¢ Debbie Chawngthu
Vun mawm hi vun ro emaw vun ro leh mawm nei pawlh emaw ai chuan an vannei zawk a, vun mawm hian vun chuar leh zur tur a ven avangin an lang tar har thin a ni.Vun mawm hi tihfai ngun a ngai hle a, anih loh chuan vun kua a bawlhhlawh hma bik a, chu chuan hmai bawl a siam awlsam em em thin. Arngeng te chi mai bakah arngeng lian chi thlengin a awm duh bik a, a thiam bik te khawih tir loh phei chuan a darh duh mai bakah ser leh thak te a awm thei a ni.
Vun mawm nei tan chuan astringent hman that hi a pawimawh ber pawl a ni a, vun a tih ro theih mai bakah a ti mar thei a ni. Vun mawm nei tan chuan sahbawn hmanga hmai phih hi vun ro nei tan ai mahin a pawi lo zawk a, mahse hman nasat erawh thil awm thei a ni a, sahbawn hman pawhin medicated soap ngei nise a tha a ni. Kar khatah vawikhat steaming tih a pawi lo bawk a, hei hian vun kuaa bal kha a ti chhuak thei a, hmai bawl tur a veng thei. Arngeng neih sa pawhin steaming tih hian vun a lo kaw zau a, arngeng lak chhuah dawn pawhin a awlsam zawk thin. Ei leh in hian kan hriselna mai bakah kan vun nalh leh nalh lohah kawng ro a su em em a, vun mawm nei tan chuan thil mawm ei tam aiin thlai hring ei tam hian vunin a ngeih zawk a. Tin, thei tui emaw vinegar tui nen pawlh la, chumi hmang chuan i hmai i hru thin dawn nia. Artui var lai hi la la, i hmai minute 20 chhung chiah nan hmang la, a tha hle bawk. Bawnghnute lum pep pepin i hmai chu hru thin bawk ang che. Fanghma, zikhlum, tomato leh theitui te hi vun mawm tan an tha em em vek a, ei leh hman hnem luat a awm thei lo.
Kan vun hi a ngai reng bik lova, boruak a zir te pawhin a inthlak mai bakah nikuma i vun neih ang kha tun kumah pawh i nei lo ve thei tho a. Kan vun hi thuah tam tak a ni a, a thuah pawn ber hi ‘epidermis’ an ti a, epidermis hnuai ami hi ‘dermis’ an vuah leh a, dan naranin hmeichhia hian thau kan ngah zawk avangin kan vun a lo chhah zawk a, a nem zawk bawk a ni. Carbohydrates tamna te, thil thlum, thil kan/mawm leh zu leh a kaihhnawih te reng reng hi kan taksain a mamawh aia tam a lakluh chuan kan hriselna mai bakah kan vun thlengin a hrisel lo thei a. Chuvangin, a chin tawk hriat hram hram a tha. Thlai hring leh thei ei tam hi hriselna atan chuan ei tam a tha tih kan sawi zing ta hle a, tun ai hian Mizo te hian han ei uar sauh sauh ila, hei ai hian kan hriselin damlohna chi hrang hrang lak ata kan inveng thei dawn a ni. Tin, vitamins hi kan taksain a mamawh reng a, vitamin kan tlakchham chuan kan vunah a lo lang chhuak mai thin a. Vitamin B hi vun nalhna leh siam thatna atan a tul a, vitamin C hian thisen a tifai bawk a, a tawk china vitamin E ei hian vun a ti lang naupang rei thei bawk a ni. Vitamin D hi kan mamawh reng bawk a, vitamin D hi nisa atanga hmuh theih anih avangin nisa hmu lo lutuka awm reng hi a hrisel lo a ni.
