¢ Lalthlamuana Ralte
Hmanlaiin Mexico chhimlam pang leh America khawmualpui laili atanga hmarlam pangah khuan hnam ropui deuh mai Middle American Indian hnam hlawm khat 'Mayan tribe' (Mayan hnam) an lo awm tawh thin a. Hnam fing leh changkang zet mai an ni a, hmalam hun tur an chhut lawkna calendar-ah chuan kum 2012, December ni 21 hian khawvelin hun thar a chuangkai dawn a. Chu chu mi tam tak chuan khawvel tawp hun tur niin an ngai a, an rilru a chawkbuai mek a ni.
Mayan-hnam hi Spain sipaiten an hneh hma khan helai velah hian kum 3,000 teh meuh an lo khawsa tawh a, an ropui vanglai chu AD 250 leh AD 900 inkar vel kha a ni. Mayan-ho thuziak tam ber chu kum 1521 khan ramhuai biakna thil ni a ngaiin Spanish puithiamten an halral a, tlema zawng chu an him hlauh mai a. Chung zingah chuan Drescent codex, phek 74 a chhah, thing hawng a thuziak, kum 1200 AD leh 1250 AD inkara mi chu a tel a.
He lehkhabu hi Chichen Itza hmuna Mayan temple, arsi chanchin an zirna hmun ni bawka mi a ni nghe nghe. Chu lehkhabu hlu tak mai chu kum 1519 khan Aztec hnam hnehtu Cortes-a'n Emperor Charles V hnenah a thawn a. Chumi hnuah chuan Dresden hmuna Court of Saxony library-in an kawl a. Indopui pahnihna hunlai khan bomb-in a tichhe nual a, mahse, vanneihthlak takin a phek tam tak chu a him hlauh mai a. A him zingah chuan Mayan calendar ziahna hi a tel a ni.
Maya Indian-ten thuziakna atana hawrawp an hman hi thil lem chi hrang hrang a ni a. Kum 1880 khan German librarian pakhatin ngun taka a zir hnuah Mayan calendar chu a chhiar thiam ta a. Mi thiam dangte pawhin an zir ve ta zel a, Mayan-hoin arsi chanchin an hriat ril zia an hmuhchhuah a, thla awklem hun tur an chhutchhuah dante an chhiar a, an hunbi chhut dikzia an han hmuhchhuah meuh chuan kan calendar hman mek hi an sit rum rum a ni.
Mayan hnam hi America khawmualpui laili bawr vela cheng Indian zingah chuan hnam changkang ber pawl an ni ve hrim hrim a. Chhuitu thenkhat phei chuan Greek mi fing Plato-a sawi civilization ropui tak a chin hriat loha tuifinriata bopil ta Atlantis a chengte thlah kal zel kha niin an ngai nghe nghe.
Mayan-ho hawrawp hi thil lem chi hrang hrang a ni a, mi thiamten an chhiar thiam tawh avangin an lo changkanzia hriatchhuah belh zel a ni a. Van lam chanchin an hre ril hle a, engineering lamah pawh an lo sang viau a, chhiarkawp thiam tak an nih bakah hun chhut dan phei chu an thiam mai a ni lo a, an chhut lawk dik hle niin an hria.
Ni leh thla leh kum dik taka an chhut chhuah thin hi an sakhaw serh leh sang thil bakah lo neihna lamah an tangkaipui hle a. Calendar pawh hi chi hrang hrang an nei a. Helai bawr velah hian ropui takin kum za tam tak an lo khawsa tawh a, an vanglai chuan khawpui lian, mihring 5,000 atang 50,000 chenna ngawt pawh 40 chuang a awm nghe nghe a ni. Tichuan kum 900 chuang zet chutianga ropui taka an khawsak hnu chuan Mayan civilization chu a tluchhe ta a. An thlah kal zelte chu tunlai hian Mexico chhimlamah leh Guantemala velah lo neiha ei zawngin rethei takin an khawsa mek a ni.
