Lalthlamuana Ralte
'Tough times never last, but tough people do!' an ti a, Mizo tawnga lehlin dawn chuan sawi deuh duah a ngai ang. Hun khirh tak te, hun harsa te hi a kiang tak tak dawn lo a, chutiang huna dawl duh miah lo mi rothapte, mi tumruhte hian hnehna an chang thin.
Hringnun hi alu angin a tehkhin theih awm e. Bazar-a alu an zawrh chu a len dan a zirin a man a into hleih zung a, an dah hrang thliah thin. Dawra alu dah thintu zinga loneitu pakhat chuan thliar fel sa thlapin a dah bik ziah mai a. Tum khat chu chutianga alu lian leh te a thliar lawk dan chu an zawt ta a ni.
Loneitu chuan tihian a chhang: "A holam lutuk. Alu te hi tawlailirah ka dah tawp a, mahse, khawpuia ka lo kalna atan hian kawng bumboh ber ka thlang thin thung. Mel 8-a thui kawng chhiaa kan insawh chhung hian a te deuh chu tawlailir chhuatah a tlakhawm a, a lian lutuk lote chu a laihawlah, a lian tak takte chu a chung berah an awm thin a," tiin.
Kawng bumbohin alu nihna a pholang ang hian mihringte pawh hi hun harsa leh khirh a lo thlen chang hian kan nihna hailan a ni thin. Kawng bumbohah alu lian apiang a chunglamah an awm thin angin nun kawng hun harsa a lo thlen chang hian mi puitling, rilru khauh apiang an dingchang thin a ni.
Kum 1960 chhoah khan rimawi leh lemchan lama mite hriat hlawh ve tak pa pakhat hian All India Radio station-ah a fapa a hruai a, a zai thun tlak a nih leh nih loh enchhin (audition nei) tura kalpui a ni. AIR hotute chuan radio-a zaitir tlak a ni lo, tiin an llo hnawl a ni awm e. Mahse, kum engemaw zat a lo vei hnuah chuan AIR chuan chu pa zai tihchhuah loh ni reng reng nei lo khawpin an zaitir ngun leh si! Chu pa chu vai zai thiam hmingthang KJ Jesudas hi a ni.
Kum 1962 khan rawlthar pali hi Decca recording company-a executive-ho hmaah zam tak chungin, an thiam ang tawkin record audition (an hla/music record tlak a nih leh nih loh enchhinna) an nei a, an rimawi chuan endiktute lung a dum zo lo kher mai. An hnawl mai a ni lo, executive pakhat phei chuan, "An thawm ri kha kan duh zawng a ni lo tawp. An tingtang perh dan vak vak kha a thing tawh tlat," a ti zui erh bawk. Mahse, chumite thianho chu a hnu lamah chuan khawvelin The Beatles tiin a hre zui ta thung.
Kum 1954 khan Grand Ole Opry manager Jimmy Denny chuan a zai thiam rawih pakhat chu mipui hmaah vawi khat chauh zai hnu lawkah a ban nghal hmak mai. "Naua, engmah i ang chuang lo ang. Chuvangin, truck khalh leh tawh mai rawh," a ti zui. Mahse, chu nau chu a beidawng duh lo a, a hnu lamah chuan America a zai thiam lar ber a ni ta, Elvis Presley-a kha a ni.
Kum 1876 a Alexander Graham Bell-a'n telephone a siamchhuah hlimchhawn kha chuan a tangkai dan tur hi an lo dawn pha lo khawp mai. President Rutherford-a hmuh tura a han entir chhin vel tum pawhin ani (President) lah chuan, "Thil siamchhuah mak tak a ni, mahse tuin nge hetiang hi hmang ang le?" a tih san mai a ni awm e. Mahse, vawiinah chuan telephone tel loin khawvel a kal thei tawh lo a nih hi.
Thomas Alva Edison khan electric bulb hmuchhuak turin vawi 2000 zet a enchhin a, keini anga beidawng hma chi chu ni se a hmuchhuak lo chiang viau ang. Vawi 1999 zet a hlawhchham hnu khan peih tawh loin ban san ta daih sela chuan khawvel hian hun rei tak chhung bati a chhi zui ngei ang le.
Chanchinbu mi pakhatin chutiang zat zet a hlawhchham laia a rilru put hmang chu a zawt a. Edison-a chuan, "Vawi khat mah ka hlawhchham hlei nem. Hlawhchham a hnekin light bulb chu ka hmuchhuak tho alawm. Chawl lova vawi 2000 enchhin ngai chi a nih vangin hun a duh rei a, tih nawn tluk tluk a ngai zawk alawm," tiin a chhang daih!