Heng kan sawi tak zawng zawng bakah hian tui (water) hi kan mamawh pawimawh ber pakhat chu a ni a. Miin tui a taksa mamawh ang tawk a in loh chuan a vun a nung lo a, kan taksa chhunglamin hna a thawh that theih loh avangin taksa hriselna thlengin a nghawr thei a ni. Nitin a theih anga tam tui hi in tur a ni a, a tlem berah no riat(8) tal in ngei ngei tur a ni. Tui hian hriselna a keng tel ti ila kan sawi sual lo ang a, pum lam tha lo te, vun nung lo te, sam nung lo tan thlengin tui hi damdawi tha tak a ni. Khaw lum laia vun tihfai that loh hian hmai bawl leh thak a awm awlsam a.Chuvangin, nikhatah vawithum tal medicated soap emaw face-wash hmangin hmai phih ziah ang che. Astringent i hmang thin anih pawhin i hman zawhah toner hmangin i hmai chu han hru leh la, chumi zawh chuan moisturiser hmang chauh ang che. Toner hian vun kaw zau tawh a ti zim leh thei a, vun kaw zau tawh tak i nei anih chuan regular takin hmang thin ang che.
I vun kaw zau vanga i buai anih chuan sertui leh fanghma tui chawhpawlh la, minute 30 chhung i hmai chiah nan hmang thin ang che. Multana mitti face pack hi karkhatah vawikhat tal hmang ziah bawk ang che. Vun lam thiam techuan Benzac AC emaw Pernex AC hi an chawh tlangpui a, minute 30 chiah hnu ah phihfai leh mai tur a ni. Mahse heng vun hnawih te hi ngeih loh a awm ve theih avangin mahni thua hman ngawt loh a tha. L’Oreal Pure Zone Deep Exfoliating Gel Wash leh Tightening and Clarifying Lotion te pawh hian vun kua an tih zim mai bakah vun bal an tifai thei a, an hman tlak khawp mai.
* Cream leh lotion hman te hi boruak an hmuh tam chuan an khang ve thei a, an khang hnua an rawng a danglam loh chuan an la hmantlak tihna a ni. An rawng/rim a danglam anih erawh chuan hman loh a tha. Vun leh hmai hnawih chi te hi bawma awm aiin hmeh chhuah chi te hi an daih rei duh zawk.
Vun mawm hi vun ro emaw vun ro leh mawm nei pawlh emaw ai chuan an vannei zawk a, vun mawm hian vun chuar leh zur tur a ven avangin an lang tar har thin a ni.Vun mawm hi tihfai ngun a ngai hle a, anih loh chuan vun kua a bawlhhlawh hma bik a, chu chuan hmai bawl a siam awlsam em em thin. Arngeng te chi mai bakah arngeng lian chi thlengin a awm duh bik a, a thiam bik te khawih tir loh phei chuan a darh duh mai bakah ser leh thak te a awm thei a ni.
Vun mawm nei tan chuan astringent hman that hi a pawimawh ber pawl a ni a, vun a tih ro theih mai bakah a ti mar thei a ni. Vun mawm nei tan chuan sahbawn hmanga hmai phih hi vun ro nei tan ai mahin a pawi lo zawk a, mahse hman nasat erawh thil awm thei a ni a, sahbawn hman pawhin medicated soap ngei nise a tha a ni. Kar khatah vawikhat steaming tih a pawi lo bawk a, hei hian vun kuaa bal kha a ti chhuak thei a, hmai bawl tur a veng thei. Arngeng neih sa pawhin steaming tih hian vun a lo kaw zau a, arngeng lak chhuah dawn pawhin a awlsam zawk thin. Ei leh in hian kan hriselna mai bakah kan vun nalh leh nalh lohah kawng ro a su em em a, vun mawm nei tan chuan thil mawm ei tam aiin thlai hring ei tam hian vunin a ngeih zawk a. Tin, thei tui emaw vinegar tui nen pawlh la, chumi hmang chuan i hmai i hru thin dawn nia. Artui var lai hi la la, i hmai minute 20 chhung chiah nan hmang la, a tha hle bawk. Bawnghnute lum pep pepin i hmai chu hru thin bawk ang che. Fanghma, zikhlum, tomato leh theitui te hi vun mawm tan an tha em em vek a, ei leh hman hnem luat a awm thei lo.
