¢ Vanlalremruata Tonson
Chawlhkar khatah ni sarih a awm tih emaw chawlhkar khat chu eng nge a nih pawh hre lo, thla a de a, a bial a, a mang leh thin, thal, nipui, fur, favang leh thlasikte a awm a, khaw awm dan azirin thlai chin hunte leh ruah hnaih lai deuh leh hnaih loh deuh laite a awm a, chutiang hun inthlak kualin vawi a kual chhuah chu kum khat a ni tih te chauh hriaa kumtluana kawla ni chhuak chhiara thawkchhuakte tan chuan 'week end' hriat ngaihna a awm lo. Kumtluana thawhchhuah ei leh tawp bak tihngaihna dang vak hre lo tan chuan hah tawngkhawng pawhin intihhahdam dan tur dang vak a awm lo, Chapchar Kut chauh lo chu.
Kumthara hnathawk leh tura inpuahchah zo thawkhat, buhseng zawha lawmthu sawina hun hman hnu si, kumthat loh kumah pawh buh neih lai, chaw tha ve deuh dap theih hun lai a ni a, hetiang bakah intihhahdama khawvel thila nawmna zawn ve theih hun lai Mizo pipu nunah chuan a awm lo.
Vanneihna duh vang a nih loh pawhin vanduaina laka him duhnain a phuar reng, nun engkima a hminga sakhua tia vuahin hmun a luah vek laia sakhuana tel lo mi zawng zawngin an ngaih pawimawh leh hman ziah chu Chapchar Kut hi a ni. Chu Chapchar Kut chu hnam hun thar leh nun thara cheng Mizote pawhin chhawmnun hram hram an tum. Pi pute anga hetiang hun mamawh tawh lo thangthar tan erawh chuan hnam nuna bet a nihna bak awmzia a nei thui ta lo hle. Hmanlai nun pholan leh chu he Chapchar Kut hman dan pakhat a lo ni ta a, chu pawh chu khawthlang lam nuna innghat Mizo khawsak phung thar atangin a peng hla thei lo. Kumin Chapchar Kut phei chu Mizo sakhaw Kristianna tana hmun siamsak ve tumin Isua nen Chapchar Kut (Chapchar Kut with Jesus) tih a ni nghe nghe.
Hunpui a ni a, buaipui ngai a awm thin. Hmanlai Mizo nunah chuan khuaa mi awm thei deuhin kut chu an thleng thin a nih kha. Mahse, Mizote khawvel tharah chuan inrelbawlna felfai leh tha zawk a lo awm a, Art and Culture department chuan hmanlai Mizo khawsa zia chhawmnunna hunah chuan neitu chan changin buaipui ngai zawng zawng an buaipui vek thin. He department hotupa ber, Art and Culture minister PC Zoram Sangliana chu kut thlengtu a ni. Mahse, khawsak phung thar chuan 'a changtupa' leh chawimawi tur a nei chho zel a, Kutpa neih a ni a, hmanlai nunah chuan lalin a chan tur awm tak pawh a ni a, nun tharah pawh chief minister chuan he dinhmun hi a luah ta a ni.
Hlimna leh intihhahdamna kut chuan Mizo hnam 'symbol' hmel a lo pu a, hun hman dan tur leh chanvo nei tur bikte fel taka ruahmanna siamin inkhawm a ni. Kut thlengtu chuan Mizo hnamin a lo ngaihhlut thinte vawnghim tura mipuite sawmna hun remchangah kut chu a hmang a, hnam nun la chhawmnun zel tlak tam tak chhawmnun zel a duh thu a sawi rualin Kristianna erawh a thlan zawk thu a tarlang.
"Kan hnam ziarang tam tak tivul zelin Chanchintha nen inmawiin Chapchar Kut a i hmang u" (not verbatim) tiin kut hmang tura kalkhawm mipuite chu chibai a buk a ni. "Kut tinreng neitu Pathian" chu ropui ber tura a duh thu a sawi bawk.
