Wednesday, February 17, 2010

Indian Football-ah Thil Thar? (Santosh Trophy-ah senior team-a mi tel phal lo)

¢ Hmingsanga

India rama football thuneitu sang All India Football Federation chuan tunhnai khan India ram football tihhmasawnna a nih beiseiin hmachhawp chi hrang a neihte tihhlawhtlin a nih dan leh hmathar lakna tur chi hrang hrang a duangchhuak a. Chung zinga langsar ber chu state leh state inelna sang ber Santosh Trophy-ah India senior team-a player-te leh Asian Games khel tura kohte chu an khelh ve phalsak an ni tawh dawn lo hi a ni awm e.

India national team boss Bob Hougton chuan nikum khan India senior team-a player-te'n Santosh Trophy an khelh avang khan India senior team te inbuatsaihna a tih bahhlah deuh avangin Santosh Trophy chungchang hi a sawisel chiam tawh. Tournament awmze awm lo, national team inbuatsaihna tibahhlahtu tiin a sawi a ni.

He \awngkam avang hian Indian football-ah pawh inhnialna nasa tak a chhuak hial tawh a. State FA \henkhat phei chuan na takin India national team boss hi an dem a, coach \henkhat leh Indian football-a mi challang tak tak te pawhin na takin an chhang let ve hial bawk a nih kha.

Kum a thar a, AIFF Meeting chuan kumin a\ang chuan Santosh Trophy-ah India senior team khel player te leh Asian Games khel tura kohte chu khelh a phalsak dawn ta lo. He thutlukna avang hian state \henkhat chu an lawm viau thei a. |henkhat tan erawh thu lawmawm lo tak a ni ngei ang.

India coach Bob Houghton ngaihdan hi AIFF chuan \awmpuiin, Indian footballer zingah Sunil Chettri pawh hetiang ngaihdan neitu zinga a langsar ber a ni.

AIFF chuan tournament neihna tur bik hmun hnih mumal deuh bik thlan fel neih ni se a ti. Nakkum-ah I-League khel turin team hnih tih belhin club 16 awm tawh se an ti bawk. Hei hi qualifying round khelh kher ngai loin, AIFF-in 'special criteria' a duan angin direct-in hlangkai mai \ha an ti. Mahse club hlankai thar turte hi a theih hram chuan West Bengal leh Goa a\anga chhawrchhuak club ni lo se an ti thung.

AIFF chuan India senior team te chu February ni 4-16 chhungin Dubai-ah camp neituin a tir ang a, chumi hnuah June ni 24 a\anga August ni 15 thleng Europe-ah tour an nei chhunzawm leh ang tiin thutlukna a siam bawk.

Nakkumah hian the AIFF chuan Goal 2011 tihhlawhtlinna turin Indian footballer 30 vel chu national team-a khel turin a ko ang a, heng mite hi 2011 January a\anga July thla thleng vel chu club football khel lovin national team tur liau liauvin a enkawl bik dawn a ni. Hei vang hian heng player thlanchhuahte hi chuan club a\anga sum dawng loin, AIFF a\angin hlawh an nei ang.

AIFF thutlukna sawi hlawh deuh ber Santosh Trophy chungchang hian Mizoram football pawh a nghawng ve nghal mai thei. Tun hnaiah Mizo footballer zingah senior team-a koh awm lo mah se, Asian Games atan hian Churchill Brothers-a khel mek Robert Lalthlamuana leh Lalrindika, Pune FC-a khel Jeje Lalpekhlua te hi kumin Santosh Trophy-ah chuan Mizoram aiawhin an khel thei lo mai thei. Anni pathum hian AFC Challenge Cup khel tur leh Asian Games khel tur ang deuha duan chhin India team, tuna Pune khawpuia camp neih mekah an tel.

Related Posts :



No comments:

Post a Comment