¢ Remruata Renthlei
Kût Thiangzau-ho chuan Chapchar Kût hi an ngai ropui hle a, 'tlar thum zai' remin an tui hle.
March ni 13-a Mizorama Chapchar Kut hman dan chu thiangzau-ho chuan an duhtawk lo, anmahni pualin Samlukhaia Thiangzau-ho chuan ni 14-ah awmni khamin zai leh lamin Chapchar Kut an lawm leh ngat a ni.
Sial khawpuiin (Sialsuk) fapa chhuanvawr a nei, chu chu Laltanpuia a ni. Hlaphuahthiam a ni a, Mizo hla tha tam tak chu Laltanpuia phuah a ni.
Laltanpuia chuan Awmhar Champion pawl a din a, vawiin thlengin an la awm.
Khuang an vaw lo, an beng. Tlar thum zai mawi tak hmangin awmni an kham a, kum upa lam deuh vek an ni a, an lam der der a, an lam thiamzia lah faktlak.
Aizawl atangin Thiangzau leh Awmhar Champion te Chapchar Kut hmanpui tur hian thianzaho an kal a, chu'ng zingah chuan ziakmi PL Liandinga leh Vanneihtluanga pawh an tel.
PL Liandinga leh a thiante chuan Vawk leiin Thiangzau leh Awmhar Champion te hi Chapchar Kut an hmanpui a, nilengin zai leh lamin hun an hmang a ni.
P.L.Liandianga chuan, ‘Aizawla Chapchar Kut hman dan chu kan hre tawh a, thalai leh naupang zawk tan chuan thil tha leh hlimawm tak a ni mai thei a. Mahse kan hnam tihdan tui pawlh loh tak tak te, a thlarau nen ngeia lamtuala phar te hmuh kan chak a, chuvang chuan hetiang hian sum leh pai sengin kan ti ta a ni,’ tiin a sawi.
Mizoram chhim lamah Thiangzau-ho an awm. Thiangzau tih tawngkam hi hman atanga an put tawh ni mah se anmahni inphuah erawh a ni lo. Thiangzau lo hovin an phuahsak zawk a ni. ‘An thiang tih reng a zau mai’ an tih atanga thiangzau tih hi lo chhuak a ni.
Kum 1950-55 khan Sialsuk leh Samlukhaiah Khuangtuaha leh a pawlte chuan Sechal talhin an rawng an bawl a, hei hi Thiangzau lo len tanna nia ngaih a ni.
Thiangzau ngaihdanah chuan tunlaia kan Kohhran tihdan leh kalphung chu hnam dang te rawn putluh a ni a, "Hnam dang ziarangin Pathian min biak tir," an ti.
'Pathian-in kan nun leh hnam tungding leh turin Mizo angin min ko a ni' tih chu Thiangzau-ho ngaihdan a ni a, chu chu an innghahna ber pawh a ni.
Kristianna chu an pawm lo chuang lo. Thiangzau zinga mi Sikulsanga chuan, "Christianity kan pawm lo a ni lo. An thurin leh thil tihte kan pawm fai deuh vek a. Mahse, keini chuan kan ram leh hnam, kan hnam ziarang dik tak tungding leh turin Pathian kan chawimawi mai a ni," a ti.
"Thiangzau min ti mai a. Thlarauin mihringa hna a thawh pawmna a ni. Kan duh dan ang ni lovin thlarau duh dan a ni a, thlarau tih ang angin kan kal mai," tiin Sikulsanga chuan a sawi a, "Thil zawng zawng kan pawm a ni bik lo, hriatthiamna sang tak kan nei vek," a ti bawk.
Kum 1950 vel atang khan Thiangzau thawm hi a ring zual nia sawi a ni. Sialsuk leh a chhehvela Thiangzau awmte chuan MNF rammut hma daih tawh khan kan pi leh pute hunlai atngin he ngaihdan hi a awm tawh niin an sawi. Thiangzau tichhuaktu tak hi an awm bik lo niin an sawi a, Pathian hnathawh leh hrilh niin an insawi.
Thiangzau puithiam Lallunghnema chuan, "A rei ta khawp mai. Kum 1954 velah khan Independent Kohhran a lo ding a, chuta tang chuan thiangzau hi a lo ding," a ti.
"Hnam zaiin pathian an pawl a, 'an thiang tih reng a zau e' an ti a, chuta tang chuan thiangzau hi a piang ta a ni," a ti bawk.
Thiangzau hi tihelna a ni. Thiangzau-ho chuan puithiam pakhat an nei. An puithiam chu pathian ruatah an ngai a, an zinga mi tu emaw ber chu pathianin puithiam atan a thlang mai niin an sawi.
Pathianni apiangin an inkhawm a, hruaituah puithiam lo pawh hman an ni thin tho. An zinga thlarau chang te a piangin inkhawm an kaihruai deuh mai. An inkhawm apiangin thlarau pawlna an chante an inhrilh tawn thin.
