Friday, May 1, 2009

QUERIES & ANSWERS

¢ Debbie Chawngthu


Q. Ka hmai hi a mawm em em mai a,arngeng a tam bawk a. Nisaah ka awm tam phei chuan a dum tlat thin bawk. Arngeng nei tan medicated soap hi a tha em?

= I hmai mawm lutuk tur ven nan hetiang hian face pack lo siam la,kartin vawihnih i lo ti thin dawn nia~~Multana mitthi fiante hnih, rosewater leh sertui far 4-5 chawhpawlh la, a diak thatah i hmaiah hnawih la, minute 20 hnuah phihfai leh ang che. Tuia i phihfai zawh hian astringent-in hru leh la, mahse i mit vun lai hru tel lo hram ang che. Tin, nisa hnuaia i kal dawnin suncreen lotion hmang ngei ngei la, a theih hram chuan nihliap khum tam la, ni em zawnga i kal anih pawhin i kutin i hmai i hliahkhuh thin dawn nia. Medicated soap hi hmai mawm leh arngeng nei tan a tha a, Dettol,Johnson's Baby Soap, Dove leh sahbawn sen te pawh hi an hman tlak khawp mai. Heng medicated soap i hmang lo anih pawhin face wash (vun ro tana siam) lo hmang ang che.

Q. Ka sam hi a tlem em em a, a than duh nan sahriak te pawh ka thih ve thin a, enkawl dan min hrilh thei em?
= Sahriak hi sam thatna atana hman atan chuan a tlak ber zawk a, lo hmang zawm zel ang che. Mahse i sahriak hman kha i hman hmain chhuang sa phawt ang che. I suk hmain towel tuisaah chiah la, chumi chuan i lu vawihnih/vawithum tuam nawn la, i su dawn nia. Hetianga i tih peih chuan i sam a lo hrisel ang a, a tle bawk ang. Sam i nei tlem anih chuan tih ngaihna vak a awm lem lova, Lakme company hian sam ti buk thei tur shampoo an siam chhuak a, dawr hrang hrangah lei tur a awm.

Q. Vun tih mam dan awlsam min hrilh thei ang em?
= Vun mam leh hrisel nei tur chuan taimak a ngai a, chu chu vun mam neih dan awlsam ber chu a ni mai. I ei leh inah i fimkhur a tul mai bakah i taksa i vawnfai a pawimawh a, nitin inbualin i inbual zawhah oil/lotion inchulh chhuak vek thin ang che. I inbualna tuiah bawnghnute no khat vel pawlh la, hei hian vun a ti mam thei a ni. Tin, shower foam hman hi a tha khawp mai, nitin tui no 8 tal in ziah hi a tha bawk.

Q. Ka sam tla hi ka buaipuina a rei tawh a, enkawl dan min hrilh thei em? Ka hnar leh biang velah hian arngeng hawlphum a awm deuh reng bawk a, clearasil ka hnawih hnuin han reh ve mahse a lo awm leh zel tho mai a, engtia tih chi nge?
= A hmasain i sam tla kha vei lutuk suh, rilruah a awm reng chuan a tlak phah ve thei zawk a nia. Ngaihtuah ngah lutuk te, vei nasat neih te hian sam tla hi a awm thei bawk. I lulei leh sam kha kartin oil chhuan lumin lo massage la, hei hian i sam a tih hrisel mai bakah a ti nghet ang. A huh laiin khuih lo la,amahin ro tir ang che. I shampoo hman i ngeih lo pawh a ni thei a, sam tla nasa veng thei tur shampoo te pawh a awm a, lo hmang chhin teh.

Arngeng hawlphum hi deh sual a awl a, han deh sual tawh hi chuan a pung duh hle bawk. I deuh duh anih pawhin tui hu in minute 5 in ur phawt la, kut fai takin dim thei ang berin sawr ang che. Mahnia khawih ai chuan a thiam zawk te khawih tir hi a him ber bawk. Face pack chi hrang hrang zingah arngeng nei tana siam bik te pawh a awm a, kartin vawikhat tal lo hmang ziah ang che. I hmai a mawm anih hmel a, hmai mawm tana inenkawl dan kan tarlan tak te kha lo bih chiang leh teh. Hmai bawl leh hawlphum a awm loh nan i hmai a fai a ngai a, nitin vawihnih/vawithum tal i hmai phih la, astringent hmang thin bawk ang che.

Q. Ka mit hmul hi a tlem em em a, han tih buk deuh dan a awm em? Ka ban leh ke te hi ka taksa dang aiin an hang bik a,engtinnge ka tih ang? Ka tin ka zuah sei a, mahse ka kut vun hi a chuar tlat a, enkawl dan min hrilh thei em?
= Mit hmul thang tur chuan castor oil emaw petroleum jelly i mut dawnin i mit hmulah khan hnawih thin ang che. A hnawih rual nan ear-bud hmang la, a awlsam.

Kan taksa ngo dan te hi a inang vek thei lo a, a hang zual lai te kha sertuiin hru thin la, a ziaawm phah ang. I vah chhuah dawn reng rengin sunscreen lotion hmang ziah ang che.

I kut vun chuar chu engdang vang nilovin oil/cream i inchulh tawk loh vang a ni thei. Tui i khawih zawh apiangin oil/cream-in massage ziah la, i mut hmain massage ziah bawk ang che.

Related Posts :



No comments:

Post a Comment