Mizo culture thar innghahna - Kristianna chu Juda sakhua behchhana lo zi chhuak a ni a, anni Kut chu sakhuana nen a inzawm thui hle.
Chapchar Kut leh sakhuana chu inzawm tir tum a lo ni ta a, sakhaw thila inhmuhkhawmna ang thoin sakhaw berampu Rev H Lianngaia, Mizoram Kohhran Hruaitu Committee vice chairman chuan hunserh a hmang a, TNT zaipawlin Halleluiah Chorus an rem bawk.
Kutah chuan sakhuana lakluh a ni a, kutpa chief minister Lal Thanhawla chuan Mizo adopted culture Kristianna nena inhmehin kut chu hman chhunzawm zel theih a nih thu a sawi. Kut hmannaa sakhaw puithiamin hunserh hmanga Pathian hnena inhlanna hun a nei chu lawmawm a tih thu sawiin, chhunzawm zel tlak a ni, a ti. halaiten hnam thil an ngaisang leh tunlai mila kalpui a ni chu lawmawm a tih thu leh hmasawn zel theih a beisei thu a sawi bawk.
'Isua nen Chapchar Kut' tih chu thupuia hman a niha, Kutpa ber pawhin Kristianna nena inmila kut hman chu inhmeh leh chhunzawm zel theih a nih thu a sawi laiin thusawitute tawngka leh hunserh bakah chuan Kristianna hian he Chapchar Kutah hian hmun a chang lem lo thung.
Kut puala mipui tualchaina thlang lawkah chuan ram kang avanga ni dul ruih hnuaiah nula leh tlangval an inkawm mar mar a, inrimna hun remchang awmchhun a ni lo ang tih chu chiang rengin nun hman khawlohna hun remchang a ni lo tih pawh a chiang. Mahse, tam tak tan chuan chantuala (stage) an chhuah ve hun nghaka zalen taka hun hman theih thlakhlelhawm tak chu a ni ngei ang. Chantuala an chhuah hun a thlen hunah chuan midang ang bawkin mipui thutna (gallery) hnuai remchang lo zetah hian an thuamhnaw an thlak mawlh mawlh ang a, an rawn pen chhuak ve mai dawn a ni. Midang pawhin an tih dan tho a ni a, zah leh hreh em em bik tur a awm lo, nula tan pawh.
Chantuala chhuah hun a thlen erawh chu vaivut khu kara intheh thil tura perchhuah at tur a ni a, tlai lamah chuan nula hmeltha tak pawh an hmel a nung thei tawh lo a, a hul paw phiang hlawm. Vaivut karah, hritlan hlauhawm tak chunga chantuala chhuah tur pawh ni se dai kilkara cheng leh nuam tawl thei fa tana mahni veng tan tia thahnem ngaih tlana, mahni awmna YMA tana tha thawh ve theihna leh tualchai zâ-na a ni. Veng tana thahnem ngaih zawng a na a ni ang, Chhinga Veng pahote kha Mizo hun tawng hrang hrang entirin vaivut karah ruak deuh titihin mipui hmaah an kal thuau thuau a, vaivutah te chuan an mu let tawp mai zel a nih kha. Nula lam pawh siapsuap, hnawkhal leh hmaram te nen an rawn pen chhuak bawk. Lammual khata vaivut khu kara Cheraw kan leh Sarlamkai te kha mawi tih loh rual a ni lo.
Mizo puan mawi tak bih nulaho Cheraw kan leh Solakia/Sarlamkaia phe suau suaute chu lungrem chim mai awm hmelpu tawh, sawi deuh tui kara Chapchar Kut show en vete tana show awm ve chhun ni awm tak a ni. Midang hi chuan an hnungchhawn deuh tlat thin. Textile mill neitu rawn hmu fuh awm hlauh se chuan hlawh pek ngai lo designer ropui tak chhar ang a ni mai awm mang e. Hei zet hi chuan thinlai a nghawr dim e, tih tur chi a ni. Lungrem chim mai awm hmel pu-ah khan thuthmun rem hlawm lo se lammual kha a tawt viau ang a, Chapchar Kut chu a dawl lo a ni mai awm si a!
