English footballer ho zingah Paul Gascoinge hi hriathlawh ber te zinga mi a ni ngei ang. A inkhelh thiamna piah lamah a chanchin maksak tak tak te hian mi lawm a hlawh hle.
'90 World Cup atang khan khawvel hriat a hlawh chho a, khami tuma semi final-a Germany laka an tlawm tuma a tap lai hmel te chu tun thleng pawhin thlalak lar tak a la ni ta zel a nih hi.
A naupan lai atang rengin a chanchin hi a hlimawm nghal a, Newcastle academy-a a awm lai pawhin Kevin Keegan-a boot tifai thin tura tih a ni a, chutia Keegan-a te meuh boot a'n hrufai thin chu nuam a ti ta lutuk a, a thiante hmuh ve atan a hawn thin vel! A hawn phawt a, a keng leh thin!
Fiamthu hi a thawh mai a ni lo a, a tihin a ti thin. Middlesbrough-a a khelh lai pawhin, vawi khat chu, club canteen-ah eitur a lam a, amah an han enchian chuan, Gascoingne-a chuan engmah a lo ha lo, kekawrte chauh lo chu!
Uang ta reng reng hi a nia, a thianpa Jimmy Gardiner-a, sam uluk em em mai hair gel hman lai pawh hair removing cream-in a lo thleng pek a, an mangang teh asin!
Thursday, April 16, 2009
Pa maksak
Subscribe to:
Post Comments (Atom)
No comments:
Post a Comment