Maharashtra-a Shiv Sena candidate pakhat chu a haihawt khawp mai a, a haihawt vang hian candidate a nihna pawh hnawl a ni mai thei.
He candidate hi Gajanan Kirtikar-a a ni a, Lok Sabha inthlan lo awm turah hian Shiv Sena chuan Mumbai North-West bialah an vawrhchhuak a ni.
Theihtawp chhuahin campaign te a bei ve a, mahse, tun hnaiah a haihawtzia a lo lang ta tlat.
Gajanan Kirtikar-a hian candidate ni tura nomination a file-naah, nomination form-ah a hming a sign theihnghilh palh!
Amah hi Maharashtra-ah hian Shiv Sena leh BJP tang dun sorkarah minister te pawh a lo ni ve tawh thin a, nomination form dahkhah dan te chu hre ve tawk tura ngaih a ni. Mahse, tun tumah hian tihsual a nek nawk mai a, tihsual panga ngawt a nei. Chu'ng zingah chuan a hming a sign loh thu hi a tel.
A khingpuite- Congress candidate leh Samajwadi Party candidate te chuan Gajanan Kirtikar-a candidate nihna hnawl turin thuneitute an kar mek.
He biala Samajwadi Party candidate Abu Asim Azmi chuan returning officer-in Shiv Sena candidate hi a hnawl ngei a rin thu leh hnawl ngei se a duh thu a sawi a ni.
Chutih laiin returning officer chuan Gajanan Kirtikar-a nomination thehluh hi hnawl lovin a pawm thung.
State Election Commission chuan Kirtikar-a dilna an ngaihtuah hnuah pawm mai an titlu ta tiin an sawi.
Thuneitute'n an pawm thu an puan hnuah Kirtikar-a chuan thuthar lakhawmtute hmaah: "Engmah a ni lo e, Congress hian ka ding ang tih an hlau mai a ni," tiin a sawi.
Shiv Sena lam pawhin engmah an la sawichhuak rih lo a, an thawhpui BJP lam erawhin engmah an hriatpui ve lo niin an sawi.
Thursday, April 16, 2009
Shiv Sena candidate haihawt mah mah
Subscribe to:
Post Comments (Atom)
No comments:
Post a Comment