Chapchar Kutah hian Mizo nunhlui chu chantual zau takah hian entir a ni ber thin a, chu chuan upa tawhte lung a tileng a, a tar a tarin Chapchar Kutah chuan lammual an pan ve thin. MUP-in lengkhawm zai an sakte khan an lung tileng a, mahse, khatiang hla thluk mawi tak khan Mizo thangtharte thinlung chu khawthlang ho hla thlukin a deh angin a dek pha lo thung. Tibetan Buddhist puithiamho tawngtai hla chham rualin khawvel hnamtin thinlung a dek a, Grammy Award a dawng ta hial anga thiam leh thinlung khawiha sa thiam an awm hmain a thamral dawn chu a nih tak ber hi. Hla thluk leh rimawi hian lo chawrchhuahna culture a nei thin niin an sawi a, Mizo culture-a bet, zai thenkhat chuan khawvel eng a hmu pha ve dawn ta lo a nih hmel.
Sakhuana baka kumin Chapchar Kut thuken langsar tak pakhat chu inpumkhatna hi niin a lang. Kut thlengtu leh sorkar ni lova Mizote thlungkhawmtu, YMA-te inthlunkhawmna Central YMA president JH Zoremthanga chuan Mizoram chhung mai ni lo, a pawn lam atanga he Chapchar Kut rawn hmangtu Zohnahthlakte an lawm thu sawiin inpumkhatna lantirtu a nih thu leh Mizoram chhunga chengte ta chauh a nih loh thute an sawi a nih kha. Burma atanga he kut hmang tura lo kal T-Melody te chuan ram danga kut hmang hmel an pu lo a, mipui lahin an lo khawdang sial en hek lo. An Chapchar Kut hman tawh azawnga ropui berah chuan mipui lawm hlawh tak leh thiam takin an zai a ni.
A lanna tlang dang atanga thlir chuan Chapchar Kut chu hriselna risk-na sang tak a ni a, kumin Chapchar Kut chu dan bawhchhiatna nasa tak a ni bawk.
Thli thaw vuk vuk leh mipui pungkhawm vanga bawlhhlawh leng vel kara mipui pungkhawmte chu eichawp zuarte inhralh thatna theihna hmun a ni. Khatianga eichawp zuarte tan chuan ei tur mah ni se vawn thianghlim theih a ni lo. Mahse, khatiang punkhawmna kha hmawmsawm ei chakawmna hmun a ni ve tlat thin thung.
Isua nena Chapchar Kut, sakhaw puithiamin hunserh hmanga a hlan, Kut thlengtu leh Kutpa ten sakhuana nena inrema hman theih tia an sawi chu Kristian-te invawnna Kohhran lian ber nawrna avanga zu khap burna dan hmanna state-a zu tlangnel ber ni a ni mai thei. Chhun pachangah pitar lek lek tawh pakhatin mipui thutna tura dawhkanah khan zufang a sem tlat! 'Chapchar Kutah chuan a thiang alawm' a ti tlat a, a in duh lo pakhat chu an leih a nih kha! Huat theih a ni si lo.
Putar lam tawh pakhat pawh kha, nula hovin tui emaw a ken an ti a, in sak zel chi a lo ni lo tawp mai. Mipui thutna tur dawhkan hnuaia chatthla pa pakhat pawh kha, tuman an tibuai lo, Chapchar Kutah chuan zu in chu a thiang vek a ni ang, kil lehlamah nam phelhphawlh inbawr deuh hat hat an lo awm leh thin bawk. Tleirawl rual an rawn kal dam dam a, an chhak lawka thu meng phi deuh tawh khan a lo chhaih deuh a, a la na fal deuhin leirawhchana a han tin uai mai kha chu, a vawm tak tak ang tih hlauhawm tak a ni. A malin an incho a, an han ding deuh uaih na a, leirawhchana tintu khan a thiante a ko leh ruai a, a pakhat zawka pawh a nula hruai khan a lo khap thei hlauh bawk!