Samlukhai-a Thiangzau puithiam Lallunghnema, Presbyterian Kohhran-a Tual Upa ni hman, chumi hnua Thiangzaua inlet chuan: "Pathianni apiangin inkhawm pangngai angin kan inkhawm ve ziah a. Mahse, syllabus te kan nei ve lo, thlarau duh dan leh a pawl dan angin kan inpawl khawm mai. Thlarau thawh angin kan kal a, kan zirlai Pathianin min hrilh kha kan inhrilh tawn a ni mai," a ti. Thiangzau an nih avang chuan khawtlang leh vantlangah harsatna engmah an neih loh thu a sawi bawk.
“Love song te pawh hi sak phal a ni. Hnam zai te hlei hlei hi a tha a, tehkhin thu a nia, a tehkhinna lai tak hi kan lak zawk chu a ni,” a ti bawk.
“Khawtlang rawngbawlna te hi sakhua takin kan la a, kan Mizo nun leh sakhua hi kal thiang turah kan ngai,” tia sawiin, “Kan Zonun zemawi, Kristian kan nih hnua bo ta duai duai hi kan ui em em a ni,” a ti.
Pi pute chungchang sawiin, “Kan pi pute kha thingbul leh lungbul te biain an sawi thin a, chu chu niin kan hre ve thei lo. Kan pi pute khan ramhuai chu an hlau a, an hlauhtlawn bawk thin mah se an sakhua a ni lo. Khuanu te an nei a, vanram te pawh an hria a, chuvang tak chuan ‘D nei lo Pawla’n a sai an ti’ tih te pawh a awm” a ti.
“Hman lai Mizo nun khan tunlai Kristianna hi a keng tel zawk a ni. Lal-in khua a awp a, michhiate tan an awm reng a, an ngaihsak a, Mizo nunah riltama thi leh tanpui ngai tlanchhiatsan a awm ngai lo” a ti bawk.
"Pawn lam inzirna tak hi kan zawm ve peih lo, kan zawm ve peih lo ai mahin kan zawm thei lo a ni. Anni chu Kohhran an ni" a ti a, "Keini ngaihdanah chuan chawhni apianga inkhawm ngei ngeina dan ang kan nei ve lo. Thlarau thawh dan ang zel a ni mai" Lallunghnema chuan a ti.
An inkhawm chungchang sawin, "A chang chuan 'lawmthu sawi rawh' tih ngawt te, mihring manganna avanga inthawi te a thawk a, a chang chuan thlahual te pawh a ngai," a ti bawk.
"Hun bi a awm lo. Pathianni-ah pawh chawhma leh chawhnu kan nei ve lo, kan tlang tawp mai a, thlarau hnathawh ang zel a ni mai. Lal Isua hi kan bia a, kan thil tih engkimah lal Isua hming tel lo chuan engmah kan ti ngai lo," a ti bawk.
"Kan hnam thawh lehna hi kan thupui ber a ni a. 'Sem sem dam dam ei bil thi thi' hi Krista tlanna rilru a ni" a ti bawk.
Lallunghnema chuan, "Tunah pawh puithiam angin ka awm a ni mai a. Puithiam hi tuma ruat a ni lo, chunglam ruat a ni a, Pathianin kaihruai tura a tih kha a rawn ruat a ni mai," a ti.
“Lal Isua Krista hi kan foundation a ni. Heta tang hian Zonun zemawi tak hi a ding chhuak ang” a ti bawk.
Thiangzau thupui ber chu Mizo hnam kaihthawh a ni. Hmana Mizo nun ze mawi tak kha kaihthawh a niha Mizo hnam ziarang anga Pathian chawimawi chu an nghahfak a ni. Chu hun chu an nghak mek a, eng hunah emaw chuan Mizo zawng zawng hi an ngaihdan chuan a la hneh an ring a, chu hun chu tlumte thlira an thlir a ni.
"Kan hnam hi kaihthawh a ngai a, Mizo te'na tun hmaa kan tih dan hrang hrang kha a sual hauh lo. Chhawnghnawh te pawh kha kan chhut let leh chuan a Kistian lo miah lo, Lal Isua pawh khan Kross lerah min tawrhsak a nih kha," tia sawiin, "Zu in pawh hi a pawi lo. A ropuinan chuan engkim tih a thiang," an ti. 'A ropui nan' tia an sawi hian Lal Isua a kawk.
Zu chu anni chuan Sakramen an ti. A tul an tih chuan an inkawmhonaah pawh zu an sem mai. Zu in chu sualah an ngai lo. Ngaihdan tum tlang tak an nei a, Lal Isua ropuinan chuan engkim tih a thiang tih chu an thupui a ni bur. “Lal Isua kha Juda ramah a lokal avangin grape atanga siam zu a tipung a, zanriah hnuhnungah pawh a sem a, keini hnena lokal chu nise khatihlai hunah khan grape atanga siam wine kan neih veloh avangin kan zu ngei hi a tipungin a sem ngeiin kan ring,” an ti.
