MFA Cup 2010 Khelh A Ni Dawn

¢ Hmingsanga

Mizoramah football season-in tawp lam a lo hnai ve leh ta. Mizoram Football Association buatsaihin March ni 5-17 chhung hian Diakkawn field, Kolasib-ah MFA Cup 2010 chu khelh a ni dawn ta.

Kuminah hian MFA chungah beiseina sang tak mipuiin an nghat a. Season hmasaa tualchhunga tournament kan neih \hat avangin U-16 National Football
Championship-ah champion kan ni thei a, U-21-ah finalist kan ni a, Santosh Trophy-ah kum danga kan thlen ngai loh pre quarter final kan thleng thei ta bawk. Heng bakah hian regional tournament-ah pawh result kan nei \ha thawkhat. Hemi piah lamah Mizoram player tam takin state pawnah eizawnna an hmuh phah te hi hmasawnna tih loh phal rual a ni lo ang.

MFA Cup vawi 11-na, Kolasib-a khelh turah hian kum dang ang bawkin MFA chuan Ist Division club te bakah district hrang hranga club \hate inelna tur atana buatsaih \hin a ni a, amaherawhchu, district lamah hian club mumala a din loh \hin avangin kuminah hian District XI, Zone XI emaw GSA XI ang emawin Ist Division club ni lote chu district aiawhin an tel phalsak an ni.
Season hmasaah khan beisei loh takin Khawzawl chu champion an ni a, Khawzawl hian final-a an khingpui SSA Football Club chu 1-0-a hnehin final-a goal lut awmchhun hi an champion pui ta a nih kha. Final-a goal thuntu Lalchhanchhuaha, Khawzawl chuan Best Player Award a dawng nghe nghe.

Nikum khan team 12 an tel. Aizawl atangin SSA Football Club, F/C Kulikawn, Dinthar F/C, Luangmual F/C, College veng F/C te an kal. Chhim lam atangin Lawngtlai, Hnahthial Zone Football Association, Electric veng F/C, Zotlang F/C te bakah a thlengtu Champhai district atangin Tlangsam football club, Youngers F/C Champhai, Khawzawl zone football association te an tel a nih kha.

Nikum khan MFA cup khelh anih chhungin yellow card vawi 73 phawrh a ni a, red card 2 awmin goal 61 a lut a ni. Kuminah hian team 16 tel tur a beisei an ni. Hetiang hian Group \hen a ni:

GROUP A
Khawzawl Zone
MSFC, Kolasib
Hnahthial Zone
Khawlailung GSA

GROUP B
SSA Football Club
2nd Bn MAP, Lunglei
Champhai XI
Kawnpui Zone

GROUP C
FC Kulikawn
College Veng FC
Hmunzawl GSA

GROUP D
Dinthar FC
RC FC
Ramthar FC, Lunglei
Vairengte Zone

MFA Cup 2010 ah hian champion team chuan Rs 55000 an dawng dawn a, runners up-in Rs 25000 an dawng ang a, semi finalist te'n Rs 10000 ve ve an dawng dawn a ni. Heng bakah hian hengah te hian lawmman dawn tur a awm dawn bawk. Fair play trophy dawngtu hnenah Rs 10000 hlan a ni ang a, Best Player hnenah Rs 5000, Top Scorer in Rs 5000 a dawng bawk ang.

MFA Cup khelh zawh hunah hian season tan tirh lama khelh tawh Vodafone MFA League thawh hnihna chu khelh chhunzawm a ni dawn bawk a ni.

Related Posts :