, a uluk hle.

A lakhawm a, a chhiarchhuak leh dap a, a siamtha nual bawk. Ticuan, suitcase-ah a khungkhawm a, a bu-a siam a tum ta a ni.

Mahse, a bu chu hmuh tur a awm ta lo, a suitcase chu a tibo daih!

Ngawihbopui rei mah mah!
Irish thuziakmi, fiamthu thiam ni bawk Oscar Wilde-a (1854-1900) kha, vawi khat chu, amah ngaisangtu pakhat hian phur fein a chibai a, "Mi ropui i ni, Columbus-a tluk zetin i ropui e!" a ti luam a.

Wilde-a lah chuan: "Eng ti zawngin?" a lo ti mai a, amah ngaisangtu chuan: "America a hmuhchhuah kha mawle," tiin a chhang a ni awm e.

Wilde-a chuan a lu a'n thing nar nar a, "Chutiang a ni lo," a ti a, a sawi zawm zel a, "An hmuhchhuahna a rei tawh, an puangzar lo mai mai alawm," a ta et e!

Related Posts :