Kum 1940 khan khawl/hmanraw thar siamchhuaktu la naupang tak Chester Carlson-a chuan company hrang hrang 20 hnenah a thil hmuhchhuah a zuar kual a, chu'ng zinga thenkhat chu US-a corporation lian ber berte an ni hlawm. Mahse, an vai hian an lo hnar vek. Chutia kum sarih lai a vahvaihpui hnu chuan Rochester, New York a company tenau pakhat - Haloid company chuan Carlson-a thil hmuhchhuah chu a leisak ta mial mai. Hun a kal zel a, khawl ropui tak siam chhuaktu Haloid company chu 'Xerox corporation' tia a hming thlak a ni ta a, corporation lian ber pawl a ni ta a, photocopier hi mi tam tak chuan xerox machine tiin kan hre ta hial a nih hi.
Mi pakhat pawh kha - unau 22 zinga a 20-na a ni a, thla kim lova piang a nih avangin a dam chhuah zawh loh mai an hlau viau nghe nghe. Chu hmeichhe naupang te chuan kum 4 mi a nihin pneumonia leh scarlet fever a vei a, a natna avang hian a ke veilam a zeng zui a, thir ke lem a hman a ngai ta hial.
Kum 9 a tlin chuan a thir ke lem chu a phelh a, chumi tel lo a kal chu a zir ta. A tumruh em avangin kum 13 a nih chuan a kal thei ta sawih sawih a, doctor-te pawhin mak an ti zawk hle a ni. Chumi kumah chuan intlansiaka tel ve thin a tum ta mauh mai. Chumi hnu kum engemaw zat chhung chu intlansiaknaa a tel changin a hnuhnung ber a ni ziah thin. Tu pawh mai chuan a thil tum chu bansan turin an hrilh luai luai a, mahse, chu tleirawl chuan bansan a tum bau lo, bansan a hnekin a tlan zawm zel zawk.
Ni khat chu intlansiakah lawmman pakhatna a dawng ve ta hlauh mai. A hnuah a dawng leh a, tichuan, a dawng chhunzawm ta zel a, intlansiaka a tel tawh phawt chuan pakhatna a ni ta ziah mai a ni.
Chu tleirawl, naupang te a nih laia doctor-ten kea a kal theih tawh loh tur thu an lo hrilh thin chuan Olympic-ah gold medal pathum ngawt zu han dawnga mawle!! Chu hmeichhia chu Wilma Rudolp-i a ni.
'Tough times never last, but tough people do!' an ti a, Mizo tawnga lehlin dawn chuan sawi deuh duah a ngai ang. Hun khirh tak te, hun harsa te hi a kiang tak tak dawn lo a, chutiang huna dawl duh miah lo mi rothapte, mi tumruhte hian hnehna an chang thin.
Hringnun hi alu angin a tehkhin theih awm e. Bazar-a alu an zawrh chu a len dan a zirin a man a into hleih zung a, an dah hrang thliah thin. Dawra alu dah thintu zinga loneitu pakhat chuan thliar fel sa thlapin a dah bik ziah mai a. Tum khat chu chutianga alu lian leh te a thliar lawk dan chu an zawt ta a ni.
Loneitu chuan tihian a chhang: "A holam lutuk. Alu te hi tawlailirah ka dah tawp a, mahse, khawpuia ka lo kalna atan hian kawng bumboh ber ka thlang thin thung. Mel 8-a thui kawng chhiaa kan insawh chhung hian a te deuh chu tawlailir chhuatah a tlakhawm a, a lian lutuk lote chu a laihawlah, a lian tak takte chu a chung berah an awm thin a," tiin.
Kawng bumbohin alu nihna a pholang ang hian mihringte pawh hi hun harsa leh khirh a lo thlen chang hian kan nihna hailan a ni thin. Kawng bumbohah alu lian apiang a chunglamah an awm thin angin nun kawng hun harsa a lo thlen chang hian mi puitling, rilru khauh apiang an dingchang thin a ni.
Kum 1960 chhoah khan rimawi leh lemchan lama mite hriat hlawh ve tak pa pakhat hian All India Radio station-ah a fapa a hruai a, a zai thun tlak a nih leh nih loh enchhin (audition nei) tura kalpui a ni. AIR hotute chuan radio-a zaitir tlak a ni lo, tiin an llo hnawl a ni awm e. Mahse, kum engemaw zat a lo vei hnuah chuan AIR chuan chu pa zai tihchhuah loh ni reng reng nei lo khawpin an zaitir ngun leh si! Chu pa chu vai zai thiam hmingthang KJ Jesudas hi a ni.