Chawlhkar khatah ni sarih a awm tih emaw chawlhkar khat chu eng nge a nih pawh hre lo, thla a de a, a bial a, a mang leh thin, thal, nipui, fur, favang leh thlasikte a awm a, khaw awm dan azirin thlai chin hunte leh ruah hnaih lai deuh leh hnaih loh deuh laite a awm a, chutiang hun inthlak kualin vawi a kual chhuah chu kum khat a ni tih te chauh hriaa kumtluana kawla ni chhuak chhiara thawkchhuakte tan chuan 'week end' hriat ngaihna a awm lo. Kumtluana thawhchhuah ei leh tawp bak tihngaihna dang vak hre lo tan chuan hah tawngkhawng pawhin intihhahdam dan tur dang vak a awm lo, Chapchar Kut chauh lo chu.
Kumthara hnathawk leh tura inpuahchah zo thawkhat, buhseng zawha lawmthu sawina hun hman hnu si, kumthat loh kumah pawh buh neih lai, chaw tha ve deuh dap theih hun lai a ni a, hetiang bakah intihhahdama khawvel thila nawmna zawn ve theih hun lai Mizo pipu nunah chuan a awm lo.
Vanneihna duh vang a nih loh pawhin vanduaina laka him duhnain a phuar reng, nun engkima a hminga sakhua tia vuahin hmun a luah vek laia sakhuana tel lo mi zawng zawngin an ngaih pawimawh leh hman ziah chu Chapchar Kut hi a ni. Chu Chapchar Kut chu hnam hun thar leh nun thara cheng Mizote pawhin chhawmnun hram hram an tum. Pi pute anga hetiang hun mamawh tawh lo thangthar tan erawh chuan hnam nuna bet a nihna bak awmzia a nei thui ta lo hle. Hmanlai nun pholan leh chu he Chapchar Kut hman dan pakhat a lo ni ta a, chu pawh chu khawthlang lam nuna innghat Mizo khawsak phung thar atangin a peng hla thei lo. Kumin Chapchar Kut phei chu Mizo sakhaw Kristianna tana hmun siamsak ve tumin Isua nen Chapchar Kut (Chapchar Kut with Jesus) tih a ni nghe nghe.
Hunpui a ni a, buaipui ngai a awm thin. Hmanlai Mizo nunah chuan khuaa mi awm thei deuhin kut chu an thleng thin a nih kha. Mahse, Mizote khawvel tharah chuan inrelbawlna felfai leh tha zawk a lo awm a, Art and Culture department chuan hmanlai Mizo khawsa zia chhawmnunna hunah chuan neitu chan changin buaipui ngai zawng zawng an buaipui vek thin. He department hotupa ber, Art and Culture minister PC Zoram Sangliana chu kut thlengtu a ni. Mahse, khawsak phung thar chuan 'a changtupa' leh chawimawi tur a nei chho zel a, Kutpa neih a ni a, hmanlai nunah chuan lalin a chan tur awm tak pawh a ni a, nun tharah pawh chief minister chuan he dinhmun hi a luah ta a ni.
Hlimna leh intihhahdamna kut chuan Mizo hnam 'symbol' hmel a lo pu a, hun hman dan tur leh chanvo nei tur bikte fel taka ruahmanna siamin inkhawm a ni. Kut thlengtu chuan Mizo hnamin a lo ngaihhlut thinte vawnghim tura mipuite sawmna hun remchangah kut chu a hmang a, hnam nun la chhawmnun zel tlak tam tak chhawmnun zel a duh thu a sawi rualin Kristianna erawh a thlan zawk thu a tarlang.
"Kan hnam ziarang tam tak tivul zelin Chanchintha nen inmawiin Chapchar Kut a i hmang u" (not verbatim) tiin kut hmang tura kalkhawm mipuite chu chibai a buk a ni. "Kut tinreng neitu Pathian" chu ropui ber tura a duh thu a sawi bawk.
Mizo culture thar innghahna - Kristianna chu Juda sakhua behchhana lo zi chhuak a ni a, anni Kut chu sakhuana nen a inzawm thui hle.
