Toofani an ti mai a, India indo thlawhna chhuanvawr thin a ni. Chu chuan Aizawl a bomb an ti.
A hming dik tak chu Dassault Ouragan a ni a, fighter-bomber, French company Dassault Aviation siam a ni.
A thlawh hmasak ber chu February ni 28, 1949 kha a ni a, 1952 atanga hman tan a ni. Dassault tih chu a siamtu company hming a ni a, 'Ouragan' chu French tawng, 'hurricane' tihna a ni. Indopui pahnihna tawp hlim vela France indo thlawhna chhuanvawr a ni.
June ni 25, 1953-ah India-in a siamtute hnenah hian 71 a order a, chumi hnuah order belh lehin, 104 an lei. India chuan Toofani tiin a hming a thlak a, Toofani chu Hindi, 'hurricane' tihna tho a ni.
India hian a hun lai chuan a chhuang hle a, 1961-a Diu colony vel inchuha Portugal nen an indo pawh khan he thlawhna hi an hmang nasa hle.
Israel pawhin hetiang thlawhna hi a roh hle; 1956-ah khan Egypt nena an indo tumin he thlawhna hi Israel sorkar chuan a leklam hle a, Egyptian Vampire te an beihletna ber a ni. Egypt-ho chhuanvawr - MiG-15 te meuh pawh Israel Ouragan thlawhna hmaah chuan an mualpho a nih kha. Chutiang indo thlawhna chuan Zawlkhawpui a bomb an ti!
Hunter pawhin Aizawl a bomb an ti!
Hei chu Britain lam kutchhuak a ni a, 1950s leh 1960s vela khawvel thlawhna hmingthang a ni. Royal Air Force (Britain) phei chuan an hmangrim malh malh hle.
A thlawh hmasak ber chu July ni 21, 1951 a ni a, May ni 16, 1953 atanga hman tan a ni.
1965-a Pakistan nena an indo khan India chuan a tangkaipui hle. Pakistan ralthuam dahna tam tak bomb chhetu a ni a, kha indova inbeihna hmingthang - Battle of Asal Uttar-ah phei chuan Pakistan tank tam tak bomb chhetu a nih avangin he thlawhna hi a hmingthang hle.
1971-a an indo tum pawhin India chuan hmathehah a neih leh a, December ni 4-ah phei chuan Hunter thlawhna hmang hian India sipaite'n Pakistan hydel power project hmingthang Mangla Dam an tichhe hial. Chutiang thlawhna chuan Mizoram a bei an ti!
Monday, March 8, 2010
Khi te khian Aizawl a bomb an ti
Subscribe to:
Post Comments (Atom)
No comments:
Post a Comment