Mizo tak an ni a, chu chu thiangzau an tihna chhan pawh a ni. Hmanlai huna Mizo nih kha a tawkah an ngai. Sakhaw dang emaw ngaihdan dang nena Pathian biak tumna chu an pawm thei lo.
Vanram a awm an ring a, hremhmun pawh a awm an ring tho. Pathian a awm an ring a, Lal Isuan Kross lera a tawrhna pawh an ring thlap. Kristianna nena an danglamna ber chu Pathian biak dan inang lo leh rin dan inpersan a ni.
Hnam an ngai pawimawh a, Mizo-na an dah sang hle. Mizote chu Pathian koh bik hnamah an ngai a, a ropuinana a hman hnam niah an ngai bawk.
A danglamna em em mai Kohhran thurin an chhuahsan duh bawk si lo leh kohhran tih dan phung leh inkaihhruaina an palzut tho si hi a ni. Chutih ruala palzut nia inngai miah si lova an rin dan leh ngaihdan chu tha leh dik zawk nia an ngai leh lawi si chu a ni.
"Sap ram atangin Pathian thu min rawn hrilh a. Mahse, hun a kal zel a, kan hnam dan ang persanin culture dangin Pathian an biak dan angin Pathian kan bia a, chu chu kan duh lo a ni. Eng vangin nge kan hnam dan anga Pathian kan biak ve mai loh ang? Hnam dang tih dan anga a thian kan biak hian kan hnam kan phatsan zawk a ni," an ti.
"Pathian koh bik hnam kan ni a, kan pi leh pute culture ngeiin Pathian kan be tur a ni. Engvangin nge hnam dang tih dan anga Pathian hi biak kan tum kher? Sap-hovin Kristianna an rawn chawlut a, mahse, vawiin hian Mizo nihna bnsanin sapho danin Pathian kan be zawk a ni. Chu chu Pathian duh dan a ni lo ang," an ti hlauh.
"Pathian-in a thlan bik hnam kan ni. Khawvel puma chanchin tha hril chhuak leh turin min ko a ni," tih chu an ngaihdan a ni.
"Pathian koh bik hnam kan ni a, engvangin nge kan pi leh pute culture ang khan Pathian hi kan biak mai loh le? Kan hnam tih dan kalsana Pathian biak hi kan pawm thei lo," an ti.
Thiangzauho hian Kohhran thurin chu an pawm ve tho thu an sawi a, "Kohhran thurin hi kan chhuahsan hauh lo, keini chuan hnam zia anga Pathian biak hi kan duh a ni mai. Thisen dang kan ring lo, Lal Isua thisen chauh hi kan damna a ni," an ti a, “Thlarauin kan hnam hi kaihthawh kan tum,” an ti bawk.
Thiangzau zinga phusa ber pakhat HL Rokima chuan: “Sapho hmangin chanchin tha kan dawng a. Mahse, Mizo irawm chhuak kha British-hovin min hnawlsak tlat a ni,” a ti bauh a.
“Cheraw, Khuallam tihte pawh Lal Isua ropuinan a hman theih vek a. He hnam hi Pathianin a thlang a ni. Mizo irawm chhuak thu leh hla te kha hnawl a ni a, mahse, hun hnuhnungah chuan kan hnawl dawn chuang lo,” a ti.
“Tunah pawh sorkar pawh a thangharh tawh a. Hnama chian kan tuipui tawh a, Art & Culture Deptt. hmangin tisa takin Mizo hnam kaihthawh kan tum a, keini chuan tisa ni lovin thlarauin a ni kaihthawh kan tum ni,” a ti bawk.
“Tunah pawh tlar thum zaite chu kan buaipui leh tawh a. Tlar thum zaia inelna te pawh sorkarin a buatsaih leh tawh. Mahse, tun hma kha chuan zu hmun sa hmun hla-ah min ngaihtir a, kan hnawl vek a nih kha,” a ti bawk.
“Zonun zemawi kha keini chuan kaihthawh kan tum a ni,” a ti a, “Kristian kan nih hnuah pawh pawl tam tak a piang leh tawh. Kohhran hrang hrang a awm a, thurin leh tih dan phung a inang lo vek a. Heng zawng zawngte hi hnam dang te atanga Pathian biak dan kan lak chhawn vang mai a ni. Mizo kan nihna ang hian Pathian hi bia ila chuan zai khatah kan luangtlang vek ngei ang. Tunah chuan pawl hrang hrangah awmin kan inthen tak fur hi,” tia sawiin, “Kristian nih hma kan nun aiin tuna kan nun dan hi a chhe fe zawk. Hnam dang tih dan zira kan awm vangin Sailo hun pawh kan tluk lo,” a ti bawk.
Thiangzau zinga mi tho Salhnuna chuan: “Kan hnam nun ze mawi tak kha kan pianthar hnuah kan keng zel zawk tur a ni. Zonun ze mawi kan keng tel ang a. A zawng a za leh a vai chuan kan thei lo a ni thei, mahse, kan tum tur a ni,” a ti.