An ropui vanglaia an kutchhuak leh an thu ziakte hi mi thiamten an han chhui chiang a, an lo finzia leh van lam (arsi) chanchin an hriat rilzia te an hmuh belh zel a. Chung zingah chuan an calendar dangdai tak mai hian ngaihven a hlawh zual a, chu calendar chu kum 2012 a ni rei loh ber ni (winter solstice) a tawp tur a nih avangin mi tam tak chuan ni 21.12.2012 hi khawvel a tawp hun tur niin an ngaih phah a ni.
Mayan civilization ropuizia hi mi tam takin hrilhfak mahse, an calendar leh an hrilhlawknate hi a rintlak tak tak meuh ang em, tih hi mi thiamte zawhna a ni ta a, inhnialna pawh a chawkchhuak mek a ni.
Mayan calendar nena hmehbel rem tak maiin hrilhlawktu hmingthang Nostradamus-a pawh khan kum 2009 leh 2012 inkarah hian khawvelah indona rapthlak tak lo chhuak turin a sawi lawk niin thenkhat chuan an lo sawi ve mek bawk. Tichuan, khawvel tawp hun tur chungchangah hian scientist-te, theologian-te leh Mayan calendar ngaihventute rin dan a hrang ta nuai mai a ni. Mizoramah pawh pulpit tlangah leh titina hmunah an sawi lar tan mek a nih hi.
Maya-ho hian calendar an nei nual a, sakhaw thila hman bik calendar 'Tzolkin' ah chuan ni 260 leh hun inher-kual-chhuak (cycle) pahnih a awm a. Cycle pakhat zawkah chuan ni 20 a awm a, a dangah chuan 30 a awm a ni. An calendar dang leh 'Tun' ah chuan ni 360 a awm a, 'Tun' atanga an lakchhawn calendar dang 'Katun' ah thung chuan ni a tam hle a, 'tun' calendar let 20 lai a awm a ni. Mayan hnam hian, sawi tawh angin calendar an ngah hle a, cycle hrang hrang hmangin hunbi an thliar hrang thluah a, chu chu 'linear progression within cycles' an ti a ni.
An calendar-a hunbi hrang hrang an thliar danah chuan tunlaia kan hun hman mek hi 'Great Cycle' (Hunbi Ropui) an ti a. Great Cycle a zawh hunah chuan hun hi a tawp tawh dawn niin an ngai a. Chu chu khawvel tawpna tur ni a an sawi chu a ni.
Hunbi rei chi calendar (Long Count calendar) a Great Cycle-ah hian kum 5,125.36 lai a awm a. Tichuan, Mayan hnam rin dan ang leh an chhut lawk dan chuan kum 2012 winter solstice (ni rei loh ber ni) hi Great Cycle tawp hun tur a ni a, chu chu December 21, 2012 hi a ni.
Great Cycle tawpna awmzia sawifiah danah Mayan calendar zirtute thu hi a hrang thluah thung a. Thenkhat chuan December 21, 2012 hian chhiatna rapthlak tak lo thlengin, chu chuan khawvel hi a tichhe vek dawn niin an ngai a. A then thung chuan khawvel hi a tawp kher lo ang a, mihringte hian hunbi thar kan chuangkai anga, pumrua leh rilru lamah danglamna nasa tak a thleng dawn niin an ring thung.
Mayan-te rin dan pakhat chuan December 21, 2012 (lei atang Ni a hlat ber ni = solstice) hian Ni chu Dark Rift nen a inzawn chiah dawn a ni. Dark Rift chu thlasik kawng (Ni leh a heltu planet-te awmna arsi bawrkhawm 'milky way') a hmunawl zau lai ber hi a ni a, Milky Way laili a ngaih a ni bawk. Chulai hmunah chuan arsite inhiptawnna a inthlak danglam nasa dawn a, Lei pawh hi arsi bawrkhawma planet dangte nen an inhiptawn vak ang a, lei hipna hi a inthlak vak dawn niin an ngai a. Chumiin thil danglam tak a thlen tur chu, 'field – effect energy reversal' tiin an vuah nghe nghe.