Kum 1962 khan rawlthar pali hi Decca recording company-a executive-ho hmaah zam tak chungin, an thiam ang tawkin record audition (an hla/music record tlak a nih leh nih loh enchhinna) an nei a, an rimawi chuan endiktute lung a dum zo lo kher mai. An hnawl mai a ni lo, executive pakhat phei chuan, "An thawm ri kha kan duh zawng a ni lo tawp. An tingtang perh dan vak vak kha a thing tawh tlat," a ti zui erh bawk. Mahse, chumite thianho chu a hnu lamah chuan khawvelin The Beatles tiin a hre zui ta thung.
Kum 1954 khan Grand Ole Opry manager Jimmy Denny chuan a zai thiam rawih pakhat chu mipui hmaah vawi khat chauh zai hnu lawkah a ban nghal hmak mai. "Naua, engmah i ang chuang lo ang. Chuvangin, truck khalh leh tawh mai rawh," a ti zui. Mahse, chu nau chu a beidawng duh lo a, a hnu lamah chuan America a zai thiam lar ber a ni ta, Elvis Presley-a kha a ni.
Kum 1876 a Alexander Graham Bell-a'n telephone a siamchhuah hlimchhawn kha chuan a tangkai dan tur hi an lo dawn pha lo khawp mai. President Rutherford-a hmuh tura a han entir chhin vel tum pawhin ani (President) lah chuan, "Thil siamchhuah mak tak a ni, mahse tuin nge hetiang hi hmang ang le?" a tih san mai a ni awm e. Mahse, vawiinah chuan telephone tel loin khawvel a kal thei tawh lo a nih hi.
Thomas Alva Edison khan electric bulb hmuchhuak turin vawi 2000 zet a enchhin a, keini anga beidawng hma chi chu ni se a hmuchhuak lo chiang viau ang. Vawi 1999 zet a hlawhchham hnu khan peih tawh loin ban san ta daih sela chuan khawvel hian hun rei tak chhung bati a chhi zui ngei ang le.
Chanchinbu mi pakhatin chutiang zat zet a hlawhchham laia a rilru put hmang chu a zawt a. Edison-a chuan, "Vawi khat mah ka hlawhchham hlei nem. Hlawhchham a hnekin light bulb chu ka hmuchhuak tho alawm. Chawl lova vawi 2000 enchhin ngai chi a nih vangin hun a duh rei a, tih nawn tluk tluk a ngai zawk alawm," tiin a chhang daih!
Kum 1940 khan khawl/hmanraw thar siamchhuaktu la naupang tak Chester Carlson-a chuan company hrang hrang 20 hnenah a thil hmuhchhuah a zuar kual a, chu'ng zinga thenkhat chu US-a corporation lian ber berte an ni hlawm. Mahse, an vai hian an lo hnar vek. Chutia kum sarih lai a vahvaihpui hnu chuan Rochester, New York a company tenau pakhat - Haloid company chuan Carlson-a thil hmuhchhuah chu a leisak ta mial mai. Hun a kal zel a, khawl ropui tak siam chhuaktu Haloid company chu 'Xerox corporation' tia a hming thlak a ni ta a, corporation lian ber pawl a ni ta a, photocopier hi mi tam tak chuan xerox machine tiin kan hre ta hial a nih hi.
Mi pakhat pawh kha - unau 22 zinga a 20-na a ni a, thla kim lova piang a nih avangin a dam chhuah zawh loh mai an hlau viau nghe nghe. Chu hmeichhe naupang te chuan kum 4 mi a nihin pneumonia leh scarlet fever a vei a, a natna avang hian a ke veilam a zeng zui a, thir ke lem a hman a ngai ta hial.
Kum 9 a tlin chuan a thir ke lem chu a phelh a, chumi tel lo a kal chu a zir ta. A tumruh em avangin kum 13 a nih chuan a kal thei ta sawih sawih a, doctor-te pawhin mak an ti zawk hle a ni. Chumi kumah chuan intlansiaka tel ve thin a tum ta mauh mai. Chumi hnu kum engemaw zat chhung chu intlansiaknaa a tel changin a hnuhnung ber a ni ziah thin. Tu pawh mai chuan a thil tum chu bansan turin an hrilh luai luai a, mahse, chu tleirawl chuan bansan a tum bau lo, bansan a hnekin a tlan zawm zel zawk.
Ni khat chu intlansiakah lawmman pakhatna a dawng ve ta hlauh mai. A hnuah a dawng leh a, tichuan, a dawng chhunzawm ta zel a, intlansiaka a tel tawh phawt chuan pakhatna a ni ta ziah mai a ni.
Chu tleirawl, naupang te a nih laia doctor-ten kea a kal theih tawh loh tur thu an lo hrilh thin chuan Olympic-ah gold medal pathum ngawt zu han dawnga mawle!! Chu hmeichhia chu Wilma Rudolp-i a ni.
No comments:
Post a Comment