“Kristian kan nih hnu hian engkim kan inchuh a. Kohhran ang pawhin kan inchuh tho. Kan Kohhran theuh tih-len leh tihchak nan ringthar chungchangah pawh a huamhauh hauhah kan tang vek. Zonun zemawi hi kan piantharna hian keng se a tawk mai tur,” a ti bawk.
Thiangzau ngaihdan chuan hnam dang culture Mizo nuna lakluh tum hi a thiang lo.
Pi leh pute chuan zu leh sa hmangin kut an lawm thin. Thiangzau-ho pawhin chu chu an zawm.
Salhnuna chuan: “Zu leh wine kan hnawl lo. A hun leh a hmunah puitling takin hman a ngai a ni. Zu vanga buaina siam lam a ni lo, kan pi leh pute pawhin thiam takin zu an hmang a. Engvangin nge kan changkan tawh hnuah zu vanga buai kan tum tlat? Mizo nihnaa kan chian loh vang mai a ni,” a ti mauh mai.
“Zu hi sakramen a ni. Sakramen tak tak hi awmin kan hre lo, kan hman apiang hi sakramen-ah kan pawm mai,” a ti bawk.
Thiangzau-ho chuan Kohhran an do chuang lo. An haw lo a, an ngai thei lo chuang lo.
HL Rokima chuan: “Presbyterian biak in sak tanpuina pawh kan ti ve tho. Kan puih theihnaah chuan puih vek kan duh. Kan hua a ni lo, an ngaihdan leh kan ngaihdan a inang lo a ni mai,” a ti.
“Thuthlung kan nei a, kan thuthlung kan pawm mai a. Mi dangteah kan buai ve lo. Kan tum ber chu Mizo taka Pathian biak a ni mai a. Engvangin nge culture dang tha zawka kan ngaiha culture dang tih dan anga Pathian hi biak kan tum kher? Sap-ho chuan an culture-in Pathian an bia a, chu chu min rawn hrilh a. Keini chu Mizo kan ni a, engvangin nge sap-ho culture-a Pathian biak chu kan tum kher ang le? Kan culture angin Pathian a biak ve theih tho alawm. Culture dang ringa Pathian kan biak avangin kan buai zawk a nih hi,” a ti bawk.
HL Rokima leh Salhnuna hi kum 1988 khan Lal Isua ni 40 leh zan 40 thlalera chawngheia a tawngtai ang khan Pathian chuan ni 40 leh zan 40 chhung ramhnuaiah a training tir a ni.
HL Rokima chuan: “Khami hun chhung khan thil tam tak kan zirchhuak,” tia sawiin, “um khat chu Kaikuangral savain hnim pakhat a rawn pulut a, thlarauin 'heng in rama thinghnah te hi damdawi vek a nia' tiin min rawn hrilh a, damdawia siam dan min rawn hrilh a ni,” an training chungchang hi a sawi.
“Thlarau-in siam dan tur min hrilh ang chuan kan siam a. Hetih hunlai vel hian a hmanna turin kawthalo tih te, natna benvawn leh khumbet te an lo awm zel a. Kan damdawi siam chu kan eitir a, an dam vek a ni,” a ti bawk.
Lalbiaksiama, Samlukhai Prebyterian Kohhrana KTP Asst. Leader pawh ni hman chuan 'Mizote chu kan independent dawn' tiin a sawi a, “Kan independent ngei ngei a tul a. Chu chu keini tih a ni lo, rambuai hma daih khan puan a ni daih tawh,” a ti.
“He kan culture hi Lalpa ropuinan kan la hmang dawn a ni tih hi kan thupui a ni,” a ti bawk.
“'Ka thawk tam ber ang a, ka ei tlem ber ang' tih hi Thiangzau thupui a ni,” a ti.
Thiangzau-ho chu MNF party mi leh sa an ni. “MNF party mi leh sa kan nihna chhan chu party nihna ang ni lovin Mizo hnam angin a ni. Jacoba number-a tlulut ann ih tlat vang a ni,” an ti.
Tun hma chuan Sialsuk chu Thiangzau hmunpui a ni. Mahse, tunah chuan Samlukhai Thiangzau-ho chu Thiangzau zidinga inngai an ni tawh mah zawk.
Sialsuk-ah Pu Kawlha a awm thin a, ani chu Thiangzau puithiam, an hotupa a ni. Hnam Maicham kengkawhtuah an ngai.
Mahse, Pu Kawlha chuan ZNP a zawm a, chu chu Thiangzau-ho ngaihdan a ni lo. Pu Kawlha chu Hnam Maicham kengkawh zoah an ngai tawh lo.
Kum 2000 December-a Pu Kawlha a thih hnuah phei chuan Samlukhai Thiangzau-ho chuan Hnam Maicham kengkawh tuah an inngai tawh zawk.