Chapchar Kut leh sakhuana chu inzawm tir tum a lo ni ta a, sakhaw thila inhmuhkhawmna ang thoin sakhaw berampu Rev H Lianngaia, Mizoram Kohhran Hruaitu Committee vice chairman chuan hunserh a hmang a, TNT zaipawlin Halleluiah Chorus an rem bawk.
Kutah chuan sakhuana lakluh a ni a, kutpa chief minister Lal Thanhawla chuan Mizo adopted culture Kristianna nena inhmehin kut chu hman chhunzawm zel theih a nih thu a sawi. Kut hmannaa sakhaw puithiamin hunserh hmanga Pathian hnena inhlanna hun a nei chu lawmawm a tih thu sawiin, chhunzawm zel tlak a ni, a ti. halaiten hnam thil an ngaisang leh tunlai mila kalpui a ni chu lawmawm a tih thu leh hmasawn zel theih a beisei thu a sawi bawk.
'Isua nen Chapchar Kut' tih chu thupuia hman a niha, Kutpa ber pawhin Kristianna nena inmila kut hman chu inhmeh leh chhunzawm zel theih a nih thu a sawi laiin thusawitute tawngka leh hunserh bakah chuan Kristianna hian he Chapchar Kutah hian hmun a chang lem lo thung.
Kut puala mipui tualchaina thlang lawkah chuan ram kang avanga ni dul ruih hnuaiah nula leh tlangval an inkawm mar mar a, inrimna hun remchang awmchhun a ni lo ang tih chu chiang rengin nun hman khawlohna hun remchang a ni lo tih pawh a chiang. Mahse, tam tak tan chuan chantuala (stage) an chhuah ve hun nghaka zalen taka hun hman theih thlakhlelhawm tak chu a ni ngei ang. Chantuala an chhuah hun a thlen hunah chuan midang ang bawkin mipui thutna (gallery) hnuai remchang lo zetah hian an thuamhnaw an thlak mawlh mawlh ang a, an rawn pen chhuak ve mai dawn a ni. Midang pawhin an tih dan tho a ni a, zah leh hreh em em bik tur a awm lo, nula tan pawh.
Chantuala chhuah hun a thlen erawh chu vaivut khu kara intheh thil tura perchhuah at tur a ni a, tlai lamah chuan nula hmeltha tak pawh an hmel a nung thei tawh lo a, a hul paw phiang hlawm. Vaivut karah, hritlan hlauhawm tak chunga chantuala chhuah tur pawh ni se dai kilkara cheng leh nuam tawl thei fa tana mahni veng tan tia thahnem ngaih tlana, mahni awmna YMA tana tha thawh ve theihna leh tualchai zâ-na a ni. Veng tana thahnem ngaih zawng a na a ni ang, Chhinga Veng pahote kha Mizo hun tawng hrang hrang entirin vaivut karah ruak deuh titihin mipui hmaah an kal thuau thuau a, vaivutah te chuan an mu let tawp mai zel a nih kha. Nula lam pawh siapsuap, hnawkhal leh hmaram te nen an rawn pen chhuak bawk. Lammual khata vaivut khu kara Cheraw kan leh Sarlamkai te kha mawi tih loh rual a ni lo.
Mizo puan mawi tak bih nulaho Cheraw kan leh Solakia/Sarlamkaia phe suau suaute chu lungrem chim mai awm hmelpu tawh, sawi deuh tui kara Chapchar Kut show en vete tana show awm ve chhun ni awm tak a ni. Midang hi chuan an hnungchhawn deuh tlat thin. Textile mill neitu rawn hmu fuh awm hlauh se chuan hlawh pek ngai lo designer ropui tak chhar ang a ni mai awm mang e. Hei zet hi chuan thinlai a nghawr dim e, tih tur chi a ni. Lungrem chim mai awm hmel pu-ah khan thuthmun rem hlawm lo se lammual kha a tawt viau ang a, Chapchar Kut chu a dawl lo a ni mai awm si a!