Hetiang hi lo ni tak tak ta se la enge lo thleng ta ang tih chu sawilawk thiam har tak a ni. Mi thiamte ngaihdan leh rindan pawh a inang lo viau. Mayan-ho chuan Long Count Calendar hun chhungah hian chhula naute a insiam tan ang hian mihring rilru leh thlarau hi a insiam tan chauh niin an ngai a. Great cycle a zawh chiah atang chuan mihring rilru/ngaihtuahna leh thlarau chu a insiam puitling anga, chuta tang chuan hun thar a lo thleng dawn a, mitin mai chu ngaihtuahna/rilru/thlarau lamah nasa takin an thang thut dawn niin an ring. Nasa taka mihring changkanna a lo thleng dawn a. Hun tawp lo thleng tur chu hun bi thar intanna ni a ni dawn a nih ber chu!
Hetihlai hian Bible zirtu thenkhat chuan he hun hi mi thianghlim lawr hun tur niin an lo sawi ve mek a. An zinga thenkhat phei chuan Mayan-hoin Long count calendar a hunbi tawp hun tura an sawi hi Kohhran hun a tawp ni tur niin an sawi bawk.
MAYAN CALENDAR LEH HRILHLAWKNA
Mayan calendar dangdai tak zir chiangtute chhut dan chuan Long Count calendar hi August 11, 3114 BC atanga intan a ni a. Chu chu Bible-a Enoka leh Methusela-te dam lai hun kha niin an chhut a, tuilet hma daih atanga intan tawh a ni tihna a nih awm chu. Tichuan, tun atanga kum 3 leh thla riat ral hnu, December 21,2012 ah chiah calendar a hunbi (cycle) chu a tawp dawn a, Mayan-ho sawi dan tak chuan 'hun hi a kehchhe dawn a ni' an ti. Zirtu thenkhat thung chuan khawvel hunbi hmasa (3114 BC - AD 2012) a ral anga, hunbi tharah khawvel a chuangkai dawn tihna niin an ngai.
Mayan calendar a hun bi tawp ni, December 21, 2012 hi hrilhlawkna dangte nen pawh a inrual nual mai a lo ni.
Mayan-ho chhutlawk dan chuan December 21, 2012 ah chiah hian Ni hma chiahah Hrangchhuana a awm dawn a. Hei hi thil thleng khat tak mai a ni a, June 8, 2004 khan a lo thleng tawh a, kum 8 chhunga tum hnih lai a thleng tur hi thilmak tak a ni.
Van lam chanchin leh arsi chanchin chhui mi thenkhat chuan December 21,2012 chiah hian thlasik kawng (kan awmna arsi bawr) laili takah ni leh a heltu planet-te hi an awm dawn niin an chhut a. Hei pawh hi kum 26,000 dana thleng thin a ni nghe nghe. A hma lama sawi tawh angin hei hi a thleng a nih chuan arsi bawr khawm lailia inhiptawnna nasa lutuk hian khawvelah hian danglamna nasa tak a thlen thei dawn a ni.
Mi thiam thenkhat thung chuan Ni atanga meialh inhlap chhuak hi a inthlak danglam ve thin a, tun hnaiah phei hi chuan radiation zungzam a phuhchhuak nasa hle niin an sawi a. Kum 2012 hian a nasat lai ber a thleng dawn ni a ring an awm, khawvel hi a kan duai duai mai ring pawh an awm a ni.
Mi thiam thenkhat ngaihdan chuan khawvelah hian chhiatna zakhawrawih a thlen hi a hun leh tawh viau a. Kum 2012 hian chutianga chhiatna rapthlak tak chu thleng thei niin an chhutlawk a ni awm e.
Heng bakah hian hrilhlawkna chi hrang hrang ziah tur a la awm teuh a, kan tarlang vek seng lo a ni.