Kût Thiangzau-ho chuan Chapchar Kût hi an ngai ropui hle a, 'tlar thum zai' remin an tui hle.
March ni 13-a Mizorama Chapchar Kut hman dan chu thiangzau-ho chuan an duhtawk lo, anmahni pualin Samlukhaia Thiangzau-ho chuan ni 14-ah awmni khamin zai leh lamin Chapchar Kut an lawm leh ngat a ni.
Sial khawpuiin (Sialsuk) fapa chhuanvawr a nei, chu chu Laltanpuia a ni. Hlaphuahthiam a ni a, Mizo hla tha tam tak chu Laltanpuia phuah a ni.
Laltanpuia chuan Awmhar Champion pawl a din a, vawiin thlengin an la awm.
Khuang an vaw lo, an beng. Tlar thum zai mawi tak hmangin awmni an kham a, kum upa lam deuh vek an ni a, an lam der der a, an lam thiamzia lah faktlak.
Aizawl atangin Thiangzau leh Awmhar Champion te Chapchar Kut hmanpui tur hian thianzaho an kal a, chu'ng zingah chuan ziakmi PL Liandinga leh Vanneihtluanga pawh an tel.
PL Liandinga leh a thiante chuan Vawk leiin Thiangzau leh Awmhar Champion te hi Chapchar Kut an hmanpui a, nilengin zai leh lamin hun an hmang a ni.
P.L.Liandianga chuan, ‘Aizawla Chapchar Kut hman dan chu kan hre tawh a, thalai leh naupang zawk tan chuan thil tha leh hlimawm tak a ni mai thei a. Mahse kan hnam tihdan tui pawlh loh tak tak te, a thlarau nen ngeia lamtuala phar te hmuh kan chak a, chuvang chuan hetiang hian sum leh pai sengin kan ti ta a ni,’ tiin a sawi.
Mizoram chhim lamah Thiangzau-ho an awm. Thiangzau tih tawngkam hi hman atanga an put tawh ni mah se anmahni inphuah erawh a ni lo. Thiangzau lo hovin an phuahsak zawk a ni. ‘An thiang tih reng a zau mai’ an tih atanga thiangzau tih hi lo chhuak a ni.
Kum 1950-55 khan Sialsuk leh Samlukhaiah Khuangtuaha leh a pawlte chuan Sechal talhin an rawng an bawl a, hei hi Thiangzau lo len tanna nia ngaih a ni.
Thiangzau ngaihdanah chuan tunlaia kan Kohhran tihdan leh kalphung chu hnam dang te rawn putluh a ni a, "Hnam dang ziarangin Pathian min biak tir," an ti.
'Pathian-in kan nun leh hnam tungding leh turin Mizo angin min ko a ni' tih chu Thiangzau-ho ngaihdan a ni a, chu chu an innghahna ber pawh a ni.
Kristianna chu an pawm lo chuang lo. Thiangzau zinga mi Sikulsanga chuan, "Christianity kan pawm lo a ni lo. An thurin leh thil tihte kan pawm fai deuh vek a. Mahse, keini chuan kan ram leh hnam, kan hnam ziarang dik tak tungding leh turin Pathian kan chawimawi mai a ni," a ti.
"Thiangzau min ti mai a. Thlarauin mihringa hna a thawh pawmna a ni. Kan duh dan ang ni lovin thlarau duh dan a ni a, thlarau tih ang angin kan kal mai," tiin Sikulsanga chuan a sawi a, "Thil zawng zawng kan pawm a ni bik lo, hriatthiamna sang tak kan nei vek," a ti bawk.
Kum 1950 vel atang khan Thiangzau thawm hi a ring zual nia sawi a ni. Sialsuk leh a chhehvela Thiangzau awmte chuan MNF rammut hma daih tawh khan kan pi leh pute hunlai atngin he ngaihdan hi a awm tawh niin an sawi. Thiangzau tichhuaktu tak hi an awm bik lo niin an sawi a, Pathian hnathawh leh hrilh niin an insawi.
Thiangzau puithiam Lallunghnema chuan, "A rei ta khawp mai. Kum 1954 velah khan Independent Kohhran a lo ding a, chuta tang chuan thiangzau hi a lo ding," a ti.
"Hnam zaiin pathian an pawl a, 'an thiang tih reng a zau e' an ti a, chuta tang chuan thiangzau hi a piang ta a ni," a ti bawk.
Thiangzau hi tihelna a ni. Thiangzau-ho chuan puithiam pakhat an nei. An puithiam chu pathian ruatah an ngai a, an zinga mi tu emaw ber chu pathianin puithiam atan a thlang mai niin an sawi.
Pathianni apiangin an inkhawm a, hruaituah puithiam lo pawh hman an ni thin tho. An zinga thlarau chang te a piangin inkhawm an kaihruai deuh mai. An inkhawm apiangin thlarau pawlna an chante an inhrilh tawn thin.
