Nui Lawks 6 +

Hmeichhe pakhat pawh kha a hmelchhe lutuk a, a love letter dawn ve pawh chhiattawh thu hlir.
- 9862416126

Nula pakhat pawh khan a thianpa hnenah khan "i mobile-ah khan bluetooth a awm em?" a ti a, a thianpa chuan "a khaih khaih, chutiang hurna lampang chi chu ka mobile-ah ka dah duh lo" a lo ti daih.
- 9856799355

Nula tlangval inngaizawng pawh kha a bialpain lotus pangpar a pe a, a bialnu chuan lak pahin a hmaiah a beng a. A bialpa chuan "engati nge min ben?" a ti a. A bialnu chuan: "Nangin BJP min pe a, keiin Congress symbol ka pe che a nih kha," a ti daih.
- 9436360093

Hmun pakhatah chuan tiang hian signboard an lo tar a: "Mimal ram a ni, kal tlang phal a ni lo. Ziak leh chhiar thiam lo chuan a bula mite hi zawhfiah mai tur," tiin.
- 9862343408

Lumettu tawng thei zet mai hi pa pakhatin a pan ve a. Lumettu chuan rik zat zat pah hian, "Engtin nge ka meh dawn?" a ti ham ham a, chu pa chuan a ning ngang a ni ang, "Ngawi rengin met rawh," a lo ti hmuk!
- 9436159317

Pa pakhat, thingtlanga sawrkar hnathawka awm pawh kha, a hnathawhnaah tlangval anga insawiin ngaihzawng a nei a. Zan khat a leng leh kha, a ngaihzawngte khan mikhual an lo nei. An mikhualte khan an lo hre nasa mai si a. "He lamah a ni maw i thawh, i nupui fanaute an dam em? I hruai ve na nge" an lo ti. Ani tihngaihna hre lo chuan, "An thi vek tawh" tiin a chhang ta ringawt.
- Chhimkunpa

Tlangval pahnih hi an lo inhnial a:
"Mi zingah zawng a ang min ti elo?"
"Ti lo e, zawngin a ang che ka ti zawk alawm."
- 9862375770

Kan thil ei chak tak, kan ngaihtuah rauh rauh pawha kan hriatchhuah zawh si loh hi chu chhangban a ni duh khawp mai.
- 9862468178

Tlangval pakhat BA exam pawhin a chhanna, answer paper mawngah tiang hian a ziak vel: "A ziaktu ngaihdan a ni vek kher lo, a tul anga tihdanglam theih a ni," tiin.
- 9862343408

I va meng rei em em ve, hei zan dar 11 a ri tawh asin...
Chuti chu ka'n maimichhing tawh mai dawn em ni?
- 9862577575

Tlangval pakhat kha tawngkam a thiam lo ve khawp mai. A nu a thi a, tiang hian thu a sawi a:
“Zanina ka nu min boralsan chungchanga palai rawn kal zawng zawngte chungah a thlengtu branch aiawhin lawmthu ka puang e. Hei aia mitthi tuihnai te pawh lo ruahman tur kan nih vei nen kan tihsualah min hrethiam a ni ang chu.
"Kan chhiattawh chungchanga min lawmpuitu mipui rawn pungkhawm zawng zawng chungah lawmthu kan ba hnem hle a, lawmthu sawi hi kan thiam loh em avangin kan ba ral mai ang e.
"Ka pa hi a thi ve tep tawhin ka ring a, chutih hunah chuan in rawn chhim leh theuh dawn nia. Chutih hunah chuan keini lam pawh tun aia nasain kan lo inbuatsaih ve anga, hei aia changtlung zawkin thil kan kalpui theih ngei tawh kan beisei. Mangtha ule, Jai Hind,” tiin.
- 9436159317

Related Posts :