Kan Hausa Lo Zawk?

Khaw pakhatah hian chhungkaw hausa tak mai hi an awm a. An pa ber chuan an ram chhung mipuite retheih zia leh mi hausa nih a hlut zia a tak ngeia hmuhtir a duh avangin a fapa chu a hruai a, an ram chhung hmun hrang hrangah a zin kualpui a.

Khaw hrang hrangah a kalpui a, mi retheite chenna hmunte an fang kual a. A tawpah chuan ram hnuaia cheng loneitu chhungkaw rethei tak te inah an lut a, an ram chhunga rethei ber an ni hial awm e. Zanah an riak a, a tuk zingah chuan an haw leh ta a.

In an thlen chuan pa chuan a fapa hnenah chuan, "Kan zin chu nuam i ti bawk em?" tiin a zawt a. Fapa chuan, "A nuam khawp mai," tiin a chhang a. "Mite retheih zia kha i hmu maw?" tiin a zawt leh a. "Hmu e, ka pa," tiin a chhang leh a. A pa chuan, "A nih leh, nizana kan riahna loneitu rethei takte chhungkaw dinhmun kha i mit ngeiin i hmu a, enge i zir chhuah le?" tiin a zawt leh a.

A fapa chuan, "Khami te atanga ka hmuh chhuah chu maw.. keini chuan ui pakhat kan nei a, anni kha chuan pali an nei a. Keini chuan kan huanah hian dil pakhat kan nei a, anni kha chuan an in bulah lui lian tak sei em em mai an nei thung a. Kan in bulah hian tual zawl zau lem lo tak kan nei a, anni kha chuan kawlkil thlenga zau phul zawl an nei," tiin a chhang a. A fapa chuan a rin loh zawng daihin a chhang a, a thusawi a han ngaihthlak chuan tawng ngaihna reng reng a hre lo mai a.

A ngawih reng avang chuan a fapa chuan, "Ka pa, kan lo retheih zia min entir tura min zin kualpui avangin ka lawm e!" a ti zui a. n

(How rich are we? tih lehlin a ni a, a ziaktu hriat a ni lo - Lalthlamuana Ralte)

Related Posts :