Samlukhai-a Thiangzau puithiam Lallunghnema, Presbyterian Kohhran-a Tual Upa ni hman, chumi hnua Thiangzaua inlet chuan: "Pathianni apiangin inkhawm pangngai angin kan inkhawm ve ziah a. Mahse, syllabus te kan nei ve lo, thlarau duh dan leh a pawl dan angin kan inpawl khawm mai. Thlarau thawh angin kan kal a, kan zirlai Pathianin min hrilh kha kan inhrilh tawn a ni mai," a ti. Thiangzau an nih avang chuan khawtlang leh vantlangah harsatna engmah an neih loh thu a sawi bawk.
“Love song te pawh hi sak phal a ni. Hnam zai te hlei hlei hi a tha a, tehkhin thu a nia, a tehkhinna lai tak hi kan lak zawk chu a ni,” a ti bawk.
“Khawtlang rawngbawlna te hi sakhua takin kan la a, kan Mizo nun leh sakhua hi kal thiang turah kan ngai,” tia sawiin, “Kan Zonun zemawi, Kristian kan nih hnua bo ta duai duai hi kan ui em em a ni,” a ti.
Pi pute chungchang sawiin, “Kan pi pute kha thingbul leh lungbul te biain an sawi thin a, chu chu niin kan hre ve thei lo. Kan pi pute khan ramhuai chu an hlau a, an hlauhtlawn bawk thin mah se an sakhua a ni lo. Khuanu te an nei a, vanram te pawh an hria a, chuvang tak chuan ‘D nei lo Pawla’n a sai an ti’ tih te pawh a awm” a ti.
“Hman lai Mizo nun khan tunlai Kristianna hi a keng tel zawk a ni. Lal-in khua a awp a, michhiate tan an awm reng a, an ngaihsak a, Mizo nunah riltama thi leh tanpui ngai tlanchhiatsan a awm ngai lo” a ti bawk.
"Pawn lam inzirna tak hi kan zawm ve peih lo, kan zawm ve peih lo ai mahin kan zawm thei lo a ni. Anni chu Kohhran an ni" a ti a, "Keini ngaihdanah chuan chawhni apianga inkhawm ngei ngeina dan ang kan nei ve lo. Thlarau thawh dan ang zel a ni mai" Lallunghnema chuan a ti.
An inkhawm chungchang sawin, "A chang chuan 'lawmthu sawi rawh' tih ngawt te, mihring manganna avanga inthawi te a thawk a, a chang chuan thlahual te pawh a ngai," a ti bawk.
"Hun bi a awm lo. Pathianni-ah pawh chawhma leh chawhnu kan nei ve lo, kan tlang tawp mai a, thlarau hnathawh ang zel a ni mai. Lal Isua hi kan bia a, kan thil tih engkimah lal Isua hming tel lo chuan engmah kan ti ngai lo," a ti bawk.
"Kan hnam thawh lehna hi kan thupui ber a ni a. 'Sem sem dam dam ei bil thi thi' hi Krista tlanna rilru a ni" a ti bawk.
Lallunghnema chuan, "Tunah pawh puithiam angin ka awm a ni mai a. Puithiam hi tuma ruat a ni lo, chunglam ruat a ni a, Pathianin kaihruai tura a tih kha a rawn ruat a ni mai," a ti.
“Lal Isua Krista hi kan foundation a ni. Heta tang hian Zonun zemawi tak hi a ding chhuak ang” a ti bawk.
Thiangzau thupui ber chu Mizo hnam kaihthawh a ni. Hmana Mizo nun ze mawi tak kha kaihthawh a niha Mizo hnam ziarang anga Pathian chawimawi chu an nghahfak a ni. Chu hun chu an nghak mek a, eng hunah emaw chuan Mizo zawng zawng hi an ngaihdan chuan a la hneh an ring a, chu hun chu tlumte thlira an thlir a ni.
"Kan hnam hi kaihthawh a ngai a, Mizo te'na tun hmaa kan tih dan hrang hrang kha a sual hauh lo. Chhawnghnawh te pawh kha kan chhut let leh chuan a Kistian lo miah lo, Lal Isua pawh khan Kross lerah min tawrhsak a nih kha," tia sawiin, "Zu in pawh hi a pawi lo. A ropuinan chuan engkim tih a thiang," an ti. 'A ropui nan' tia an sawi hian Lal Isua a kawk.
Zu chu anni chuan Sakramen an ti. A tul an tih chuan an inkawmhonaah pawh zu an sem mai. Zu in chu sualah an ngai lo. Ngaihdan tum tlang tak an nei a, Lal Isua ropuinan chuan engkim tih a thiang tih chu an thupui a ni bur. “Lal Isua kha Juda ramah a lokal avangin grape atanga siam zu a tipung a, zanriah hnuhnungah pawh a sem a, keini hnena lokal chu nise khatihlai hunah khan grape atanga siam wine kan neih veloh avangin kan zu ngei hi a tipungin a sem ngeiin kan ring,” an ti.