KRISTIANTE LEH 2012
Mayan calendar chungchangah hian khawvel hmun hrang hranga Bible mi thiamte leh sakhaw hotute ngaihdan a inang vek lo a. Thenkhat chuan khawvel tawp hun turah an ngai thlap a, a hmain mi thianghlim lawr leh Indopui ralthlak leh Israel chhandamna a thleng phawt anga, tichuan khawvel a tawp zui turah an ngai.
Mahse, Theologian leh rawngbawltu tam tak thung chuan Mayan calendar hi eng hehuah an ngai hran lo a. Ringtute tan buaipui chiam chi ni pawhin an hre lo a, thil rintlak tak tak lo niin an sawi thung.
"He calendar hi Mayan hnam hnena Pathianin a pek a ni lo a, an hrilhlawkna pawh hi Pathian zawlneite ka atanga chhuak a ni lo a. Chuvangin, rin tur a ni lo," tiin Kenneth Lewis chuan a sawi.
Nostradamus-a hrilhlawkna nena an sawi zawm chungchangah pawh rawngbawltu tam tak chuan ngaihdan tum tlang tak an nei a. Nostradamus-a hi Pathian zawlnei a ni lo a, a hrilhlawknate lah hi a rintlak lem lo bawk. Pathian zawlnei tak tak chu an hrilhlawkna zaah za (100%) a dik thin.
Mayan-ho hi thilsiam chi hrang hrang pathiana be thin an ni a - ruah pathian te, ni pathian te leh thlai pathian te an nei a. An pathian tihlawmna atan hian puithiamten mihring hlan pawh an ching hle a. An hlan dan chu, puithiam lalberin an hlan tur mihring chu a vuan a, puithiam dangin a lung a zai chhuahsak thin a ni.
An rin danah chuan buhbal an thar chhuahte hi an pathiante malsawmna a ni a. An pathiante tihlungawina atan an mihring hlante thisen an lakkhawm sak thin a ni. An kut ni vang thlaah leh buhbal an seng laiin rimawi tumin an lam a, an pathian tihlawmna atan an tawngtai thin bawk.
Hetiang hi Mayan-ho sakhaw kalhmang chu a ni a, ring lo miten an calendar leh an thu ziakte hi buaipui viau mahse kristiante tan chuan chaw tak khuka khukpui ve vak chi niin rawngbawltu tam tak chuan an ngailo.
Mihringa an inthawi dan leh an pathian biak dan atang hian setana betute an ni tih hai rual a ni lo a. Pyramid an sakte pawh hi sakhaw biakna hmanrua leh an inphumna hmun atana an tih a ni a. Vana arsite chetvel dan an buaipui hle bakah arsite hmanga hrilhlawkna an tuipui em em bawk. Ni leh Thla tan temple an sa thluah a, an calendar angin kum 50 dan zelah an temple leh pyramid-te hi an siam danglam ziah bawk. Heng atang mai pawh hian Mayan hnam hi ramhuai be thin an nihzia a lang a, an thulakna hnar pawh hi setana a ni tih hi Pathian thu thiam tam tak sawi dan a ni.
Bible mi thiam tam tak chuan Mayan-ho sawi hun tawp hi mi thianghlim lawr hun nen inrem chiah anga an sawi te, Kohhran tawp hun tur ni a an sawi pawh theologian tam tak chuan an pawmpui lo hle. Ringlo mithiamten kum sangbi thar thlen dawn hnaiha thil lo thleng tur tam tak an sawilawk pawh kha kan la hre theuh awm e.
Hmasang atangin setana hian ringtute a bum tawh thin a, he calendar pawh hi mihringte a bumna chi khat a ni a, Nostradamus-a hrilhlawkna te leh Mayan calendar aia rintlak zawk Bible hi innghahna atan hman tur a ni, tih hi Bible scholar tam tak ngaihdan a ni.
