Friday, May 1, 2009

'Chhungteism' ti ve ngai lo!

He nu hi mak tak a ni, mahni pasal te pawh a vote ngai lo!

Ajit Kumar Jain-a chu kum 55 mi a ni a, Madhya Pradesh lam mi a ni. Inthlanah vawi 27 a ding tawh a, independent ticket ngatin a la ding ziah. Mahse, a nupui Rajkumari Jain chuan vawi khat mah a la vote ngai lo!

Tun tum India ram inthlanpuiah hian Jain-a hi Indore bialah a ding a, mahse, campaign-a a buai em em lai pawhin a nupui ngei pawhin a vote leh dawn lo tih a hre sa. "Hmeichhia chuan hmeichhia an vote thin," a ti mai.

"Ka nupui chuan BJP a vote ang, Sumitra Mahajan a ding a, kan khaw tan engmah a ti lo na a, he nu hi a vote ang," a ti.
Jain-a hi tlereuh man tlawm chi siama eizawng a ni a, kawngsirah a inbun a, a hralh nghal thin. Ni khatah Rs 200 te a hlawh ve thin.

Lok Sabha inthlanah vawi 8 a ding tawh a, Madhya Pradesh assembly inthlanah vawi 9, Indore Municipal Corporation inthlanah vawi 9 bawk a ding tawh bawk. Mahse, a nupuiin vawi khat mah a la vote ngai lo!

Tun tum Lok Sabha MP thlannaah hian campaign-in thahnem a ngai hle a, mipuite chu amah vote hram turin a ngen lauh lauh thin. Amah vote tura a ngen dan ber chu a dahkham a chawi loh nana vote hram turin a ni!

Related Posts :



No comments:

Post a Comment