Mizo tak an ni a, chu chu thiangzau an tihna chhan pawh a ni. Hmanlai huna Mizo nih kha a tawkah an ngai. Sakhaw dang emaw ngaihdan dang nena Pathian biak tumna chu an pawm thei lo.
Vanram a awm an ring a, hremhmun pawh a awm an ring tho. Pathian a awm an ring a, Lal Isuan Kross lera a tawrhna pawh an ring thlap. Kristianna nena an danglamna ber chu Pathian biak dan inang lo leh rin dan inpersan a ni.
Hnam an ngai pawimawh a, Mizo-na an dah sang hle. Mizote chu Pathian koh bik hnamah an ngai a, a ropuinana a hman hnam niah an ngai bawk.
A danglamna em em mai Kohhran thurin an chhuahsan duh bawk si lo leh kohhran tih dan phung leh inkaihhruaina an palzut tho si hi a ni. Chutih ruala palzut nia inngai miah si lova an rin dan leh ngaihdan chu tha leh dik zawk nia an ngai leh lawi si chu a ni.
"Sap ram atangin Pathian thu min rawn hrilh a. Mahse, hun a kal zel a, kan hnam dan ang persanin culture dangin Pathian an biak dan angin Pathian kan bia a, chu chu kan duh lo a ni. Eng vangin nge kan hnam dan anga Pathian kan biak ve mai loh ang? Hnam dang tih dan anga a thian kan biak hian kan hnam kan phatsan zawk a ni," an ti.
"Pathian koh bik hnam kan ni a, kan pi leh pute culture ngeiin Pathian kan be tur a ni. Engvangin nge hnam dang tih dan anga Pathian hi biak kan tum kher? Sap-hovin Kristianna an rawn chawlut a, mahse, vawiin hian Mizo nihna bnsanin sapho danin Pathian kan be zawk a ni. Chu chu Pathian duh dan a ni lo ang," an ti hlauh.
"Pathian-in a thlan bik hnam kan ni. Khawvel puma chanchin tha hril chhuak leh turin min ko a ni," tih chu an ngaihdan a ni.
"Pathian koh bik hnam kan ni a, engvangin nge kan pi leh pute culture ang khan Pathian hi kan biak mai loh le? Kan hnam tih dan kalsana Pathian biak hi kan pawm thei lo," an ti.
Thiangzauho hian Kohhran thurin chu an pawm ve tho thu an sawi a, "Kohhran thurin hi kan chhuahsan hauh lo, keini chuan hnam zia anga Pathian biak hi kan duh a ni mai. Thisen dang kan ring lo, Lal Isua thisen chauh hi kan damna a ni," an ti a, “Thlarauin kan hnam hi kaihthawh kan tum,” an ti bawk.
Thiangzau zinga phusa ber pakhat HL Rokima chuan: “Sapho hmangin chanchin tha kan dawng a. Mahse, Mizo irawm chhuak kha British-hovin min hnawlsak tlat a ni,” a ti bauh a.
“Cheraw, Khuallam tihte pawh Lal Isua ropuinan a hman theih vek a. He hnam hi Pathianin a thlang a ni. Mizo irawm chhuak thu leh hla te kha hnawl a ni a, mahse, hun hnuhnungah chuan kan hnawl dawn chuang lo,” a ti.
“Tunah pawh sorkar pawh a thangharh tawh a. Hnama chian kan tuipui tawh a, Art & Culture Deptt. hmangin tisa takin Mizo hnam kaihthawh kan tum a, keini chuan tisa ni lovin thlarauin a ni kaihthawh kan tum ni,” a ti bawk.
“Tunah pawh tlar thum zaite chu kan buaipui leh tawh a. Tlar thum zaia inelna te pawh sorkarin a buatsaih leh tawh. Mahse, tun hma kha chuan zu hmun sa hmun hla-ah min ngaihtir a, kan hnawl vek a nih kha,” a ti bawk.
“Zonun zemawi kha keini chuan kaihthawh kan tum a ni,” a ti a, “Kristian kan nih hnuah pawh pawl tam tak a piang leh tawh. Kohhran hrang hrang a awm a, thurin leh tih dan phung a inang lo vek a. Heng zawng zawngte hi hnam dang te atanga Pathian biak dan kan lak chhawn vang mai a ni. Mizo kan nihna ang hian Pathian hi bia ila chuan zai khatah kan luangtlang vek ngei ang. Tunah chuan pawl hrang hrangah awmin kan inthen tak fur hi,” tia sawiin, “Kristian nih hma kan nun aiin tuna kan nun dan hi a chhe fe zawk. Hnam dang tih dan zira kan awm vangin Sailo hun pawh kan tluk lo,” a ti bawk.
Thiangzau zinga mi tho Salhnuna chuan: “Kan hnam nun ze mawi tak kha kan pianthar hnuah kan keng zel zawk tur a ni. Zonun ze mawi kan keng tel ang a. A zawng a za leh a vai chuan kan thei lo a ni thei, mahse, kan tum tur a ni,” a ti.