Kan vun hi a ngai reng bik lova, boruak a zir te pawhin a inthlak mai bakah nikuma i vun neih ang kha tun kumah pawh i nei lo ve thei tho a. Kan vun hi thuah tam tak a ni a, a thuah pawn ber hi ‘epidermis’ an ti a, epidermis hnuai ami hi ‘dermis’ an vuah leh a, dan naranin hmeichhia hian thau kan ngah zawk avangin kan vun a lo chhah zawk a, a nem zawk bawk a ni. Carbohydrates tamna te, thil thlum, thil kan/mawm leh zu leh a kaihhnawih te reng reng hi kan taksain a mamawh aia tam a lakluh chuan kan hriselna mai bakah kan vun thlengin a hrisel lo thei a. Chuvangin, a chin tawk hriat hram hram a tha. Thlai hring leh thei ei tam hi hriselna atan chuan ei tam a tha tih kan sawi zing ta hle a, tun ai hian Mizo te hian han ei uar sauh sauh ila, hei ai hian kan hriselin damlohna chi hrang hrang lak ata kan inveng thei dawn a ni. Tin, vitamins hi kan taksain a mamawh reng a, vitamin kan tlakchham chuan kan vunah a lo lang chhuak mai thin a. Vitamin B hi vun nalhna leh siam thatna atan a tul a, vitamin C hian thisen a tifai bawk a, a tawk china vitamin E ei hian vun a ti lang naupang rei thei bawk a ni. Vitamin D hi kan mamawh reng bawk a, vitamin D hi nisa atanga hmuh theih anih avangin nisa hmu lo lutuka awm reng hi a hrisel lo a ni.
Heng kan sawi tak zawng zawng bakah hian tui (water) hi kan mamawh pawimawh ber pakhat chu a ni a. Miin tui a taksa mamawh ang tawk a in loh chuan a vun a nung lo a, kan taksa chhunglamin hna a thawh that theih loh avangin taksa hriselna thlengin a nghawr thei a ni. Nitin a theih anga tam tui hi in tur a ni a, a tlem berah no riat(8) tal in ngei ngei tur a ni. Tui hian hriselna a keng tel ti ila kan sawi sual lo ang a, pum lam tha lo te, vun nung lo te, sam nung lo tan thlengin tui hi damdawi tha tak a ni. Khaw lum laia vun tihfai that loh hian hmai bawl leh thak a awm awlsam a.Chuvangin, nikhatah vawithum tal medicated soap emaw face-wash hmangin hmai phih ziah ang che. Astringent i hmang thin anih pawhin i hman zawhah toner hmangin i hmai chu han hru leh la, chumi zawh chuan moisturiser hmang chauh ang che. Toner hian vun kaw zau tawh a ti zim leh thei a, vun kaw zau tawh tak i nei anih chuan regular takin hmang thin ang che.
I vun kaw zau vanga i buai anih chuan sertui leh fanghma tui chawhpawlh la, minute 30 chhung i hmai chiah nan hmang thin ang che. Multana mitti face pack hi karkhatah vawikhat tal hmang ziah bawk ang che. Vun lam thiam techuan Benzac AC emaw Pernex AC hi an chawh tlangpui a, minute 30 chiah hnu ah phihfai leh mai tur a ni. Mahse heng vun hnawih te hi ngeih loh a awm ve theih avangin mahni thua hman ngawt loh a tha. L’Oreal Pure Zone Deep Exfoliating Gel Wash leh Tightening and Clarifying Lotion te pawh hian vun kua an tih zim mai bakah vun bal an tifai thei a, an hman tlak khawp mai.
* Cream leh lotion hman te hi boruak an hmuh tam chuan an khang ve thei a, an khang hnua an rawng a danglam loh chuan an la hmantlak tihna a ni. An rawng/rim a danglam anih erawh chuan hman loh a tha. Vun leh hmai hnawih chi te hi bawma awm aiin hmeh chhuah chi te hi an daih rei duh zawk.
No comments:
Post a Comment