Hmanlaiin Mexico chhimlam pang leh America khawmualpui laili atanga hmarlam pangah khuan hnam ropui deuh mai Middle American Indian hnam hlawm khat 'Mayan tribe' (Mayan hnam) an lo awm tawh thin a. Hnam fing leh changkang zet mai an ni a, hmalam hun tur an chhut lawkna calendar-ah chuan kum 2012, December ni 21 hian khawvelin hun thar a chuangkai dawn a. Chu chu mi tam tak chuan khawvel tawp hun tur niin an ngai a, an rilru a chawkbuai mek a ni.
Mayan-hnam hi Spain sipaiten an hneh hma khan helai velah hian kum 3,000 teh meuh an lo khawsa tawh a, an ropui vanglai chu AD 250 leh AD 900 inkar vel kha a ni. Mayan-ho thuziak tam ber chu kum 1521 khan ramhuai biakna thil ni a ngaiin Spanish puithiamten an halral a, tlema zawng chu an him hlauh mai a. Chung zingah chuan Drescent codex, phek 74 a chhah, thing hawng a thuziak, kum 1200 AD leh 1250 AD inkara mi chu a tel a.
He lehkhabu hi Chichen Itza hmuna Mayan temple, arsi chanchin an zirna hmun ni bawka mi a ni nghe nghe. Chu lehkhabu hlu tak mai chu kum 1519 khan Aztec hnam hnehtu Cortes-a'n Emperor Charles V hnenah a thawn a. Chumi hnuah chuan Dresden hmuna Court of Saxony library-in an kawl a. Indopui pahnihna hunlai khan bomb-in a tichhe nual a, mahse, vanneihthlak takin a phek tam tak chu a him hlauh mai a. A him zingah chuan Mayan calendar ziahna hi a tel a ni.
Maya Indian-ten thuziakna atana hawrawp an hman hi thil lem chi hrang hrang a ni a. Kum 1880 khan German librarian pakhatin ngun taka a zir hnuah Mayan calendar chu a chhiar thiam ta a. Mi thiam dangte pawhin an zir ve ta zel a, Mayan-hoin arsi chanchin an hriat ril zia an hmuhchhuah a, thla awklem hun tur an chhutchhuah dante an chhiar a, an hunbi chhut dikzia an han hmuhchhuah meuh chuan kan calendar hman mek hi an sit rum rum a ni.
Mayan hnam hi America khawmualpui laili bawr vela cheng Indian zingah chuan hnam changkang ber pawl an ni ve hrim hrim a. Chhuitu thenkhat phei chuan Greek mi fing Plato-a sawi civilization ropui tak a chin hriat loha tuifinriata bopil ta Atlantis a chengte thlah kal zel kha niin an ngai nghe nghe.
Mayan-ho hawrawp hi thil lem chi hrang hrang a ni a, mi thiamten an chhiar thiam tawh avangin an lo changkanzia hriatchhuah belh zel a ni a. Van lam chanchin an hre ril hle a, engineering lamah pawh an lo sang viau a, chhiarkawp thiam tak an nih bakah hun chhut dan phei chu an thiam mai a ni lo a, an chhut lawk dik hle niin an hria.
Ni leh thla leh kum dik taka an chhut chhuah thin hi an sakhaw serh leh sang thil bakah lo neihna lamah an tangkaipui hle a. Calendar pawh hi chi hrang hrang an nei a. Helai bawr velah hian ropui takin kum za tam tak an lo khawsa tawh a, an vanglai chuan khawpui lian, mihring 5,000 atang 50,000 chenna ngawt pawh 40 chuang a awm nghe nghe a ni. Tichuan kum 900 chuang zet chutianga ropui taka an khawsak hnu chuan Mayan civilization chu a tluchhe ta a. An thlah kal zelte chu tunlai hian Mexico chhimlamah leh Guantemala velah lo neiha ei zawngin rethei takin an khawsa mek a ni.
