Aw Hmangaihna A Va Mak Em!

Lehkhabu thianghlim Bible-ah meuh pawh hmangaihna chungchang hi hmuh tur a tam khawp mai. Keini paw'n tun tumah hian nula leh tlangval kara hmangaihna lo piang chungchang kan sawi ve ang.

Nula leh tlangval inkara lo piang hmangaihna hi sawi leh sel, fak leh rintlak a awm. Hmangaihna chi hrang hrang kan sawi ang. I chass chuan eng ang hmangaihnain nge a hmangaih che tih i hriat theih nan heng hmang te hian a nun leh awm dan atangin eng ang hmangaihna nge tih lo fiah ve ta che.

1. An hmangaih te chu an ngaihtuah veng veng a, an thikthu a chhia a, an duh em avangin amahin a hmangaih ang bawkin hmangaih let a phut a, hmangaihna chu inhrilh nawn thar fo an phut thin. Eng pawh a hmangaih tan chuan a huam a, a hmangaih nen an inkara thil thleng tur nia a hriat te a suangtuah chamchi thin. Hetiang hi 'romantic love' an ti.

2. Thian tha tak ang mai an ni; nuam an ti a, inrintawnna pawh an nei nghet tial tial a. A ni telin an inhmangaihna pawh a thar tial tial thin. Inngaihzawnna thianghlim tak neih an duh avangin chetsual lam kawng zawh an duh meuh lo. An hmangaihna chu thian tha inhmangaihna ang a nih tlat avangin a tlo thin. Hetianga inhmangihna hi 'Best Friend Love' an vuah.

3. A hmangaih tan a inserh thianghlim a, phut let nei lo khawpin a hmangaih tan chuan a inphal thin, fim deuh reih rawiha inngaihzawnna chu kalpui a duh thin. Mahni hmasial lovin, a hmangaih tan a tih theih leh a neih te amah inngaihtuah lo lekin a hmangaih tan hman ral raih pawh a pawi ti ngai lo. Chutiang chu 'Unselfish Love' an ti deuh kher thin a ni awm e.

4. A hmangaih chu ngun leh chiang takin a zir a, tehna chi hrang hrang hmangin a teh a. Sakhaw thu-ah te, a inchei dan leh chetziaah te, thiamna thu bakah midangte nen a khaikhin a, tha leh dik nia a hriat chu thlangin chumi hmang chuan a teh thin. Tehkhawng hrang hrang hmangin an hmangaih te chu an teh a, chutianga an teh hnu-ah tling leh tlak nia hriain an inngaizawng a, an hmangaih thin a ni awm e. 'Logical love' tiin an vuah.

5. An zun a uai a na a, mahse an hmangaih tak tak nih erawh a har hle. Hun rei lo te chhung atan chauhva nangmah rawn beiseitu che an ni. A duh ang tak nangma chungah a hmuh chuan... kan hrethiam mai em? I lak atangin inthiarfihlim a tum thuai ang.

Related Posts :