Chapchar Kutah hian Mizo nunhlui chu chantual zau takah hian entir a ni ber thin a, chu chuan upa tawhte lung a tileng a, a tar a tarin Chapchar Kutah chuan lammual an pan ve thin. MUP-in lengkhawm zai an sakte khan an lung tileng a, mahse, khatiang hla thluk mawi tak khan Mizo thangtharte thinlung chu khawthlang ho hla thlukin a deh angin a dek pha lo thung. Tibetan Buddhist puithiamho tawngtai hla chham rualin khawvel hnamtin thinlung a dek a, Grammy Award a dawng ta hial anga thiam leh thinlung khawiha sa thiam an awm hmain a thamral dawn chu a nih tak ber hi. Hla thluk leh rimawi hian lo chawrchhuahna culture a nei thin niin an sawi a, Mizo culture-a bet, zai thenkhat chuan khawvel eng a hmu pha ve dawn ta lo a nih hmel.
Sakhuana baka kumin Chapchar Kut thuken langsar tak pakhat chu inpumkhatna hi niin a lang. Kut thlengtu leh sorkar ni lova Mizote thlungkhawmtu, YMA-te inthlunkhawmna Central YMA president JH Zoremthanga chuan Mizoram chhung mai ni lo, a pawn lam atanga he Chapchar Kut rawn hmangtu Zohnahthlakte an lawm thu sawiin inpumkhatna lantirtu a nih thu leh Mizoram chhunga chengte ta chauh a nih loh thute an sawi a nih kha. Burma atanga he kut hmang tura lo kal T-Melody te chuan ram danga kut hmang hmel an pu lo a, mipui lahin an lo khawdang sial en hek lo. An Chapchar Kut hman tawh azawnga ropui berah chuan mipui lawm hlawh tak leh thiam takin an zai a ni.
A lanna tlang dang atanga thlir chuan Chapchar Kut chu hriselna risk-na sang tak a ni a, kumin Chapchar Kut chu dan bawhchhiatna nasa tak a ni bawk.
Thli thaw vuk vuk leh mipui pungkhawm vanga bawlhhlawh leng vel kara mipui pungkhawmte chu eichawp zuarte inhralh thatna theihna hmun a ni. Khatianga eichawp zuarte tan chuan ei tur mah ni se vawn thianghlim theih a ni lo. Mahse, khatiang punkhawmna kha hmawmsawm ei chakawmna hmun a ni ve tlat thin thung.
Isua nena Chapchar Kut, sakhaw puithiamin hunserh hmanga a hlan, Kut thlengtu leh Kutpa ten sakhuana nena inrema hman theih tia an sawi chu Kristian-te invawnna Kohhran lian ber nawrna avanga zu khap burna dan hmanna state-a zu tlangnel ber ni a ni mai thei. Chhun pachangah pitar lek lek tawh pakhatin mipui thutna tura dawhkanah khan zufang a sem tlat! 'Chapchar Kutah chuan a thiang alawm' a ti tlat a, a in duh lo pakhat chu an leih a nih kha! Huat theih a ni si lo.
Putar lam tawh pakhat pawh kha, nula hovin tui emaw a ken an ti a, in sak zel chi a lo ni lo tawp mai. Mipui thutna tur dawhkan hnuaia chatthla pa pakhat pawh kha, tuman an tibuai lo, Chapchar Kutah chuan zu in chu a thiang vek a ni ang, kil lehlamah nam phelhphawlh inbawr deuh hat hat an lo awm leh thin bawk. Tleirawl rual an rawn kal dam dam a, an chhak lawka thu meng phi deuh tawh khan a lo chhaih deuh a, a la na fal deuhin leirawhchana a han tin uai mai kha chu, a vawm tak tak ang tih hlauhawm tak a ni. A malin an incho a, an han ding deuh uaih na a, leirawhchana tintu khan a thiante a ko leh ruai a, a pakhat zawka pawh a nula hruai khan a lo khap thei hlauh bawk!
No comments:
Post a Comment