An ropui vanglaia an kutchhuak leh an thu ziakte hi mi thiamten an han chhui chiang a, an lo finzia leh van lam (arsi) chanchin an hriat rilzia te an hmuh belh zel a. Chung zingah chuan an calendar dangdai tak mai hian ngaihven a hlawh zual a, chu calendar chu kum 2012 a ni rei loh ber ni (winter solstice) a tawp tur a nih avangin mi tam tak chuan ni 21.12.2012 hi khawvel a tawp hun tur niin an ngaih phah a ni.
Mayan civilization ropuizia hi mi tam takin hrilhfak mahse, an calendar leh an hrilhlawknate hi a rintlak tak tak meuh ang em, tih hi mi thiamte zawhna a ni ta a, inhnialna pawh a chawkchhuak mek a ni.
Mayan calendar nena hmehbel rem tak maiin hrilhlawktu hmingthang Nostradamus-a pawh khan kum 2009 leh 2012 inkarah hian khawvelah indona rapthlak tak lo chhuak turin a sawi lawk niin thenkhat chuan an lo sawi ve mek bawk. Tichuan, khawvel tawp hun tur chungchangah hian scientist-te, theologian-te leh Mayan calendar ngaihventute rin dan a hrang ta nuai mai a ni. Mizoramah pawh pulpit tlangah leh titina hmunah an sawi lar tan mek a nih hi.
Maya-ho hian calendar an nei nual a, sakhaw thila hman bik calendar 'Tzolkin' ah chuan ni 260 leh hun inher-kual-chhuak (cycle) pahnih a awm a. Cycle pakhat zawkah chuan ni 20 a awm a, a dangah chuan 30 a awm a ni. An calendar dang leh 'Tun' ah chuan ni 360 a awm a, 'Tun' atanga an lakchhawn calendar dang 'Katun' ah thung chuan ni a tam hle a, 'tun' calendar let 20 lai a awm a ni. Mayan hnam hian, sawi tawh angin calendar an ngah hle a, cycle hrang hrang hmangin hunbi an thliar hrang thluah a, chu chu 'linear progression within cycles' an ti a ni.
An calendar-a hunbi hrang hrang an thliar danah chuan tunlaia kan hun hman mek hi 'Great Cycle' (Hunbi Ropui) an ti a. Great Cycle a zawh hunah chuan hun hi a tawp tawh dawn niin an ngai a. Chu chu khawvel tawpna tur ni a an sawi chu a ni.
Hunbi rei chi calendar (Long Count calendar) a Great Cycle-ah hian kum 5,125.36 lai a awm a. Tichuan, Mayan hnam rin dan ang leh an chhut lawk dan chuan kum 2012 winter solstice (ni rei loh ber ni) hi Great Cycle tawp hun tur a ni a, chu chu December 21, 2012 hi a ni.
Great Cycle tawpna awmzia sawifiah danah Mayan calendar zirtute thu hi a hrang thluah thung a. Thenkhat chuan December 21, 2012 hian chhiatna rapthlak tak lo thlengin, chu chuan khawvel hi a tichhe vek dawn niin an ngai a. A then thung chuan khawvel hi a tawp kher lo ang a, mihringte hian hunbi thar kan chuangkai anga, pumrua leh rilru lamah danglamna nasa tak a thleng dawn niin an ring thung.
Mayan-te rin dan pakhat chuan December 21, 2012 (lei atang Ni a hlat ber ni = solstice) hian Ni chu Dark Rift nen a inzawn chiah dawn a ni. Dark Rift chu thlasik kawng (Ni leh a heltu planet-te awmna arsi bawrkhawm 'milky way') a hmunawl zau lai ber hi a ni a, Milky Way laili a ngaih a ni bawk. Chulai hmunah chuan arsite inhiptawnna a inthlak danglam nasa dawn a, Lei pawh hi arsi bawrkhawma planet dangte nen an inhiptawn vak ang a, lei hipna hi a inthlak vak dawn niin an ngai a. Chumiin thil danglam tak a thlen tur chu, 'field – effect energy reversal' tiin an vuah nghe nghe.
