Sports in the City

¢ Joseph Lalrintluanga

Tunlai hian Aizawl khawpuiah infiamna chi hrang hrang hmanga inelna engemawzat kalpui mek a ni.

Football : MFA buatsaih Independence Day lawmna First Division Team 6 te inelna chu Aug. ni 8 khan AR Lammual ah khelh tan a ni a, match hmasa berah SSA FC in College Veng FC 3-0 in an hneh a. Khelh hnihnaah Thawhtanni khan Luangmual FC chuan RCFC chu 1-0 in an hneh leh. Nimin Thawhlehni khan SSA FC leh FC Kulikawn an inkhel veleh. Kulikawn hian foreign player pahnih (Ghana atanga lokal) hmangin an team an reinforced a, team dang engemawzat an inlakbelh bawk.

Volleyball : Mizoram Volleyball Association buatsaih Second Division team te inelna Volleyball Tournament, Independence Day lawmna pawh Lammual ah tho khelh mek a ni.

Rifle Shooting : Anthurium Festival .22 Riflew Shooting Competition zawhfel takah Vanlalruata, Blackhole Shooting Club chu 1 na a ni a, David Puia, Regency Shooters chu 2 na niin LH Zova, Reiek chu 3 na a ni. Hmeichhe lamah 1. Vanlalawmpuii, Regency Shooters; 2. Feline Hrahsel, Zaua Shooting Cbub; 3. Stella Hrahsel, Zaua Shooting Club. Zaua Shooting Club chuan Mizoram Rifle Association kaihhruaina-in Independence Day Aug. 15 khian MRA Shooting Gallery, Kulikawn-ah Independence Day Rifle Shooting Championship a buatsaih dawn bawk. MRA hian Shooting Gallery changkang tak mai Kulikawn Indoor Stadium ground floor ah a nei tawh a, Aug. 14 khian hawn a ni ang.

Wushu : Mizoram State Wushu Championship chu nimin Thawhlehni atang khan Central YMA Hall, Tuikhuahtlang ah khelh tan a ni a, Wushu club 15 atangin infiammi 147 zet an tel. He C'ship ah hian Aizawl pawnlam atanga tel an thahnem hle. C'ship khelh zawh hian Junior National Wushu C'ship a Mizoram aiawh tur an thlang zui dawn a ni. Wushu hi boxing, karate, judo leh taekwondo te kaihkawp ang deuh a ni a, inhnek a awih a, inpet a awih a, inpaihthluk a awih a, inpaih chhuah a awih a, a hmuhnawm khawp mai.

Taekwondo : 12th Mizoram Taekwondo Championship chu Aizawl Electric Veng Hall ah zawhfel a ni a, Champhai Dist. Amateur Taekwondo Association chu a pumpuiah pakhatna an ni. Gold 6, Silver 2 leh Bronze 4 an la a, point 96 an hmu a ni. Armed Veng S Taekwondo Cbub chu 2 na an ni.

Related Posts :