“Kristian kan nih hnu hian engkim kan inchuh a. Kohhran ang pawhin kan inchuh tho. Kan Kohhran theuh tih-len leh tihchak nan ringthar chungchangah pawh a huamhauh hauhah kan tang vek. Zonun zemawi hi kan piantharna hian keng se a tawk mai tur,” a ti bawk.
Thiangzau ngaihdan chuan hnam dang culture Mizo nuna lakluh tum hi a thiang lo.
Pi leh pute chuan zu leh sa hmangin kut an lawm thin. Thiangzau-ho pawhin chu chu an zawm.
Salhnuna chuan: “Zu leh wine kan hnawl lo. A hun leh a hmunah puitling takin hman a ngai a ni. Zu vanga buaina siam lam a ni lo, kan pi leh pute pawhin thiam takin zu an hmang a. Engvangin nge kan changkan tawh hnuah zu vanga buai kan tum tlat? Mizo nihnaa kan chian loh vang mai a ni,” a ti mauh mai.
“Zu hi sakramen a ni. Sakramen tak tak hi awmin kan hre lo, kan hman apiang hi sakramen-ah kan pawm mai,” a ti bawk.
Thiangzau-ho chuan Kohhran an do chuang lo. An haw lo a, an ngai thei lo chuang lo.
HL Rokima chuan: “Presbyterian biak in sak tanpuina pawh kan ti ve tho. Kan puih theihnaah chuan puih vek kan duh. Kan hua a ni lo, an ngaihdan leh kan ngaihdan a inang lo a ni mai,” a ti.
“Thuthlung kan nei a, kan thuthlung kan pawm mai a. Mi dangteah kan buai ve lo. Kan tum ber chu Mizo taka Pathian biak a ni mai a. Engvangin nge culture dang tha zawka kan ngaiha culture dang tih dan anga Pathian hi biak kan tum kher? Sap-ho chuan an culture-in Pathian an bia a, chu chu min rawn hrilh a. Keini chu Mizo kan ni a, engvangin nge sap-ho culture-a Pathian biak chu kan tum kher ang le? Kan culture angin Pathian a biak ve theih tho alawm. Culture dang ringa Pathian kan biak avangin kan buai zawk a nih hi,” a ti bawk.
HL Rokima leh Salhnuna hi kum 1988 khan Lal Isua ni 40 leh zan 40 thlalera chawngheia a tawngtai ang khan Pathian chuan ni 40 leh zan 40 chhung ramhnuaiah a training tir a ni.
HL Rokima chuan: “Khami hun chhung khan thil tam tak kan zirchhuak,” tia sawiin, “um khat chu Kaikuangral savain hnim pakhat a rawn pulut a, thlarauin 'heng in rama thinghnah te hi damdawi vek a nia' tiin min rawn hrilh a, damdawia siam dan min rawn hrilh a ni,” an training chungchang hi a sawi.
“Thlarau-in siam dan tur min hrilh ang chuan kan siam a. Hetih hunlai vel hian a hmanna turin kawthalo tih te, natna benvawn leh khumbet te an lo awm zel a. Kan damdawi siam chu kan eitir a, an dam vek a ni,” a ti bawk.
Lalbiaksiama, Samlukhai Prebyterian Kohhrana KTP Asst. Leader pawh ni hman chuan 'Mizote chu kan independent dawn' tiin a sawi a, “Kan independent ngei ngei a tul a. Chu chu keini tih a ni lo, rambuai hma daih khan puan a ni daih tawh,” a ti.
“He kan culture hi Lalpa ropuinan kan la hmang dawn a ni tih hi kan thupui a ni,” a ti bawk.
“'Ka thawk tam ber ang a, ka ei tlem ber ang' tih hi Thiangzau thupui a ni,” a ti.
Thiangzau-ho chu MNF party mi leh sa an ni. “MNF party mi leh sa kan nihna chhan chu party nihna ang ni lovin Mizo hnam angin a ni. Jacoba number-a tlulut ann ih tlat vang a ni,” an ti.
Tun hma chuan Sialsuk chu Thiangzau hmunpui a ni. Mahse, tunah chuan Samlukhai Thiangzau-ho chu Thiangzau zidinga inngai an ni tawh mah zawk.
Sialsuk-ah Pu Kawlha a awm thin a, ani chu Thiangzau puithiam, an hotupa a ni. Hnam Maicham kengkawhtuah an ngai.
Mahse, Pu Kawlha chuan ZNP a zawm a, chu chu Thiangzau-ho ngaihdan a ni lo. Pu Kawlha chu Hnam Maicham kengkawh zoah an ngai tawh lo.
Kum 2000 December-a Pu Kawlha a thih hnuah phei chuan Samlukhai Thiangzau-ho chuan Hnam Maicham kengkawh tuah an inngai tawh zawk.
No comments:
Post a Comment