Hetiang hi lo ni tak tak ta se la enge lo thleng ta ang tih chu sawilawk thiam har tak a ni. Mi thiamte ngaihdan leh rindan pawh a inang lo viau. Mayan-ho chuan Long Count Calendar hun chhungah hian chhula naute a insiam tan ang hian mihring rilru leh thlarau hi a insiam tan chauh niin an ngai a. Great cycle a zawh chiah atang chuan mihring rilru/ngaihtuahna leh thlarau chu a insiam puitling anga, chuta tang chuan hun thar a lo thleng dawn a, mitin mai chu ngaihtuahna/rilru/thlarau lamah nasa takin an thang thut dawn niin an ring. Nasa taka mihring changkanna a lo thleng dawn a. Hun tawp lo thleng tur chu hun bi thar intanna ni a ni dawn a nih ber chu!
Hetihlai hian Bible zirtu thenkhat chuan he hun hi mi thianghlim lawr hun tur niin an lo sawi ve mek a. An zinga thenkhat phei chuan Mayan-hoin Long count calendar a hunbi tawp hun tura an sawi hi Kohhran hun a tawp ni tur niin an sawi bawk.
MAYAN CALENDAR LEH HRILHLAWKNA
Mayan calendar dangdai tak zir chiangtute chhut dan chuan Long Count calendar hi August 11, 3114 BC atanga intan a ni a. Chu chu Bible-a Enoka leh Methusela-te dam lai hun kha niin an chhut a, tuilet hma daih atanga intan tawh a ni tihna a nih awm chu. Tichuan, tun atanga kum 3 leh thla riat ral hnu, December 21,2012 ah chiah calendar a hunbi (cycle) chu a tawp dawn a, Mayan-ho sawi dan tak chuan 'hun hi a kehchhe dawn a ni' an ti. Zirtu thenkhat thung chuan khawvel hunbi hmasa (3114 BC - AD 2012) a ral anga, hunbi tharah khawvel a chuangkai dawn tihna niin an ngai.
Mayan calendar a hun bi tawp ni, December 21, 2012 hi hrilhlawkna dangte nen pawh a inrual nual mai a lo ni.
Mayan-ho chhutlawk dan chuan December 21, 2012 ah chiah hian Ni hma chiahah Hrangchhuana a awm dawn a. Hei hi thil thleng khat tak mai a ni a, June 8, 2004 khan a lo thleng tawh a, kum 8 chhunga tum hnih lai a thleng tur hi thilmak tak a ni.
Van lam chanchin leh arsi chanchin chhui mi thenkhat chuan December 21,2012 chiah hian thlasik kawng (kan awmna arsi bawr) laili takah ni leh a heltu planet-te hi an awm dawn niin an chhut a. Hei pawh hi kum 26,000 dana thleng thin a ni nghe nghe. A hma lama sawi tawh angin hei hi a thleng a nih chuan arsi bawr khawm lailia inhiptawnna nasa lutuk hian khawvelah hian danglamna nasa tak a thlen thei dawn a ni.
Mi thiam thenkhat thung chuan Ni atanga meialh inhlap chhuak hi a inthlak danglam ve thin a, tun hnaiah phei hi chuan radiation zungzam a phuhchhuak nasa hle niin an sawi a. Kum 2012 hian a nasat lai ber a thleng dawn ni a ring an awm, khawvel hi a kan duai duai mai ring pawh an awm a ni.
Mi thiam thenkhat ngaihdan chuan khawvelah hian chhiatna zakhawrawih a thlen hi a hun leh tawh viau a. Kum 2012 hian chutianga chhiatna rapthlak tak chu thleng thei niin an chhutlawk a ni awm e.
Heng bakah hian hrilhlawkna chi hrang hrang ziah tur a la awm teuh a, kan tarlang vek seng lo a ni.
KRISTIANTE LEH 2012
Mayan calendar chungchangah hian khawvel hmun hrang hranga Bible mi thiamte leh sakhaw hotute ngaihdan a inang vek lo a. Thenkhat chuan khawvel tawp hun turah an ngai thlap a, a hmain mi thianghlim lawr leh Indopui ralthlak leh Israel chhandamna a thleng phawt anga, tichuan khawvel a tawp zui turah an ngai.
Mahse, Theologian leh rawngbawltu tam tak thung chuan Mayan calendar hi eng hehuah an ngai hran lo a. Ringtute tan buaipui chiam chi ni pawhin an hre lo a, thil rintlak tak tak lo niin an sawi thung.
"He calendar hi Mayan hnam hnena Pathianin a pek a ni lo a, an hrilhlawkna pawh hi Pathian zawlneite ka atanga chhuak a ni lo a. Chuvangin, rin tur a ni lo," tiin Kenneth Lewis chuan a sawi.
Nostradamus-a hrilhlawkna nena an sawi zawm chungchangah pawh rawngbawltu tam tak chuan ngaihdan tum tlang tak an nei a. Nostradamus-a hi Pathian zawlnei a ni lo a, a hrilhlawknate lah hi a rintlak lem lo bawk. Pathian zawlnei tak tak chu an hrilhlawkna zaah za (100%) a dik thin.
Mayan-ho hi thilsiam chi hrang hrang pathiana be thin an ni a - ruah pathian te, ni pathian te leh thlai pathian te an nei a. An pathian tihlawmna atan hian puithiamten mihring hlan pawh an ching hle a. An hlan dan chu, puithiam lalberin an hlan tur mihring chu a vuan a, puithiam dangin a lung a zai chhuahsak thin a ni.
An rin danah chuan buhbal an thar chhuahte hi an pathiante malsawmna a ni a. An pathiante tihlungawina atan an mihring hlante thisen an lakkhawm sak thin a ni. An kut ni vang thlaah leh buhbal an seng laiin rimawi tumin an lam a, an pathian tihlawmna atan an tawngtai thin bawk.
Hetiang hi Mayan-ho sakhaw kalhmang chu a ni a, ring lo miten an calendar leh an thu ziakte hi buaipui viau mahse kristiante tan chuan chaw tak khuka khukpui ve vak chi niin rawngbawltu tam tak chuan an ngailo.
Mihringa an inthawi dan leh an pathian biak dan atang hian setana betute an ni tih hai rual a ni lo a. Pyramid an sakte pawh hi sakhaw biakna hmanrua leh an inphumna hmun atana an tih a ni a. Vana arsite chetvel dan an buaipui hle bakah arsite hmanga hrilhlawkna an tuipui em em bawk. Ni leh Thla tan temple an sa thluah a, an calendar angin kum 50 dan zelah an temple leh pyramid-te hi an siam danglam ziah bawk. Heng atang mai pawh hian Mayan hnam hi ramhuai be thin an nihzia a lang a, an thulakna hnar pawh hi setana a ni tih hi Pathian thu thiam tam tak sawi dan a ni.
Bible mi thiam tam tak chuan Mayan-ho sawi hun tawp hi mi thianghlim lawr hun nen inrem chiah anga an sawi te, Kohhran tawp hun tur ni a an sawi pawh theologian tam tak chuan an pawmpui lo hle. Ringlo mithiamten kum sangbi thar thlen dawn hnaiha thil lo thleng tur tam tak an sawilawk pawh kha kan la hre theuh awm e.
Hmasang atangin setana hian ringtute a bum tawh thin a, he calendar pawh hi mihringte a bumna chi khat a ni a, Nostradamus-a hrilhlawkna te leh Mayan calendar aia rintlak zawk Bible hi innghahna atan hman tur a ni, tih hi Bible scholar tam tak ngaihdan a ni.
2012 hma thi, vanram leh hremhmuna kal tur an tam hle, Krista neitu tan buaipui ve vak tlak a ni lo ve.
ReplyDelete